|
Re: العـمل المـسـلح .. ســرد (Re: Kabar)
|
صـديقي منتصـر..حبابك كل فرح وانت بخير..كتر خيرك على المواصلة..
صـديقي شـريف..حـبابك
انت عارف ذكرتني نـم حميم كنا نتعاطاه في زمن ما..ويسـمى بالدرملي..وازعم انه اساس الغناء الكورالي..وذلك لجماعيته العفيفة حيث يشترك في الغناء والرقص الشباب والشابات من غير وجع راس..او مايسمى بالنظام العام..واجمل ما في الدرملي اصراره على ان يكون محلي ..ومنه: الجنزير التقيل.. البقلة ياتو.. اليوم الحار ..الزول بيلقى اخو
بالطبع يا صديقي..ستكون المدن المستحيلة حاضرة..واخشى انها فعلا كانت حاضرة واضعناها.. لا نبغي مدينة يا صديقي..ونحتفى بالريف لأن الخلاء هو الفضاء الوحيد القادر على ان يعلمك معنى الحرية.. ومنها فقط نبغى تقدير معنى الانسان فينا..
اسـتاذتي وصديقتي رجاء..حبابك ليك نهارات المدى الناصعة..وكل ما عبته ذاكرة الفصول من لون الضياء.. نعم نحلم.. لكن زي ماقالت امي..الجيعان فورة البرمة ليهو قاسية.. سيبقى السودان الحلم..وستذهب كل الكوابيس ما ظهر منها وما بطن..
صـديقي الطيب..حبابك كتر خيرك على المناغمة.. واللـه يا اخوي..زولك ده عندو من فنون التسلق الخلت السلعلع ذاتو يعرف حاجة..
ودمتم كبر
|
|
|
|
|
|
|
|
|