|
Re: عندما تاتين حبيبتي (Re: الحنين)
|
من آخر المنافي
قصيدة مهداة الى
كل المنفيين داخل وخارج الوطن
||||||||||||||||||||||||||||||||||||||||||||||||||||||||||||||||||
من آخر المنافى **** ومن أبعد مرافى
برسل ليك قوافي**** يا وطني الخرافى
ليك نحن اتخلقنا **ودونك دنيا مافي
ــــــــــــــــــــ
عشان في دمي نيلك *** وشارب سلسبيلك
ميت، حى، بجيلك *** واموت أنا في سبيلك
ـــــــــــــــــــــ
محال منفاي يصبح *** ليك أبدا بديل
أنا لو أنسى روحي *** انساك مستحيل
بدون وطني الجميل *** ونيلو السلسبيل
وهواه العليل **** ببقي عديل عليل
ــــــــــــــــــــ
يا أعيادنا عودي*** وعيدي حلو الكلام
يا وطنا هواه *** ما بعد الهيام
بكرة نجيك سراعا *** كلنا إبتسام
ما أحلاها ضحكة *** وثرثرة في الزحام
ليلنا رقيص وصفقة *** ونهارنا عمل دوام
لا أشباح ورانا *** ولا خفاش ظلام
ولا حيطان بتسمع *** ولا انسان يضام
بالناس المسرة *** وعلى الارض السلام
ــــــــــــــــــــ
وطنا للجميع *** والدين للاله
سواسية في الحقوق*** مرفوعي الجباه
نفنى فى حبو نحنا *** ولا نعشق سواه
ونرفع شانو فوق *** في السما منتهاه
ــــــــــــــــــــ
كم أضنانا شوق*** لي سودانا فوق
شوقا ساقنا سوق*** سرى مشى في العروق
ما خلانا نهدا *** لحظة ولا نروق
ــــــــــــــــ
جوبا تلاقى بكرة *** بى أحضانا حلفا
وبورسودان تبادل *** جنينة الغرب إلفة
نرجع من شتاتنا *** ونفتح ألف شرفة
بالحب والمسرة *** يبقى الماضي طرفة
يصير المنفى ذكرى*** ونبقى صحاب وعرفة
ونصنع بي سلامنا *** من سودانا تحفة
ــــــــــــــــــ
نورالدين منان موقع مدارات
|
|
|
|
|
|
|
|
|