|
Re: بدون زعل او عنصريه (ام درمانا) عملت ليكم شنو ؟؟؟؟ (Re: تاج السر حسن)
|
السر السفيه) .. أحد ظرفاء دار الرياضة بأم درمان .. زول عكليته .. كان يعمل فى جامعة الخرطوم (عاملا) .. يسخر منه اصدقاؤه فى دار الرياضه بأم درمان قائلين له:- شغال 14 سنه فى جامعة الخرطوم .. لو كنت ( بتتاوق) بالشبابيك كان بقيت دكتور!!
لشدة ما أم درمان (حنينه) وأهلها فنانين وبعرفو (كوره) صاح وبستمتعو باللاعب (الحريف) والفريق (المنظم) البنقل كورة زى تدافع حبات السبحه .. كانت الأنديه التى تلعب كورة جيدا وأشتهرت بحلاوة العرض والأداء تطلب أن تلعب مبارياتها فى دار الرياضة بأم أم درمان حتى لو كانت من (بحرى) أو (الخرطوم)!!
فى مرة من المرات لعبت مباراة قويه بين (كوبر) و (الأمتداد) .. وكان الجمهور كبيرا .. و(للسر السفيه) مكان معين (حجر) لا يجلس فيه اى مخلوق حتى اذا لم يأت خوفا من لسانه ولسعاته الساخره.
أحد ابناء الخرطوم ما كان يعلم ذلك الأمر الذى يعلمه ابناء (ام درمان) وحدهم .. فجلس متوهطا فى مكان (السر) .. وحينما جاء (السر) تزفه مداعبات الجماهير وقد كان نجما مثل (جكسا) .. لمح الشخص الغريب الجالس على (حجره) .. فلم يتحدث معه وانما وقف امامه وهو يرتدى (جلابية) حتى غطاه تماما ومنعه من مشاهدة المباراة ، ثم صاح فى (الجمهور) .. متسائلا:- يا اخوانا الكورة دى بين منو .. ومنو ؟؟ فردوا عليه:- بين (كوبر) و(الأمتداد) !! فقال لهم ويده على ر اس الشخص الجالس على الحجر:- طيب كوبر والأمتداد .. ديل مش من بحرى والخرطوم ؟؟ الجابهم لى أم درمان شنو .. ما يمشو يلعبو فى (محلاتهم) .. نحنا جيناهم فى محلهم ؟؟ ففهم الشخص ما يقصده (السر) وقام له من (حجره) !!
|
|
|
|
|
|
|
|
|