|
إستقالتي النهائية من المنبر !!!
|
جيتو جارين جري مش ؟!!!!
أها والله العظيم وكتابه الكريم دي ما تلقوها مني إلا سيد المنبر يسحب الباصويرد بتاعي ...
لكن أنا امشي كدة وأخليها لبكم بي أخوي وأخوك .......
دي تلقوها عند الغافل !!! ما تفرحو شديد أنا قاعد فوق راس أي زول ما دايرني هنا..
|
|
|
|
|
|
|
|
Re: إستقالتي النهائية من المنبر !!! (Re: غباشي)
|
ناذر يااخوى عليك الله القاعد لها شنو المنبر ده اصبح كلو شتم ونبذ وعوارة كمان الا بيقولوا اهلنا الطبع بيغلب التطبع وانت يبدو لى اصبحت مدمن منبر زينا بس انا مبسوط انو تمبس معانا وما خلانا زى ما قال ويبدو لى والله اعلم حكاية استقيل دى اصبحت موضة ياريت اباهاتنا السياسيين يستقليوا كمان ناس سيدى الصادق ومولانا الميرغنى ودكتور الترابى علشان نرتاح من السياسة المجوبكة وله رأيك شنو ياناذر تمشى وين ونحن يادوب جينا
| |
|
|
|
|
|
|
Re: إستقالتي النهائية من المنبر !!! (Re: ناذر محمد الخليفة)
|
إن قالو فيك .. كلاما ختر ركب درب .. دم البقر
إن قالو قلت وقالو شلت وزادو فى أصل الخبر خليك قرادة واوزن بدمك كم قطر *** وإن طالبوك بى إستقالة أفتح فصل درس السغالة أمسك الطبشور وغبش إيدك بى غبارة دون التكتيك والتكنيك وماتنسى تاريخ العبارة *** وريهم الكان والحصل جيب المكجن والبصل عرى المغتغت..وماتنسى تصوير ..النصل *** ها آآآزووول دورتنى *** فى عز حضورى حلمت بيك بروف كبيير أو قائد أسطول المسير نيشان معلق فى الكتف وصدرك وشاح لى كم ألف واصل دواسك والنتف صنفر عدوك عسى كان نضف .. ولمن تحس زولك سها أو دقس دقسة معلم فى الضحى وريهو درسك إنتهى
............................................................................ كل مدمن نت بيحلم يفصلو..كان ليك..أمش عرس عرسك وتعال
| |
|
|
|
|
|
|
Re: إستقالتي النهائية من المنبر !!! (Re: ناذر محمد الخليفة)
|
وين يا غباشي مالك ما عبد الظاهر السقا؟
ناذر الخليفة داير يعمل فيها عمرو زكي لكن علي منو؟
ناذر ده نحن عاوزنو هنا عشان يجهجه لينا أي زول عماد متعب
___________________________________
كلامي ده ما كنت قايل زول بيفهمو غير عمر الفاروق!
| |
|
|
|
|
|
|
Re: إستقالتي النهائية من المنبر !!! (Re: ناذر محمد الخليفة)
|
Quote: كلامي ده ما كنت قايل زول بيفهمو غير عمر الفاروق! |
يا ود الريح أخوك برضو إسلام الشاطر ... خصوصا في الحاجات الزي دي ... بس انت كل مرة أعمل زين الدين زيدان و حتلقاني عمرو فهيم طوالي .... أما بخصوص الولد ناذر .... فهو عارف لو فكر انو يعمل محمد أبو تريكة ... الناس كلها حتعمل ليهو الترجي التونسي وحركتو دي كانت أنور جسام ساي...بيني وبينك هو يستاهل نعمل ليهو الصفاقصي التونسي عشان شلهتناوجابنا على ملا وشنا انا قاعد لكن الأيام دي المنبر ما فيصل العجب ولا حتى عجب سيدو عشان كدة عامل لبتون ولو استمرعلى حالتو دي ياهو العملنا الضو الشارد عدييييل تحياتي ليك يا حبيبنا ناذر
| |
|
|
|
|
|
|
Re: إستقالتي النهائية من المنبر !!! (Re: على عمر على)
|
الأخ ناذر
تحياتي للأمانة انا احد الذين جاءوا جارين جري، بعد أن تسلحت ببعض عبارات التحنيس فأنت وآخرين قلة يمثلوان فاكهة هذا المنبر، والمتكأ، حين تعصف بالصفحة الأولى رياح البوستات اياها...وساعتها لا مفر الا الي تمبس وناذر وجني وظرفاء المنبر.
خليييييييك قاعد ...قدام الكي بورد..زبس مش في راسنا... لانو بصراحة ما عاد فيهو مساحة لا لناذر ولا بشير. يدوب منكر ونكير.
| |
|
|
|
|
|
|
Re: إستقالتي النهائية من المنبر !!! (Re: nadus2000)
|
صديقي الجميل نذوري
مساء الخير أخي ، ، ،
يا راجل حرام عليك ، خليت قلبي يقع تحت رجلي ، يا ساتر .
Quote: لكن أنا امشي كدة وأخليها لبكم بي أخوي وأخوك ....... |
هييع ، ضكر ، امانة ما وقعوا رجال . تسلم صديقي .
| |
|
|
|
|
|
|
Re: إستقالتي النهائية من المنبر !!! (Re: abubakr)
|
Quote: تعرف ياناذر انا البوست دة ما دخلتو من الاول لانو كان عندي شعور انو بعدما الفار خلاك انت بقيت تهطرب ؟ استقالة شنو ؟ انت نيكسون ؟ |
هسع يا ابا بكر اكان ناذر ده طلع وخلى المنبر العام تاني نحن القاعدين ليها شنو .
| |
|
|
|
|
|
|
Re: إستقالتي النهائية من المنبر !!! (Re: الطيب شيقوق)
|
أخي ناذر
بكل الحب والود أقول لك لا تذهب لأن هذا هدف الظلاميين أعداء الكلمة والنور والتنوير وهم الذين صدعونا بإدعائهم الإيمان بحرية الفكر والتعبير والديمقراطية وحقوق الإنسان وعندما لا يروق لهم حرفك تبدأ نصالهم ومعاولهم في الهدم وكأن ما ينادون به من شعارات حكراً عليهم وعند الإختلاف فأنت إمبريالي .. إجهاضي .. إنقاذي .. عدو الأمة .. ملحد.. شيوعي .. كافر.. إنتقائية مخجلة.. وأؤكد لك أنه سيأتي منهم من من أطلق هذه الأوصاف ليقول أمبارح لآقيت ناذر في المسجد!! من وين بعد ما قلت فيهو ملحد وشيوعي كافر قابلتو في المسجد!!؟ إبق وكن مثل الموسي في حلوقهم فلا يستطيعون بلعها ولا يستطيعون إخراجهامن حلوقهم..
| |
|
|
|
|
|
|
| |