|
|
 مكرمة رائعة من الخطوط الجوية السودانية لكافة بورداب الرياض وأسرهم ...
|
في مكرمة تضاف الى مكرمات الخطوط السودانية اعلن المدير الاقليمي للمبيعات بالمنطقة الوسطي عــــن تخفيضات مقدرة للتذاكر لاعضاء سودانيز اونلاين وأسرهم .
ونحن بدورنا نثمن هذا المبادرة الرائعة من سودانير . مع تمنياتنا بالتقدم والازدهار لناقلنا الوطني
وهو يقوم بدور فعال في حركة نقل المواطنين والبضائع بكل سهولة ويسر مع دقة وانضباط في المواعيــد وخدمـــة راقية يقدمها لكل من يسافر على متنها ..
ود الباوقة
|
|
 
|
|
|
|
|
|
|
|
Re: مكرمة رائعة من الخطوط الجوية السودانية لكافة بورداب الرياض وأسرهم ... (Re: عمر الفاروق)
|
يا ود الباوقة :
الزول ده حا يعرفني بوردابي كيف ؟
أطبع ليهو بوست ولا مداخلة أكون كاتبا ولا بس أقول ليهو انا جاييك من طرف بكري ابو بكر؟
تخريمة :
الزول القطع تزكرة من غير تخفيض ممكن بي أثر رجعي يعملوا ليهو الخصم؟(انا جادي)
ود الفاروق ..
معقولة في زول في الرياض ما بيعرفك يا عمر .
عموما يمكن حصر كل البورداب بالرياض في كشف وتسليمه للخطوط . مش كدا يا عمر . المسالـــــــة في غايةالسهولة.
المشوشرون يمتنعون ....
ود الباوقة
| |
|
|
|
|
|
|
|
|
|
Re: مكرمة رائعة من الخطوط الجوية السودانية لكافة بورداب الرياض وأسرهم ... (Re: ود الباوقة)
|
الاخ ود الباوقة مسائك سعيد فى بادرة طيبة من اخ طيب ناجا ونبح مع ادارة سـاليفة الذكر ســـودان طير وما جنة الا الســــــــــــــراب وخـــــيبة الامل >>>والموضعوع اخ كريم ســـــودانى اصـــــيل غنى للوطن غنى للجمال>>>>>> وقال الليل نعدو نجمة نجمة>>>> وقل تـعيش انت ويدوم خيرك اتكرمت علهو الخطوط السعودية ونحن من جانبنالا يسعنا الا من نتوجة بلشكر الجذيل لى الخطوط السعودية وكمان جاى تقول مكرمةرائعة { تكبير تهليل}
| |
|
|
|
|
|
|
|
|
 Re: مكرمة رائعة من الخطوط الجوية السودانية لكافة بورداب الرياض وأسرهم ... (Re: jini)
|
| Quote: انت يا جني طبعا قاعد تسافر بالبحر وكدا .. ود الباوقة |
.. Quote: عشان مستعجل!
الخلا ولا الرفيق الفسل! جنى |
..
يا جني .. ( كان ما بتعرف تطــير وما عايز تطيــر ) .. انتظر صلاح غريبة .. ( يغطس ) حجرك في المسافة بين سواكن وجــدة ..
يا ود البـــاوقة .. ( انا ادوني الخصم بتاعي كــاش بلاي ) لاني ناوي امشي بي ( كرعيني )
..
حركة كويسة من محطة المنطقة الوسطى .. واتمنى ان تعقبها حركات مماثلة في كل المناطق ..
هناك اسر كبيرة واصبحت مسالة تذاكر السفر بالطيران صعبة الاحتمال في ظل المتغيرات هنا من ارتفاع في الايجارات وما شابـــه..
المشكلة الاساسية لكل مسافر هنا إلى السودان تحديدا .. يواجه مشكلة الوزن الزائد تدبير التذاكر من فترة والحجــز .. ونحن داخلين على موسم الاجازات .. فدائما يسعى الفرد باي شكل كان بتجهيز نفسه .. احيانا ( بتحنيس الكاونتر ويلاقي ما يلاقيه من زل ومسك رجــل .. ربما يرجع وفي القلب حسرة .. فقد عايشت مواقف كثيرة تثبت ما اقول ..
إذا
إذا كان هناك ما يعطيني الحق من الجهة الفعلية ويوفر الكثير من الجهد .. وكدا .. كدا الواحد مشحطط .. ومجهجه .. فلماذا لا نستثمر هذه الفرصة ولو مرة واحدة في العمــر ؟؟
طبعا ح تقولو تمبس بقى كسار تلج ..
اهــا انــا الطيارة دي اصلو ما قاعد اسافر بيها .. ( إلا يبنجوني )..
نحن من قلة جدا .. نسافر بي بساط الريح ..
شكرا مجددا لرفع المعاناة عن بورداب الرياض .. وعن اسرهم.
| |
|
|
|
|
|
|
|
|
|
مكرمة رائعة من الخطوط الجوية السودانية لكافة بورداب الرياض وأسرهم ... (Re: ود الباوقة)
|
الأخ / ود الباوقة
سلام واحترام ،،،
مكرمة شنو والخطوط السودانية شنو ديل بيتمتعوا في اهانة الناس
حقيقة معاملة الخطوط السودانية للمسافرين اهانة وعذاب
خلي المدير الاقليمي دا يتكلم مع الموظفين ويجلس مع نفسه ويشوف كيف
بيعاملوا الناس خاصة الما عندهم معهم معرفة دي خطوط لا تحترم مواطنيها
والله لو قطعوا ليك التذكرة مجاني وعاملوك بالطريقة الشايفنها في المطار دي
برضو ما نافعة . المواطن يشجع الناقل الوطني عندما يجد معاملة حسنة ولكن
معاملة بالمحسوبية دي ما بتقدم ولا حاجة .
