|
Re: لماذا اختار العميد عبد العزيز خالد القتال من شرق السودان وليس من شماله ؟ (Re: AMNA MUKHTAR)
|
يا آمنة محمد الحسن سليمان ده جاري عديل كدة وانا كان اتخرت شوية كدة كان بقي استاذي تصدقي ..وانا بقول الجيل الورانا ده طلع قدقاد كدة مالو؟..
انا الليلة اتحصلت علي تلفون طارق دفوعة..لانو
مافي زول في الدنيا يحل لي لغزك
المحيرني ..داك غيرو..بعديها حاتطلع واحد من
اتنين...
محمد الحسن سليمان محمد الحسن..الاستاذ الجامعي
مدرسة العلوم الرياضية فترة منتصف التسعينيات
وهو احتمال ضعيف للغاية لانني اعرف ذلك الشخص
ويستحيل ان يكونك.....
الاحتمال الثاني..
حسن سليمان مسؤول حزب المؤتمر الاسلامي الارتري
| |
|
|
|
|
|
|
Re: لماذا اختار العميد عبد العزيز خالد القتال من شرق السودان وليس من شماله ؟ (Re: AMNA MUKHTAR)
|
لان اسياس كان بوزع اراضى للايجار الثورى ووزع حاكورات لكل السادة الذين ضيعت الانقاذ ملكهم وغل ايدى البجا , لانه كان يريدهم تمومة جرتق واخيرا باعهم او قايضهم بالبنزين وبكره دى لو البشير او على عثمان اتمرد بجيك اعلان التمرد من الاراضى المحررة فى تهداى او راساى او غلسة دا لو ماكان من ابوجمل انت تذكر عيد الانقاذ العاشر , لمن ضربت المعارضة عمود نور فى سوبا الدنيا قامت وما قعدت , عبد العزيز خالد بيعرف ان طريق القصر يمر بالشمال لذلك لايغامر به اما اهلك قى الشرق ليهم الله فهم بين استعلاء المركز وخوف اسياس التاريخى منهم وابناءهم ابان حلاقيم
| |
|
|
|
|
|
|
Re: لماذا اختار العميد عبد العزيز خالد القتال من شرق السودان وليس من شماله ؟ (Re: MAHJOOP ALI)
|
لا يا استاذة آمنة
مستحيل يكون هو ذلك الاستاذ النابغة
انا كنت مفتكر كدة سابقا ..وعملت بوست
مخصوص لهذا الموضوع ..قام طلب سحب البوست من
بكري ..هنالك مفارقة عظيمة بين شخصية ذلك الاستاذ
وهذا الانسان ..ذلك الاستاذ مليان احساس ..ويعرف
تقديرات المسائل ..وشخص اقل حاجة يمكن تقول عليهو ديموقراطي
يحترم مشاعر الآخرين ..ولا يحسسك بهذا الاستعلاء والطنقعة..
متفهم برغم بعض عزلته بسسب مواظبته علي دراساته التي كان
متفوقا علي اقرانه فيها بكم شبحات..ومن الخرجين القلائل
الذين مروا علي جامعة الخرطوم كلية الهندسة واعلي درجة في علم
الفيزياء كان قد تحصل عليها ..وعمل بالتدريس مباشرة بعد
تخرجه في نفس الكلية..يعني تقدري تقولي عليه نابغة عصرو
هل ممكن يكون محمد E سليمان هو نفس شخصية الاستاذ..
بعدين ذلك الاستاذ لا تربطه علاقة باريتريا اطلاقا شايقي
جذورو من البخيت ..والمقل ..علاقته بأريتريا يمكن تتجلي
ببعض العمال الذين يعملون في مزرعة والده.
شفتي المحن دي كيف الواقعين فيها ..يعني حتي الناس
البنعرفهم ومشتاقين نسلم عليهم ونتخابر ونحنا في منافينا
يطلع زول زي محمد الحسن سليمان ده يعرفك ويعرف اهلك
فردا فردا وبرضوا يراوق ويعذبك ويخليك تشرق وتغرب
عشان تعرفو .."حال العدسة السرية"
| |
|
|
|
|
|
|
Re: لماذا اختار العميد عبد العزيز خالد القتال من شرق السودان وليس من شماله ؟ (Re: Deng)
|
الأخ سفيان سلامي
Quote: سؤالك كويس وح اتابع عشان اعرف الاجابة |
شخصيا ظل يؤرقني هذا السؤال منذ زمن طويل!! وإن كنت أعرف الإجابة وهي كما تفضل بها الأخ محجوب:
Quote: لان اسياس كان بوزع اراضى للايجار الثورى ووزع حاكورات لكل السادة الذين ضيعت الانقاذ ملكهم وغل ايدى البجا , لانه كان يريدهم تمومة جرتق واخيرا باعهم او قايضهم بالبنزين وبكره دى لو البشير او على عثمان اتمرد بجيك اعلان التمرد من الاراضى المحررة فى تهداى او راساى او غلسة دا لو ماكان من ابوجمل انت تذكر عيد الانقاذ العاشر , لمن ضربت المعارضة عمود نور فى سوبا الدنيا قامت وما قعدت , عبد العزيز خالد بيعرف ان طريق القصر يمر بالشمال لذلك لايغامر به اما اهلك قى الشرق ليهم الله فهم بين استعلاء المركز وخوف اسياس التاريخى منهم وابناءهم ابان حلاقيم |
وتطل هذه هي الإجابة المقنعة حتى يتم تقديم أخرى بديلة أكثر إقناعا !!! شكرا محجوب
| |
|
|
|
|
|
|
Re: لماذا اختار العميد عبد العزيز خالد القتال من شرق السودان وليس من شماله ؟ (Re: MAHJOOP ALI)
|
الاخ محجوب علي
أولا انك تقتطع الحديث خارج سياقه ولو رجعت بشكل افضل الي المداخلة لكففت نفسك عن مثل هذه الاسئلة ..
شايقي هنا مرتبطة بما يدعيه محمد الحسن سليمان بانه من ابناء الكونامي المظلومين والمقهورين ..وهذا الافتراض مرتبط اذا ما كان هو ذلك الاستاذ الجامعي الذي أعرفه معرفة لصيقة بل هو صديقي وجارى..واذا اردت ان تستوثق من الاسباب التي جعلتني افترض ذلك اذهب الي بوست ركن ابناء وبنات كسلا الصفحة الرابعة أو الخامسة وانظر مداخلته هنالك
اما مسألة جبن حركة الجهاد الاسلامي فهي تتعلق بقتل الاطفال في مدرسة بقرية حدودية قرب منطقة "تمرات" في النصف الثاني من التسعينيات..المحاكم الاسلامية بهذا التعميم لا يمكن ان ارد عليك ولكنها اذا مارست احكام وحشية فهي اجبن من جبانة
ارجوا ان اكون قد اوفيتك في التساؤلات.
لك التحية
| |
|
|
|
|
|
|
Re: لماذا اختار العميد عبد العزيز خالد القتال من شرق السودان وليس من شماله ؟ (Re: Mohamed E. Seliaman)
|
ولماذا فتح صديق رحمة بوستآ عن كسلا ..خيرات كسلا ولم يفتح بوستآ عن الشمالية ؟؟
ولماذا اقيم مصنع لتجفيف البصل شمال حلة بنات وغرب السكة حديد مع ان البصل يزرع ايضآ في الجريف وشندي وبربر وتنقسي؟؟ربما كانت مؤامرة لتلويث اجواء الشرق برائحة البصل؟؟
لماذا سميت السواقي الشمالية بالسواقي الشمالية وليست بالسواقي الجنوبية؟؟
ولماذا جاء عثمان دقنة وحارب في كرري شمال السودان بدلآ من ان يلزم بيته في سواكن ؟؟؟؟؟؟
ولماذا تم تهجير الحلفاويين الي شرق السودان وليس الي مكان آخر داخل الشمالية؟؟
ولماذا يحب محمد E الحبشي القهوة التهامية مع الهيل وليس القهوة الحبشية؟؟؟؟
| |
|
|
|
|
|
|
|