|
الخرطوم (Re: moram)
|
عليك الله يا وليد ما شفت شارع كبري شمبات - شارع الزعيم الأزهري _ بقى كيف وعليك الله ما شفت الشارع البيجي بنهاية الثورات والذي يمتد لحولي خمسة كيلو مترات وهو عبارة عن كوشة متحركة وعليك الله ما دخلت السوق العربي يوم حوالي الساعة واحدة بالنهار وشفت الهيصة الحاصلة وريحة المجاري الضاربة وعليك الله ماشفت حمامات ديوان المغتربين وعليك الله ما شفت شارع الغابة الذي أصبح سوقاً لمواد البناء وعليك الله ما شفت دلالة الجمعة العملوها في شارع النص بالثورة وعليك الله ما شفت كمية الشحادين الحايمين في الخرطوم وكمية المجانين الواقفين في صينيات يوسف عبد الفتاح وعليك الله ما شفت باعة الموية في الخرطوم وأم درمات وطبعاً الموية دي مرق قاموا حللوها واتضح أن بها بقايا مخلفات بني آدم _فهمتني - وعليك الله واشفت البعوض البيدور في خلق الله لمن تصبح وبعد داك يدور فيهم الضبان_ بعدين شفت ضبان السودان مكلبظ كيف. وعليك الله ما شفت طريقة عرض اللحوم في الجزارات. في الصيف الماضي جيت اشتري لحمة بعد لقيت ليك كمية من الذباب راكة على الخروف المعلق. قمت قلت للجزار ياخي ما تولع ليك بخور عشان الضبان دا يطير . فقام قال لي ياخي دا بيكلفني خمسة ألف في اليوم بخور. أنا أربي ولادي واللا أطير الضبان. وعليك الله ما شفت أسلك الكهراب الموقعة في موية المطرة وتقرض في خلق الله_ وأنا المحيرني إنو الكهربا دايما مافي. ما تجي إلا لمن الهواء يقمع والمطرة تصب والأسلاك تكون واقعة. وعليك الله ما دخلت ليك مطعم عشان تشوف الوسخ والبهدلة الحاصلة.
أصحــــــــى يا بريش
|
|
|
|
|
|
|
العنوان |
الكاتب |
Date |
الخرطوم في اخر القائمه | moram | 03-15-02, 07:50 PM |
Re: الخرطوم في اخر القائمه | waleed500 | 03-15-02, 08:13 PM |
Re: الخرطوم في اخر القائمه | sama7 | 03-16-02, 00:49 AM |
Re: الخرطوم في اخر القائمه | bunbun | 03-16-02, 01:28 AM |
Re: الخرطوم في اخر القائمه | yasiko | 03-16-02, 03:07 AM |
الخرطوم | shammashi | 03-17-02, 08:53 AM |
Re: الخرطوم | EMU إيمو | 03-17-02, 09:00 AM |
هؤلاء | wadazza | 03-17-02, 09:02 AM |
وليد 500 | shammashi | 03-17-02, 09:20 AM |
Re: وليد 500 | malik_aljack | 03-17-02, 09:54 AM |
الخرطوم | shammashi | 03-18-02, 08:48 AM |
|
|
|