|
ما بعد معركة الامس : مصداقية ما قلناه وصوابية ما دعونا اليه.
|
كدي بالله وخاصة الناس الجاية الليلة تفتح بيت بكاء علي الديمقراطية طبعا هم نوعين الاول ناس مبدئيين او مثاليين وديل هم المدعويين للبوست دة والنوع التاني البيزرف في دموع التماسيح علي الديمقراطية المهدرة وهم ابعد الناس عنهاالنوع دة بالتحديد عارفيين رأيهم شنو ووجودهم غير مرحب به.
اول حاجة ركزوا كويس واقروا اعتراف مدير تحرير ال smc في احدي تجلياته ردا علي الاخ خدر
Quote: شوف يا (مولانا ) ... وافت ليك القصة
تعرف من قولة تيت انا كنت عارف انو الاعلان فى المنبر ما يقعد اكثر من ساعة ساعتين بالكتير ، وكنت واثق مليون بعد المليون فى المية انو جماعة (الضغط النضالى ) حيلقوها فرصة العميان يجى شايل المكسر ببيانات الشجب والاستنكار وانو بكرى حتقوم قيامتو واكلمك زيادة كنت عارف انو قروشنا الجهزناها قبال ما نسلمها الحكاية بتطرشق عشان كدا لمن قالو لى قروش الجماعة ديل جاهزة يا سعادتك قلت ليهم خلوها (اربعة وعشرين ساعة ) وبتجيكم راجعة ويمكن ما تنصرف . كلو يا مولانا كان مرسوم عندى بالسنت والملى ، وببساطة الجوطة والعياط دا كلو انا مستمع بيهو جدا جدا جدا (خالص ) وبقول ليك كدا عشان اؤكد ليك تلاتة حاجات اولا : انا ونحن فى SMC ما زعلانيين ولا حاجة وبالعكس مبسوطين ثانيا : عملت ليكم كمين دخلتوه مغمضين كلكم ثالثا : وضح لى تمام انكم قاعدين ساى وكلمة تشيلكم وكلمة تختكم
|
من المكتوب اعلاه يتضح التالي :
(1) الغرض من الاعلان لم يكن الاعلان بحد ذاته انما كان محاولة اثارة الفتنة والبلبلة في الموقع وطبعا كلكم عارفين جهاز الامن بيشتغل كيف. (2) الغرض كان اثارة الاعضاء علي صاحب الموقع وطبعا سيادتو متوقع انو الناس تحرد وتمشي ودي طبعا امنيتو وامنية معلمينو الكبار واظنكم لاحظتو كمية البوستات المستفزة للاعضاء الصاحبت الحدث (3) احراج بكري ابوبكر ووضعه في موقع المدافع عن نفسو وحشرو في مكان ضيق فهو اما ان يقبل الوضع ويصر عليهو ويفقد العضوية او يتراجع عن الاعلان فيتم التلميح بالشرط الجزائي
البوست لسة طويل
|
|
|
|
|
|
|
|
Re: ما بعد معركة الامس : مصداقية ما قلناه وصوابية ما دعونا اليه. (Re: ASAAD IBRAHIM)
|
وما دام قد تم فتح ملف ال smc وهي بالمناسبة مؤسسة عامة تمول من خزينة الدولة يحق لنا ان نسأل مدير التحرير
عن هذه المؤسسة وكيف تعمل ولمن تتبع:
يا سيد جمعة :
(1) لمن يتبع اداريا ال smc رئاسة الجمهورية وزارة الاعلام الهئية القومية او جهاز الامن والمخابرات؟؟؟ (2) وبما انكم مؤسسة حكومية تنبطق عليها الاجراءات الحكومية في صرف الاموال والتعاقد مع جهات خارجية، هل تشرح لنا ماهية الاجراءات الادارية والمالية التي قمت بها للتعاقد مع سودانيزاونلاين ، يعني هل اتبعت الاجراءات المعادة؟ (3) هل يتم مراجعة حساباتكم بواسطة المراجع العام لجمهورية السودان؟؟؟ (4) وهل هناك جهة ما تراجع التزامكم باللوائح الادارية؟؟؟
بقية الاسئلة تأتي
| |
|
|
|
|
|
|
Re: ما بعد معركة الامس : مصداقية ما قلناه وصوابية ما دعونا اليه. (Re: ASAAD IBRAHIM)
|
بحسب اللوائح والقوانين التي تحكم المال العام وكيفية صرفه وبقراءة متأنية لما كتبه سيادة الاخ جمعة اعلاه يمكن ببساطة لاي تلميذ ابتدائي
ان يقرر بأن السيد جمعة يتصرف في ادارته لهذه المؤسسة وكأنها وكالة تابعه له ، يتعاقد مع جهة ما لنشر اعلان وهو يعرف مقدما ان هذا
الاعلان لن يستمر لأكثر من ساعة او ساعتين ويدفع من المال العام ، مال المحرومين والمرضي واليتامي بكل بساطة ومؤكد بلا اي اجراءات
قانونية فقط ليستمتع بالجوطة الحصلت ويضحك وينبسط.
