|
ليلة الدخلة
|
عشق الوطن اكبر من اي عشق عشقناه بالعربي وبالرطانة وبالافرنج عشقنا الكول والتبلدي والقراصة والبن والشاي تصاهرنا غربا وشرقا وجنوبا ووسطا وشمال اتزجنا فكونا السمر عشقناه كما لم نعشق من قبل عشقناه ليلة عرس ولكننا الان نتالم من الاوجاع من الوطن الذي يتقسم وينفطر ...... تبا للعنصريون والانقساميون مرحى لنا باولئك الوحديون السودانيون الوطنيون ..... ونلتقي
|
|
|
|
|
|
|
|
Re: توضيح صغير لو سمحت (Re: badr alkalika)
|
Quote: تحياتي راجا الخليفة
|
شكرا للاجابة لكن انا راوية مارجا وكمان الخليفة نهايتها fa
ولا اظن في غلطة..... غايتو انا ماعاوزة اكتر عليك واخليك في عشق الوطن
وشكرا للاجابة والاهتمام
لكن اصلي مافهمت الوسطيين ديل منو
وكمان ماعرفت علاقة عشق الوطن بليلة الدخلة وارتباطهم شنو
والله عاوزة افهم عشان ممكن نساعد
| |
|
|
|
|
|
|
Re: توضيح صغير لو سمحت (Re: Rawia)
|
تحياتي راوية يا بنت بلدي الاصيلة الخليفة توصلك الى الوسطيين وبعدين العلاقة كبيرة الكل يحب الوطن وكمان يحبوا ليلة الدخلة انتي ما عارفة انو الشرق اوسطيين ديل جنهم ال......... عموما تحياتي ويا دكين رايك شنو
| |
|
|
|
|
|
|
Re: ليلة الدخلة (Re: DKEEN)
|
تحياتي دكين ان شاء الله انت كويس اهها انت بتحب شنو الوطن ولا ليلة الدخلة ؟ وبعدين مالك على البنية سؤالها مشروع ! والقال ليك منو البنات بخافن من ليلالي الدخلة ؟ وتعال يا اخوي دكين الموضوع اخذته الى الجانب الغريزي لشنو .. هو انحنا بنحب الوطن اكثر من قبيلتنا ومجتمعنا وجغرافية منطقتنا وكمان ليلة الدخلة مش ناس الازهري واجفاده باعوا ليلة الدخلة من اجل الوطن ؟ وعلي عبد اللطيف وعبد الفضيل الماظ كلهم باعوا ليالي الدخلة من اجل الوطن ! بذلوا روحهم من اجل الوطن مش من اجل الثروة والسلطة وحاجات تاني حامياني .
| |
|
|
|
|
|
|
Re: ليلة الدخلة (Re: DKEEN)
|
Quote: هسي لو قام حباك هنا |
دكين مابسالك لو اي زول دخل لي زول في بوست حصل ليهو كدا كان على الدنيا السلام
وبعدين انا مرتيطة ياخ
| |
|
|
|
|
|
|
Re: ليلة الدخلة (Re: badr alkalika)
|
ألأخ/بدر
تحياتى
وسلامى ومودتى..............
وكمثل ألغالبية من البوستات...........إنصرف البوست عن الموضوع......أمنيتى أن أستمتع ببوست كامل يبداء بموضوع واحد وينتهى به...........لكم التحية جميع المتداخلين .
إسماعيل محمد أحمد عباس........أم درمان
| |
|
|
|
|
|
|
Re: ليلة الدخلة (Re: ismeil abbas)
|
Quote: وكمثل ألغالبية من البوستات...........إنصرف البوست عن الموضوع |
موضوع شنو ياسمعة
انحنا رجعنا البوست لي موضوعو
اصلا البوست عنوانو واضح الموضوع هوالانصرف عن العنوان...
| |
|
|
|
|
|
|
Re: ليلة الدخلة (Re: DKEEN)
|
تحياتي دكين وسمعة الموضوع هو حب الوطن وتعرف يا سمعة الناس كلها انشغلت عن حب الوطن سيطروا عليهم العنصريون والانفصاليون ولعبت المخابرات لعبتها اقصد الموساد في التفرقة عشان كدا شوف البحصل في المنبر دا وغيروا فن كبيرة الله يستر الوطن
| |
|
|
|
|
|
|
Re: ليلة الدخلة (Re: badr alkalika)
|
بدر ....تحياتي يا معلم وقعت ليك اخيرا بعد خرطمية بوست - النوع ابو ردود صفر و زوار عشرة الليلة ما شاء الله الزوار عدوا الألف -عيدت يا عمك عرفت السر السر في العنوان و كمان لو كنت كتبت يوجد صور كان لقيتو في صدر المنبر قرط على كدا و ما بتجيك عوجة
| |
|
|
|
|
|
|
Re: كلو منك يادكين (Re: Rawia)
|
الاخ بدر الخليقة تحياتى الطيبات (على فكرة اسمك مكتوب كدا(الخليقة) (ق) )
محاولة جذب القراء بعناوين منتقاة وتركن للاثارة يعد نوع من الاحتيال الغير محبب
ياريت لو كان العنوان بيشبه بصمة الكاتب ربما يكون ذلك دليل على احترامك لكل القراء
جزء كبير من العدد الضخم الفتح البوست ده كان بيعشم فى وجود مادة جيدة يستفيد منها
هناك خطأ يقع فيه كثير من البورداب وهو ربط نجاح البوست بعدد المتداخلين .
دمت بخير
بابكر زيكو
| |
|
|
|
|
|
|
|