|
جاني لوتري .....وسفارة واشنطون بالرياض اكثر تخلفا من سفارة الخرطوم بالرياض ....
|
بداية مايو 2006 استلامت الاوراق 30 مايو كنت رديت عليهم
تم تحديد المقابلة يوم 4 / 4/ 2007 بالرياض يوم 8 /4/2007 استلمو الجواز وقالو لي خلال اسبوعين بالكتير
اتصلت بهم بعد اسبوعين قالو لي خلال 3 اسابيع او شهر بالكتير
اتصلت بعد نهاية الاسبوع الثالث يعنى اول امبارح قالو لي تاني محتاج ذي شهر تاني تقريبا ؟؟؟
يا جماعة الناس ديل ما متخلفين اكثر من ناس سفارتنا بالرياض ؟؟؟؟
والفكرة شنو يعنى كل يوم يقدمو اسبوع وراء اسبوع ؟؟
يا جماعة الجاهم لوتري قبل كدة بفهمونا خلال كم يوم بالتقريب بيستلمو الجواز مؤشر ؟؟؟
كل الود
محمد ادريس
|
|
|
|
|
|
|
|
Re: جاني لوتري .....وسفارة واشنطون بالرياض اكثر تخلفا من سفارة الخرطوم بالرياض .... (Re: hanouf56)
|
الأخ محمد
أولا ألف مبروك على اللوترى .. بخصوص الأنتظار خلى أخلاقك سلبه ورياضية لأبعد الحدود .. إياك أن تذهب لهم وأنت غاضب أو منفعل بسبب التأخير .. يا صحبى أول تهمة موجهه ليك أظنك أنت عارفها .. سوف يتم مقارنة إسمك بأى لستة موجود فى كمبيوترات العالم .. الأمر الذى يأخر أوراقك إنك من دولة ضمن الدول التى فى القائمة وهذا يجعل أى سودانى أنه ما يعرف ب Selectee .. ما تسأل حتى من هذه ..
وعليك بسورة يس والحسبنه وأمسك الحشب بأن لا يتطابق أسمك مع أى لعنة فى الدنيا
تحياتى
بريمة
| |
|
|
|
|
|
|
Re: جاني لوتري .....وسفارة واشنطون بالرياض اكثر تخلفا من سفارة الخرطوم بالرياض .... (Re: hanouf56)
|
محمد
وصيتى من الأن أبدأ فى اللغة الأنجليزية على طريقة نطق أمريكا الشمالية والصحيح لهجة شمال أمريكا الشمالية فهى الأكثر تداولا .. وتعلم السواقة .. العربة هنا زي حمار جدى لو ماشي يفزع للحطب لازم يركب فيه غيرها الواحد مثل الكسيح ..
تعلم ثلاث أشياء تخص النساء وثلاث تخص الرجال لا تقولها أبدا أو تسأل منها أحد
بالنسبة للنساء إياك أن تسأل عن عمرها او وزنها أو تعلق بأن لديها صفة غير جميلة .. المرأة جميلة حتى لو كانت كدروك وهى شابة حتى لو قدر والدة جدى.
بالنسبة للرجال: إبتعد من عندك كم سنة من السودان -- متزوج أو عاذب -- وشغال شنو ..
أمسك الوصايا دى أمورك بتمشى إنشاء الله
بريمة
| |
|
|
|
|
|
|
Re: جاني لوتري .....وسفارة واشنطون بالرياض اكثر تخلفا من سفارة الخرطوم بالرياض .... (Re: hanouf56)
|
ميمد ادريس،،، انت مستعجل مالك يازول للسفرخليهم يتأكدوا من اسمك وعدم ارتباطو بالجماعات الارهابية رغم انني اشك في ان النتيجة ستكون في غير صالحك. فقد كنت شاهدك على ممارستك للارهاب في شوارع جدة وضرب المواكنين السعوديين من غير ذنب اقترفوه. وكذلك شاهدتك تضرب السودانيين وتمنعم من حضور حفل محمود عبد العزيز في نادي المكتبة القبطية والكثير من الشواهد الاخرى التى تدل على انك ارهابي ومتطرف.
امسك الخشب زي ماقالوا ليك وخليك تقيل تحياتي
| |
|
|
|
|
|
|
Re: جاني لوتري .....وسفارة واشنطون بالرياض اكثر تخلفا من سفارة الخرطوم بالرياض .... (Re: hanouf56)
|
هنوف.
مبروك اللوتري.
أول زل في أمريكا تعمل حسابك منو, بريمة شيخ الانداية ده. لأنو شبهة وبجيب لك الهوا.
Quote: عسى ان تكرهوا شيئا فهو خير لكم وعسى ان تحبو ا شيئا فهو شر لكم .... |
بعدين يا هنوف.
شفته زي كلام ود الباوقة ده, تضليل عدييل كده. زي ناس ود الباوقة دييل بحبوا أمريكا دي زي جوع بطنهم, ولقد كانت أمريكا من أكبر معاقل الاخوان المسلمين. ود الباوقة, ياخي أنت ما داير لزولك ده خير ولا شنوا؟
يا ود الباوقة.
أنا سمعته أنو عمر الجزلي في طريقوا للسعودية, وبالتحديد كاسي لك أنت وفردتك صلاح غريبة. ويا ناس صديق الموج. جهزو السكر والشاي.
دينق.
| |
|
|
|
|
|
|
Re: جاني لوتري .....وسفارة واشنطون بالرياض اكثر تخلفا من سفارة الخرطوم بالرياض .... (Re: Deng)
|
الأخ محمد
لاحظ دينق كتب شنو
Quote: أول زل في أمريكا تعمل حسابك منو, بريمة شيخ الانداية ده. لأنو شبهة وبجيب لك الهوا. |
الناس بتقول الفيك بدر بيهو قبل ما يعيروك بيهو .. مش! دينق معطون فى الأنديات 7x24 .. خلى بالك من مصطلح 7x24.. الزول الشغال بكون شغال 7x24 والكاجن برضه كاجن 7x24 .. يعنى إما تكون صاحى أو مغيب ذى دينق .. حماك الله وإيانا ..
