|
Re: أعذريني يا مجاهد عبد الرحمن .. (Re: ناذر محمد الخليفة)
|
أعذريني الدمعة ديّه...حتبقى آخر دمعة ليّه.... تاني لو قربت منك.....يبقى ليك الحق عليّ....
******************** أعذريني محال أعاود....تاني ريدتك وأمشي ليها.. ولا أرحل في عيونك....والطفولة الضاجّة فيها.... كيفك أريدك وانتي أصلك....ريدتي ما حسيتي بيها.. بالبعاد ما تعذبيني......أعذريني وأعذريني.....
********************* ما قدرت مرة واحدة......بالغلط أغلط عليك..... وانتي عمرك كلو ظالمة.....والدليل غفراني ليك... عارفو قلبك ما معاي.....برضي شاغل قلبي بيك..... بالحنان ما تعشميني......أعذريني وأعذريني.....
********************* من زمان وأنا راجي منك....كلمة بيها تفرحيني..... وانتي ما فرحت قلبي......كنت ديمة تجرحيني...... قسمة الزول ما بتفوتو....والبجيني معاك بجيني.... لو بكت منك عيوني......سامحيها وأعذريني.....
| |
|
|
|
|
|
|
Re: أعذريني يا مجاهد عبد الرحمن .. (Re: مجاهد عبد الرحمن)
|
شكرا كتير يانادر..
أنا أيضا من المعجبات جدا بأغاني وسيف..وفعلا صوته مميز.. وطبعا الفن والصوت الجميل صفه سائده في أسرة سيف.. ووالدته رحمها الله كان لها صوت جميل للغايه وأحسن من يؤدي مدحه..أغنية سيره أوغيرها..
شكرا علي أشراكنا كل مره في بوست به أغاني جميله..
تحياتي لك ولمجاهد ولسيف..
| |
|
|
|
|
|
|
Re: أعذريني يا مجاهد عبد الرحمن .. (Re: انعام عبد الحفيظ)
|
التحية للأخت الكريمة منى خوجلي
ولإنعام عبد الحفيظ
الأغنية دي حصرياً للعبد لله
يعني الحفظ إلا بإذن مسبق ومكتوب مني
يعني لازم تكون الموافقة مني
ولا نودي البوست الخور
شكراً كتير يا ناذر
ومنى ومعتصم
وعليك الله يا انعام
اسمعيها
اتأمليها كويس
بس ما تبكي
مودتي
لنك الحفظ شغال
| |
|
|
|
|
|
|
Re: أعذريني يا مجاهد عبد الرحمن .. (Re: مجاهد عبد الرحمن)
|
Quote: التحية للأخت الكريمة منى خوجلي
ولإنعام عبد الحفيظ
الأغنية دي حصرياً للعبد لله
يعني الحفظ إلا بإذن مسبق ومكتوب مني
يعني لازم تكون الموافقة مني
ولا نودي البوست الخور
|
مجاهد
لا حولاااااااااااااااا ليه كل دا ؟؟؟
خور شنو الله لا جاب خيران ياخ
خلاص أعذرني بدل تعذريني
Quote: وعليك الله يا انعام
اسمعيها
اتأمليها كويس
بس ما تبكي
|
بسمع فيها وكل ما تنتهي بعيدها تاني وتاني
بس عدم البكاء دا ما بوعدك بيهو
| |
|
|
|
|
|
|
Re: أعذريني يا مجاهد عبد الرحمن .. (Re: ناذر محمد الخليفة)
|
منى خوجلي ..
Quote: شكرا كتير يانادر..
أنا أيضا من المعجبات جدا بأغاني وسيف..وفعلا صوته مميز.. وطبعا الفن والصوت الجميل صفه سائده في أسرة سيف.. ووالدته رحمها الله كان لها صوت جميل للغايه وأحسن من يؤدي مدحه..أغنية سيره أوغيرها..
|
كنت متأكد البوست دا بيجيبك لأني عارف حبك لي سيف الجامعة .. مع إنكم بعتوني في أخر جلسة عملتوها ومعاكم سيف في بيتكم
| |
|
|
|
|
|
|
Re: أعذريني يا مجاهد عبد الرحمن .. (Re: ناذر محمد الخليفة)
|
مجاهد ..
Quote: الحبيب الفنان ناذر انت رايع يا مجيد حلوالصنايع دمت لي وهج المعاني نفحة من عطر البدائع كل (بوست) يوصلنا منك ابقى عارف إنو فينا ببقى غنوة ونمة حلوة ومن قلوب ناساً تعزك ماهو ضايع
|
أخجلتم تواضعنا
Quote: تعرف يا ناذر سيف دا من الناس البيطربوني حد الثمالة أستمع لكل ما يتغنى به يتمتع بخامة صوت متميزة ومهولة ومرنة جداً مما مكنه أن يجيد كل ما يتناوله من أعمال سواء كانت له أو لآخرين سيف إمتداد لجيل عمالقة الطرب شكري بلا حدود وننتظر المزيد منك ومن سيف تحياتي وإمتناني
|
سيف عندو صوت رهيب جدا ومقدرة تطريب عالية جدا .. بس مفروض يسيب الكسل شوية ..
| |
|
|
|
|
|
|
Re: أعذريني يا مجاهد عبد الرحمن .. (Re: ناذر محمد الخليفة)
|
عبد العظيم ..
