شكيتو علي الله قوم نفسي هذا الرجل الجميل استضفناه في كسلا في ثلاثة من منا سباتناالعائلية وبحق كانت حفلات مميزة ومشهوده ومحضورة ..و كما تعرف اهلك بيحبو غناء هذا الرجل الي اي درجة وخاصة غناء الحماسة والذي يجيده تماما مع كل الطرب والتطريب ... هذا بالاضافة الي عشق خاص جدا يكنه لكسلا واهل كسلا وهوتقريبا من اكثر الفنانين السودانيين اللزيين تغنوا لها ... وما رائعته الطير الخداري الا ابلغ دليك
..... مرة في شارع الصحافة بالقرب من المغتربين كان عاوز يجب اجلي بالتروبر الابيض بتاعه ...ولكن ربك هو الحافظ وكنت ناوي اعمل مشكلة لكن لما عرفت انه الاستاذ الكبير تلاشي غضبي وكانه لم يكن اصلا وكلت له التحايا المديح والثناء
10-06-2006, 09:02 AM
أحمد الشايقي
أحمد الشايقي
تاريخ التسجيل: 08-08-2004
مجموع المشاركات: 14611
Quote: شكيتو علي الله قوم نفسي هذا الرجل الجميل استضفناه في كسلا في ثلاثة من منا سباتناالعائلية وبحق كانت حفلات مميزة ومشهوده ومحضورة ..و كما تعرف اهلك بيحبو غناء هذا الرجل الي اي درجة وخاصة غناء الحماسة والذي يجيده تماما مع كل الطرب والتطريب ... هذا بالاضافة الي عشق خاص جدا يكنه لكسلا واهل كسلا وهوتقريبا من اكثر الفنانين السودانيين اللزيين تغنوا لها ... وما رائعته الطير الخداري الا ابلغ دليك
والله الزول دا يقوم نفس قبيلة كاملة خاي نفسك النص كم دا
تعرف يا حبيب .. أنا بتكيف جداً لي اغاني اللحو دا وحافظ منها جذء كبير جداً.. في سلم في العود إسمو سي بي مول أنا ما حبيتو إلا عشان عندو طعم خاص جداً لمن أغني بي هو أغاني اللحو ، خاصة الحنينة منها والبتكسر ضليعات الزول
جيتك السودان المرة الجاية بسمعك أكتر من تسعة اغاني للحو بإذن الله ..
10-06-2006, 06:27 PM
تولوس
تولوس
تاريخ التسجيل: 06-06-2004
مجموع المشاركات: 4132
ناذر قبل شوية كنت بتابع برنامج كل الجمال في التلفزيون .. وورد في شريط الاخبار ان الاستاذاللحو تعافي من وعكة صحية المت به غادرعلي اثرها الي الاردن للمشفي والحمد لله عاد بالسلامة ولا احد يعلم بذلك ؟؟؟؟ ... ومن هنا تحياتي الي الاستاذ الكبير ونقول له اجر وعافية باذن الله وحمد الله علي السلامة
10-06-2006, 07:43 PM
ناذر محمد الخليفة
ناذر محمد الخليفة
تاريخ التسجيل: 01-28-2005
مجموع المشاركات: 29251
Quote: ناذر قبل شوية كنت بتابع برنامج كل الجمال في التلفزيون .. وورد في شريط الاخبار ان الاستاذاللحو تعافي من وعكة صحية المت به غادرعلي اثرها الي الاردن للمشفي والحمد لله عاد بالسلامة ولا احد يعلم بذلك ؟؟؟؟ ... ومن هنا تحياتي الي الاستاذ الكبير ونقول له اجر وعافية باذن الله وحمد الله علي السلامة
ندعو ليهو بالشفاء بإذن الله .. ما كان عندي خبر والله ولا حتى الجرايد عندنا جابت خبرو !!
وإنشالله يكون رجع في مامل عافيتو وما تكون الرمية القالا في أول الغنية المنزلة هناصدفت (يعالجو شنو ..... إلخ) !!
. يا الله يا ناذر .. دائما بتنكت لينا الروائع والرائعين في نهاية الثمانينيات كنت من المحظوظين جدا لأني اتشبعت بجلسات استماع لا تعوض بالعود للمبدع اللحو والاستاذ السقيد ومن ديك .. وعيك يا لها من أيام ...
يا ريت تسمعنا ( تواه أنا ) طالما حافظ الكثير من روائعه
Quote: سي بي مول
ده ما وريتني ليهو يا غتيت
10-06-2006, 11:10 PM
Sayed Bekab
Sayed Bekab
تاريخ التسجيل: 09-21-2006
مجموع المشاركات: 1543
Quote: الأخ / الطيب شيقوق شكرا لهذه الإضافة الجميلة عن اغانى الحقيبة والمعلومات الثرة وبعدين انت يا الطيب ما محتاج لواسطة انت تأمر ونحن ننفذ...وأغنية سايق الفيات للشيخ إبراهيم العبادى لها قصة بروايات مختلفة حيث أورد الأستاذ مبارك المغربي في سفره القيم رواد شعراء الأغنية السودانية إن سرور كان سائقا ومعه أمين نابرى وزين العابدين كوكو وقد تحركوا من سنار إلى سنجة في عربة فيات خاصة عن طريق الرماش ....أما محمد الحسن الجقرفى كتابه روائع حقيبة امدرمان فلقد ذكر أن سرور خرج مع الخواجة مستر برسى لورين المندوب السامي في مصر ا لرحلة صيد في كنفوى من سيارات شركة الفيات العاملة في السودان في ذلك الوقت إلى سنجة ...وتخلف منهم سرور وانضم إلى العبادى والأمين برهان في ضيافة زين العابدين كوكو نائب المأمور و انضم لهم محمد البنا وأمين نابرى وكان سايق الفيات سرور...بينما ذكر معاوية حسن يسن في كتابه الغناء والموسيقى في السودان نفس قصة محمد الحسن الجقر مع إضافة أن العبادى كان يعمل في حسابات المقاولات المرتبطة بأشغال خزان مكوار (سنار) وحلّ عليه الأمين برهان ضيفا فتحركوا جميعا إلى سنجة مع سرور...أما مبارك حسن بركات فلقد ذكر لبرنامج ظلال التلفزيوني إن سرور كان سائقا بشركة الفيات وطلب منه أن يقوم برحلة من سنار إلى سنجة لعمل دعاية للشركة فاصطحب معه العبادى والتقيا في سنجة بنائبي المأمور زين العابدين كوكو وأمين نابرى وواصلا الطريق إلى سنار....والروايات لاتختلف عن بعضها كثيرا ومما لاشك فيه إن العبادى عمل بخزان مكوار والتقى بالشيخ محمد ودالرضى هناك الذي قال قصيدته المشهورة متى مزاري أوفى نذارى واجف هذا البلد المصيف فشطرها العبادى الذي انتابه نفس الإحساس في سنار..المهم ان القصيدة قيلت بين سنار وسنجة والى القصيدة.....
ياسايق الفيات عج بى وخد سنده.....بالدرب التحت تجاه ربوع هنده ***** أوصيك قبل تبدا سيرك داك .......طريقك سابق الربده منك بعيد جبده حى هنده.....المراد عج بى ربوع عبده ***** اطوى الارض واضرع من......افكارنا سيرك يالفيات اسرع ميل على المشرع لا تريع...........القطيع..... بتجفل الادرع ****** شقا حشا الطريق وأتيمم الحلال....زفنو الكلاب مانالن إلا علال فاضلات ثواني قلال بينك..........والغروب داك مشرع الشلال ****** شوف سايق الفيات الليله كيفن هاش.......والشجر الكبار بقى شوفنا لينا طشاش قولي دح وين ماش فارقت.................... الطريق......... أتيا من الرماش ****** يازين الشباب ياطيب الأخلاق......يا أمين الصديق والناس على الإطلاق من ايدى الصناعة يبعد المعلاق..............انظر للطبيعة ومجد الخلاق ****** شوف النهر مار بخشوع تقول هجسان.......أو مر المنام بى مقلة النعسان جلت قدرته ما اكفر الانسان.......كم ينسى الجميل ويجحد الاحسان ******* انزل ياصديق وشوف يد القدرة....شوف حسن البداوه الما لمس بدره وراد النهر اردونى ما بدرى.......الكاتل الصفار أم نضرة الخضره ****** مانفرن تقول سابق الكلام الفه......عطشان قلت ليهن وصحت البلفه مافيش كاس قريب قالن دون كلفه........تشرب بكفوفنا لما تتكفى
الاخ ناذر الاغنية انا بحبها جدا وايام كنت محامي في منطقة سنجة كنت بركب عربيتي وامشى قرية الشلال عشان اقيف على معالم القصيدة منها الشارع ومنها بيت الهوندة وكمان المشرع الذى اسقين فيه العبادي بكفيهن .
