|
Re: القدال ..محمد ودطه (Re: alsara)
|
العزيز مانديلا الاخت السارة لا شكر على واجب ننتظر من الاخ sunrises ما وعد به مرفق نص شيخ تلب وسمعت من يسمى الاغنية بالـ " الغيبوبة"وفى انتظار تصويب او تصحيح ما فيها
حزينة وجوفك دمدم حزين حزنتى وقلب الحازنك خلى تعدى الحلم الشفتيهو قديم وتملى حسارك قلبك ملى كل ما هبهب قاصدك نسيم يلهب جلدك كضباً طلى فطمتى جناكى وصدك رحيم وحلمك تب ما صابو البلى سمعتا غناكى وصوتك رخيم شديد أوتارك زايد حلى عرفتا الحاسدك عرفتا القاصدك عرفتا الهم الصابك عرفتا الكاتلك كافر زنيم وانتى وحيدك قلبك ولى ****** يا شيخ تلب.. أنزل كضب وارمى الحترب فى الميضنة *** للباردة تعب للحارة تسب عجمان وعرب فى الميضنة *** ألبس خضرب وادخل قصرب والحس واشرب فى الميضنة *** لسيدك حب لا تخشى ضرب بير يوسف جب فى الميضنة *** دقناً وشنب درويشنا يسوق تايوتا تكب فى الميضنة *** يا شبخ تلب وين الزغلب الكانوا تلوب ديل صبحوا غرب ام أضحوا جنب؟ فى الميضنة ***** كبس الهم على.. والحال القبض يا السيد غبناً فيا.. كج أوتادو.. جنبى معيد مو جناً تجيب.. سلسل جنازرو تقيد بلا غيبوبة البلد النصيح .. وبصيت *** قمنا تلاتة.. ود النوق وديك وعتيت قلنا نكمل الفرض العلينا .. نشيد جينا عليكى ..يا المحبوبة.. شوقنا يهيد بقينا ضهابا .. متل زولاً ضرير.. وبليد *** ود النوق .. دا بالكبر العليهو يشفق بقى يتباطأ .. فى خبة مشيهو.. يلفق ان جاهو العلوق.. صيحة نفاقو .. ينفق أصبح جدواه.. كل ما أشاكلو.. تلقى يصفق *** ديك الجن.. رفيق همى وغنايا.. وفنى سوى طريقو .. فى غربة .. وصبح متهنى ما هماهو .. باسط مية .. سكرة ينى كل ما شافلو .. زفة جديدة .. فوقا يغنى *** يا عتيت الرماد.. نط الحيط بالزانة تفضى الخانة.. تلقى جناهو.. سيد الخانة فارش دارو ..لاسيادو.. بيت كلخانة غافل.. ضبحة الفجر .. وجرى السلخانة *** يا حميد أقيف .. شوف الخلوق محنانا أنزل كفكف دمعتك .. والعبرة فوت خنقانة عسلك سال .. بحر.. فوقو النحل ونانة يوت من ضاق .. غرف جازاك .. دبابير زنانة *** كبس الهم على.. والحال القبض يا السيد غبناً فيا.. كج أوتادو.. جنبى معيد مو جناً تجيب.. سلسل جنازرو تقيد بلا غيبوبة البلد النصيح .. وبصيت
|
|
|
|
|
|
|
العنوان |
الكاتب |
Date |
القدال: الغناي الصابر | Mandela | 05-20-02, 03:04 AM |
Re: القدال: الغناي الصابر | SalahDirar | 05-20-02, 05:33 AM |
Re: القدال: الغناي الصابر | أبنوسة | 05-20-02, 05:46 AM |
Re: القدال: الغناي الصابر | banadieha | 05-20-02, 05:54 AM |
توقع مني قريبا جزء كبير من قصائدة | sunrisess123 | 05-20-02, 09:06 AM |
lost one | almaskoon | 05-20-02, 03:47 PM |
القدال ..محمد ودطه | gessan | 05-20-02, 08:16 PM |
Re: القدال ..محمد ودطه | MXB6N | 05-20-02, 09:36 PM |
Re: القدال ..محمد ودطه | Mandela | 05-23-02, 08:10 PM |
Re: القدال ..محمد ودطه | alsara | 05-23-02, 09:22 PM |
Re: القدال ..محمد ودطه | MXB6N | 05-23-02, 10:27 PM |
Re: القدال ..محمد ودطه | alsara | 05-23-02, 10:46 PM |
Re: القدال ..محمد ودطه | هوارى | 05-24-02, 12:02 PM |
Re: القدال ..محمد ودطه | Mandela | 05-24-02, 12:17 PM |
Re: القدال ..محمد ودطه | rummana | 05-24-02, 03:15 PM |
|
|
|