|
بعد (راجل المرة حلو حلا) !! الآن في الأسواق : (مرة الراجل حلوة حلا ) !!
|
لا بنركب موتر ورا.. لا بناكل باسطة سلا لا بنركب دفار ورا .. وأنا بجيبو راجل مرة !
أأأأأأأأأأأأأأأأي جمجرة (مرة الراجل حلوة حلا) !! صنفرة :
الرجال كانو فرحانين بي غنية (راجل المرا حلو حلا) وبيعتبروها حق شرعي ومكاواة لي نسوانم !! طيب هسي رايم شنو في (مرة الراجل حلوة حلا) !!
أوعى من (حمد لبد) !!
|
|
|
|
|
|
|
|
Re: بعد (راجل المرة حلو حلا) !! الآن في الأسواق : (مرة الراجل حلوة حلا ) !! (Re: ناذر محمد الخليفة)
|
أغنية راجل المرة حلو حلا ستظل الاكثر إثارة للجدل على مدى عدة سنوات قادمات ، وستظل أيدي الرقابة الصارمة ممثلة في شرطة أمن المجتمع هي المصدر الأساسي لشهرتها، حيث قامت بجمع كل المغنواتية الذين يغنون هذه الأغنية وجعلتهم يضعون إمضاءاتهم على تعهد بألا يتغنون بهذه الاغنية ثانية ، وبما أن الممنوع مرغوب فقد عمد رهط من (المغنواتية) على العمل على حذف وإضافة وإعادة سمكرة للعديد من أبيات الاغنية(المجهول كاتبها إبتداً) ، فأنتجو لنا أبيات من أغنية (راجل المرة) تكاد تضاهي عدد أبيات أغنية (حنانا نسا أهلو ما نسانا) عدداً !! إذ أن الأخيرة قاربت أبياتها المائة وخمسون بيتاً !! ولا تزال في إذدياد إلى يومنا هذا !..
صنفرة :
وسيحفظ التاريخ (وأرشيف صحيفة (حكايات) ) أن المغني حمادة بت (بحري) هو من قام بالإرشاد عن بقية المغنيين الذين يتغنون بالأغنية (راجل المرة حلو حلا) ، حسب إعترافاته التي نشرت بالصحيفة !!
| |
|
|
|
|
|
|
Re: بعد (راجل المرة حلو حلا) !! الآن في الأسواق : (مرة الراجل حلوة حلا ) !! (Re: ناذر محمد الخليفة)
|
الأخ/ ناذر سلامات..
معقولة.. الغنية دي نسفت كل تحليلات إختصاصي علم الإجتماع لظاهرة إنطلاق الأغنية السابقة (بتاعة راجل المرة).. والتي حاولوا رد الظاهرة إلى عزوف الشباب عن الزواج فرأت الشابات الحل في قبول التعدد في محاولة يائسة أو ناجحة في تصيَد الرجال المتزوجين.. وحاولوا نفي التفسخ الذي ضرب أطنابه في كل مناحي الحياة في المجتمع (الكلام ده يمكن يجيب الهواء).. لكن بيني وبينك الأغنية الثانية دي حارة خلاص وما بتتبلع (أوع من الهجوم الجندري).. بس راجل المرة ممكن يتزوج.. لكن مرة الراجل؟؟؟ كبيرة دي.. عشان كدة لا لراجل المرة لا لمرة الراجل ويا دار ما دخلك شر.. ولا شنو؟
| |
|
|
|
|
|
|
Re: بعد (راجل المرة حلو حلا) !! الآن في الأسواق : (مرة الراجل حلوة حلا ) !! (Re: ناذر محمد الخليفة)
|
العزيزناذر تحياتي وشكرا لك لانك نقلت الواقع الحاصل بهناك لهنا.
على فكره وبما انك شاطر جدا في البحث في الارشيف اعتقد الفتره الماضيه للارشفه من عام 2007 لقد كتبت بوست مشابهه عليك اله جيبه لينك هنا اسمه: عفيت منها السعوديه الخلت الراجل يغنوا مرة الراجل حلوه حلا
وهو بوست يحكي عن سعوديه متزوجه من راجلين بعد ان شرعوا هم اولا زواج المتعه وزواج المسيار.....
اه لكم ناس (حكايات)المجرد كتابة بوست سموها دعاية لحقوق المثليين قل لهم تراجي قالت لكم كمان كتبت من قبل عن موضوع مرة الرجال حلوة حلا يمكن يعتبروه دعوة لتعدد االزواج ومبروك عليهم تحليلاتهم.
الخلاصه عجبني لك يا الهيم. عشان ثاني يفرحوا باغنيه زي راجل المراة حلو حلا وراجل المراه طعمه براه
| |
|
|
|
|
|
|
Re: بعد (راجل المرة حلو حلا) !! الآن في الأسواق : (مرة الراجل حلوة حلا ) !! (Re: ناذر محمد الخليفة)
|
سلام للجميع ...
جاييكم واحد واحد ...
بس أنا هسي في مناسبة خاصة بغني فيها أغاني ما عندها علاقة لا بي راجل المرة لا بي مرة الراجل !!
ولحدي ما أجي :
داير الناس يستمعو للأغنية دي :
وبالمناسبة هي أغنية مخففة وزايدين ليها موية وشوية (ثنر) عشان ناس الـ (طارة) ما يكابسو الحفلة !!
لكن يمين لو غنوها (خام) ..
الرجال إلا يطلقو نسوانم بالتلاتة وفورياً لو شافوهم ساااي بيبتسمو لمن المغنية بتقول : مرة الراجل حلوة حلا .. !!!
| |
|
|
|
|
|
|
Re: بعد (راجل المرة حلو حلا) !! الآن في الأسواق : (مرة الراجل حلوة حلا ) !! (Re: ناذر محمد الخليفة)
|
كيفك يا سيكو ..
