|
حاجة فيك (Re: seventy)
|
سلام شباب سلام وراكم وراكم والزمن طويل ودي إضافة جديدة
نورا محمد الحسن سالم حميد
وكتين يضيع عرق الجباه الشم شمار فى مرقه يا نورا من دربك التور نفس خيل الصبر فتر خطاوى الشوق وراك يانورا ساعة الشموس الغر تهضلم تلحق الصح فى المغارب يستر الضو الكهارب تستر المدن الضبابيه السرابيه الكآبه حائط التيه والطشاشات فوق قفيك يا ام عوارض يا ام عوارض مو دعاشة ماها شبوره و تقيف جايى ليك يانوره غيمه تملأ ماعونك خريف يملأ عينييك ويفضل يروى جواك العطاشا مو دعاشه يانفس فجرالقصائد يا بلادى القطع قلب ..الروادى باللواج الجاى .. وغادى ده ماهو صوتك لاها صورتك دى البترقش نادى فوق صدر الجرائد ماها صورتك ...... انتي يا حضن الصحارى شفع العرب الفتارى البفنو الشايلة .. ايدوم يجروا .. كايسين .. القطارة ولا سراب الصحراء ..مويه لاحجار سلوم ... موائد حالكم البصرخ ... وينادى ياوطن عند الشدايد ياهدى الناس الحيارى ياندى الفجر الببلل نور عوينات الفقاره جاى ليك يانوره آفه آفه للسوس البنقر نور عشيما داخرو فيك اصلى لمن ادور اجيك بجيك لابتعجزنى المسافة لا بيقيف بيناتنا عارض لا الظروف تمسك فى ايدى ولا من الايام مخافه يانفس فجر القصائد ماضهب فى بعدى عنك اصلى متغرب عشانك راضى بالجايينى منك ما شكيت شح الليالى مابكيت لو شلتو حالى رغم انو الحال بيفضح الا كت فى الحاره بصرخ يا وطن عز الشدايد يا وطن عز الشدايد
|
|
|
|
|
|
|
العنوان |
الكاتب |
Date |
حاجة فيك | seventy | 03-05-02, 01:26 PM |
Re: حاجة فيك | رومانسي | 03-05-02, 01:28 PM |
حاجة فيك | seventy | 03-05-02, 01:44 PM |
حاجة فيك | seventy | 03-07-02, 12:36 PM |
Re: حاجة فيك | رومانسي | 03-07-02, 12:42 PM |
حاجة فيك | seventy | 03-07-02, 12:50 PM |
Re: حاجة فيك | bunbun | 04-08-02, 07:52 PM |
Re: حاجة فيك | semo | 04-09-02, 05:35 PM |
حاجة تمام | gazalalmasalma | 04-09-02, 06:22 PM |
حاجة فيك | shammashi | 04-10-02, 09:38 AM |
حاجة فيك | seventy | 04-11-02, 09:54 AM |
Re: حاجة فيك | DEEK_ALJIN | 04-11-02, 10:43 AM |
حاجة فيك | seventy | 04-11-02, 08:21 PM |
|
|
|