|
Re: البنت والانترنت - رسالة من بنت (Re: قرشـــو)
|
ســـلام يا غريبــه
و من تغرب ذاق للحياة طعما آخر و رأى ما سره من خفايا النفس
طبعا يا ست يا غريبه، وفي حكم معظم الاسر أن البنت مشكله: ملبسها، مـأكلها، مشربها، تعليمها، خزوجها، دخولها، مشيها، رجوعها، زواجهاحركتها ولو كانت داخل صفحات الانترنت. يعني صراحة لله كل الاسر بتشيل هم البنت حتي لو كانت البنت بتعرف تشيل همها. أنا ذاتي شلت همــك هسه والله يكون في عونك. طبعا أمك مرت بنفس الظروف و اكيد ممكن يكون ما عاجبها البحصل معاك ده لكن بعض الوالدين بيخافو علي اولادهم و بناتهم من النسمه تشيل عقولهم و لهم الحق، فمن يملك قلبا كقلبهما.لكن انحنا ما بيعجبنا العجب ولا الصيام في رجب
المهم انتي حاولي تذكريهم انك علي قدر من المسئوليه و طبعا انا عارف انك بتموتي عشان تاكدي ليهم ده لكن زي ما قلنا ده طبعهم بس النقه الكتيره ممكن تكون الحل الامثل لحالتك و حالة اخواتك في البورد ده والبوردات التانيه. و رايك شنو في النسوان المتزوجات مع ازواجهم، تفتكرى المسأله مقبوله من جانب الزوج؟؟؟؟؟ و علي ذكر الاخيره حكي لي احد الاصدقاء طرفة عن شاب سوداني باحدي دول الخليج كان دائم الشكوي من زوجته كثيرة النقه، وكانت نقتها في كل شيء خاصة في عدم تواجده بالمنزل كثيرا اما بالعمل او زيارات. فعندما غير خطة الزيارات و طلب من اصدقائه زيارته لظرف الزوجه و كده فتحت ليها باب نقه جديد انو كل وقتو مع الضيوف و اصحابه. المهم صاحبنا سألو: اها يا زول عامل كيف مع المره ان شاء الله عرفت تتستر معاها. فاجاب الشاب: و الله اشتريت ليها جهاز كمبوتر و اشتراك انترنت و من اليوم داك بقيت انا الساكيها
المهم كتري من النقه و اشتكي من عدم الموضوع و اظهري تبرمك تجاه كل شيء، فاما نجحت الخطه و دفعوا الاشتراك من سكات، و يا دار ما دخلك شر أو شافو ليك عريس و افتكر في الحالتين انتي الكسبانه
|
|
|
|
|
|
|
العنوان |
الكاتب |
Date |
البنت والانترنت - رسالة من بنت | ghariba | 03-20-02, 09:19 AM |
Re: البنت والانترنت - رسالة من بنت | Pearl | 03-23-02, 06:11 AM |
Re: البنت والانترنت - رسالة من بنت | قرشـــو | 03-23-02, 07:34 AM |
Re: البنت والانترنت - رسالة من بنت | MOHDY | 03-23-02, 12:55 PM |
Re: البنت والانترنت - رسالة من بنت | ghariba | 03-23-02, 03:29 PM |
Re: البنت والانترنت - رسالة من بنت | رومانسي | 03-23-02, 04:18 PM |
Re: البنت والانترنت - رسالة من بنت | MOHDY | 03-23-02, 10:30 PM |
Re: البنت والانترنت - رسالة من بنت | EXORCIST7 | 03-23-02, 04:51 PM |
Re: البنت والانترنت - رسالة من بنت | ALZOLZATOO | 03-23-02, 04:54 PM |
Re: البنت والانترنت - رسالة من بنت | Pearl | 03-24-02, 04:58 AM |
|
|
|