|
Re: نور العين (Re: rummana)
|
ود عزة لك التحية... انا غايتو ما عرفت نور العين ده منو لكن برجع اقول لمن تكون المسألة متعلقة بوطن كامل وزي ما قلت نحن مطرودون منو وغيرنا يتهنوا بيه.دي البيخلي الواحد ممغوص من جوا ...وممكن يولد فينا الحقد تجاه ناس محددين معنيين ، وعينا فيهم وماقادرين ناخد حقنا منهم،لدرجة انو ضابط في مطار الخرطوم يقول لي انا برجعك للحتة الجيت منها وانا شايل جوازنا البائس داك.. ود عزة أبريل جانا ونحن مثخنين بجراح غربة ووطن غريب.. الدكتور تيجاني الماحي قال كلام بمعني:يمكن ان نكون غرباء ويمكن ان نوطد انفسنا علي هذه الغربة النفسية،ولكن ان يكون الحق غريبا فهذه خاتمة المطاف. لكن زي ما قلت ليهم يوم..والما أخدنا حقنا منو زي ما بقول محجوب شريف (شاعر الوطن) أفاعي السحت حيث مزابل التاريخ.
الاستاذة رمانة سلامات... القصائد والشعارات هي البتعبر جزء كبير من مآسينا ويمكن لمن جات المناسبة بتاعة مارس-ابريل درجت الناس انها تحتفل في السودان وغير السودان بمناسباتها السياسية بنوع من الفنون منها الشعر ومنها الغني فلمن نكون في غربة وبعيدين والناس مقموعة بالغربة ومأزمة بيها بتجي القصائد دون ارادة الزول...ودعوتك لانو يكون في تقييم لفترات الديمقراطية هي كويسة خالص ..انا شخصيا ما نطيت منها ويكمن اسهبنا في في الحديث عن الديكتاتوريات وكان الكلام قليل عن الفترات الديمقراطية لاسباب كتيرة منها انو الديمقراطيات الفي السودان فترات بسيطة يعني قياسا من الاستقلال الي الان لا تتعدي سنواتها الاصابع وبالمقابل كانت الديكتاتوريات هي السنواتها كبيرة والناس ضاقت الويل منها.بالاضافة الي ان كلمة ديمقراطية نفسها كدة مريحة نفسيا. الفترات الديمقراطية من مشاكلها انو برضو لحدي الديمقراطية التالتة أحزابنا ومؤسساتنا السياسية كانت غير ناضجة فكرياوتنظيميا، خاصة الأحزاب الكبيرة البتعتمد علي طوائف الهي كانت بتشكل جزء كبير في صناعة القرار السياسي، بالاضافة الي ممارسة الشعب السوداني نفسه للديمقراطية وفهمه عنها وإختزال الفكرة كلها في الفوضي لدي كثير من الناس،وممارسة الاحزاب نفسها البتشكو من الديمقراطية داخلها.وما يخيل لي الناس ترفض حتي الجبهة الاسلامية (سابقا)لو جات بديمقراطية ، وممكن نتخيل لياتو درجة الفهم الديمقراطي عندنا بائس لمن المسالة تعتمد في الانتخابات علي طوائف بدلا من منظومات فكرية خادمة وهادفة. وكان ممكن المعووج يتعدل بشكل واحد الهو اعطاء الديمقراطية زمنها الكافي، ولوالأحزاب نفسها بقت امينة مع نفسها(الا القليل) وتناولت الفترات دي بنوع من التقييم الجاد والمنتج.
ولكم خالص التحايا
|
|
|
|
|
|
|
العنوان |
الكاتب |
Date |
مارس ماسك كتف ابريل11111؟؟؟؟؟؟ | wadazza | 04-02-02, 07:09 AM |
السؤال | nahid | 04-03-02, 09:18 AM |
ماريل ينهشها الشريعيون | GamarBoBa | 04-03-02, 10:43 AM |
ليهم يوم | wadazza | 04-03-02, 10:15 AM |
Re: ليهم يوم | GamarBoBa | 04-03-02, 10:57 AM |
نور العين | wadazza | 04-03-02, 11:14 AM |
Re: نور العين | rummana | 04-03-02, 11:44 AM |
Re: نور العين | GamarBoBa | 04-03-02, 01:38 PM |
القمر بوبا | wadazza | 04-03-02, 03:51 PM |
غدا | wadazza | 04-05-02, 03:50 PM |
Re: غدا | bunbun | 04-06-02, 07:18 AM |
بن بن | wadazza | 04-06-02, 08:01 AM |
احتفالية بأبريل | GamarBoBa | 04-06-02, 04:53 PM |
|
|
|