|
يا اخوانا ابقوا عشرة انا قاطع وش خلاص
|
لاسباب فنية وتكتيكية سأضطر للغياب الاختياري عن المنتدي العام بمنابر سودانيز اون لاين لو مد الله في الآجال اكيد بنتلاقي , اي زول زعلان مننا اكيد اعتذرنا ليهو والما اعتذرنا ليهو يعتبر نفسه في عداد المعتذر لهم , وجميعا تقبلوا تحياتي الصادقة الغياب ليس له باي حوادث جرت في المنبر او حذف بوستات او خلافه الغياب حيكون لاسباب اجتماعية بحتة دائما ما كنت بقول انه دخولي المنتدي دا في البداية كان بسبب الجدب الاجتماعي في بلاد الغربة معظمكم هكذا وان كنتم لا تعترفون بهذا مستوي الونسة هنا جيد جدا والمنتدي في حد زاته موضوع لمن لا موضوع له شخصيا كنت ادخل المنتدي من باب الاستفادة من الوقت الضائع وتمضيته هنا وهناك بين المنبراب لم اخذ يوما الحوار في هذا المنتدي علي محمل جدى ابدا فهو لا يستحق هذا اصلا في اعتباري هذا منتدي للكلام وابداء وجهات النظر والتآلف الاجتماعي والانساني وليس حياة انسانية من يعتبر ان هذا المنتدي وطنا له او هو بمثابة حياة بديلة فعليه ان ( يفتش) نفسه جيدا لانه في اي لحظة قد يتوقف المنتدي لاسباب فنية او غيرها ويومها سيجد نفسه بلا حياة او وطن هذا منتدي للحوار وهو هكذا فقط بدون اي اضافة او خداع للنفس احيوا المعروف بينكم ولا تأخذكم العزة بالاثم سيفرح من لم ( يستسيغني ) في هذا المنبر وانا لا الومه فما في القلب هو هبة من الله وسيفتقدني بعض الاصدقاء اياما وبعدها ينسون وهكذا حال العلائق الاثيرية كما اني ساذكر من اذكر منكم وسانسى البعض ساكون حاضرا لتقبل كلمات الوداع لمن شاء والعفو لله ورسوله
|
|
|
|
|
|
|
|
Re: يا اخوانا ابقوا عشرة انا قاطع وش خلاص (Re: ABU QUSAI)
|
ابو قصي امس اتصلت بالجماعة كلهم قالوا لي زمااااااااااان كوتي كلمنا يادوب صحيت انت اهاهاهاها طلعوا كلهم في المنتدي الاجتماعي لكن علي العموم مواعيدي معاهم بكرة علي اساس انه حاجمع كل التبرعات بالاضافة لي تبرعاتنا واوصلها ليك ان شاء الله وبينا التلفون
| |
|
|
|
|
|
|
Re: يا اخوانا ابقوا عشرة انا قاطع وش خلاص (Re: وليد محمد المبارك)
|
السلام عليكم والله يا اساسي انت زول كويس زي ما قال وليد وعشان كده حا نفقدك زي ما قلت يوم ...يومين ....اسبوع ... شهر وبعدين ننسى حنانك ذاتو المهم .. نظريتك بتاعة المنبر الوهم الذي لا يحتوي على حياة انسانية مع انو فيها كتير من الصحة ولكنها لا تخلو من الثقوب أهمها... انك اختزلت العلاقات الإجتماعية القوية البتنشأ بين البورداب لعلاقة وهمية وده ما كلام صحيح لاني اعرف كتير من العلاقات البوردية الاتطورت وبقت علاقات اكبر من علاقات القرابة ماك طالبني حليفة ولكنك يا اساسي كنت على قائمة الناس الناوي ازورهم لما امر بجدة ان شاء الله بس بعد كلامك ده .. ده طرفنا منك لانو فهمنا من كلامك انك ما داير الناس يجوك يعني فاضلنا هشام يا زول وآخرين .................. تخريمة 1 أوعى ناذر الخليفة يكون عندو مفاهيمك دي عشان ناويين نظبط اجازتنا مع عرسو تخريمة 2 قاطع وش ( بلغة الميكانيكية ) معناها مسخن سخانة شديدة عكس ما تقصد ........................ وما الناس إلا هالك وأبن هالك *** وذو نسب في الهالكين عريق
| |
|
|
|
|
|
|
Re: يا اخوانا ابقوا عشرة انا قاطع وش خلاص (Re: فيصل نوبي)
|
الابن فيصل نوبي
تحية وتقدير
اهم حاجة في المنبر دا انه ما تخليهو يقفلها معاك بصورة حقيقة يعني البيحصل هنا دا كله عبارة عن موجات دايرة الزول الحريف يقدر يعدي عليها كلها وانت يا ابني ولد حريف ورهيف .. لو ختيت دكين حتعيش احلي ايامك .. بس كمان ما تقعد تتابع لي سيف علي .
