|
دي الرجالة ولا بلاش ( بمناسبة عودة أبو حراز )
|
إهداء لأبي حراز بمناسبة العودة للمنبر أصلو بحب الحكي والقصص
أحكي ليهو وليكم عن جدي قسم الله ود أحمدود طه أخوي حبوبتي عشة بت أحمد ود طه الله يرحمهم الإتنين جدي دا كان حكاية صعبة خلاص ما عندو كبير إلا الله لو قاعد فى مجلس وجاء واحد ماري وقال السلام عليكم مافى زول يرد السلام غيرو ولو وحد من القاعدين رد السلام قبالو الله قال بي قولو المهم جدي وهو يغالب سكرات الموت الجماعة متلفين حولو وهو فى نص الغيبوبة أخد ليهو صحية لقي الجماعة لسة ملمومين حواليهو قال ليهم : إنتو أسه يا(....... ) متحلقين فيني كدا وأنا بموت دايرين تشوفوني بتشهد ولا ما بتشهد؟؟؟ قايلين الشهادة بتغلبني عشان تمشوا تقولوا للناس قسم الله الشهادة غلبتو أها أشهد أن لا إله إلا الله وأشهد أن محمداً رسول الله وغمض عيونو مات .. .. الله يرحمك يا جدي ويغفر ليك
فضل كرار
كسرة البين القوسين دي (.... ) زي صفرة بيييب بتاعة برنامج أوبرا ، الله يكرم السامعين
|
|
![Edit](https://sudaneseonline.com/db/blank.gif)
|
|
|
|
|
|
Re: دي الرجالة ولا بلاش ( بمناسبة عودة أبو حراز ) (Re: Fadl Karrar)
|
شكراً على الاهداء الجميل ونحن جدنا مات اربع مرات وفي كل مرة تطلع الحكاية غيبوبة آخر مرة دي بكينا عليهو عديل كده والجماعة صلحوا ليهو كرعيه ويديه وجابوا الموية لزوم اللمسات الأخيرة بالله صاحبك كان قام قلع الكوز وشرب الموية وكشح باقيها في الناس قام قال ليهم : العجلة ليكم شنو ؟؟ وعلي بالطلاق اتعشى معانا اليد باليد كأنه ماحصلت حاجة الراجل كان صعب جداً ومقطع الناس كلهم نفسهم واي حفلة عملوها وهو صاحي فرتقها للجماعة طااااااااااخ بالعكاز في الزينة وبعديها يمشي للعدة بتاعت الفنانين النسوان مما يشوفنو أقرب حيطة { بتلبن } بيها والله منظر عجيب جداً الزول دا مرة كان عيان أديناهو مضاد حيوي شراب والله العظيم كرطع الفتيل كله أنا الغبيان مشيت أجيب ليهو الملعقة لمن جيت لقيتو يمسح في شنبو قال ملعقة قال الله يرحمه 00 يوم مات بأخوي وأخوك جرينا بيهو جري شديد للمقابر لأنه يمكن يعملها في أي لحظة !!!
| |
![ICQ](https://sudaneseonline.com/db/blank.gif) ![URL](https://sudaneseonline.com/db/blank.gif) ![Edit](https://sudaneseonline.com/db/blank.gif)
|
|
|
|
|
|
Re: دي الرجالة ولا بلاش ( بمناسبة عودة أبو حراز ) (Re: ابوحراز)
|
أبو حراز االه يرحمهم جميعاً داك كان جيل عجيب خلاص مكمل أي شئ حسب طريقتو الخاصة صلاة عيال كتار ( طوالي ما لابسين سراويل ) شهامة رجالة حقارة عربدة
مرة عندي جدي ( الأمين أحمد طه ) كان سكير جداً ورغم دا كان مقرب حداً للشيخ يوسف نور الدائم ( والد العلامة الحبر ) مرة جدي راجع المغرب ملان فل وشيخ يوسف بقييم فى صلاة المغرب بالجماعة جدي جر عنقريب وقعد ورا منهميبرم فى شنبو شيخ يوسف قرأ الفاتحة والجماعة قالوا آآآآمين قام جدي بي صوت عالي قال : هسع يقرأ سورة الزلزلة شيخ يوسف من الضحك لمن قطع صلاتو وقال لي جدي : والله يا الأمين كنت داير اقراها لكن إنتي عرفت كيف ؟ جدي قال : عشان فيها ( ومن يعمل مثقال ذرة شراً يره ) وإنت بتكون داير تقصدني بيها
فضل كرار
كسرة يا ربي أهلنا ديل ورثونا شنو؟؟
| |
![Edit](https://sudaneseonline.com/db/blank.gif)
|
|
|
|
|
|
|