|
Re: عذر (Re: willeim andrea)
|
ويلي
ما بعرف ليها قصة معينة..لكن هي من محاولات عمر الدوش في كتابة المسرحية القصيدة..والعنوان الكبير هو ضل الصحى والفصول محمد ودحنينة ويضم المقاطع المنشورة أعلاها وطه المدرس وصالح ودقنعنا والعمدة جابر..بس خليني الآقي النوتة وشوف كان ما شفيتها ليك كلها هنا..المهم سبق أن أقيمت ليلة أدبية في نادي أبي روف وأحياها عمر الدوش ومعاه القدال وأخرون..حضرت الإذاعة والتلفزيون لتغطية الليلة ونقلها على الهواء في محاولة للظهور بالروح الرياضية للنظام وأنه يمكن أن ينقل ليلة شعرية للألسنة التي لا ترحمه..في تلك الليلة كما سمعت فإن عمر الدوش ألقى ضل الصحي بكامل فصولها..وألقى
فتحت جوابك الأول لقيتك لسه ياوطني بتكتب بالعمار والدم ولسه بتسكر امدرمان على الشارع وتتكوم وتمرق من صدر مسلول نهودها تدوسن العربات ترضع في الكلاب مشنوقة من عينيها في الساحات وتضحك في زمن مسموم ولسه بترقد الخرطوم تبيع أوراكها للماشين تطل من فوق عماراتها وتلز اطفالها في النيلين وترجع للرقاد تاني فتحت جوابك الأول أشوفك في جواب تاني مشيت اتمشى فوق همك وصلني جوابك التاني يحيض الغيم على سطورك يقطر من سماك دمك بشوف في جوابك التاني مدن مبنية متكية بتمرق من شبابيكا عيون برموشه مطفية شرك لكل قمرية وأماني كثيرة مخصية شوارع بالنهار والليل مدبسة بالحرامية معلقة في صدور الناس كلاب اسنانها مبرية على مر السنين تحسب شهور أيامها عبرية مشيت اتمشى فوق همك وصلني جوابك الدمك رقدت على البحر غنيت مليت احزاني بالامواج جرحت الدنيا بالدوبيت جريت لي ساحة الشهداء لقيتم لا وطن لا بيت دخلت منازل الامهات وطليت لشقاء الأخوات مرقت كأني زولا مات لقيت أطفالي في الشارع بيجروا على أمل واقع رقدت على البحر غنيت واتذكرت اهلن لي ساكنين في سجون كوبر مليت أفراحي بالأمواج وشديت الرحال قمت لحد الليلة ما عدت شبابيك فتحت أبواب وأبواب فتحت حارات وكنت معاك ياوطني علىحمى الجواب الفات صحيت ولقيتك الشارع وكت تتمايل النخلات وترمي على التراب ضلك على أيامك الجايات وفي جوابك الرابع لقيت الناس على الشارع وصوتك من كهوف طالع كواريك للسماء السابع كواريك للسماء السابع كواريك للسماء السابع
وطبعا ياويلي لا الإذاعة ذاعت ولا التلفزيون نقل إصلو الكلام كان مليان توريات في ظاهرها قلة أدب وفي جواها معاني تهز القصر والعمارات الحمراء
|
|
|
|
|
|
|
العنوان |
الكاتب |
Date |
الكابلى وأغنية سعاد | wadazza | 06-06-02, 04:05 PM |
Re: الكابلى وأغنية سعاد | banadieha | 06-06-02, 06:22 PM |
Re: الكابلى وأغنية سعاد | rummana | 06-06-02, 07:11 PM |
Re: الكابلى وأغنية سعاد | wadazza | 06-06-02, 07:19 PM |
Re: الكابلى وأغنية سعاد | هوارى | 06-08-02, 02:38 PM |
Re: الكابلى وأغنية سعاد | MEAAWIA | 06-07-02, 11:35 AM |
عذر | willeim andrea | 06-07-02, 09:35 AM |
Re: عذر | banadieha | 06-07-02, 11:33 AM |
Re: عذر | wadazza | 06-07-02, 04:37 PM |
Re: عذر | HAMZA SULIMAN | 06-07-02, 05:55 PM |
Re: عذر | wadazza | 06-07-02, 06:00 PM |
??? | willeim andrea | 06-07-02, 08:24 PM |
Re: ??? | wadazza | 06-08-02, 07:05 AM |
|
|
|