| |
|
|
|
|
|
|
Re: يا اخوانا ابقوا عشرة انا قاطع وش خلاص (Re: خالد العبيد)
|
المجولب اساسي.. نحن كقوى سودان جديد بنعتبر مشيتك زي جيتك..يعني التحاور والعراك حيستمر إلى أن يرث الصالحون الأرض..والظلاميين والمجولبين واشبابههم لن يثبتو هنا ليلة واحد طالما الدواس حاصل..وحتما سيولون الدبر...
عييييك...
بشاشا
| |
|
|
|
|
|
|
Re: يا اخوانا ابقوا عشرة انا قاطع وش خلاص (Re: محمد فرح)
|
Quote: من ألز زول في أون لاين |
ألز : صيغة التفضيل و المبالغة من الفعل يلز يلز : يدفع و تفيدالدفر الدفر: هو الدفع بقوة بغرض تحريك او تدوير الحاجة يقال "أدينا دفرة" لتدوير العربة المبطلة
المعنى العام أساسي أكثر أعضاء أون لاين دفعا او دفرا أو أساسي أفضل من يدفع او يدفر بين أعضاء أون لاين
دفرة.... حليلك ياالملا عمر
| |
|
|
|
|
|
|
Re: يا اخوانا ابقوا عشرة انا قاطع وش خلاص (Re: اساسي)
|
ياا ساسي قطر عجيب اليودي ما يجيب سفر البن يا اخينا دق و حريق و عقبال عند اخرين ممن لا نطيق ابدا حتي ذكر اسماءهم
عليكم اللعنة و نتمني لكم خراب البيوت و الدمار الدائم
طه جعفر الخليفة طه يتحدث من القلب ومافي القلب غير الوجع
| |
|
|
|
|
|
|
Re: يا اخوانا ابقوا عشرة انا قاطع وش خلاص (Re: TahaElham)
|
يا اخوانا استاذنكم الرد علي طه جعفر كتبت في معرض غيابي
Quote: ياا ساسي قطر عجيب اليودي ما يجيب سفر البن يا اخينا دق و حريق و عقبال عند اخرين ممن لا نطيق ابدا حتي ذكر اسماءهم
عليكم اللعنة و نتمني لكم خراب البيوت و الدمار الدائم |
وقبل الامس كان هناك بوست عن والدك هذه مشاركتي فيه
اردت فقط ان اريك من انا ومن انت يا طه ستظل تدعوا الله بخراب بيوتنا لا يضيرنا من دعوتك شيئا فانت لست سوى سفيه وما اظن الله يبر السفاء في سفاهتكم يوما وسنظل ندعوا الله لك ولاسرتك بالسلامة وباذنه تعالي سيتقبل منا الدعاء لانه دعاء بظهر الغيب لا نرجوا من ورائه جزاء ولا شكورا فانت لا تملك ان تشكر الله دعك من شكرنا يا ود الشيخ عشان كدا ستظل نكرة يا طه حتى لو كتبت اسم جد جدك وسنظل اعلام لكن تدركوها حتي لو كتبنا بدلا عن اسمائنا اشارات يكفيني فخرا ان من احتفي بي وبوداعي هذه الكوكبة الجميلة من الاحبة الذين بالقطع افضل احذيتهم عليك وليس سواك نكرة من فرح بذلك رغم انه لا يضيرني ولكن تبقي نكرة يا طه وستظل ما شاء الله لك وضيعا ذا خسة وشكرا لمرورك يا وريف
| |
|
|
|
|
|
|
Re: يا اخوانا ابقوا عشرة انا قاطع وش خلاص (Re: غادة عبدالعزيز خالد)
|
