|
|
 التزوير (Re: bunbun)
|
شاركت في فرز نتائج انتخابات أتحادالتمثيل النسبي في جامعة الخرطوم في أوائل الثمانينات. وأذكر ،أنه كانت قد فازت القائمة المكونة من كل التنظيمات السياسية والمستقلين. وقد حاول الكيزان حينذاك التزوير بكل السبل وكنا لهم بالمرصاد وفشلت كل خططهم.
بعد أن أعلنت النتيجة والتي أعلنها إبراهيم عبد الحفيظ بحكم وضعه كرئيس للاتحاد الماضي - على ما أذكر وأسي هو الأهبل مع جماعة المنشية لكن بيجي راجع لجماعة القصر- سير الجماعة مظاهرة كبيرة جدا وداوية حشدوا لها اي كوز قاعد فوق مزيرة وكل علب الصلصة الفاضية والمليان وقربوا يجيبوا مصنع كريمة ذاتو.
سيروا هذه المسيرة واعتدوا على كل من قابلهم وأذكر كانوا قد حاولوا الاعتداء على محمد اسماعيل الأزهري إلا أنه فك البيرك و مرقنو كرعينو.
بعده بيومين رفضوا تسليم مفاتيح مكاتب الاتحاد والوثائق التي بحوزتهم - يا جماعة دي ما ياها الديمقراطية ملكم مابنها.
المهم تطورت الأحداث وحدثت التشاحنات وقتل طالب وجرح العديد.
أنا غايتو دولابي جوا وانا مافي كسروهو وحرقو هدومي وكتبي وعندي كالكيليتر لا أسع ما لقيتو . والله كان سمح خلاص مرسلينو لي من أبو ظبي يكونوا أسع يحسبوا بيهو في قروشهم وأرباحهم _ طيب ما تدوني حق إيجار الكالكوليتر كنت يمكن أقدر أعيش.
وأذكر أن هنالك واحد يا زول عاتي خلاص اسمو الزبير والآن يشغل منصب وزير دولة بوزارة المالية الاتحادية قال والله أنا كان ماكتلتك ما بتخرج من الجامعة دي. لكن الحمد لله أيامي ما كانت تمت.
وبعد دا الله يستر ما يكتلني ويقوم يخلفني في اهلي . بس قول ليهو يا عوير انا ما متزوج وأصلي ما حأتزوج كية ليكم
|
|
 
|
|
|
|
|
| |
فيس بوك
تويتر
انستقرام
يوتيوب
بنتيريست