Quote: لما تستغرب ان تغني امرأة لامرأة (مرة الراجل حلوة حلاة)؟ وفيم علامة الاستفهام ؟ هل هناك دعوة بلا ثمار ؟ هذا شيء طبيعي لثمار الدعوة العلنية للمثلية ؟ ألم يُتوج الدعاة ويتربعوا على عروش الخواء؟ دونك الروابط ، وأعرف أنك ذكي فلا تقل لي من الداعي؟
|
تعرف يا حبيب ..
أنا كلامي غلفتو بي طلقة معسولة عشان ينهضم للبقروهو بسهولة وأنا أكون لبدت وعملت ساتر ولحدي هسي ما جاتني عوجة والحمد لله !!
علا إنت ختيتا حامضة خلاص وما بتنبلع كلو كلو !!
Quote: يجب ان تجري عملية فوراً لتوسيع حلقك لبلع كل شيء وإلا حُسبت عنصري جلابي قذر لا تمت لعالم البهيمية الراقي
|
غايتو لو حصل لي حاجة إلا تجيني بي سببك إنت ! صدقني إنت بتاع محن ومتلقي حجج .. مالك ومال الكلام في السياسة ياخ
| |
|
|
|
|
|
|
Re: بعد (راجل المرة حلو حلا) !! الآن في الأسواق : (مرة الراجل حلوة حلا ) !! (Re: ناذر محمد الخليفة)
|
سلامات نادية ..
Quote: ناذر سلامات ياعريس وليمو كيفنها البنية البتشبه القمرة دى بالله ؟
|
تمااااااااام التممام وبتسلم عليك كتير ...
Quote: اسوى شنو انا هسة الشلاقة دى بوظت لى لابتوبى لاول مرة لما جيت اسمع مرة الراجل حلوة حلا مع انو قبل كده سمعت راجل المرا الهى عكس دى طوالى ولابتوبى ماجاهو شئ !!
|
لا لا ... المرة دي الشغلانية مختلفة !!
لاب توبك المرة دي ومع الاغنية دي بتكون طقتو حمى نزفية ولا أنفلونزا طيور ما تعرفي !
Quote: وحاة الله متغاظة غيظ اول مرة كمبيوترى يبوظ بسبب اغنية ياخ اسوى شنو ؟ |
شغلي (ما نحن أسياد الشي زااتا) مرتين بعد الفطور والعشاء وقبل الغداء سمعيهو (راجل المرة) والصباح بدري سمعيهو (حنانا السمع الغم وجانا) على الريق وإنشاء الله بيستعدل ويمشي معاك زي الحصان البدون حدوة
| |
|
|
|
|
|
|
Re: بعد (راجل المرة حلو حلا) !! الآن في الأسواق : (مرة الراجل حلوة حلا ) !! (Re: ناذر محمد الخليفة)
|
ناذر صباح الخير بمواعيد كايرو
Quote: لاب توبك المرة دي ومع الاغنية دي بتكون طقتو حمى نزفية ولا أنفلونزا طيور ما تعر |
في !
اقايتو اريتنى سبت الشمشرة كان اللابتوب يبقى حلو حلااااااااااااا.. هسى ذنبى شنو ادفع لى مائة جنيه للمهندس بسبب مرة الراجل دى بالله مااولى بيها ايمان بتى اجيب ليها هدوم العيد ؟!!(وجه دموعو منقطة)!!
Quote: شغلي (ما نحن أسياد الشي زااتا) مرتين بعد الفطور والعشاء وقبل الغداء سمعيهو (راجل المرة) والصباح بدري سمعيهو (حنانا السمع الغم وجانا) على الريق وإنشاء الله بيستعدل ويمشي معاك زي الحصان البدون حدوة |
ايووووووووووة بالمناسبة دى وقبل الارشفة الرسول فيك ياناذر هسى دى طوالى وفى ذات هذا البوست الملغوم نزل لى مانحنا اسياد الشئ زاتها وحنانا النسى اهلو مانسانا ولتكن خطوة توثيقية لهذا (الخمج الخج حنانا خج) يلا قووووام انا جنب كمبيوتر الناس منتظراك فى هذه اللحظة من تاريخه !
| |
|
|
|
|
|
|
Re: بعد (راجل المرة حلو حلا) !! الآن في الأسواق : (مرة الراجل حلوة حلا ) !! (Re: ناذر محمد الخليفة)
|
نصار ....
Quote: قولت لي دي جرعة مخففة?? نسأل الله السلامة..
|
قلت ليك الغنية دي لو إتغنت خام زي ما انا سمعتها في مناسبة أخص من خاصة بالدس ، وقسما عظما ما في فنان تاني يفضل في الخرطوم .. كلهم يودوهم كوبر طوالي ..
فوق أنا قلت :
Quote: من ما تدخلت شرطة أمن المجتمع ولأول مرة (حسب علمي) في شأن الاغنيات التي تتأثر بالأجواء الإقتصادية والسياسية والإجتماعية حينما أقدمت على منع أغنية (راجل المرة حلو حلا) لا لشي سوى إعتقادها وظنها أنها ما قيلت إلا في زواج رئيس الجمهورية عمر البشير للمرة الثانية ..
|
وفي الغنية المعدلة دي ما في إعتقاد ولا شيتين .. ظاهر من الكلمات من هي المقصودة !!
Quote: دي حكومة و لاسفة صعوط?? |
ولا شربوت عيد إنشرب بعد ما فات العيد ؟!!
| |
|
|
|
|
|
|
|