هذه هي الانقاذ وهؤلاء هم منتسبيها ؟
اين المتباكيين علي الديمقراطية؟؟؟؟
| |
|
|
|
|
|
|
Re: ما بعد معركة الامس : مصداقية ما قلناه وصوابية ما دعونا اليه. (Re: ASAAD IBRAHIM)
|
ثم نأتي لسيادة مدير التحرير نفسه:
ماهي مؤهلاته الاكاديمية وخبراته العملية التي اهلته لتولي منصب مدير التحرير ؟؟؟؟
وهل يعتبر ان هذه الوكالة نجحت في عملها الاعلامي ؟؟؟؟
واذا اجاب بنعم علي السؤال الماضي، ماهو نجاحها بالتفصيل؟
كم يتقاضي راتبا من الدولة جراء ما يقوم به من اعمال؟؟؟
___________________________________________ بالمناسبة كل البوست دة قايم علي افتراض ان الوكالة او المركز المعني لا يتبع لجهاز الامن من قريب او بعيد وانما هو مؤسسة حكومية اعلامية مهمتها الترويج للانقاذ ويصرف عليها من الخزينة العامة . بالضبط زي ما بيقول مدير التحرير لانو عاوزيين نمشي معاهو شوية شوية لمن نصل
| |
|
|
|
|
|
|
Re: ما بعد معركة الامس : مصداقية ما قلناه وصوابية ما دعونا اليه. (Re: ASAAD IBRAHIM)
|
يا مدير التحرير :
هل لديكم ادارة مالية ودفاتر وحسابات وعهد واوامر صرف وتوقيعات؟؟؟؟
هل هناك من هو اعلي منك اداريا؟؟؟
هل تخافون الله في المال العام؟
هل تستخدم سيادتك المال العام في امورك الشخصية؟؟؟
يعني هل بتستغل منصبك عشان تنتفع شخصيا؟؟؟
اذا قلت لا ومتوقعك تقول لا
هل علي الاقل تستخدم الانترنت بالمكتب لامور شخصية لا دخل للمواطن البسيط من حلفا لي نمولي "اصحاب الحق" بها؟
هل تتنونس في المسنجر وتكتب في البوردات وذلك باستغلالك للمال العام ؟؟؟
وهل الوقت البتقضيهو في الضحك علي الجوطة الحصلت هل هذا الوقت مدفوع مقابله اجر من المال العام؟؟؟
| |
|
|
|
|
|
|
Re: ما بعد معركة الامس : مصداقية ما قلناه وصوابية ما دعونا اليه. (Re: ASAAD IBRAHIM)
|
Quote: وانو بكرى حتقوم قيامتو |
الجزئية دي من كلام السيد جمعة الفوق داك
مش بتوضح انو الاخ بكري كان المستهدف الاول ومن بعدو المنبر
مؤامرة نسج خيوطها السيد جمعة مثل كل المؤامرات التي شقت الاحزاب والحركات وغيرها
ببساطة هو اتوقع انو بكري حتقوم قيامتو وهو قاعد يتفرج ويضحك ومبسوط للاخر
المحيرني الراجل بعظمة لسانو بيقر بالكلام الخطير دة
ولسة في ناس بتدافع عن الديمقراطية
| |
|
|
|
|
|
|
Re: ما بعد معركة الامس : مصداقية ما قلناه وصوابية ما دعونا اليه. (Re: ASAAD IBRAHIM)
|
أخي أسعد إبراهيم
Quote: (1) الغرض من الاعلان لم يكن الاعلان بحد ذاته انما كان محاولة اثارة الفتنة والبلبلة في الموقع وطبعا كلكم عارفين جهاز الامن بيشتغل كيف. (2) الغرض كان اثارة الاعضاء علي صاحب الموقع وطبعا سيادتو متوقع انو الناس تحرد وتمشي ودي طبعا امنيتو وامنية معلمينو الكبار واظنكم لاحظتو كمية البوستات المستفزة للاعضاء الصاحبت الحدث (3) احراج بكري ابوبكر ووضعه في موقع المدافع عن نفسو وحشرو في مكان ضيق فهو اما ان يقبل الوضع ويصر عليهو ويفقد العضوية او يتراجع عن الاعلان فيتم التلميح بالشرط الجزائي |
كلام في الصميم واصل
| |
|
|
|
|
|
|
Re: ما بعد معركة الامس : مصداقية ما قلناه وصوابية ما دعونا اليه. (Re: ASAAD IBRAHIM)
|
المضحك يا أسعد أن يعلن المحسوبين علي.ذلك الموقع وأنصارهم بأن التشهير بsmc وفضحها أكسبها شهرة ومجدا!!!!!!!! الموقع الالكتروني والورقي يكتسب شعبيته وأحترامه من محتواه ومضمونه ومواقفه لا من خلال الوسائل الرخيصة ..... .....يذكرنا هذا محاولة شخص عاطل من الموهبة والقدرات -التحرش بشخص محترم مؤهل ومثقف - حتي يكسب أي العاطل شهرة!! فأي بؤس وكساد وعزلة تعاني منها smc ومع هذا لم يكسبوا شهرة بل أكتسبوا تشهيرا وفضحا !!!!!!! حقا علي قدر أهل العزم تأتي العزائم!! كمال
| |
|
|
|
|
|
|
Re: ما بعد معركة الامس : مصداقية ما قلناه وصوابية ما دعونا اليه. (Re: kamalabas)
|
العزيز أسعد وضيوفه..
سلام وإحترام..
بالنسبة لينا (الوقفو أمبارح وقالو لا) حققنا مكسب في أن يزال هذا الإعلان من مكانه..
الديموقراطية لا تعني الفوضى. بل تعني المسئولية والحماية.
الموقع ده ما بندفع فيه ولا مليم.. دي حقيقة.. بالرغم من إستعدادنا التام للدفع في أي لحظة وسبق أن طرح كتير من العضوية الموضوع ده.
الحديث عن الديموقراطية إتذكرت حكاية زول بسيط أيام الديموقراطية التانية في السودان، ركب حافلة ولما الكمساري جاهو للدفع أداهو نص المبلغ.. الكمساري قال ليهو يا (حبة) الأجرة كذا.. قام الراجل قال رد عليهو: أنا بدفع النص مش قلتو ديموقراطية إنتو عليكم النص..
أتفق تماما مع ما جاء في مداخلة كمال عباس..
دمتم
| |
|
|
|
|
|
|
Re: ما بعد معركة الامس : مصداقية ما قلناه وصوابية ما دعونا اليه. (Re: ASAAD IBRAHIM)
|
Quote: من المكتوب اعلاه يتضح التالي :
(1) الغرض من الاعلان لم يكن الاعلان بحد ذاته انما كان محاولة اثارة الفتنة والبلبلة في الموقع وطبعا كلكم عارفين جهاز الامن بيشتغل كيف. (2) الغرض كان اثارة الاعضاء علي صاحب الموقع وطبعا سيادتو متوقع انو الناس تحرد وتمشي ودي طبعا امنيتو وامنية معلمينو الكبار واظنكم لاحظتو كمية البوستات المستفزة للاعضاء الصاحبت الحدث (3) احراج بكري ابوبكر ووضعه في موقع المدافع عن نفسو وحشرو في مكان ضيق فهو اما ان يقبل الوضع ويصر عليهو ويفقد العضوية او يتراجع عن الاعلان فيتم التلميح بالشرط الجزائي |
I agree with ur assessment ASAAD
| |
|
|
|
|
|
|
|