خلي المدير الاقليمي وموظفي سودانير يحترموا الناس ويعامولوها باخلاق والناس
حاتقطع على سودانير بدون اي مكرمة .
تقبل تحياتي
أبو كريم
| |
|
|
|
|
|
|
|
|
|
Re: مكرمة رائعة من الخطوط الجوية السودانية لكافة بورداب الرياض وأسرهم ... (Re: ود الباوقة)
|
كفايه ضحك على عقول البشر يا جماعه .....................
ود الباوقه هذا هو العنوان الصحيح
(( فى مهانه جديده لبورداب الرياض من الخطوط الجويه السودانيه ))
قال مكركه قال ـ اليس من الأفضل إذا كانت الخطوط الجويه السودانيه تستطيع أن تقدم مكرمات ، أليس الفنان إبراهيــم حســين هو فى حوجه لذلك أكثر منكم أنتم بورداب
الرياض ، فى الأمر إنه هذه رشوه فأحذروها أحذروها ، يريدون تكميم أقلامكم بهذه الشعارات الرنانه
لئلا تكتبوا عنها شيئا ، إلا ما يمدحها مثل عنوانك هذا ، وقضية الأستاذ إبراهيم حسين لم يجف مدادها
بعد ......
| |
|
|
|
|
|
|
|
|
|
Re: مكرمة رائعة من الخطوط الجوية السودانية لكافة بورداب الرياض وأسرهم ... (Re: بشير حسـن بشـير)
|
| Quote: في مكرمة تضاف الى مكرمات الخطوط السودانية اعلن المدير الاقليمي للمبيعات بالمنطقة الوسطي عــــن تخفيضات مقدرة للتذاكر لاعضاء سودانيز اونلاين وأسرهم . |
ود الباوقة
والله دي غتاتة منك ومن عبد الفتاح !!! يعني أمبارح شايفني في مكتب الخطوط شايل لي 6 تذاكر وما في زول فيكم قال لي إحم ؟؟؟ هسة أسوي شنو ؟ صراحة كدة أن جادي ومنتظر الرد بخصوص الخصم ..
بعدين وبصراحة كده وبموضوعية شديدة ودون أي مجاملة أخالف بعض الأخوان في رأيهم ، فهناك تغيير ملموس في تعامل المسئولين والموظفين وتحديدا في محطة الرياض وأرى أن الأستاذ عبد الفتاح عبد العزيز مدير المبيعات بأخلاقه العالية قد استطاع أن يوجه مفهوم التعامل مع العملاء إلى نظرة أوسع وأشمل فهو رجل رفيع الأخلاق وراقي التعامل مع الجميع وهذه الشهادة أقولها صادقا لوجه الله دون أنتظار أي مصلحة أو غرض ،، واختصار سمعة المكتب على مسألة واحدة ليس من الأنصاف وبرغم أنه كانت لنا أيضا وجهة نظر خلال تكريم الفنان عثمان حسين إلا أن ذلك لا يمنعنا من قول كلمة الحق خاصة إذا نظرنا الى الموضوع من ناحية تنظيمية ومالية محضة تربط المسئول باجراءات وقيود ..
أقولها مرة أخرى الشكر كل الشكر لطاقم مكتب الخطوط الجوية السودانية على تعاونهم مع بورداب الرياض وغيرهم ،،،
| |
|
|
|
|
|
|
|
|
 Re: مكرمة رائعة من الخطوط الجوية السودانية لكافة بورداب الرياض وأسرهم ... (Re: بشير حسـن بشـير)
|
| Quote: فى مهانه جديده لبورداب الرياض من الخطوط الجويه السودانيه |
..Quote: أليس الفنان إبراهيــم حســين هو فى حوجه لذلك أكثر منكم أنتم بورداب
الرياض ، فى الأمر إنه هذه رشوه فأحذروها أحذروها |
..Quote: يريدون تكميم أقلامكم بهذه الشعارات الرنانه
لئلا تكتبوا عنها شيئا ، إلا ما يمدحها مثل عنوانك هذا ، وقضية الأستاذ إبراهيم حسين لم يجف مدادها
بعد ...... |
.. بشير حســن بشير ..
تكميم اقلام شنو ورشــوة شنــو يا راجل ؟؟
ومهانة جديدة شنو لبورداب الرياض ؟؟
العايزين نكتبو هنا .. بنكتبو في عين اي حد .. | Quote: الفنان إبراهيــم حســين هو فى حوجه لذلك أكثر منكم أنتم بورداب |
. ما تابعت موضوع الاستاذ ابراهيم حسين .. ولا عارف تفاصيلو ممكن تزودني بالمسالة الحاصل فيها شنــو ؟؟
بعدين تفتكــر انو بورداب الرياض ديل كل واحد فيهم ح يمشي لي ناس سودانير يقول ليهم يا جماعة بلاي المكرمة بتاعتكم دي ادوني ليها انا مستعجل ولي سنين راجيها ؟؟
معظم الناس دي هنا بتدفع ليها شركاتها ومتكفلة بالطيران على خطوط أخرى غير السودانية .. الا ما ندر منهم .. ما ندر منهم ديل . ليهم حــق زيهم وزي اي ناس تانيين في سودانير ، في الاسواق الحــرة ، في ميناء سواكن .. إلخ .
