|
|
 أرسسسسسسسسسسسكم ... سرامييييييييييييييييييييييك .
|
تنبيهات :
1- هسع انا مستت ، يعني صايم الستوت ، وبفتح النيران بعد ما أفطر
2- لغاية الوكت داك بقبل الإعتذارات والوساطات
3- حرف الكاف الواقع في نهاية العنوان { سرامييييييييييك } قابل للإستبدال
بأي حرف مجاور يدي المعنى المناسب
|
|
 
|
|
|
|
|
|
|
|
Re: أرسسسسسسسسسسسكم ... سرامييييييييييييييييييييييك . (Re: أبو ساندرا)
|
بسم الله دا شنو الما منقط دا ..
يا رشيده الراجل خرف ..
.....................................................................
قصة راجل رشيده المخرف دا ذكرتني بقصه :
قالوا في مره كبيــــــــره زي راجل رشيده دا بعدين سامعا انو نكير بجي ياخد ارواح الناس الكبار بس .. اها الحاجه من الخوف بقت من اليوم داك تلبس بمبرس وتاكل سيريلاك عشان تخدع المعلم الشفت نكير ..
المهم يوم كدا وهي قاعده العصريه كدا وشاكا البمبرس بتاعا وبتاكل في السيريلاك ظهر ليها نكير .. عملت فيها دايرا تخدعوا وقالت ليهو : انا داعدا اتل سيليلات .. نكير المفتح عاين ليها كدا وقال ليها : طيب دوام عسان انحنا ممستعدلين ..
نكوري يا مفتح ..
منعم
| |
|
|
|
|
|
|
|
|
|
Re: أرسسسسسسسسسسسكم ... سرامييييييييييييييييييييييك . (Re: أبو ساندرا)
|
ابوي عارفاك قاصد منو...
لكن ...بالردالواعي والمنطق وحب واحترام الانسان سوف نضيف الى مسيرة التنوير... ولو بعد الف عام ...سوف يخرج من اصلابهم رجال ونساء يحترمون الانسان لكون انه انسان ... ولا يفتخرون بالماضي القدز ...
لا نقلق... فخير ان يبدأ الكلام عن المسكوت عنه ...
لا تهاجم ...بل احزن لهم....
خذ بيدهم ... فهم في ظلمات ليس لها مثيل
| |
|
|
|
|
|
|
|
|
|
Re: أرسسسسسسسسسسسكم ... سرامييييييييييييييييييييييك . (Re: أبو ساندرا)
|
اخي أبوساندرا الجميل الذي لا أشك في نبله
حسنا فعلت ولو كنت أعرف تلفونك لاتصلت طالبا
عدم الترسيس ...... الموزاييكي
لأننا لا نريد لك الانزلاق الغضروفي في كل أنواع البلاط .....
ولتنس دياميتك في هذا البورد !!!!!!11
واذا كان كان لابد من ترسيس فرسس ولكن بدون .......
لك ولأسرتك خالص محبتي
نرجو مدنا بأرقام التلفونات على المسنجر
أخوك/فاروق
| |
|
|
|
|
|
|
|
|
|
Re: أرسسسسسسسسسسسكم ... سرامييييييييييييييييييييييك . (Re: أبو ساندرا)
|
تحية طيبة وتقدير للجميع ..
الصديق أبو ساندر (عبد الرحمن بركات),,
سلامي وتحياتي ..
(التسعة الجودية) سلام وتمنيات بعيد سعيد ...
البقية الذين مروا علي هنا ... سلام جاكم ...
اصلاً ومن البداية كده خلوني استلف مقولة :-( شرح البديهيات مضني) لأنو فعلاً مضني جداً .
يا أبو ساندر نقطة مهمة كتبتها أنت وهي :- Quote: فإن في البورد قوانين ولوائح حاكمة
بتفعيلها يمكن رد الحقوق |
ده كلام صح ، واي زول في المنبر ده فاهمو وعارفو وفايت (فهمو غادي) لكن شن الفائدة لحدي هسع الناس (بتخترق ) القوانين دي ومش كده وبس لا لا بقو يتعمدو انهم يكتبو كتابات من اجل اختراق القوانين دي ... وهم بي كده كمان عايزين يورو غيرهم (انهم مقددنها ) وخترين وبعرفوا يحتالو علي كل حاجة ... وفوق ده وفوق ده هم معتمدين اكتر علي أنو في كتار (جودية ) هنا بيجو للزول يقولو ليها :- لياخ خليك عاقل ... لا ياخ أنت الكبير ... لا ياخ ابقي أخير منو ... لا ياخ لازم توضح وجهة نظرك بدون نرفزة أو انفعال ... عشان الجودية الزي دي كتار جداً بقوا سارحين ومارحين وفاكريهم (براهم أهل عقاب) وأنو مافي زول (عندو مقدرة زيهم) ...
مبداء انو يغلط علينا زول ونعتزر ليهو ده مبداء اصلاً انا ما عارف ليهو (راس أو قعر) والطبيعي أنو زول غلط يتحمل نتيجة غلطو ... التسامح ده سمح واي حاجة لكن زول أو ناس بينك وبينهم مافي أي حاجة غير انك بتختلف معاهم في وجهات النظر وهم زيك زيهم يجو ينبذو ويكتبو كلام مسي دي (وحيدا) ما بتتفهم زيادة علي كده مواقفهم وكلامهم ده ببساطة ممكن يقولوهو ومافي (قيداً ماسك في حلقهم) ومن حقهم (ومش حقهم ساي) حق (تحرسو ليهم مؤسسة دولية راسه عديل) خليها قوانين المنبر دي ... بعد ده يتجاوزو كل حاجة ويجوك (عبك) (وقدرة الله) بعد ده يجو (الجودية) ويمسكو فيك حليفة !!!.
وكمان لو انت كتبته وكتابتك واضح فيها أنك ح(ترسسسسسسسهم) (الجودية) حيكترو ... وده ما كعب بس الكعب انو (الاخرين) بيلعبو علي (اخلاقنا وتربيتنا) – ركزو معاي في اخلاقنا وتربيتنا دي وشوفو بي سببه وصلنا لي وين-.
أدب الخلاف معروف وأدب الحوار معروف وأدب المنابر الاكترونية وقوانينه معروف ، وأدب استغلال قوانين المنابر (واختراقه) زاتو معروف ومافي حد أحسن من حد طالما انهم بيتلاعبو با القوانين ويمشوا من وراها .
ابو ساندر كونك ودود وواضح العبارة وتعرف ما تقول دي حاجات ما بشهد ليك بيها أنا بيشهد ليك بيها (خطك وكتابتك) الموجودة ومنشرة في المنبر ده ...
وأدب الاعتزار حين الخطاء ده أدب الناس البيعرفو ... لكن يعتزر (أبن آدم) غلطانين عليهو (دي تب) ما بتتفهم ... والمنبر ده كدي الناس ترجع تفتش فيهو وشوفو البيعتزرو منو غالباً ... ودائماً بيعتزرو الناس الاكثر مقدرة علي الحوار والاكثر قدرة علي ابتدار النقاشات ... ودى محمدة ايوة لكن بقت زاد لاخرين يخترقوا بيها القوانين .
كدي ياجماعة ممكن تعتزرو لي 17 سنة قهر وتشريد وحريق وقتل ؟؟؟!
لو في زول شايف فرق يكلمنى ... احسن انا ماشايف !
لكم الود ... رغم اختلافي معكم الا انى اتفق معك في ذات الامر ... بس من جهة مختلفة .
(اصلن الاعتزار مبداء ما مرفوض بس عندو منطق يا ناس).
عامر محبتي .
| |
|
|
|
|
|
|
|
|
|
Re: أرسسسسسسسسسسسكم ... سرامييييييييييييييييييييييك . (Re: أبو ساندرا)
|
ابو ساندرا ما عاوزة اقول ليك كل سنة وانت طيب او مشتاقيين او ما ادراك والكلام المن النوع دا .. لانو الحركة دي احتمال تلخبط على الفي راسي هسي ... لانو خطر في بالي اقوم اتكلم عن حاجات كتيرة جدا ... حاجات واجعة راسي ووحاجات واجعة قلبي .. ومرات مرات بتوجع عيني واضراسي ... اولا عاوزة اتكلم عن . .. عن شنو ولا عن شنو ؟؟
خايفة ابدا اتكلم اقوم اقطع عليك ( ستوتك ) .. بالمناسبة .. ستوت دي جمع شنو ؟؟
او بخاف ( السيراميييييييييييييك ) يرميك ... وكفاية الحُفر الوقعنا فيها لغاية هسي ... بس في حفرة واحدة ... الله يوقعنا فيها .. ونخلص !!
طبعن فكرك حيمشي لبعيد ابعد من المسافة التي استغرقتها ( شنطتي الرايحة ) لتعود الى كتفي !!
ابوساندرا .. الصيام مقدور عليهو ... بس الكلام .. تفطر على شنو ؟؟
بصلة ؟؟!!
الناس دي غريبة بشكل .. مصرين دايما يحرفوا الحاجات حسب .. هواهم .. يعني في الاصل كانت ( بلحة ) .. وبقدرة قادر تحولت هذه البلحة الرقيقة .. الممتلئة بالغذاء الى بصلة ( مهانة ) ومافي زول عارف قيمتها ... الغذائية طبعن .. يعني هسي البصلة فرقها شنو من البلحة .. ( حرف واحد فقط ) .. وزي حروفك المقلبنة يا ابو ساندرا .. حرف واحد ممكن يغير الصيام من ايمان واحتساب الى جوع وعطش ساي .. فما بالك بحرفين !!
يااااا قوة الله !!
دي حروف لا ذخائر .. ؟؟
حروف ولا صواريخ ...
اول الحروب .. كلمة !!
واول السلم .. برضو كلمة !!
بس اول مرة اشوف حرب كان مبدأها حرف .. !!
واول مرة اشوف كلمات ... قتلن .. بطلقة!!
الحاصل شنو .. ؟؟
كدي لغاية ما نعرف .. خلوني اتكلم عن الواجعني .. !!
واجعني ... انو كلمة زواج نستبدلها ( بخيانة ) !!
حاجة غريبة مووووش .. بُث خلوني احكي ليكم عن الخيانة دي وطبعن في راوية العروس بت جيراننا انو زواج لانها خطفت زوج صديقتها وجارتها ( الحيطة بالحيطة ) .. وتزوجتو عينك يا تاجر ... والذمب ما ذمبها بل ذمب الاغنية بتاعت ( راجل المرا حلو حلاه ) .. !!
والتحية لكل الاغاني .. التي تخدم مثل هذه القضاياالمعصلجة .. والزواج بقى مشكلة عشان كدا .. لازم تطلع اغاني تسهل علينا المداخل ..
برضو .. الكورة السودانية ... اصبحت تفتخر بخيبتها .. لانو ( شينة كورتنا ) ودي شهادة .. خلاص بقينا مقتنعين بيها تماما ومافي زول حيقدر يقول لينا انتو ما بتعرفوا كورة لانها اصبحت من المسلمات .. !!
هسي الوداني نادي الفنانين شنو ؟؟
اعتذر ؟؟
سبحان الله بعرف اعتذر كويس .. الا لزول واحد مهما اغلط فيهو ما بعرف اعتذر ليهو وما عارفة السبب شنو ؟؟
بكون عناد ساي ... !!
ابوساندرا ...
بركة والحمدلله .. انك صايم .. ومستت !!
لو ما كدا .. لكنت رسيتك بكمية من انواع الحروف التي يمكنها ان تحل محل ( الكاف ) وتعمل عملها ... والله يكفينا شر ( الحروف المجاورة ) والما منقطة !!
اذا فهمت حاجة ... حاول تفهمني عشان تخفف علي وجع ( الكرعين ) !!
تصوم وتفطر ... على ( بصلة) !!
| |
|
|
|
|
|
|
|
|
|
Re: أرسسسسسسسسسسسكم ... سرامييييييييييييييييييييييك . (Re: أبو ساندرا)
|
فاروق حامد محمد
خالدة البدوي
سفيان نابري
سمرية
مع إني كنت متمني ان تدعو هذا البوست الشرير يذهب في النسيان
ومع إنكم ما إشتغلتو بأمانينا وجليتو طلبنا
ولأنكم أحباب وحلوين
فأنا بين أمرين
1- انسى مداخلاتكم وادع البوست يمشي في حال سبيلو نحو التلاشي
2- اطاوع قلبي وأرد على مداخلاتكم الحلوة اللذيذة ، ونعدل مسار البوست
نحو الحب والجمال واللذاذات
وعشان انا مابتلوم مع قلبي { ضمة} وهذه من مخلفات حبوبة شايقية كامنة في الجينات
حا أرسسسسسكم ، أقصد حا ارد عليكم
ويظل الإعتذار قائمآ
والود موصولآ
والعشم مقنطرآ قمطريرا
| |
|
|
|
|
|
|
|
|
|
Re: أرسسسسسسسسسسسكم ... سرامييييييييييييييييييييييك . (Re: أبو ساندرا)
|
حبوبتي بتقول : الكلمة كان طلعت من الخشم .. ما بترجع تاني !!
والطلقة كان طلعت من فوهة البندقية ... ما بترجع برضو
ما عارفة اذا كان دا مثل ... ولا حكمة ولا كلام حبوبات ساي .. لكن متاكدة من حاجة واحدة .. انو طالما انت يا عبد الرحمن ... نزلت بوست .. وقصدت منه هدف بعينه يبقى خلاص ... ذمبك على جمبك يا جميل !!
طبعن عارفة ما ابوساندرا .. البتراجع عن اي فكرة كائنة ما كانت ... لكن نقول شنو ( الصيام واحكامه )!!
هل بانتهاء الحرب ... يعود الشهداء ؟؟!!
قطعا .. لا .. !!
طيب انا جيت وشاركت من وحي استيعابي الضعيف للبوست وعنوانه .. ورديت من وحي حاجات بتدفر فيني ليها زمن .. !!
وبما انك بين امرين .. اختار امرهم !!
ودي نصيحة .. وبين قوسين !!
اعتذارك في (الامرين)... غير مقبول .. !!
كمن فطر بدون عذر ... !!
كفارة ... كفارة .. كفارة !!
والتحيات لله !!
| |
|
|
|
|
|
|
|
|
|
Re: أرسسسسسسسسسسسكم ... سرامييييييييييييييييييييييك . (Re: أبو ساندرا)
|
الأستاذ / فاروق حامد محمد كتب :
Quote: ولتنس دياميتك في هذا البورد !!!!!!11
|
يا خال ، ديم الله ابشنبر ده كامن في الجينات
يعني ممكن تنسى قميصك
وماتنسى ديمك يوم خميسك
اذكر في صبانا الباكر ونحن جايين من المدارس
كنا بنمر بديم كوريا ، وهذه عبارة عن كم شارع كده في ديم التعايشة
كان فيها سسسسسسسسراميك من سراميك الهضبة
فمافي طريقة نجلي الديم
و ليلو وسهرو
نجومو وقمرو
سراميكو وخطرو
طيب انت رش لي رقم جوالك هنا
| |
|
|
|
|
|
|
| |
أبو ساندرا
nazar hussien
Tragie Mustafa
رشا سالم
طارق جبريل
عبدالكريم الامين احمد
khaleel
عبد المنعم سليمان
فاروق حامد محمد
خالدة البدوي
سفيان بشير نابرى
سمرية
معتز القريش
فيس بوك
تويتر
انستقرام
يوتيوب
بنتيريست