Quote: يا الله يا ناذر بتعرف الشعشعه والله سكرتني
|
بي كم كاس
Quote: بعدين الحلنقي ده الواحد يعضيهو ولا يعمل ليه شنو بجييب الكلام ده من وين
|
والله أنا ماعارفو بيجيبو من راسو ولا من كاسو
Quote: تسلم يا ناذر وكل المنتشين |
تسلم يا منعنش
| |
|
|
|
|
|
|
Re: أعذريني يا مجاهد عبد الرحمن .. (Re: ناذر محمد الخليفة)
|
مبشر ...
Quote: والله عملت فيني عملية .. نجار في خشب ماعملها بي غنيتك دي
|
الجديد في كدة شنو ؟!!
ما أنا طوااالي عامل فيك عمايل ما في نجار عملا في خشب من زمن (فر ديسي جانا نهي) بتاعت أمير خان ومعاهو مادوري دكشت في فلم هندوستاني داك قبل حوالي تمنية سنة
| |
|
|
|
|
|
|
Re: أعذريني يا مجاهد عبد الرحمن .. (Re: ناذر محمد الخليفة)
|
ناذر يا ود الخليفة انت حكايتك شنو الأيام دي ؟ .... حميتنا القراية .... مبااااالغة لاكيييييييييين لسة ما فقنا من مريم بت محمود ... جيت لصقت لينا دي طوالي انا بالجد بديت أفكر في إفساد ذات البين مع ود حلتكم عشان حجتو تجي تطسك تلاتين سنة المرة دي لأنو بالجد إحنا اتعودنا على الحلا دي و شهرين قريبة شديد ........ الله يخليك لينا يا قلب ما زالت الجدعات مستمرة
| |
|
|
|
|
|
|
Re: أعذريني يا مجاهد عبد الرحمن .. (Re: غباشي)
|
غباشي ..
Quote: انا بالجد بديت أفكر في إفساد ذات البين مع ود حلتكم عشان حجتو تجي تطسك تلاتين سنة المرة دي لأنو بالجد إحنا اتعودنا على الحلا دي و شهرين قريبة شديد ........ الله يخليك لينا يا قلب ما زالت الجدعات مستمرة
|
ما قلنا ليكم الجن البيركب الراس بيأتمر بي مدة معينة غير قابلة للتجديد
| |
|
|
|
|
|
|
Re: أعذريني يا مجاهد عبد الرحمن .. (Re: mamkouna)
|
العزيز ناذر.....سلامات
أغنية حنينة وتحرض علي البكاء...
إستمعت إليها بصوت جمال فرفور واليوم بصوت سيف الجامعة الشجي وأدائه الرائع...
أهديها لصديقي العزيز معتز تروتسكي ...أمنياتي أن يعود إلينا قريبا فقد طال غيابه...
يا ريت يا ناذر تركز في الحاجات الحلوة دي وتسيب الخور لأنك فنان وجميل والمكان داك ما بيشبهك....
تسلم
مع معزتي
سحر
| |
|
|
|
|
|
|
Re: أعذريني يا مجاهد عبد الرحمن .. (Re: Sahar Abdelrahman)
|
ممكونة سلامات ..
Quote: يا سلاااااااااااااااااام عليك يا ناذر.. سمعت الأغنية دي في إحدى إذاعات الأف أم... و من يومها و هي عاجباني شديييييييييد... شكراً ليك كتييييييير يا نجم المنبر..
|
الأيامات دي أنا بعيد في بوست ابو الكلام بتاع حسين ملاسي عن حلقات السر قدور ومستمتع جدا جدا ..
تشكري كتير .. مداخلاتك هناك ما ساهلة والله وبتنم عن ذوق فني عالي ...
| |
|
|
|
|
|
|
Re: أعذريني يا مجاهد عبد الرحمن .. (Re: Sahar Abdelrahman)
|
سحر ...
Quote: يا ريت يا ناذر تركز في الحاجات الحلوة دي وتسيب الخور لأنك فنان وجميل والمكان داك ما بيشبهك....
|
صدقيني الخور والسياسة والكورة وكل الكلام الفارغ الزي دا ختيتو بي الله واحد وتاني بعد دا غنا وطرب وبس !!
تسلمي كتير ..
| |
|
|
|
|
|
|
|