شكرا ليك...ود الجيلى..الا قول لى لو القلب هو الاتسرق حنرجعو كيف؟؟؟؟؟ ومجهودك جميل فى تأمين الجبهة الداخلية للأيميلات.. والانسرق حيرجع..ودى ذكرتنى حاجة ..قاليك فى حرامى دخل بيت عزابى فى الديم..العزابى ده كان راقد فى عنقريب فى نص الحوش ..وتظاهر بالنوم لحظة دخول الحرامى ..ومن عادة العزابى ده يخت جك بتاع لبن جنب سريرو عشان يشربو قبل النوم..المهم الحرامى لملم الحاجات الفى الأوضة الهدوم وغيرها وربطها والوكت ده كلو كان العزابى براقبو..الحرامى جا ناحية جك اللبن ودنقر مد ايدو على الجك..فجأة العزابى نط وقبقب الحرامى وقال ليهو البقجة الشلتها دى اناكنت ضامن نفسى أرجعها لكن ده لوشربتو ارجعو كيف؟؟؟؟ فهل اعادة الايميل بعد سرقته تشبه لبن العزابى فى حالة شربه..أقصد السرقو حيكون عرف الأسرار كلها تحياتى غزال
(عدل بواسطة gazalalmasalma on 05-15-2002, 07:51 AM)
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة