|
العزابة (Re: zico)
|
يا جماعة إنتو الليلة ملكم تفتحوا في الجروح
قبل ثلاث سنوات وكانت أسرتي بالسودان كتن يقيم معي ثلاثة عاطلين وكلهم أقربائي . أحدهم متزوج ولديه أطفال والاثنين التانيين ما متزوجين لكن أهلهم في أمس الحاجة لمساعدتهم. كنت أحضر من الدوام الساعة الثانية والنصف وأجد بعضهم يادوب صاحى والبعض ما زال نايم. نسخن الغدا والواحد فيهم يأكل ليهو أكل ثلاثة رجال. يعني البيت كان فيهو عشرة أشخاص. أنا زايد تلاتة في تلاتة. بعد الغداء إما ينوموا تاني أو الجلوس أمام الفضائيات للساعة الخامسة صباحاً. طبعا إذا لقوا أي مبلغ من المال طوالي يشدوا ليك تلفون للهندي عشان الشربة. طيلة سنة كاملة لم يفاتحني أحدهم في أنه ذهل للجهة الفلانية بحثاً عن عمل. لدينا صندوق تكافل يمنح الواحد ميتين وخمسين درهم كل شهر . لم يفكر واحد فيهم بأن يرسل هذا المبلغ أو جزء منه لأسرته. كانوا يلبسون أحسن مني ومظهرهم من جميع النواحي أحسن مني.
حمامهم لا يمكنك أن تدخله إلا يوم يجي عامل النظافة جردل الزبالة - الكشرة - في غرفتهم تشم ريحة الصعوط فيهو من بعد أربعة كيلومترات. الأنكسة مجدعة في الحمامات وأبواب الدواليب بعد سنتين الواحد يقوم يقول ليك يا خي إنت أصلك جبتني لشنو. قلت لواحد فيهم جبتك عشان تاكل وتنوم وتشوف اللبنانيات السمحات ديل.
|
|
|
|
|
|
|
|
|