|
|
 بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحباط)!!
|
لمن يكون (حبيب قلبك )عيان وتجري بيهو على الاطباء
وإنت متعشم خير في ربنا وفي الطب في بلدك
وماتلاقي غير الإحباط واللاإنسانية من الأطباء .. رغم (القروش)
الكتيرة البتدفعها لتذكرة الدخول للطبيب
بالله بيكون شعورك كيف ؟!!
معليش ياحبيبي كنا نطلعك برة البلد من الأول !!
لكن قدّر الله وماشاء فعل وهسي يارب تبقى ملحوقة !!
حزن وإحباط يصل درجة السخط من (بعض) أطباء المخ والأعصاب في بلادي!!
ولكن كامل العشم في رحمة الله فهو العظيم الحنين الكريم ..
|
|
 
|
|
|
|
|
|
|
 Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا (Re: baha eassa)
|
أختى نادية
أسأل الله أن يلطف بوالدك الكريم ويخرجه من وعكته معافة يا رب يا كريم.
كذلك أرجو ان لا تستلموا للأحباط فأنتم محتاجين لقوتكم لمواجهة الموقف
أما بالنسبة للطبيب فعجبا والله أنتهت الأنسانيه حسبى الله ولعنة الله على كل قروش الدنيا
اختى نادية أنا شغال هنا غى شركة أدوية المانية وبصراحة موضوع الجلطات ده زاد جد فى الفترة الأخيرة ويمكن كل مسافر ماشى السودان بديهو أدوية جلطات وذبحة وقبل يومين رسلت مع واحد ماشى السودان برضو جلطة أدوية جلطة وذبحة فخليك معاى واتمنى يكون والدى فى السودان لم يتصرف فيهم كلهم ساتصل به وهاك ايميلى فهناك دواء منقذ وموسع للشرايين لا يوجد فى العالم إلا عندنا هنا فى المانيا سأرسله لك على جناح السرعة.
الايميل بصفحتى
wwww.ibrahimsud.net
إبراهيم عبد الحليم
| |
|
|
|
|
|
|
|
|
|
Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا (Re: baha eassa)
|
الأخوان الأعزاء إسماعيل عباس
عوض محمد أحمد
بهاء عيسى
ربنا يحفظكم من كل شر
وشاكرة دعمكم المعنوي ومؤازرتكم ودعواتك الطيبات للوالد الحبيب
ويامحمد
نعمل شنو لا علاج بقروش عند الاطباء ( البشوات) نافع ولا المدعوم حق الحكومة نافع !
بهاء
تتذكر تحقيق التشخيصات الخطأ العملناهو في صفحة ( من القاهرة سلام) ؟؟
أها أبوي ذاتو دخل دائرة التشخيصات المهببة وربنا يكتب الشفاء ودعواتك
بالمناسبة جايين مصر للعلاج شد حيلك معانا أخوي العزيز وعارفاك مااابتقصر
تسلم خال إيمان ونادين ويديك الفي مرادك إن شاء الله يارب ياشقيقي العزيز
| |
|
|
|
|
|
|
|
|
|
Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا (Re: mohamed elshiekh)
|
الأخت الحبيبة نادية
فتّحتي علينا جروح و جروح فيما تتساءلين عنه
لي تجربة مريرة جداً بهذا الخصوص خلاصتها إنو دكاترتنا بيطششوا عين الزول للأسف
ما عارف لانعدام الجهزة التشخيصية الحديثة
أو لتواجدها لكن لشلاقة دكاترتنا اللي عايزين يشخِّصوا المرض جعلِية و هاشمية و رجالة بالإحساس و ما يسمونه الخبرة
أو لشنو ما عارف
مع إنعدام أدب الحديث و التخاطب مع المريض من بعض دكاترتنا
تخيلي لمن الدكتور يقول ليك في مريض عزيز لديك و أعزّ من روحك ذاتو لمن تمشي ليهو بي صورة للمراجعة:
هو الزول دة لحدي هسي عايش!!!؟
ربنا يشفي الوالد يا نادية
| |
|
|
|
|
|
|
|
|
|
Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا (Re: احمد العمار)
|
العزيزة نادية
ندعو الله ان يشفي والدك
في السودان يوجد دكاتره كويسين علما واخلاقا بس للاسف هنالك اسماء معروفة ماعارف الصنعها منو تحجز وتقيف صف وفي الاخر تفاجا عند اول مقابلة وتقارن الاسم بالمسمى
كانت لي تجربة عند طبيب اطفال بشارع الثورة قالوا احسن طبيب اطفال ذهب له مع ابني الصغير مقابلته لاظن تفرق كثير من مقابلة ملك الموت المهم طلعت منو زي الطالع من طربيزة قمار عند ما لا يحالفك الحظ يعني مخروت خرت السنين بس كمان شهادة لله في نفس الاجازة ونفس الولد مشيت لي دكتور عيون بشارع كرري في سوق امدرمان رجل قديم وعيادة قديمة بس مقابلة في احسن مايكون وعلاج في احسن مايكون ورسوم معقولة.
حكى لي صديق الذي ذهب الى المانيا للعلاج قال ان الدكتور خرج له من داخل العيادة واستقبله زي البيعروفو ليهو سنين ودخل معه للعيادة وقال لي مسالوني من قروش الا بعد ان تميت جميع المقابلات وقالوا لي ممكن تدفع بي ياتو طريقة كاش كريدت كارد بالاقساط شيك فسبحان الله نحن عندنا الدفع قبل الكشف .
ربنا يتم الشفاء ان شاء الله
تحياتي
زاتوووو
| |
|
|
|
|
|
|
|
|
|
Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا (Re: باسط المكي)
|
اللهم اشف عمي عثمان وعجل له بالشفاء يارب
اللهم خفف مرضه ويسر له العلاج
,,,,,
لدي ثلاث ماسي مررت بها شخصيا علي ايادي اخصايين يقال عنهم بروف ,,,
ساحكيها لكم هنا واحكموا بعد ذلك ,,,
| |
|
|
|
|
|
|
|
|
|
Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا (Re: العوض المسلمي)
|
Quote: سنة 96 من القرن الماضي.
كانت أمي خالت فاطنة بت محمدالحسن الله يديها الصحة والعافية ويطول عمرها تتعالج عند بروفسر ووووو (داؤود) الله يرحمه ولأكثر من خمسة سنوات وفي العيادة الخاصة وصرفت دم قلبها ونخاع عظمنا في ذلك العلاج،،، ولتشخيص البروف مشاكل في الجهاز الهضمي،،، وهات يا مقابلات وأدفع في العلاج والتحاليل والصور وخلافه....
بقدرة الله تتعب وعادل أخوي يشيلها في عربيته ولخوفه وهلعه يخشى حدوث شيء لا قدر الله من طول الرحلة من الشعبية للخرطوم حيث عيادة البروف وقد يكون هلعاً أو فلساً من قيمة الوصول للبروف.
آثر أن يعرضها على طبيب جديد لسه فاتح عيادة جنب الشعبية....!!!!
دخل على الطبيب المستجد...
وبسرعة سرد له التاريخ المرضي والبروف المعالج،، ظناً منه أنه يسهل على الطبيب المهمة؟؟؟
طلب الطبيب من الوالدة الصعود إلى طاولة الكشف (أستغربت لأن سعادة البروف لم يطلب هذا طوال الخمس سنوات)؟؟؟
كشف على الصدر بالسماعة...!!!!
عاد إلى أخي عادل سائلاً: قلت لي أمك دي بتتعالج من مشاكل في الجهاز الهضمي عند البروف داؤود؟؟؟
قال نعم... متعجباً من السؤال...
طلب منه الطبيب عمل رسم قلب لأن أمك عندها مشكلة في الصمام الأورطي للقب؟؟؟ (ليتيقن من تشخيصة خاصة وأنه أمام تحدي من أستاذه البروف ...)...
وبالفعل تم رسم القلب الذي جاء مؤيداً لتشخيص الطبيب حديث التخرج والذي أستخدم السماعة فقط.
في شتاء 97 تم إجراء العملية بمستشفى الملك خالد الجامعي...
قبل العملية وخلال فترة التشخيص والتحضير للعملية الكبرى والتي أستغرقت حوالي 7 ساعات.
أستشاريان سودانيان بذات التخصص وخلال المقابلة الأولى وهما يتناقشان في التقارير التي حملتها لهما والمعدة من قبل البروف وهو أستاذهما في طب جامعة الخرطوم لأن وقت تخرجهما لم يكن هناك سواها.
كان تعليق أحدهما: بروفسر داؤود ده خرف ولا بقى حصالة؟؟؟ |
الشايقى
سلام
هل الطبيب المعنى هو فعلا البروف داود مصطفى؟
اذن فاخشى ان تكون قد ظلمته ظلما مبينا لان هذا الطبيب لم يعمل يوما واجدا فى
جياته فى عيادة خاضة. بل حتى الاقسام الخاصة داخل المستشفيات كان يرفض العمل فيها
و ما يشكك فى الرواية هو الا يكون داوود قد كشف يوما على مريض له فى خلال خمسة اعوام
و هو المعروف بتشدده و قضائه الفترات الطويلة مع مرضاه (مما يجلب ملل طلابه) و هناك طرايف فى هذا الامر
لا اشكك فى روايتك. انما اشكك فى نسبتها لبروف داوود!
| |
|
|
|
|
|
|
|
|
|
Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا (Re: امير مصطفى احمد)
|
Quote: حكى لي صديق الذي ذهب الى المانيا للعلاج قال ان الدكتور خرج له من داخل العيادة واستقبله زي البيعروفو ليهو سنين ودخل معه للعيادة وقال لي مسالوني من قروش الا بعد ان تميت جميع المقابلات وقالوا لي ممكن تدفع بي ياتو طريقة كاش كريدت كارد بالاقساط شيك فسبحان الله نحن عندنا الدفع قبل الكشف .
ربنا يتم الشفاء ان شاء الله
تحياتي
زاتوووو |
صاح الطبيب عندنا هنا فى المانيا بعاملك كزبون ثم مريض لانو لو عاملك سئ بتمشى وما بتجيهو راجع وهو عايز يحافظ عليك لأنك مصدر دخله والأ حيفلس
لتسديد القروش هنا عندنا فترة 4 أسابيع للدفع على حسب القانون وبعداك بجيك الأنذار الأول ومعاه غرامة 5 يورو وفى حالة برضو عدم الدفع بجيك جواب من محامى وبداية قضية قانونيةالخ
هذا الكلام ينطبق فقط على السواح أو الناس الما عندهم تأمين
لكن 97 فى المائة من الشعب اللألمانى عندهم تأمين صحى والطبيب بيحاسب التأممين مش المريض وبالمناسبة تعداد الشعب اللألمانى 86 مليون كلهم مؤمنين وتتعالج فى أى مكان وعند اجعص جعيص شوف العدالة الأجتماعية والله هذا هو سبب بقائى هنا العدالة والأخلاق
إبراهيم عبد الحليم
| |
|
|
|
|
|
|
|
|
 Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا (Re: نادية عثمان)
|
الأخت نادية
أعتقد أقتراح بروف معز ممتاز فأنا لست بطبيب
القدرت أفهمو من المداخلات المتعددة انو شدة الأنسداد مع قوة إندفاع الدم أدى إلى إنفجار شريان فى الرأس وهو النزيف الحالى لذلك انتم الآن مع طبيب مخ وأعصاب وليس أخصائى قلب
كذلك القدرت أفهمو أن طبيبكم الحالى معطى أولوية لأيقاف النزيف قبل علاج الجلطة
هل هذه الأستراتيجية صاح بروف معز بريحك بالأجابة؟
أنا أعتقد أنو صاح!!!
الشلل وتوابعه النقطة دى ما تشيلى ليها هم عادة بينحسر شوية شوية بس قولى يا قادر يا كريم
إبراهيم عبد الحليم
| |
|
|
|
|
|
|
|
|
|
Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا (Re: إبراهيم عبد الحليم)
|
شفاه الله وعافاه وجعل ماضي آلامه في ميزان حسناته..
دعواتنا له بكمال العافية وتمام الشفاء..
تجارب المرض والعلاج في السودان فعلاً مؤلمة ومخزية..
بعد أن طغى الجانب التجاري على الجانب الإنساني..
مستوصفات تعلن في الجرايد وكأنها محلات تجارية..
عندناأشعة وعندنا موجات فوق الصوتية.. وعندنا جهاز شنو وجهاز شنو..
وخدماتنا فندقية وممرضاتنا من الفلبين..
بس انتو تعالوا وادفعو وشوفو بنفسكم..
قمة المأساة أن يكون المال هو الهدف من عملية العلاج والاستشفاء..
لك الله ياشعبي.. وللعم عثمان الدعوات الصادقة بالشفاء..
| |
|
|
|
|
|
|
|
|
|
Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا (Re: أيمن دياب)
|
العزيزة نادية أسال الله العلي القدير أن يمنح والدك ووالدنا الشفاء العاجل
يا شاف يا عظيم
| Quote: حزن وإحباط يصل درجة السخط من (بعض) أطباء المخ والأعصاب في بلادي!! |
أطباء المخ جزء من نتاج المؤتمرات الترليون التي أقامها النظام العنصري البغيض من أجل تركيع الشعب وتجميل وجهه الذي بلا وجه
كيف يأأختي نادية الآن! تأمرون بالمعروف وتنسون أنفسكم؟
ألم يكن المؤتمر الصحفي –برعاية الرئيس- دعك من مسحولي الغرب والشرق والشمال نفاق لمحو الحق بالباطل ؟
ما الذي أجبرك لمشاركة أطباء المخ المحبطين في المؤامرة على والدك الحبيب؟
| |
|
|
|
|
|
|
|
|
|
Re: بعض أطباء المخ والأعصاب في السودان لا إنسانيين ..حبيبي عيان ..يوجد(نزيف وجلطات متكررة وإحبا (Re: آدم صيام)
|
الاخ ادم صيام سلام
توقفت كثيرا عند حديثك هذا :
Quote: أطباء المخ جزء من نتاج المؤتمرات الترليون التي أقامها النظام العنصري البغيض من أجل تركيع الشعب وتجميل وجهه الذي بلا وجه
كيف يأأختي نادية الآن! تأمرون بالمعروف وتنسون أنفسكم؟
ألم يكن المؤتمر الصحفي –برعاية الرئيس- دعك من مسحولي الغرب والشرق والشمال نفاق لمحو الحق بالباطل ؟
ما الذي أجبرك لمشاركة أطباء المخ المحبطين في المؤامرة على والدك الحبيب؟ |
الست ببشر انت ؟؟؟؟
الا تعرف ان للمرض حرمه ,؟؟؟
ام تريد ان تقول كلامك هذا بغض النظر عن الحاله المرضيه التي امامك ؟؟؟
صراحة اتمني ان تسحب مداخلتك هذه فليس هذا وقتها ولا مكانها ,,,
| |
|
|
|
|
|
|
| |
أسامة خلف الله مصطفى
عمر صديق
Safa Fagiri
محمد على طه الملك
ismeil abbas
baha eassa
إبراهيم عبد الحليم
Al-Shaygi
مزمل خيرى
Dr. Moiz Bakhiet
علاء الدين حيموره
Yassir Tayfour
الحارث سرالختم عبد الله
Mahmoud Mustafa Mahmoud
عاطف عمر
Rashid Elhag
mohamed elshiekh
علاء الدين يوسف علي محمد
ASHRAF MUSTAFA
رغيم عثمان رغيم الحسن
معتصم مكاوي
Nader Abu Kadouk
Zomrawi Alweli
السمؤال بدرالدين
ارصد محمد جلال
عمر عبد الله فضل المولى
ابو جهينة
عبد العظيم احمد
nadus2000
فادية اليمني
ALZOLZATOO
فايزودالقاضي
داليا حافظ
Ahmed Yousif Abu Harira
شول اشوانق دينق
هيثم درار
باسط المكي
العوض المسلمي
سيف الدولة كامل
امير مصطفى احمد
آدم صيام
الحاج حمد الحاج
شهاب الفاتح عثمان
Adil Osman
ناذر محمد الخليفة
فيس بوك
تويتر
انستقرام
يوتيوب
بنتيريست