|
|
 Re: يا صديقى الأول .. بان فى فى ود سلفاب ..جمال وكمال (Re: EMU إيمو)
|
عمنا الحاج ود عجبنا
__________________
فى الفريق ياهو الركيزة .. هو البشيل حمل الرضاعة
وعنده كلمة على الجماعة .. وفى الفريق باقلنا سابة
وكل طيب ليهو غاية وللضعيف .. تلقاهو سادرويقهر الكعب المعاند
للضيوف ديوانو فاتح .. ديل يقوموا وديل ينزلوا
يا ولد جيب الرتاين وجيهوا الديوان فراشو
افرشوا الفراشة الكبيرة والإباريق .. والتباريق
وأضبحوا الحمل المدوعل ..
عمنا الحاج ودعجبنا فى سنين أيام جهلتو .. ديمة فى دعوات صلاتو
يسأل المولى السلامة .. وسترة الحال .. والكرامة
وعمنا الحاج ود عجبنا فى ليلة من ذات اليالى .. من زمن حظر التجول
جاهو ضيف فى راس حداشر .. رحب الحاج بيهو جدا فرشولو
ونزلوهو وكاسوا للعشاء ما أتلقالو ..ما الرغيف ممحوق مقصر
والبلد فى حال معسر
وعمنا الحاج فى مكانتو و جيت الضيف زى فريضة
وهسة ضاقت بيه العريضة .. ضيفوا كيف يترك عشاهو
من زايد إختشاهو .. وجاتو فكرة
يمشى للفرن المجاور .. ولى لجان العيش يشاور
بس عشا الضيف يا جماعة .. وضيفى نازل ليهو ساعة
شاكلوهو ودفروهو ونهروهو .. وجاتو دورية الطوارى
وأمسى بايت فى الحراسة .. وناسوا جنوا
للصباح ما عرفوا حاجة .. وين دا روح وجاهم الخبر المؤكد
ود عجبنا فى الحراسة .. ماشى دورية محكمة الطوارى
ناسو أولادو وبناتو عرفوا حالوا وبدرى فاتوا
راحوا دورية محكمة الطوارى .. فيها فى نص الخلايق
شافوا حالا ماهو لايق .. عمنا الحاج بى جلالو
فوقو حس السوط يولول .. فوق قفاهو وفوق سنونو
فوق رجولو ومرة فوق حجبا حشاهن .. أصلو ما قايل يكونن
حتى كان نزلن هجايم .. إلا لكن الليالى .. بترفض كل سارى
حاكموا الولد المنصب .. كتفو بالدبور مقصب
إنت يا حاج يا مخالف .. زول مخرف وعقلو تالف
إنت يازول ماكا دارى .. قلة الناس فى الطوارى
أجلدوهو وغرموهو .. ونفذوا الحكم البيهينو
شان يفتح تانى عينو
تسمع السوط صيحتو داوية .. وتسمع السوط ليهو خاوية
وفوق قفا الشيخ صيحتو داوية .. وفجاة رفع الحاج عيونو
شاف بنات ولدو وبناتو .. كلهن واقفات يعاينن
دمعتن فى العين ترقرق .. وجعتن فى الجوف تحرق
و الحزن بيهن يفرق .. دى النجوم الفى سماهن
كل سوط نازل عليهو ..من شعاع الضو عماهن
عمك الحاج دمعو فره .. وسيلو فوق أشنابو بره
تم حكمو وراح بيوتو .. نفسو مكسوره وزليلة
كيف ملاقات الحليلة .. وصحوة الروح العليلة
يالبيوت الجوه غادى .. عمك الجاج ما اعتيادى
فوقو متلمين جماعتو .. والسكيلى ضارب حزاينى
وقالوا ناداهو المنادى .. فارق الدنيا المتينة
يقطع الزلة وسنينا .. فوق فراش ود حاج عجبنا
بسمع الزول البوطى .. أقفلوا الحوش يا جماعة
طفوا أنوار الرتاين .. داك حرس حظر التجول
من بعيد ليكم يعاين ..يا زمن حظر التجول
يا زمن حظر التجول .. يا زمن حظر التجول
_________
rani-sudani
_____________________
من الشارع بنتكلم** من الشارع بنتعلم
ونسال برضو في الشارع **عن الاحسن وعن الافضل
ونحلم حلمنا الاول
نتلملم عشان نسلم **عشان نسلم بنتلملم
|
|
 
|
|
|
|
|
| العنوان |
الكاتب |
Date |
 الراحل المقيم الاستاذ مصطفى سيد أحمد فى موقع جديد متكامل | wadsolfab | 06-06-02, 11:20 AM |
| Re: الراحل المقيم الاستاذ مصطفى سيد أحمد فى موقع جديد متكامل | sunrisess123 | 06-06-02, 12:10 PM |
 Re: الراحل المقيم الاستاذ مصطفى سيد أحمد فى موقع جديد متكامل | BousH | 06-06-02, 12:19 PM |
| Re: الراحل المقيم الاستاذ مصطفى سيد أحمد فى موقع جديد متكامل | bunbun | 06-06-02, 12:40 PM |
| Re: الراحل المقيم الاستاذ مصطفى سيد أحمد فى موقع جديد متكامل | rani | 06-07-02, 11:51 PM |
| Re: الراحل المقيم الاستاذ مصطفى سيد أحمد فى موقع جديد متكامل | rani | 06-08-02, 11:41 PM |
| Re: الراحل المقيم الاستاذ مصطفى سيد أحمد فى موقع جديد متكامل | Mandela | 06-09-02, 06:08 AM |
| شكراً ود سلفاب | Habib_bldo | 06-09-02, 08:54 AM |
| Re: الراحل المقيم الاستاذ مصطفى سيد أحمد فى موقع جديد متكامل | هوارى | 06-09-02, 12:26 PM |
| Re: الراحل المقيم الاستاذ مصطفى سيد أحمد فى موقع جديد متكامل | rani | 06-09-02, 03:56 PM |
| يا صديقى الأول .. بان فى فى ود سلفاب ..جمال وكمال | MXB6N | 06-09-02, 04:34 PM |
| Re: يا صديقى الأول .. بان فى فى ود سلفاب ..جمال وكمال | EMU إيمو | 06-09-02, 04:53 PM |
| Re: يا صديقى الأول .. بان فى فى ود سلفاب ..جمال وكمال | rani | 06-10-02, 01:21 AM |
|
| |
rani
فيس بوك
تويتر
انستقرام
يوتيوب
بنتيريست