اطيب المنى
10-07-2006, 07:20 AM
تولوس
تولوس
تاريخ التسجيل: 06-06-2004
مجموع المشاركات: 4132
Quote: لأني اتشبعت بجلسات استماع لا تعوض بالعود للمبدع اللحو والاستاذ السقيد ومن ديك .. وعيك يا لها من أيام ...
اما شخصي الضعيف ففي أواخر التسعينات وأنا في الغربة وقع في يدي شريط بتاع جلسة بالعود للحو أنا ما لقيت اروع وانضف منو .. بيغني فيهو (بتجيد اللطام) و (السمحة) و (الطير الخداري) وكمية من اغاني الحقيبة أنا الوكت داك حيلي برد عديل في البلاد الباردة ديك
Quote: يا ريت تسمعنا ( تواه أنا ) طالما حافظ الكثير من روائعه
أبشر ياعم .. هاك الغنية دوس عشان تشتغل :
10-07-2006, 08:01 AM
ناذر محمد الخليفة
ناذر محمد الخليفة
تاريخ التسجيل: 01-28-2005
مجموع المشاركات: 29251
Quote: الاخ ناذر الاغنية انا بحبها جدا وايام كنت محامي في منطقة سنجة كنت بركب عربيتي وامشى قرية الشلال عشان اقيف على معالم القصيدة منها الشارع ومنها بيت الهوندة وكمان المشرع الذى اسقين فيه العبادي بكفيهن .
مداخلة جميلة ومفيدة .. شكراً كتير ..
10-07-2006, 08:38 AM
saif massad ali
saif massad ali
تاريخ التسجيل: 08-10-2004
مجموع المشاركات: 19127
سنة 2001 كنت رئيس لي إتحاد الطلبة السودانيين في مدينة بنقلور في الهند ، بالصدفة إتعرفت على هندي في حادث حركة وإتكيف جداً لمن عرف إنو انا سوداني ولقيتو بيتكلم عربي أحسن من ناس كتير في المنبر دا .. قال لي إنو من مواليد كسلا وجوازو سوداني وإنو إتحادي ديمقراطي جناح أبوهاشم .. وقام مع الونسة قال إنو محمد سليمان إستضافوا في برنامجو (دنيا دبنقا) وغنى في البرنامج غنية اللحو (يا أخواني كان رقتو بوصف الشفتو) والزول طلع صوتو جميل جداً ، والفترة ديك كان عندنا إحتفال بي عيد الإستقلال فقمت دعيتو عشان يحضر ويجي يغني ، وفعلاً جا وغنى لينا غنية اللحو .. والناس إتفاعلت معاهو وفي النهاية طلب مني لو رجعت السودان اسلم ليو كتير على اللحو وحمد سليمان ..
والغريبة إنو طبقات صوتو زي طبقات صوت اللحو بالضبط وصوتو جميل جدا ومتوافق مع الإيقاع والموسيقى بتاعت الغنية ..!
10-08-2006, 10:14 AM
ناذر محمد الخليفة
ناذر محمد الخليفة
تاريخ التسجيل: 01-28-2005
مجموع المشاركات: 29251
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة