|
في المسأله الفنيه..محمود عبد العزيز..وأشياء لا تشتري
|
انا ادين لهذا المحمود....علي علاته..التي لا تهمني كثيرا...ببعض وجداني..والكثيييييييييييير من اللحظات الجميله.. موضوعي اليوم ..معني به في المقام الاول..الاساتذه المعانا هنا في البورد...بقيادة المتخصص في نحت الجمال..الموصلي...وحمزه سليمان ...المدهش في كل شئ..وكل ذي حس بينكم احبتي ..وهم كثر يعودني الزمن لنهاية الثمانينات ...كانت الدنيا غضه ...تموج بكل الاطياف الفنيه والسياسيه...جمال الحبشي ..كان عازف جيتار ...تحتار في مهارته ...لا يفهم كثير من العربي...لكن كان له حس موسيقي مدهش ..معظم الفنانين كانو يحبذونه ..لانه وصله جاهزه ..وركيزه جاهزه تستند عليها اذا اصاب حفلتك الخمول..كان من اعز اصدقائي.....يلعب الحب يا ام سماح ..كامله ..من طقطق للسلام عليكم ..دون ان يفقه من كلماتها شيئا ...وهو الوحيد الما ضروري تعمل ليهو بروفه..احضرت له مره شريط لعقد الجلاد ..فقال لي ..ده شوغول عالامي...يقصد شغل عالمي..لكن لو عايز تسمع غونا سوداني ساح ..اسماع محمود عبد العزيز...انا قلت ..الحبشي ده جن ولا شنو!!!!!؟ محمود عبد العزيز ده ممثل!!!!!ونسيت الامر...ثم كان يوم...وانا في اتجاهي للمدرسه..اذا بصوت كأنه الكروان... الريح مشت بي غير ما تشتهي نفسي.. واصبحت زي شجرا..سابو الخريف منسي ما بين صفق موحود لا فيه .ضل لا عود الناس تصابح العيد .وانا بالحزن موعود يااااااااااااااا للهول..طوالي دخلت محل الشرايط...ومن غير ما اسأل ده منو حتي..كنت شاكي في انو عمار السنوسي...قلت ليهو ..اديني الشريط الشغال ده...وكان اول عهدي بمحمود..... من يومها ..ولهذا الرجل ما له .في صياغة احاسيسي..وحتي اعطائي بعض السكن حال الاجهاد لكن...ولدهشتي ..كان في ناس بقولو لي ...انت بتسمع الزول الهناق ده كيف؟؟؟ فيا عزيزي الموصلي..هل الحس الفني موضع لختلاف عميق للدرجه دي..؟؟؟؟ يعني ..يستحيل تلقي زول يقول علي الزهره ..انها شينه...في نفس الوكت .اانا مستغرب ..ان يبلغ فساد المزاج باحدهم ان لا يحب هذا المحمود..المسأله بالنسبه لي عايزه ..شوية فذلكه اكاديميه..وطرح موضوعي ...المشكله وين؟ بعدين هل افتتاني بهذا الرجل...لانو جد فنان زي ما انا بقول ...ولا حاجه زي تعلق ابوي بالكابلي ..وجدي بالجاغريو...وكده يعني؟؟ مسأله اساسها ..ارتباطو..بي ذكريات جميله ..واشياء ..لا تشتري علي حد قول امل دنقل.. افتح الباب الان .لنقاش ..موضوعي ..كما تعودت منكم
|
|
|
|
|
|
|
العنوان |
الكاتب |
Date |
في المسأله الفنيه..محمود عبد العزيز..وأشياء لا تشتري | Dafi | 05-04-02, 07:08 AM |
Re: في المسأله الفنيه..محمود عبد العزيز..وأشياء لا تشتري | Elmosley | 05-04-02, 11:04 AM |
شكرا استاذنا الكبير | Dafi | 05-04-02, 08:33 PM |
Re: شكرا استاذنا الكبير | Elmosley | 05-04-02, 10:49 PM |
محمود المطرب | Abamna | 05-05-02, 06:33 AM |
محمود عبد العزيز | brakat | 05-05-02, 07:53 AM |
عن محمود | أسير الغرام | 05-05-02, 01:13 PM |
Re: عن محمود | Elmosley | 05-05-02, 01:32 PM |
Re: عن محمود | ديامي | 05-05-02, 04:19 PM |
Re: عن محمود | Elmosley | 05-05-02, 04:36 PM |
محمود عبد العزيز | brakat | 05-05-02, 04:58 PM |
Re: محمود عبد العزيز | Elmosley | 05-05-02, 05:13 PM |
Re: محمود عبد العزيز | OmDur | 05-06-02, 00:05 AM |
|
|
|