لا اعتقد ان هناك من سيفتح عين بورداب الرياض لمحاولة تكميم افواههم ـ او محاولة شملهم بالعطايا والهبات من الجهات الحكومية لتدجينهم ..
نحن هنا ـ ونراقب الوضع بحكم تواجدنا فيه ونقيس المواضع بميزان الوعي . ونقدم كل يوم خدمات ونضرب امثال ما استطعنــا ..
| |
|
|
|
|
|
|
|
|
|
Re: مكرمة رائعة من الخطوط الجوية السودانية لكافة بورداب الرياض وأسرهم ... (Re: ود الباوقة)
|
يعني يا ريس بكره لو بكري دا علق لي باسوردي دا في السماء تكون المكرمة دي ضاعت ساااي ..
هناك الكثير من الأسر التي تعاني من مشاكل سفر أبنائها للدراسة والإجازات كمان نتمنى إنو المكرمة دي تمشي ليهم وتخفف كثير من المعاناة التي يواجهونها وبعدين التخفيض دا كان أولى بيهو الفنان القامة إبراهيم حسين ..
فتشوا عن الخدمات الجيدة وراحة المواطنين المكرمة دي تشكروا عليها ..
أنا غايتو جيت نهائي (علا) أخوي الكاشف دا ما عارفو
| |
|
|
|
|
|
|
|
|
|
Re: مكرمة رائعة من الخطوط الجوية السودانية لكافة بورداب الرياض وأسرهم ... (Re: بشير حسـن بشـير)
|
Quote: هناك الكثير من الأسر التي تعاني من مشاكل سفر أبنائها للدراسة والإجازات كمان نتمنى إنو المكرمة دي تمشي ليهم وتخفف كثير من المعاناة التي يواجهونها وبعدين التخفيض دا كان أولى بيهو الفنان القامة إبراهيم حسين ..
فتشوا عن الخدمات الجيدة وراحة المواطنين المكرمة دي تشكروا عليها ..
|
..| Quote: الأخ تمبس براحه وما يطق ليك عرق |
الاخ بشير .. معليش نحاول نرتقي شوية ونختار من المفردات للتخاطب تحفظ لنا الحق في الجدال بروح عالية من الاحترام والود المتبادل .. يعني يطق ليك عرق دي خليها على الجنب حتى لا نستعمل مفردات مترادفه مشابهة ..
أما
دخولي لك هنا كان من مبدأ احساسي بما وجهته في حق بورداب الرياض وانا واحد منهم فلذا وجب على ان احكي فيما يتعلق بما يخصني ..
اما فضائح سودانير كما اشرت لها في الرابط المعني .. لا اعتقد ان هناك الكثير من المؤسسات تحتاج الى رسم خطوط عريضة حولها لنوضح كمية الفساد المستشري فيها ..
حديثي لك كان يتعلق بنقاط محددة لا علاقة لها بهذا الرابط .. كنت فقط اتمنى ان نستمر في هذا الحديث فقط ..
معتصــم:
مع احتفاظي بوجهات النظــر وطريقة الطرح:
ذكرت ان الفنان ابراهيم حسين اولي بهذا التخفيض .. وبذلك وضعته في كفة .. واسر كثيرة في كفة أخــرى ..
الاستاذ القامة ابراهيم حسين امد الله في ايامه لا احد ينكر ان له دور فاعل بما قدمه في المجال الفني .. لنسال انفسنا اولا قبل ان نكتب كلمة عابره تكون في شكل اكليشيه او استمرارية لمداخلات عبارة عن ترديد كلمات ..
لنسال انفسنا ماذا قدم اتحاد الفنانين للاستاذ ابراهيم .. وماذا سيقدمون ..
ماذا قدم الشعب السوداني للفنان الاستاذ ابراهيم حسين ، وماذا سيقدمون ..
اذا كنت يا معتصم ترى ان يحق هذا التخفيض للاستاذ ابراهيم حسين مقارنة ببورداب الرياض ، والكثير من الاسر التي تعاني هنا وانت على معرفة ودراية بهذا الامـــر..
ثم
يمكن بكل سهولة يا معتصم .. انك تمشي لي ناس سودانير ديل وتقول ليهم والله يا جماعة التخفيض بتاعي ده احق بيهو الاستاذ القامة ابراهيم حسين .. وتدخلهم فيحتات ضيقة جدا .. وبي كدا تكون عبرت عن شعورك عمليا.. وشوف بعداك البيحصل شنــو ، انا ذاتي ممكن امشي معاك شارع الستين للمكتب ..
البيحصل بعداك نجي نكتبو هنا لي حسن بشير ونوريهو انو ممكن نقول البغله في الابريق عادي جدا.
فاعتقد انك والاخ بشير حسن بشير في حاجة لمراجعة ما كتبتم هنا حسب وجهة نظري المتواضعة ..
نحن نبحث هنا .. ونطرق كل السبل المتاحة والغير متاحة لنجد ما ينفع البعض هنا .. ولنجد من يساعد من هو في حوجة للمساعدة .. فمرحبا لو كانت هذه التسهيلات .. من الخطوط ( السودانية ) .. قبل ان تمتد يد البعض الى جهات اخرى غير سودانية .. وعندها اعتقد ان مثل كلمات بشير هذى لا تثمن ولا تغني من جــوع . ولا بتجيب حق التذكرة .. ولا رسوم وزن عشرة كيلــو زايده عن المعدل الرسمي ..
من قناعاتي .. اي جهة حكومية يمكن ان نلتقط منها ولو مليم احمر .. فهو حق شرعي مكفول للجميع .. ويجب الحصول عليه والبحث عن آخــر .. لكن لا ان ناتي ونكتب في عشوائية لا تفيد في شئ
| |
|
|
|
|
|
|
|
|
|
Re: مكرمة رائعة من الخطوط الجوية السودانية لكافة بورداب الرياض وأسرهم ... (Re: tmbis)
|
..
بعدين يا جماعة علشان يكون الكلام موضوعي .. لحد بعيد
الآن قفلت الخط وكنت بتكلم مع مدير محطة الرياض .. علشان اتاكد من الخصم ده واقول ليهو انا قاعد ادافع عنكم في موقع سودانيز اونلاين شوفو لي رشــوة في حدود تذكرة ذهاب واياب ووزن عفش مية كيلو اقل حاجة.. وقلت ليهم انا ما مسافر قريبات دي .. لكن بس يختو المسالة دي في بالهم .
اتضح ان هذه التخفيضات غير مخصصة فقط لبورداب الرياض بسودانيز اونلاين انما هم من ضمن شريحة مشمولة من ضمن الجمعيات التي تقدم لها هذه الخدمات وهي سياسة تسويقية متبعة في معظم شركات الطيران هنــا ومن ضمنها شركة الطيران العربية اليمنية التي كانت تقدم تخفيضات هائلة لمجموعة الصحفيين ، تم الاتصال بالخطوط السودانية وقامت الخطوط بتقديم نفس التخفيضات عن طريقهــا وربما بشكل ايسر واسهل ( اتمنى التعقيب ممن لهم العلم بهذا الامر من الاخوة من مجموعة الصحفيين ) ..
بنفس القدر تقدم الخطوط السودانية وكما عرفت نفس هذه الخدمة للعديد من الجهات من ضمنها الاساتذة والمعلمين بالرياض ، قدمت لروابط دنقلا والكثير من الروابط هنا هذا الدعم وعلى استعداد للقيام بهذه الخدمة مع اي مجموعة مهما كان عددها او قوامهــا ..
اذا
ليست مخصصة هذه الخدمة لمجموعة بورداب الرياض . وهذا ما يهمني في مجمل الأمــر.
إذا
هل هناك من يجبر سودانير على تقديم هذا الدعم للكثير من ابناء السودان هنــا .. واذا امتنعت عن ذلك ، هل منكم من يقوم باجبارها على ان تقدم هذه الخدمــة ؟؟
يا بشير حسن بشير ..
ياريت كلامي ده يكون لاقي صدى جواك .. وانا مستعد اثبت ليك كلامي ده عملياً علشان نصل لي انو المسالة دي ما ليها علاقة بي رشوة بورداب الرياض ..
والا رايك شنــو ؟
| |
|
|
|
|
|
|
|
|
|
Re: مكرمة رائعة من الخطوط الجوية السودانية لكافة بورداب الرياض وأسرهم ... (Re: tmbis)
|
يا تامبا أنا لما عبرت عن رايي دا ما كان شخصي ولا كتبت عن عشوائية زي ما تفضلت هناك الكثير يجب على سودانير القيام به حتى تكسب ثقة الجميع ولا يخفى عليك معاناة المغتربين هنا حينما ذكرتهم وطيلة فترة وجودي هنا في المملكة سافرت عبر سودانير مره واحدة وانت تعرف الطريقة السافرت بيها ..
ويشكر مكتب الرياض على مكرمته هذه ولكن كانت هناك وجهة نظر وجهتها لهم يمكن قبولها أو رفضها وفي النهاية تبقى مؤسسة وطنية خاضعة للإنتقاد والمحاسبة ..
يا تامبا نحن البلد الوحيد الفي العالم دا تزكرته زائدة على خلق الله قبل أيام تناقشنا في الموضوع دا وتساءلنا لماذا تزاكر الدول الحولينا سعرها معقول ومناسب أما نحن فلا ..
حسب علمي عن علاج الفنان إبراهيم حسين أيام مرضه كان يتعالج في الأردن لفترة طويلة ويمكنك معرفة كيفية علاجه لأني لا أملكها بس بقول ليك أهل السودان ما قصروا معاه وأهل السودان ديل يمكن يكون إتحاد فنانين ومقربين ومواطن بسيط أو حكومة حتى، المهم في الأمر دي حالة تانية ويبقى الفنان فنان في نظرنا وعليك بما قامت به الخطوط السعودية تجاهو ودا يكفي ..
نحن حين نكتب هنا عن مؤسسات بلد بنكتب وننتقد عشان المواطن البسيط وحتى تقوم هذه المؤسسات بعلاج القصور فيها ودي وجهة نظري في الموضوع ..
| |
|
|
|
|
|
|
|
|
|
Re: مكرمة رائعة من الخطوط الجوية السودانية لكافة بورداب الرياض وأسرهم ... (Re: معتصم دفع الله)
|
| Quote: نحن حين نكتب هنا عن مؤسسات بلد بنكتب وننتقد عشان المواطن البسيط وحتى تقوم هذه المؤسسات بعلاج القصور فيها ودي وجهة نظري في الموضوع .. |
..يا معتصم مافي كبير على النقـد .. وبالنقد الهادف الناس بتمشي لي قدام .. سواء كان خطوط سودانية او رئاسة الجمهورية ما بيفرق كتير طالما لينا الادوات والمعطيات المتوفرة حوالينا..
وجهت ليك الكلام ده لانو انت عارف البير وغطاها وبي امكانك براحه براحه تسوق الموضوع بي موضوعية اكتر من الناس الكتبت هنا ووجهت الكلام لي بورداب الرياض في صمة خشمم .. يعني لو ود الباوقة كتب الكلام ده معناته خلاص بورداب الرياض كلهم يحاسبون بجريرة ود الباوقة ..
نكتب كلنا عن مؤسسات البلد لانها بتهمنا ونكتب للمواطن البسيط وعن المواطن الابسط منـو وكل من له المقدرة على ذلك يفعل ..
لكن
بصورة تكون اقوي وتخدم الامــر .. لكن ما تضيع حقو ..
وضحت ليك فوق الاحتفاظ بي احترامي لي وجهات النظـــر .. وده حق مشروع للجميع بدون فـرز..
| |
|
|
|
|
|
|
|
|
|
Re: مكرمة رائعة من الخطوط الجوية السودانية لكافة بورداب الرياض وأسرهم ... (Re: خضر الطيب)
|
| Quote: والله ياتمبوسة من كلامك الفوق دا , واااااضح انك السنة دي مصيف |
خــدره يا بيــاع ..
ياخي خط الطيران بتاعي اصلو ما بيتلم مع سودانير .. انا قاطع بالاثيوبية 
لكن ماشي بي تحت مع ( جني وصلاح غريبة ) والفــورة الف ..
تعرف ياخضــر .. هنا تقول البغله في الابريق ..
طوالي انت ( لـــون ) .. علشان كدا ما فرقت المسالة بس الناس تكون موضوعية شوية وتتاكد من الكلام البتكتبو علشان الطرح المفكوك ساكت في الهــواء .. بجيب الهــواء
وبجيب ( التصييف ) الشايفو بي عينك ده
بلاي ده ما صيف ؟؟
| |
|
|
|
|
|
|
|
|
|
Re: مكرمة رائعة من الخطوط الجوية السودانية لكافة بورداب الرياض وأسرهم ... (Re: ود الباوقة)
|
...... بـحـسـب مانعـرف انـو شـركـة بـدولة الكـويت اشـتـرت 70 في الـمائـة من اسـهـم الخـطـوط الجـوية السـودانيـة " وهـي الصـفقـة المـريبة الي تـمت بـدون علـم الـمجلس الـوطـني"، وعـليـه فان هـذه الـمكـرمه من الـكويتيـون ولادخـل لسـودانيـر سـابقـآ اي دخـل بالمـكرمـه!!!!!.
..... ورزق الهــبل عـلي المجانييـن!!!!!.
-------------------------------------------------
بيع 70% من (سودانير).. البرلمان لا يعلم واقتصاديون يحذرون.
----------------------------------------------------------------
May 12, 2007, 12:22
سودانيزاونلاين.كوم Sudaneseonline.com
ارسل الموضوع لصديق
نسخة سهلة الطبع
اجمع خبراء فى الاقتصاد وبرلمانيون على ضرورة بقاء شركة الخطوط الجوية السودانية تحت ادارة الدولة باعتبارها من المرافق الاستراتيجية، محذرين من خطورة تسليم الادارة لشركة اجنبية وذلك بعد ان حملت الانباء ان مجموعة عارف الاستثمارية الكويتية ستتسلم إدارة شركة (سودانير) خلال الأشهر القليلة القادمة بعد امتلاكها لـ70% من أسهم الشركة، وشددوا على ضرورة ان تملك الدولة نحو(51%) من اسهم الشركة على اقل تقدير، ولوح البرلمان باستدعاء وزير المالية اذا تمت خصخصة الشركة بهذه الطريقة، نافيا علمه باى اجراءات تمت فى هذا الصدد، وفيما اكدت وزارة المالية ان بيع نسبة الـ(70%) من اسهم الشركة لشركة عارف مجرد مقترح مطروح ضمن عدة مقترحات، انتقد اقتصاديون ووزراء سابقون انعدام الشفافية وسرية اجراءات الاستخصاص التى تتبعها الدولة فى مرافق القطاع العام.
تطوير وتحسين
قال وزير الدولة بالمالية ومسؤول ملف المؤسسات والهيئات الحكومية علي محمود عبدالرسول لـ(لسوداني) ان بيع نسبة الـ70% من اسهم سودانير لمجموعة عارف الكويتية هو مجرد مقترح (واحد) من ضمن المقترحات التي لا تزال قيد البحث والمدارسة ولم يتم حتى الآن اتخاذ قرار بصددها، ولكنه قال انه يتوقع ان يصدر قرار مغاير لهذه النسبة المذكورة، موضحاً ان الشركة ستكون مساهمة عامة ودخول مجموعة عارف الكويتية الهدف منه تحسين وتطوير الأداء بالشركة.
وكشف الوزير عن تمسك الحكومة باسم الشركة وشعارها وموظفيها وحتى مجلس ادارتها الذي قال انه سيظل كما هو، وأشار الى انه لن يتم الاستغناء عن أي موظف بالشركة الا لأسباب قانونية واضحة، وقال ان الشركة بها طائرات سودانية.
استدعاء الوزير
وقال نائب رئيس المجلس الوطني أتيم قرنق لـ(السودانى) ان البرلمان لا علم له بهذه التطورات في ما يلي خصخصة الخطوط الجوية السودانية، مشيراً الى ان البرلمان في حال تلقيه أي معلومة حول ذلك الأمر من جهات رسمية سيستدعي وزير المالية في مسألة مستعجلة لتوضيح الكيفية التي تمت بها اجراءات الخصخصة.
وقال قرنق إن كافة النواب بالمجلس طالبوا بضرورة احتفاظ الحكومة بأكبر نسبة من الأسهم في سودانير والسكة حديد والخطوط البحرية وذلك حتى لا تفقد الحكومة سيطرتها على هذه المؤسسات.
وقال رئيس لجنة النقل بالمجلس الوطني صديق الهندي ان وزير المالية أكد أمس الأول في رده على النواب حول الخصخصة على عدم خصخصة المؤسسات السيادية (سودان لاين – سودان أيرويز – السكة حديد).
وأشار الهندي في حديث لـ(لسوداني) الى ترحيبه بالشراكات الاستراتيجية في المؤسسات السيادية مع الاحتفاظ بأغلبية الأسهم للحكومة، على أن تكون شراكات مستقلة على غرار ما تم في الخطوط البحرية.
وأضاف الهندي (أن من توصيات لجنة الشؤون الاقتصادية انشاء هيئة لمراجعة ودراسة عمليات الخصخصة على ان تتوافق كل اجراءات الخصخصة حتى تقوم هذه الهيئة بمهمتها في أقصر وقت)، معلناً عن عدم علمه بما جرى لشركة الخطوط الجوية السودانية، وتابع: (نحن نسعى لمعرفة الحقيقة، وإذا ثبت ما نشر فإننا لن نسكت وسيكون لنا رأي في حينه).
وأكد عدم ممانعتهم للخصخصة ولكن بالضرورة ان يكون للحكومة نسبة (51%) من الشركة باعتبارها مؤسسة سيادية.
غياب الشفافية
اكد الخبير الاقتصادي د. فاروق كدودة فى حديث لـ(السودانى) ان الخصخصة لها معايير متفق عليها عالمياً، من بينها الشفافية بالاعلان عن الشركة المراد خصخصتها عن طرق عطاءات مفتوحة وعروض ومنافسة ولكن ما يحدث الآن هو خلاف ذلك حيث يتم الاعلان عن المؤسسات التي تمت خصخصتها بعد الفراغ من ذلك تماماً، كما ان هنالك تناقضاً واضحاً في سياسة الحكومة، ففي الوقت الذي تتجه فيه الى خصخصة بعض المؤسسات الحكومية نجدها تعمل يومياً على انشاء شركات حكومية والتي بلغ عددها الآن قرابة الـ(708) شركات وهي لا تخضع للمراقبة والمراجعة ولا للإجراءات المحاسبية مما يجعل الظروف مهيأة تماماً للفساد، وتقرير المراجع العام يؤكد ذلك.
وقال كدودة ان الحديث حول خصخصة الخطوط الجوية السودانية يدور منذ سنوات ما بين النفي والتأكيد وقد كان في سيطرة مجموعة عارف الكويتية عليها بامتلاك 70% من أسهمها (مفاجأة لنا جميعاً) لأن القائمين على أمر الخطوط كانوا يتحدثون حتى وقت قريب عن شراء واستئجار طائرات جديدة وعموماً فإن من يمتلك 70% من أسهم أي مؤسسة يمتلك قرارها، وقال كدودة ان الخطوة ان صحت فذلك يعني الاستمرار في سياسة التخبط بدعوى التحرير الاقتصادي، متوقعاً ان يكون هنالك رد فعل سالب من قبل العاملين بالشركة باعتبارهم أول المتأثرين بهذه العملية.
تطوير الناقل الوطنى
وأمن وزير المالية الأسبق د. سيد علي زكي فى حديث لـ(السودانى)على أهمية دخول القطاع الخاص كشريك في الشركة لتجويد أداء خدمات الطيران وزيادة الربحية باعتبارها هي المشكلة التي يعاني منها الطيران في السودان.
وقال د. زكي ان دخول هذه الشركة في سودانير سيطوّر من الناقل الوطني من ناحية وإدارة الخدمات ويحل المشاكل والإخفاقات المتكررة التي ظلت تعاني منها طيلة الـ(20) عاماً الماضية وهي بذلك لن تؤثر في حركة الطيران او تتحكم فيه كما يتبادر الى الذهن. واوضح الوزير ان هنالك تكتماً واضحاً وعدم شفافية في توضيح الاجراءات التي تمت بها الخصخصة.
وأوضح الخبير الاقتصادي محمد إبراهيم كبج لـ(السوداني) ان ما جاءت به الأخبار حول خصخصة سودانير هو مواصلة للأخطاء الجسيمة التي ارتكبت في ما يتعلق بالخصخصة من قبل حكومة الانقاذ، وقال: (لقد سعدت كثيراً بقرار المجلس الوطني بتكوين لجنة لمراقبة ما تمت خصخصته من مصانع ومزارع وشركات وغيرها، واعتقد ان هذا القرار سيكون منحازاً لجانب الشعب الذي تنهب مدخراته ومؤسساته القومية بشكل لا يتواكب مع احتياجات الاقتصاد السوداني ولا الاحتياجات السياسية والاجتماعية)، وتابع كبج: (ولا يمكن بأي حال ترك الناقل الوطني في بلد مترامي الأطراف مثل السودان في يد شركات وعناصر أجنبية وكذلك الحال بالنسبة للخطوط البحرية والسكة حديد والنقل النهري)، مشيراً الى ان المجال مفتوح تماماً امام كل من يود الاستثمار في مجال النقل الجوي دون تصفية الخطوط الجوية السودانية من ضمن قائمة الهيئات الوطنية في السودان وذات الطابع القومي، لافتاً الى ان اداء الشركة شهد تحسناً معقولاً فى الفترة الماضية.
الخرطوم: هالة حمزة
-------------------
Copyright by SudaneseOnline.com
| |
|
|
|
|
|
|
|
|
|
Re: مكرمة رائعة من الخطوط الجوية السودانية لكافة بورداب الرياض وأسرهم ... (Re: ود الباوقة)
|
الأخ تمبس ، ياخى سلامتك الف الف سلامه من طقة العرق ، كل القصدته انا من باب المداعبه لشخصك الكريم فقط ، اما الشىء الثانى الحرقنى شديد إنه المكرمه خاصه ببورداب الرياض ، وانا من بورداب جده ، يعنى طلوعنا من المولد بدون حمص ، أما الفنان الكبير إبراهيم حسين فأنا كنت برى أنه أحق كثيرا بهذه المكرمه ، أكثر من بورداب الرياض نفسهم ، والله من وراء القصد .
Quote: يا بشير حسن بشير ..
ياريت كلامي ده يكون لاقي صدى جواك .. وانا مستعد اثبت ليك كلامي ده عملياً علشان نصل لي انو المسالة دي ما ليها علاقة بي رشوة بورداب الرياض ..
والا رايك شنــو ؟ |
أنتم وكل البورداب أكبر من أن ترشيكم أى جهه مهما كانت ، معا من أجل الوطن ، الوطن ولا شىء غيره ، مع خالص الود والتحيات عزيزى تمبس ........
| |
|
|
|
|
|
|
|
|
|
Re: مكرمة رائعة من الخطوط الجوية السودانية لكافة بورداب الرياض وأسرهم ... (Re: ود الباوقة)
|
تحياتي لود الباوقة صاحب البوست
الأخ تمبس
تحياتي
و لا أدري لم كل هذا التغاضي عما هو واضح و بين و لا يحتاج لكثير إجتهاد، تقول:
Quote: مع احتفاظي بوجهات النظــر وطريقة الطرح:
ذكرت ان الفنان ابراهيم حسين اولي بهذا التخفيض .. وبذلك وضعته في كفة .. واسر كثيرة في كفة أخــرى .. |
لا أدري هل من المناسب الإيحاء بأن أحدا ما يحاول تفضيل إبراهيم حسين على جموع المغتربين و أسرهم، أو وضعه في كفة و بقية الخلق في كفة أخرى؟ أو هل هنالك أصلا من عاقل يتبنى قضية فنان بهذا الشكل؟ كان الأقرب للمنطق أن تتساءل عن سودانير التي إستطاعت بـ (مكرمة) كما قال ود الباوقة أن تخفض أسعار التذاكر لعدد ربما يتجاوز الآلاف من المغتربين، هل كان يعجزها أن تقوم بشئ مماثل لهذا، كلفتة إنسانية تحمل بعض الوفاء و التقدير لفنان مثل إبراهيم حسين، في وضعه المرضي الحالي؟ بل هل كان صعبا عليها التبرع بقيمة تذكرته هو و زوجته بالكامل؟
أعتقد أن الإجابة على هذا السؤال أجدى من قلب الصورة و حشر إبراهيم حسين في مفاضلة مع جموع المغتربين السودانيين في السعودية.
تقول يا عزيزي تمبس
| Quote: الاستاذ القامة ابراهيم حسين امد الله في ايامه لا احد ينكر ان له دور فاعل بما قدمه في المجال الفني |
نعم أنت إنسان جميل و لا تنكر بالتأكيد الإسهام الجميل والبصمة الواضحة التي أسهم بها إبراهيم حسين في صرح الغناء السوداني، لكن تصرف سودانير الشائن معه تجاوز الإنكار، إلى الجحود. هل من الممكن أن نجد تبريرا مناسبا يفسر لنا لم أرادت سودانير أن تسفر عن كل هذا اللؤم تجاه مناشدة رابطة أبناء كسلا؟ ثم تأتي الآن لتستثمر إعلانيا في سودانيز أون لاين بخبر تخفيضاتها للمغتربين دون أن تفكر في عواقب موقفها تجاه الفنان الجميل إبراهيم حسين؟ أليس من المستفز حقا أن يصدر إعلان كهذا بعد فترة قصيرة جدا من رفضها الغريب طلب خفض تذاكر إبراهيم حسين الذي سيصل غدا إلى السعودية على متن الخطوط السعودية التي تكفلت مشكورة بالتذاكر مجـــــانا!! لا لن تنجو سودانير بفعلتها و سنكتب عن هذا في كل مكان و سنتناوله في كل حديث و سنوصله حتما للصحافة السودانية العريضة. نحن - أبناء كسلا إن لم يكن كل محبي الفنان إبراهيم حسين- في أشد الإستياء و إن كنت أنا شخصيا أصلا لا أؤمل خيرا لا في دولة الإنقاذ و لا في مؤسساتها. و لك – و أنت في السعودية- أن تتساءل الآن في أوساط رابطة أبناء كسلا في المملكة العربية السعودية لتلمس مدى الغضب و الإستياء من موقف سودانير إزاء مسعاهم إستصدار تذاكر مخفضة لإحضار الفنان للعلاج في السعودية بمبادرة ناهضة من شباب الرابطة.
Quote: .. لنسال انفسنا اولا قبل ان نكتب كلمة عابره تكون في شكل اكليشيه او استمرارية لمداخلات عبارة عن ترديد كلمات ..
لنسال انفسنا ماذا قدم اتحاد الفنانين للاستاذ ابراهيم .. وماذا سيقدمون ..
ماذا قدم الشعب السوداني للفنان الاستاذ ابراهيم حسين ، وماذا سيقدمون .. |
مع تقديري الكامل لتساؤلاتك المشروعة و قد تجد لها إجابات و قد لا تجد، لكن السياق هنا ليس سياق إتحاد الفنانين و لا هو بسياق جرد لمواقف الشعب السوداني مع الفنان إبراهيم حسين. هو سياق الخطوط الجوية السودانية و ((مكرماتها)) التي تريد أن تفيد منها إعلانيا في هذا الوسط السوداني المقبل على موسم رحلات. فلا أجدك قد حافظت على ما عهدته فيك من وضوح و أنت تعالج هذه المسألة. لقد جانبك الصواب في ردك على الأخ بشير، ربما أثارت موجدتك مداخلته معك، و لكني أرى أن رد فعلك تجاهه إنسحب ليجانب المعقول في مقاربة موضوع سودانير و أستاذنا الفنان إبراهيم حسين. تقول أي فرصة للإستفادة مما يأتي من مؤسسات الدولة يجب إستغلالها، ربما لا يختلف معك كثيرون في هذا و لكن ضع موقفا واضحا مما هو أوضح من الشمس يا تمبس، و بعد ذلك أفعل ما يحلو لك و احكي ما عن لك عن معاناة المغتربين و عقوق سودانير و دولة الإنقاذ. و لك خالص التقدير و المحبة.
السموأل
| |
|
|
|
|
|
|
|
|
|
Re: مكرمة رائعة من الخطوط الجوية السودانية لكافة بورداب الرياض وأسرهم ... (Re: Samau'al Abusin)
|
الأخ العزيز سمؤال ابوسن ..
كلامك على العين والراس .. وح ارجع ليهو بالتفصيل الممل ..
لكن
قبل كل شئ اتمنى ان نتفق على مسالة صغيرة جدا اني .. محال افضل بشر عن بشر او اضع مقارنة كل الكلام الجا كان في مكانو .. ولا هو نتاج دفاع عن سودانير .. لاني انا ما الجهة البدافع عن اخفاق اي من المؤسسات الحكومية لكن من المبدأ السليم اني اعكس الشئ الشايفو قدامي .. ومعايشو زيم ا انت داخل الحدث المتعلق بالاستاذ ابراهيم حسين
ساعود لاحقا لنكمل الحديث ..
لك الود
| |
|
|
|
|
|
|
|
|
|
Re: مكرمة رائعة من الخطوط الجوية السودانية لكافة بورداب الرياض وأسرهم ... (Re: أحمد الشايقي)
|
| Quote: مكرمة رائعة من الخطوط الجوية السودانية لكافة بورداب الرياض وأسرهم ... |
مكرمة
السودانيين اهل بلد بلغ فيها الوعى بالحقوق السياسية والدستورية مبلغا لم تبلغه الول العربية الاخرى عرف اهله حقوق المراة وحقوق الانسان وقوانين العمل والنقابات ومارس اهله العصيان المدنى محققين ثورتين من اعظم الثورات فى تاريخ الانسانية!
ويعود بنا ود الباوقة الهمام القهقرى!
آل مكرمة آل!
نحن ما فى زول بدينا مكرمة!
حقوقنا بنشيلها حمرة عين وزندية !
الفتاوى والشيلة عرفناها من السعودبةة!
الكلام برضو منها!
جنى
| |
|
|
|
|
|
|
| |
تاج السر محمد حامد
Sidig Rahama Elnour
EMU إيمو
ود شندي
عمر الفاروق
الرفاعي عبدالعاطي حجر
Adam Omer
jini
tmbis
الفاتح خليل الفكي
بشير حسـن بشـير
الطاهر عثمان
معتصم دفع الله
د.محمد حسن
A.Razek Althalib
خضر الطيب
Samau'al Abusin
فيس بوك
تويتر
انستقرام
يوتيوب
بنتيريست