لاحظ دينق بفول شنو ..
Quote: جهزو السكر والشاي.
دينق. |
سكر قال!
بريمة
| |
|
|
|
|
|
|
Re: جاني لوتري .....وسفارة واشنطون بالرياض اكثر تخلفا من سفارة الخرطوم بالرياض .... (Re: أبوبكر طه)
|
كلام أبوبكر صاح يا هنوف عشان بعدين حا تشتهى تنوم
مبروك مبروك يا حبيب ، وكده خلاص تقدر تعرف كوعك من بوعك حسب حسابات الدنيا الدنية
لو محتاج أى مساعدات أرجو الإتصال عندى أربعة أشقاء أمريكان
يعنى نظام (كفيل) وكده ، لوووووووووووووووووووول
طبعا أنا عارف أن حكاية الكفيل دى غايظاك غيظة شديدة ، يلا بختك يا فردة هناك كميات من الحرية والإنطلاقة بس أوعى تنطلق
وطول بالك قدر ما تقدر لحدى ما تأشر يعنى نظام (تمسكن حتى تمكن)
| |
|
|
|
|
|
|
Re: جاني لوتري .....وسفارة واشنطون بالرياض اكثر تخلفا من سفارة الخرطوم بالرياض .... (Re: يازولyazoalيازول)
|
دينق المصادم شكرا يا عزيز وكنت اتمني بعد انقطاعي من المنبر اجي الاقي الرائعة رودا عادت وتعود معاها دروس الانسانية المجانية .. وشكرا تاني ليك
الرائع كمال عباس اتابع مداخلاتك وانا من اشد المعجبين برصانة وقوة منطقك فى النقاش وفهمك التقدمي للاشياء .. واصل ويوم بكرة جميل وضواي ..
ابو بكر حاضر وشكرا ليك ..
زولي السمح ود الشيخ شكرا ليك يا حبيب واتمني اقابلك قريب فى جدة
الكفيل وما ادراك ما الكفيل ... يمكن نتفكك منو قريب .. اتمني ذلك .
محمد ادريس
| |
|
|
|
|
|
|
Re: جاني لوتري .....وسفارة واشنطون بالرياض اكثر تخلفا من سفارة الخرطوم بالرياض .... (Re: hanouf56)
|
مبروك وربنا يوفقك بس أنا خايف عنوانك ده هو البجيب ليك الهواء
وسفارة واشنطون بالرياض اكثر تخلفا من سفارة الخرطوم بالرياض ... انت ما عارف الجماعة ديل أي رسالة عبر الايميل او في الانترنت فيها مثلاً كلمة "بن" بيسحبوها عشان يشوفوا هل تتبعها كلمة لادن واي جملة محشور فيها أمريكا أو مدينة لها أيضاً تسحب للنظر فيها
المهم ربنا يوفقك ويانا بنقدم من سنة 1994 - لـ 13 عاماً وما جانا إنت ما قادر تصبرك لشهيرات حتى تنيل الفيزا والتي ستنيلها بإذن الله - بس أصبر - وانسى الموضوع على كده
| |
|
|
|
|
|
|
Re: جاني لوتري .....وسفارة واشنطون بالرياض اكثر تخلفا من سفارة الخرطوم بالرياض .... (Re: Tabaldina)
|
محمد إدريس الوغد انت لسة منتظر سفارة الامريكان صدقني نمشي نزرع في كيمتو فول احسن من رفع الضغط ده
لكن في دي عندك حق
Quote: بالنسبة للغة الانجليزية للاسف علاقتي بيها ذي علاقة اي سوداني باللغة الصينية .. حسع ببذيل مجهود للتعلم والتعلم فى الكبر كالنحت علي البحر السواقة اوكي ... ممتاز |
لكن البعرفه انت سواقتك بتعتمد علي تأمين العربية والقتل المدفوع
وصيتي ليك: امشي دق جرس قدام السفارة وامشي ليهم عصبي جدا...اقول ليك حاجة هدد بالانتحار وبالتوفيق ...عامل رأسك الكبير ده...القدرك اتعلمو الانجليزي وجو راجعين وانت لسة واقف في الصف واوعك تقول لي ياخال (الخال دي لعبدالهادي جعفر او اسامة معاوية...وبالعدم يوسف محمد صالح...أنا قدر خضر حسين وخليه ينكر كان راجل) موسي
| |
|
|
|
|
|
|
Re: جاني لوتري .....وسفارة واشنطون بالرياض اكثر تخلفا من سفارة الخرطوم بالرياض .... (Re: GamarBoBa)
|
عمو العسل
شوق بحر
كيف عامل مع شعب الصين الصديق والله للاسف منتظر - فكرة العودة لسع ما عشعشت في الرأس اتمني يكون هناك دافع يقنعنا بالعودة
والله مشتهيك
الانا عارفو انو خضر قرأ معاي الثانوي وخشينا الجامعة سوي نحن لما فى سنة اولي جامعة انت رئيس تجمع الروابط النوبية ورئيس رابطة النوبة السودان وكان سنة التخرج - والعاقل يميز
نبو كيفك ؟ منو فيكم قدر التاني
كل الحب لاهل ابراقة الرائعين وخاصة المهندس صابر (انت عارف السبب)
لو مشيت امريكا برسليك قروش التركتر عشان تمشي تزرع فى ابراقة
احبك
محمد
| |
|
|
|
|
|
|
|