ديك الجن نسيت اهم حاجة وامرض حاجة نشرة الاخبار والله دي انا بتسوي لي هستريا وبتعمل لي (مغص في الراس)هههههههههه ياخي والله حاجة تسل الروح غايتو اهلنا الله يكون في عونهم عذاب بعدين تعالوا المذيعين ديل بلقطوهم من وين الواحد التقول ببيع برد اليوم كلوا واخر اليوم يجي يتكل الصفيحة في الاستقبال ويخش ليهو في جلابة وعمة وكان ما اخاف الكضب حقات الغفير ياخي الواحد يجيك تعبان وهلكان وشلاليفو ديل مشققات التقول ساكنو ناس الالزامية النهار كلوا وكان لي ديلك والله جنس خلعة(بضم الخاء) عليهن مذيعات النشرة الجوية لا حولة ولا قوة عليهن واديهن الكشيم بالله الواحدة تتكشم زي نار القصب تتكشم انتو النسالكم البنيات ديل الواحدة بتذيع الدرجة بي دينار ولا شنو بالله مع كل درجة تذيعها تديها ليك كشيمة التقول المخرج برفع ليها الدينار ويختو في شنطتها ولا كيف اقعدوا عافية وبجيكم صاد
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة