|
|
 يا ربي دي تنفع نكتة؟ رمضان كريم
|
معانا دكتورة اسنان ايرانية
شابة جميلة لطيفة وسبور خالص
قلت ابارك ليها رمضان واتعاطف معاها شوية
حيث انها تقيم بدون عائلتها
قلت ليها: رمضان كريم يا دكتورة, معليش السنة دي حتفطري براكي
قالت لي: اتس اوكي, اي ول نت فاست زيس يير( دي لناس العربي)
= معليش, انا زاتي ما صايمة السنة دي
قالتها بصوت عالي واعتقد الماشافها التفت يشوف دي منو
انا خجلت بصراحة ودخلت في اضافريني وحاولت اغير الموضوع
البت اصرت وعقبت: في بيتنا ناس بابا وماما بس البيصوموا !!
اها رايكم في الناس ديل شنو؟
كل سنة وانتوا طيبين والصايمين يستمتعوا بصيامهم والماصايمين الله يهديهم
تحياتي وحبي
زولة123
|
|
 
|
|
|
|
|
|
|
|
Re: يا ربي دي تنفع نكتة؟ رمضان كريم (Re: zola123)
|
العزيزة zola123
لك الود وحمدلله علي السلامة ورمضان كريم
بمناسبة عنوان البوست دة اليوم حصلت لي نكتة موضوعها رمضان.
ركبت تاكسي وبعد مسافة قلت للبتاني رمضان كريم ( هو باين العربي بتاعو تعبان) قال لي نعم رمضان كريم.
| |
|
|
|
|
|
|
|
|
|
Re: يا ربي دي تنفع نكتة؟ رمضان كريم (Re: jini)
|
جني
123 دي بس عشان تميز الاسم من زولة
كنت فاكرة لمن سجلت في البورد انه اسم زولة ماخدينه
طلعت ولا واحدة فكرت تسمي نفسها زولة قبلي
ياخي انت كنت طفل ذي وتبحث ما وراء الاشياء
والاستاذ ده كان المفروض يناقشك ويديك فرصة تعبر عن نفسك اكتر بدل الكف
الله ستر وما طلعت بعقدة نفسية
رمضانك كريم
| |
|
|
|
|
|
|
|
|
 Re: يا ربي دي تنفع نكتة؟ رمضان كريم (Re: zola123)
|
الأخت العزيزة د. زولة واحد اتنين تلاتة
لا.....ما تنفع نكته
والدليل
| Quote: انا خجلت بصراحة ودخلت في اضافريني وحاولت اغير الموضوع |
ورمضان كريم عليك وعلى الاسرة الكريمة بالغرية والوطن على حد سواء
أخوك فرانكلي
| |
|
|
|
|
|
|
|
|
|
Re: يا ربي دي تنفع نكتة؟ رمضان كريم (Re: Frankly)
|
فرانكلي
انا حاولت بس اخفف على نفسي وقع المفاجأة
تصدق ما متخيلة في زول كبير ما بيقدر يصوم بدون عذر مرضي
واللي يعيش ياما يشوف
رمضان كريم عليك وعلى اسرتك
وانشاء الله السنة الجاية فاطر ومتسحر في وسطهم
| |
|
|
|
|
|
|
|
|
|
Re: يا ربي دي تنفع نكتة؟ رمضان كريم (Re: zola123)
|
يا زولة الله اكرم
فى قبرص التركية.. القبارصة مسلمون اسما.
يصومون العشرة الاواخر فقط و تزين موائدهم الرمضانية زجاجات البيرة..
أها تقولى فى ديل شنو
رمضان بالنسبة لشعوب مسلمة كثيرة شهر للبهجة و التغيير.. ليس بالصوم طبعا
للصوم فوائد طبية كثيرة .. حاولى لو مصرة تقنعى بيها الدكتورة الايرانية
لكم الياسمين
| |
|
|
|
|
|
|
|
|
|
Re: يا ربي دي تنفع نكتة؟ رمضان كريم (Re: اسامة الخاتم)
|
أسامة الخاتم
والله زجاجات الاسمها شنو دي بالجد غريبة
الناس ديل جادييين؟
يا ربي تكون سامع بالخيم الرمضانية
شيشة وفنان وراقصة واكل وشرب حتى الصباح
في ناس لمن يسألوهم في التلفزين في بلاد عن طقوس رمضان وعاداته
اول حاجة بيذكروها الخيم دي
الله يبعدك عنها
ويصومكم ويفطركم على خير
تحياتي لرؤى
| |
|
|
|
|
|
|
|
|
|
Re: يا ربي دي تنفع نكتة؟ رمضان كريم (Re: zola123)
|
زولة لكى التحيايا من رؤى و الابن خالد
الظاهر احنا فى بلاد الخيم دى.. حظنا ح يصومنا رمضان هنا..
بس انتى ركزى على فوائد الصوم الطبية.. مع ايرانيتك دى
تخريمة رجاء:و انا بالجد ما شفت لى ايرانية كت و اسبور على قولتك
| |
|
|
|
|
|
|
|
|
|
Re: يا ربي دي تنفع نكتة؟ رمضان كريم (Re: Amjed)
|
أمجد حننتني لاكن
اقول ليك حاجة
واللللللللله تتقري
وتصدق امتحانك ده يفوت تووووش اسهل من الايام الغير رمضان
انا كنت باقل اللليل نهار والنهار ليل
ولمن ارجع من الامتحان بانوم نومتي الرئيسية
كانت الطريقة دي بتنفع معاي, ما عارفة معاك كيف؟
انت في اي بلد؟
لو في اوروبا ما عندك عذر عشان نحن اساسا في الايام العادية ما بنتغدة قبل 5 ولا 6 المساء
يعني اعتبر نفسك صايم من الشراب فقط
ولو ما نفع برضو كلمني باشوف ليك طريقة تانية
بس ما تتجرس
| |
|
|
|
|
|
|
|
|
|
Re: يا ربي دي تنفع نكتة؟ رمضان كريم (Re: zola123)
|
سلام يا دكتورة ..رمضان كريم وكل سنة وانتي طيبة
وفرصة سعيدة انو اتعرف اليك
تنفع نكتة ونص وخمسة ...انا شخصيا ضحكت لحد القهقهة
ما علي الايرانية لكن اتخيلت منظرك وانتي بتتلفتي
اخيرا
ممكن اهدي!؟؟
جمال
| |
|
|
|
|
|
|
|
|
|
Re: يا ربي دي تنفع نكتة؟ رمضان كريم (Re: zola123)
|
تحية طيبة
حاجة غريبة جدا، و العقل زينة
و بالمناسبة دى وصلنى مسج كان بيقول : رمضان كريم، ادعو الله الذى اهل الهلال، و ثبت الجبال، ان يزيل عنك كل الاحمال
طبعا، (اهل) بمعنى (اظهر او ابان)، لكن انا فى الاول فهمتها بمعنى(اهل المشتقة من يتأهل، يصعد للدرجة الاعلى) و جه فى بالى طوالى الهلال السودانى، حيث ان مجرد تاهلو يعتبر معجزة، لكن بعدين اتذكرت ان مرسل الرسالة (فلسطينى) و ما بيعرف الهلال السودانى، فرجعنا للمعنى الاول، مع صحة المعنى الثانى
و المعذرة من اخونا ناس الهلال
و رمضان كريم على الجميع
| |
|
|
|
|
|
|
|
|
|
Re: يا ربي دي تنفع نكتة؟ رمضان كريم (Re: zola123)
|
الأخت الكريمة د. زولا 123
رمضان كريم وكل سنة وانت والأهل بخير
اعتقادي ان منشأ المفارقة يكمن في أن السودانيين شعب متدين بالفطرة وكثير الصدق مع النفس وهذا ما يصدمنا حين التعامل مع الأخرين.
أعرف من يصلون الفجر (دون وضوء)
تحياتي
| |
|
|
|
|
|
|
|
|
|
Re: يا ربي دي تنفع نكتة؟ رمضان كريم (Re: zola123)
|
الحبيبة زولا واحد اتنين تلاتة..
رمضان كريم..
المشكلة عندي لغاية الآن ما قادرة أقتنع بقيام الناس بوقف بعض الأشياء في رمضان ومعاودتها بعد الفطر..
هي الحاجات دي لو عيب ولا حرام.. راجعين ليها لييه..
ولو ما عيب ولا حرام.. بوقفوها لييه..؟!!!
الأشياء لا تنفصل.. فسماع الأغنيات العاطفية ليس حرام، ومشاهدة الأفلام الأجنبية كذلك..
يا أبيض.. يا أسود..
اتمنى ان يرسى الناس على حل..
تخريمة: يا زولا.. أحسن الزول يخاف من ربه.. ولا من الناس..؟
| |
|
|
|
|
|
|
|
|
|
Re: يا ربي دي تنفع نكتة؟ رمضان كريم (Re: Raja)
|
رجاء الحبيبة
انا رأيي انه الناس دي الما بتخاف من ربنا
في كثير من الاحيان برضو بيهمها مظهرها امام الناس
وبتعمل حاجات كتيرة عشان تحافظ على ده
الغريبة بس في الجهر بالمعصية, شايفاه كتير
عن الناس البتغير نظامها في رمضان وبترجع بعده حدثي ولا حرج
منه وضع طرحة طوال الشهر للسيدات, وصلاة كل الفروض في المسجد للرجال
قراءة القرآن في المكاتب, أو فتح اذاعة القرآان الكريم في السيارة او العمل
اهداء الطعام لمن تعرف ولا تعرف من الجيران..الخ
كلها أشياء جميلة لاكن ترتبط عندهم فقط برمضان
وفي بعض الاحيان بنهار رمضان فقط, وفي الليل ينطلقون لما كانوا عليه
| |
|
|
|
|
|
|
|
|
|
Re: يا ربي دي تنفع نكتة؟ رمضان كريم (Re: zola123)
|
الغاليه زولا 123
و جميع البورداب .. رمضان كريم
يا حليل رمضان في أبوظبي .. طبعا أنا جديده في الولايات المتحده و أول مره أصوم بره الإمارات ..عشان كده لسه ما عرفنا ليهو طعم .
دعواتكم لينا
وتسلموا
| |
|
|
|
|
|
|
|
|
|
Re: يا ربي دي تنفع نكتة؟ رمضان كريم (Re: zola123)
|
الغاليه زولا 123
و جميع البورداب .. رمضان كريم
يا حليل رمضان في أبوظبي .. طبعا أنا جديده في الولايات المتحده و أول مره أصوم بره الإمارات ..عشان كده لسه ما عرفنا ليهو طعم .
دعواتكم لينا
وتسلموا
| |
|
|
|
|
|
|
|
|
|
Re: يا ربي دي تنفع نكتة؟ رمضان كريم (Re: zola123)
|
Ramadan kareem ... i was in Dubai last friday and i was laughing all the way at the government announcement that the working hours are going to be from 9am to 2p ......
now i know why you all miss Ramadan in UAE .... LOL
| |
|
|
|
|
|
|
|
|
|
Re: يا ربي دي تنفع نكتة؟ رمضان كريم (Re: Mahathir)
|
zola 123
رمضان كريم و تصومى و تفطرى على خير
زميلى فى الجامعة ايرانى اسمه ( جعفر فقيه), و الغريبه لابس سلسل دهب عليه صليب . و ما حصل جاب لى سيرة رمضان. و لما سالته عن اسمه . قال لى (ابى سمانى اسم اسلامى ). و اتحسستت اسالوا اذا كان هو مسلم و لا لا
بس ده حال اغلب ابناء الايرانيين خارج ايران
| |
|
|
|
|
|
|
|
|
|
Re: يا ربي دي تنفع نكتة؟ رمضان كريم (Re: smart_ana2001)
|
سمارت أنا
كل سنة وانتي طيبة والله يخفف عليكم الصيام في بلدكم دي
كلمي اسامة الخاتم عشان مستغرب
ذكرتيني ايام الجامعة
في مناسبات زي الاسراء والمعراج وراس السنة الهجرية بتكون عطلة في الامارات
والوالدة دايما بتضرب لينا في المجر بالصباح تذكرنا وتعيد علينا
انا باقى باعمل فيها ظريفة وامشي اذكر المسلمين في الجامعة واهنيهم
مرة لميت في واحد ايراني, وما عرفت الاسراء والمعراج بالانجليزي
فشرحت ليه يعني شنو, وقصة الصعود للسماء ورؤية الجنة...الخ
وهو فاتح خشمه ومستغرب
ولمن خلصت قال لي : معقول كل ده حصل؟؟؟؟
ايه رأيك ؟
| |
|
|
|
|
|
|
|
|
|
Re: يا ربي دي تنفع نكتة؟ رمضان كريم (Re: Mahathir)
|
مهاتير
والله بي ده كله ما ليه طعم
تعرف انا باتضايق من حكاية تأخير ساعات العمل
وأفضل تفضل ساعة الصباح مبكرة وفقط ساعة الظهر هي اللي تنقص
عشان الواحد بيكون محتفظ بطاقته أكثر في الصباح وبينجز أكثر
لو دخلت اي مكتب حكومي بعد الساعة 12, يا اما تلقى الموظفين مافيش يا انصاف نايمين
في القطاع الخاص, اساسا نبدأ الساعة 9 , تخيل في رمضان بيخلوها 10
وكان في اقتراح نبدأ 11
يعني يبقى( 11 صباحا – 5 بعد الظهر )
ده كله عشان الناس بتساهر في رمضان
وما عايزة تصحى بدري
مش عشان الصيام ولا يحزنون
| |
|
|
|
|
|
|
|
|
 Re: يا ربي دي تنفع نكتة؟ رمضان كريم (Re: saadeldin abdelrahman)
|
الزوله واحد اتنين تلاته
كل سنه وانت طيبه وتصومى وتفطرى على خير
______________________________________
سوركتى
كل سنه وانت طيب والسنه الجايه صايم جماعه
****************************************
بلدى الحبوب كل سنه وانت طيب
تصوم وتفطر على خير
سلم على سيد جرسه
***************************
عبد الله بابكر
رمضان كريم وتصوم وتفطر على خير
****************************
تاج السر
كل سنه وانت طيب
ورمضان كريم
*************************
نويرا
كل سنه وانت طيب
والسنه الجايه صايمين جماعه انشاء الله
*****************************
جنى كل سنه وانت طيب
ونصوم وتفطر على خير
انت الشلاقه ليك شنو
*************************
شمهروش
كل سنه وانت طيب السنه الجايه صايمين جماعه
وربنا يفك كربه كل حى
*********************************
فرانكلى كل سنه وانت طيب
وتصوم وتفطر على خير
***************************
اسامه الخاتم
كل سنه وانت ورؤى وخالد بكل خير
وتصوموا وانتو اكثر استقرار
كلمتنى الحاجه بى اليوم الظريف القضيتو معاها
********************************************
اسعد كل سنه وانت واولادك بخير وعافيه
وتصوموا وتفطروا على خير
*******************************
امجد كل سنه وانت بخير
تصوم وتفطر على خير
امجد النبى تصلح البوست
************************
جمال ادريس
تصوم وتفطر على خير
**********************
محمد الامين
رمضان كريم وتصوم وتفطر على خير
*********************************
احمد الشايقى
كل سنه وانت طيب
تصوم وتفطر على خير
**************************
العروس ساره
اولا مبروك والف مبروك
تانيا انت بقيتى هنا جنبنا ممكن نتواصل بالتلفون
وتالتا رمضان كريم وتصومى وتفطرى على خير انت والعريس
********************************
مهاثير
كل سنه وانت طيب
تصوم وتفطر على خير
*****************************
الغاليه سمارت والعزيز فرغلى
تصوموا وتفطروا على خير
وكل سنه وانتو محققين امانيكم يارب
**************************************
سعد الدين
كل سنه وان طيب
وتصوم وتفطر على خير
| |
|
|
|
|
|
|
|
|
|
Re: يا ربي دي تنفع نكتة؟ رمضان كريم (Re: saadeldin abdelrahman)
|
سعد الدين
ياخوي ناس نيوزيلاند ديل أعذرهم مش في أخر الدنيا برضو؟
انشاء اللله ساعات الصيام بس ما تكون طويلة عليكم
ناس باب وماما ديل الله ما بيسألهم ولا شنو
في واحدة قالت لي خالتها ما بتخلي اولادها يصوموا
بتخاف عليهم
والنتيجة شابة في العشرين ما متعودة تصوم رمضان
| |
|
|
|
|
|
|
|
|
|
Re: يا ربي دي تنفع نكتة؟ رمضان كريم (Re: zola123)
|
Quote: ياخوي ناس نيوزيلاند ديل أعذرهم مش في أخر الدنيا برضو؟
انشاء اللله ساعات الصيام بس ما تكون طويلة عليكم |
نعذرهم بس؟...كان ما عذرناهم فىرمضان ده.. نعذرهم متين؟ غايتوا ما قصروا معانا وصومونا سبت..كتر خيرهم برضو.
ياخيتى اليوم هنا طويييييييييل...15 ساعة كبداية ثم يتمدد خلال الشهر الي ان يصبح 18 ساعة او ما يزيد .. انصح الاخوة المتشددين بالصيام هنا
Quote: ناس باب وماما ديل الله ما بيسألهم ولا شنو
في واحدة قالت لي خالتها ما بتخلي اولادها يصوموا
بتخاف عليهم
والنتيجة شابة في العشرين ما متعودة تصوم رمضان |
ناس ماما وبابا ديل كان ماعملوا حسابهم حايعوقوا (يصيبوا) ليهم زول ..وكان ما عملوا خط رجعة فويل لهم من مشهد يوم عظيم..نسأل الله لهم ولنسلهم ولنا الهداية.
Rawia
Alaho Akram wo Rabana yetgabal minana wo minakom
وتصوموا وتفطروا على خير..
سعد الدين
| |
|
|
|
|
|
|
|
|
|
Re: يا ربي دي تنفع نكتة؟ رمضان كريم (Re: بدرالدين شنا)
|
بركه القبضتك ولقيتك جيت بى رجلك
انا انتهزت الفرصه عشان الناس الحلوين ديل كلهم هنا مع بعض
وناويه احوم البوستات لكن والله تعبت ونعست وصابحه على صيام وكدا........ والمجهود ماكويس عشانى
تصوم وتفطر على خير وربنا يلم شملكم ويجمعك بمن تحب يابدر الدين ياود حوا وادم
راويه92
| |
|
|
|
|
|
|
|
|
|
Re: يا ربي دي تنفع نكتة؟ رمضان كريم (Re: Rawia)
|
رائعتنا: زولة123
رمضان كريم .. وان شاء الله رمضان الجايي تكون كل مشاهداتك عن خرطومنا المنكوبة تغيرت وتبدلت احوال كل اهلي الغلابة هناك
الى ما نرجوه ونتمناه ..
وسلامي وتهانيي لكل أهلي في أمارات الخير .
وصالح الدعوات لك .
خضر عطا المنان
| |
|
|
|
|
|
|
|
|
|
Re: يا ربي دي تنفع نكتة؟ رمضان كريم (Re: Amjed)
|
رمضان كريم للجميع
والله انا بعرف ناس بتجرسوا من رمضان ده اكتر من الحلفاوين
راكب تكسي وماشين زيارة انا واخوي وبتاع التكسي مشغل الرادي قبل ما يثبتوا رمضان يعني يوم الاربعا فالمصرين بحتفلوا قبل ليلة الروية احتفالية بجوا فيها ناس كتار من الحكومة والسفراء وممثل الرئيس المهم بزيعوا الوزير فلان جا والسفير علان جا فقاموا قالوا شيخ الازهر لسه ما جه قام اخوي قال لي انشاء الله ما يجي قلت ليو منو قال الاتنين الاتنين منو يا زول قال لي شيخ الازهر ورمضان؟
| |
|
|
|
|
|
|
|
|
|
Re: يا ربي دي تنفع نكتة؟ رمضان كريم (Re: zola123)
|
يازوله 123 كل عام وانت بخير وكيف السودان على حسك ظروف الشغل ماخلتني اتابع يومياتك رجعتي ولا لسع هسع انا لي اكثر من 3 اسابيع والدوحة ماوقعت لي لسع السودان حلو بناسو تحية عطرة وكل سنة وانتي طيبة
| |
|
|
|
|
|
|
|
|
|
Re: يا ربي دي تنفع نكتة؟ رمضان كريم (Re: zola123)
|
تاج السر
يبدو انك جاهل عن تاريخ الحركة الاسلامية في السودان
كتبت
Quote: الفنان مجذوب أونسه قال:- (واحد حلفاوى قالو ليهو رمضان السنه دى جاى فى حر شديد)، قال ليهم:
مافى صالحو!!!أمكن صاحبتك (الأيرانيه) دى ، حلفاويه |
ياتاج
اضف الي معلوماتك ان الدين الدين الاسلامي دخل الي السودان
عن طريق منطقة هذا الحفاوي الذي تتحدث عنة
عن لسان المرحوم حسين . الذي لاتجوز علية غير الرحمه الان .
ولوم داير شرح وافي عن هذا الموضوع بفتح ليك بوست خاص لية
بعيد عن كلامك اعلاة .
كل عام وانتم بخير
الاخت زولة
كل عام وانتم بخير
طولنا ماشفناكي في البال
لكي التحية كوارع
مسؤب
| |
|
|
|
|
|
|
|
|
|
Re: يا ربي دي تنفع نكتة؟ رمضان كريم (Re: MASSOUB)
|
مسؤب
كل سنةو وانت طيب
وصياما مقبولا باذن الله
ما بقى وقت كتير للبالتوك
لاكن احاول الالتزام بحضور ندوات مساء الأحد على الأقل
أرجو ان تأخذ كلام الاخ تاج السر على محمل المزاح
وان كنا فعلا في حاجة للتخلي عن وصم المجموعات بهذه الصفات
التي لا ادري من اين ات
انا عن نفسي لا اجد غضاضة في حكي نكات عن أهلنا الرباطاب بنفسي
عشان نحن ناس ظراف وروحنا رياضية
| |
|
|
|
|
|
|
|
|
|
Re: يا ربي دي تنفع نكتة؟ رمضان كريم (Re: zola123)
|
زولا 123
كل سنة وانت طيب ، ورمضان كريم وتصومي وتفطري علي خير
قلت لي صمتي قبل كدا في القاهرة وكان ممتع وجميل ،، طيب حصل صمتي رمضان في السودان وكان حااااااااااااار واترشرشتي بالموية ؟؟ حصل جربتي دا ؟
كان ما حصل نص عمرك ضايع
كل سنة وانت طيبة وانشاء الله من العائدين
أخوك شروووم
| |
|
|
|
|
|
|
|
|
|
Re: يا ربي دي تنفع نكتة؟ رمضان كريم (Re: zola123)
|
صديقي محمد عبد الرؤف المقيم بأمريكا قال مرة أشتغل معاهم واحد من دولة غانا وكان كثير الحديث عن الإسلام وكان ينصح صديقي هذا بترك السجاير والمداومة على الصلاة فلما جاء أول يوم في رمضان رؤف لقاه في الكافتيريا بتاعت الشغل بياكل فاستغرب قال ليهو إنت عيان ؟ الغاني قال ليهو لا قال ليهو طيب ما صايم ليه؟ الغاني قال ليهو أنا صُمت السنة الفاتت السنة دي الدور على زوجتي في غانا!! رؤف اتصل بزوجتو في السودان قال ليها السنة دي رمضان خليهو علي أنا
| |
|
|
|
|
|
|
|
|
|
Re: يا ربي دي تنفع نكتة؟ رمضان كريم (Re: محمد سر الختم)
|
يامسعوب تحياتى ورمضان كريم
ماتزعل يا اخى ، حقك علينا لكن (برضو ح يخرج من هنا)!!!
المسأله كلها مزحه ، فعند الحديث الجد الأمر يختلف وصدقنى فى داخلى لا أنظر بأى فروقات لأخى من حلفا أو نمولى.
كلنا سودانيين فينا (الزين والشين).
| |
|
|
|
|
|
|
|
|
|
Re: يا ربي دي تنفع نكتة؟ رمضان كريم (Re: سجيمان)
|
سجيمان بحاله عندنا؟
يا مرحب
أول شي رقمي ده ما باستغنى عنه
ايه رأيك فوق الا123 اللوحة حمرا
الزولة دي ما افتكر سمعت عنه ( ما قادرة أكتب اسمه)
وبعدين الله يسامحك يا سي جي
يعني ما عارفنا بنتحسس من السيرة دي
كل سنة وانت طيب ورمضانك كريم
وانشاء الله تبطل كل الحاجات دي
| |
|
|
|
|
|
|
|
|
|
Re: يا ربي دي تنفع نكتة؟ رمضان كريم (Re: zola123)
|
زولة ....
رمضان كريييييييييييييييييم وازيك ومشتاقييييييييييييييين
وكل سنة وانتى طيبة .....انتى ال ع ي د متين ....الجمعة واللا السبت
سمعتى اخر نكتة لانو ؤصيد ما عندى ارسل ليك
الجماعة قاعدين بيفتشوا فى هلال رمضان
لقوا اسلحة
لووووووووووول
سلام خاص للوالد
| |
|
|
|
|
|
|
|
|
|
Re: يا ربي دي تنفع نكتة؟ رمضان كريم (Re: zola123)
|
د. زولة
كل سنة وانتى طيبة
يادكتورة هى دى على الاقل قالتها بى أعلى صوتها وبشجاعة تؤكّد قناعتها بمفهومها كيفما كان ، المصيبة فى اللى فى بالى زى ماقال المصرى .
تخريمة عشان الشمار
المصرى ده كان راكب جنبى فى البص زمان فى القاهرة وانا بقرأ فى الجريدة وهو يعاين فى صورة حسنى مبارك فى الجريدة ويعاين لى فى وشى ، وانا ماشغال بيهو .. لما كتّرها خالص رفعت راسى عاينت ليهو ، قام عاين للصورة وقال : ربنا يهدّك يا اللى فى بالى .
ـــــــــــــــــــــــــــــــــــــ
[email protected]
| |
|
|
|
|
|
|
| |
zola123
saif massad ali
Abd-Elrhman sorkati
بلدى يا حبوب
AnwarKing
jini
شمهروش
Frankly
اسامة الخاتم
ASAAD IBRAHIM
Amjed
جمال ادريس
محمد الامين احمد
أحمد الشايقي
Raja
Sakotaweya
Mahathir
smart_ana2001
saadeldin abdelrahman
Rawia
بدرالدين شنا
خضر عطا المنان
خالد
keiga2000
MASSOUB
شرووم
المكاشفي الخضر الطاهر
bint_alahfad
willeim andrea
سجيمان
Hani Abuelgasim
Sidig Rahama Elnour
garjah
لؤى
فيس بوك
تويتر
انستقرام
يوتيوب
بنتيريست