سؤال للجنة نفير دارفور بواشنطون! ما مصير ما جمع حتي الان من مال لأجل دارفور؟؟؟؟؟؟

Quote: ثانياً ، يازول إنت بقيت (سلفي/ظلامي/أصولي/بتاع محاكم تفتيش/كاشف غيب/حارس نوايا) من بتيـــن؟ شيء لله يا جورج الذي كان ليبرالياً علمانياً تنويري، ثم صار في دقسة وعي من جماعة الأمر بالمعروف والنهي عن المنكر على طرائق الإيفنجليكانز و الوهابية لمان يزعلو!.... يعني إنت دحين يا أخوي، بإيرادك للآية الكريمة دي "لا تقربوا الصلاة وأنتم سكارى حتى تعلموا ما تقولون" تقصد تقول أنا كتبت ليك مداخلات الأمس دي و أنا (سكران)؟؟؟ بالغت ياخي! تشتت ورقك بالطريقة دي قبل ما تفك البايظ و أنا قافل ليك بي ثلاثة جواكر؟ تنبش في الشخصي في سياق مناقشة عامة لأمر عام، عيب و الله يا الأخو، عيب. حقو تعتذر عن هذا بدون تردد يا رجل، ثلاث مرات قبل أن يصيح الديك و مثلهن بعد صياحه. أو بتكون بتقدح في (يور إنتيقريتي و بتحرق يور كريديبليتي) و مصداقيتك بتروح في حق الله، و فروسيتك تبقى يعلم الله. ثم كدا يا خي بتطفش مننا من تبقى من الحسان الجميلات لأنو أصلاً سف التمباك طيّر مننا أغلب الأخريات... حرام عليك كدا و الله .... و هكذا تجده مكتوباً في نشيد الإنشاد الذي لسليمان.