Quote: اردت فقط ان اريك من انا ومن انت يا طه ستظل تدعوا الله بخراب بيوتنا لا يضيرنا من دعوتك شيئا فانت لست سوى سفيه وما اظن الله يبر السفاء في سفاهتكم يوما وسنظل ندعوا الله لك ولاسرتك بالسلامة وباذنه تعالي سيتقبل منا الدعاء لانه دعاء بظهر الغيب لا نرجوا من ورائه جزاء ولا شكورا فانت لا تملك ان تشكر الله دعك من شكرنا يا ود الشيخ عشان كدا ستظل نكرة يا طه حتى لو كتبت اسم جد جدك وسنظل اعلام لكن تدركوها حتي لو كتبنا بدلا عن اسمائنا اشارات يكفيني فخرا ان من احتفي بي وبوداعي هذه الكوكبة الجميلة من الاحبة الذين بالقطع افضل احذيتهم عليك وليس سواك نكرة من فرح بذلك رغم انه لا يضيرني ولكن تبقي نكرة يا طه وستظل ما شاء الله لك وضيعا ذا خسة وشكرا لمرورك يا وريف |
أمشي انتحر يا طــرة يا وضيع لا تستحق اسم طه لأنه اسم لخير البشر توفففففففففففففففففففي عليك
| |
|
|
|
|
|
|
Re: يا اخوانا ابقوا عشرة انا قاطع وش خلاص (Re: معتز القريش)
|
الاحبة
حاتم محمد البشري حمد فتح الرحمن معتز القريش محمد فرح ( تاني) محمد البشري (تاني) حميدة طراجي تماضر الخنساء محمد عادل هاشم احمد خلف الله محمد البشري ( تاااااني ) صديق الموج غادة عبد العزيز معتز القريش ( تااااني)
ـــــــــــــــــــ ياخي شكرن زاتها خجلانة منكم ومن جمالكم اتمني انه ربنا يقدرني علي الدعاء ليكم دائما بالتوفيق والسلامة و الزرق والعافية في بيته الحرام لانه اصدق من كدا ما عندي ليكم رد ــــــــــــــــــــــــ تصدق يا طه انا ما بكرهك لكن حزين عليك وعلي المساكين البغتدوا بيك
| |
|
|
|
|
|
|
Re: يا اخوانا ابقوا عشرة انا قاطع وش خلاص (Re: اساسي)
|
أساسي، الحائز على جميع ألقاب شلة الإفك: الكوز، الظلامي، الإسلاموي، الدباب، الجلابي والعنصري
سلام يا رفيق النضال ضد مناضلي الوهم
قبل ما تمشي وتجي بالسلامة، أقول ليك إنو المرة الوحيدة -البتذكرها- الزعلت فيها من كلام كتبتو إنت كانت يوم كتبت عن الكذاب الملفق wesamm. لأسباب عديدة، أهمها إنك حولتو بين ليلة وضحاها من الجاني للضحية، ومنحته منفذا للهروب من سجله المتواضع بادعاء أنه مستهدف -بمساعدة شلة الإفك-.
دي أظنها غلطة الشاطر.
طبعا ده بخلاف شماتتك فينا بعد ثلاثية Nassarawa
| |
|
|
|
|
|
|
Re: يا اخوانا ابقوا عشرة انا قاطع وش خلاص (Re: Elmosley)
|
الحبيب أساسي الأساسي وين مشتت يافردة خليت المنبر مغلي زي المرجل وتقول قاطع وش ياخي دا كلاااااااااام المهم الحرم المصون والغالية على وصول عشان كده اقطع وشك زي ما عائز وأمشي تعال تلقانا ايانا نحن زي ما نحن بس ما تطول الغيبة
| |
|
|
|
|
|
|
|