قانـــون المنــتدي

الاخوة الاعضاء الكرام
لم ادرس القانون كمتخصخ ولا اعلم عنه اكثر من اي انسان عادي
ولاكنها دعوه من اخي بكري لعمل هذا البوست حتي يتم تعديل قوانين المنتدي

اخوتي لا اظن اننا محتاجين لقانون يحكمنا لو التذمنا بالاخلاق السودانيه..
الاخلاق البشهدو بيها الاغراب قبل الاحباب

وده ما بمنع انو تكون في شروط مفرضه عل كل من يرغب التسيجيل في المنتدي
وعلي ما اعتقد الشروط التي وضعها الاخ بكري كافيه ولاكن تحتاج الي تطبيق
يعني لاذم يكون في حسم لكل من يحاول الخروج علي الشروط
وقصه انو دي اول مره نحاول ننساها .. لنو عمرو ما اتحسمت الامور بي الجوديه .. وبما انو العضو التزم بي الشروط من الاول يبقي معنتا شنو انو نقول دي اول مره
انا الكلام ده ما واقع لي خالص
!؟ممكن ياناس الاداره تشرحوه لينا

والا معناتا الاداره موقفه مجامل ليس الا واذا كان الوضع كلو مجامله يبقي مافي داعي للكلام الكتير ومافي داعي للشروط

عفواً آن كان كلامي قاسي ولاكن ارجو من الاخوه في الاداره ان يتخذو موقف الان وان لا تكون هذه اخر مره(بل تكون نقطه البدايه) فقد بلغ التجريح حده

اخوتي لدي اقتراح قد يحفظ ماء الوجه لكل اعضاء الاداره..
ان سيجل اسم عضو --Nickname-- باسم (ادارة المنتدي ) ومن خلاله يتم توقيف شخص او مسح بوستوان تعلن جميع القرارات الجديده من خلال هذا الاسم
حتي لا يكون التعامل شخصي وبرده الافعال وخاصه ان الكثير من اعضاء المنتدي اصبحت تجمعهم علاقات شخصيه
وحتي لايكون اللوم علي شخص بعينه
كما ارجو من الادارة ان توضح لنا الامر بصوره واضحه حتي نستبين

هذا ماعندي ولكم الاضافه