|
Re: إهداء إلى عظيم النوبة فيصل نوبي ونادية عثمان !!! (Re: ناذر محمد الخليفة)
|
شنو ؟!!!
ناذر
اولا شكرا على الاهداء الظريف ..لكن دى منو دى الدايرة ترسلنى الروضة ؟!!
صوت سمية اقايتو !!
ناذر
القلب
وملاسى
اوعا يكون البوست ده لغم ولاحاجة عليكم الله ..مادايرة غير اهداء لوجه الله ياناذر سمح ؟!!
نوبى
انت بتفهم احسن منى فى فك الالغاز والالغام كدى تعال اكشف على البوست ده !!
قالت شنو سمية ..تجضمنى ؟!!
الله يستر يارب
| |
|
|
|
|
|
|
Re: إهداء إلى عظيم النوبة فيصل نوبي ونادية عثمان !!! (Re: ناذر محمد الخليفة)
|
القلب النابض مالك لينا بالعنوان انسي العنوان و خليكي في المضمون
ندوية ( حتشبسوت النوبة ) مشتاقين اولا ياخي الواحد ما يهدي ليكم غنية ده ما كمين دكيني ولا شيء ما تخافي بعدين قالو المؤمن قلبو دليلو انتي قلبك قال ليكي شنو ؟؟
استاذنا منير معقول انت قاعد و يشرح التلميذ المسكين ده؟؟؟
شاو دورشيد ريهة سنفرة دي حلوة و ممكن يكون في ريهة سنفرة لكن ما كمين
ناذر اشكرك علي الاغنية لكن ما لقيت فيها حاجة خاصة شكلها موجهة لي نادية عثمان و عملتني كبري
| |
|
|
|
|
|
|
Re: إهداء إلى عظيم النوبة فيصل نوبي ونادية عثمان !!! (Re: ناذر محمد الخليفة)
|
الأغنية من شريط " تبتبات " الذي أصدر قبل حوالي الأربع سنوات فما عارف ناذر الزكرو ليهو شنو !!!!!!!!!!!!!! الغريبة الأغنية كلها جضيم وقديم
تخريمة : كلما أسمع المقطع : وإشتقت ليك أرسلك !!! بتزكر نسوان الحلة البقطعوا لينا الدافوري بي مرسال لي زيت سمسم ولا بصل بي 300 جنيه .. ياااااااااا حليل عوض مراسيل ..
| |
|
|
|
|
|
|
Re: إهداء إلى عظيم النوبة فيصل نوبي ونادية عثمان !!! (Re: ناذر محمد الخليفة)
|
والله بصراحة كدة انتو ناس ...
ما جنريترات
Quote: اوعا يكون البوست ده لغم ولاحاجة عليكم الله ..مادايرة غير اهداء لوجه الله ياناذر سمح ؟!! |
ومنو القال ليك أنا بهدي حاجة سااااكت لوجه الله !! شايفاني فاتح لي تكية ولا دا معهد شروني
المهم إنو الغنية عجبتك بعد داك لوجه الله او لأي وجه تاني إنتي ما تركزي فيها .. سمح
| |
|
|
|
|
|
|
Re: إهداء إلى عظيم النوبة فيصل نوبي ونادية عثمان !!! (Re: ناذر محمد الخليفة)
|
شاو دارشيد سارق الصنافر الأوتومسفيرية
Quote: سنفره: اني اشتم رائهه السنفره |
طبعا حا تكون شاميها .. ما تراكا شايل صنفرتي وحايم بيها في البورد .. ما تشمها كيفن عاد
بالمناسبة إتجهز لأني عندي ليك بوست حا اهدي ليك فيهو غنية مخصوص والبوست اسمو (إهداء إلى فخيم الـ ..... شاو دار يوشيد و ....)
بس أصبر لي لحدي ما القى لي جندرية مناسبة أختها معاك
| |
|
|
|
|
|
|
Re: إهداء إلى عظيم النوبة فيصل نوبي ونادية عثمان !!! (Re: ناذر محمد الخليفة)
|
عظيم النوبة فيصل نوبي وفي رواية اخرى روميو
Quote: ناذر اشكرك علي الاغنية لكن ما لقيت فيها حاجة خاصة شكلها موجهة لي نادية عثمان و عملتني كبري |
شكرا لأنو الغنية عجبتك وبالمناسبة ما تقول ما فيها شي بيخصك .. لا فيها إنت بس خليك حريق وتابع معانا ..
بالمناسبة إنت الوحيد الجنريتر في الناس الفوق ديل ودي ما اظنك بتنكرا
لكن حتشبسوت ولا ام شبتو دي بالغت فيها أنا كنت قايلا نفرتيتي ولا كليوباترة أو إنشالله مهيرة بت عبود
| |
|
|
|
|
|
|
Re: إهداء إلى عظيم النوبة فيصل نوبي ونادية عثمان !!! (Re: ناذر محمد الخليفة)
|
عمر الفاروق ..
Quote: الأغنية من شريط " تبتبات " الذي أصدر قبل حوالي الأربع سنوات فما عارف ناذر الزكرو ليهو شنو !!!!!!!!!!!!!! الغريبة الأغنية كلها جضيم وقديم |
والله في حاجات كتيرة بتذكر الايامات دي أما موضوع القديم والجضيم فدا الشي الخلاني اختار الغنية دي تحديدا وعندو علاقة بالشي الذكرني للغنية وبي الجوز المهداة إليهم
والله كلمة (مهداة) دي تعبتني جنس تعب
| |
|
|
|
|
|
|
|