|
|
|
 Re: أحمدعمرالرباطابي هذا الفنان الرائع (Re: منصوري)
|
عاطف.. الأغنية سامعا والله ما سامعا...
إستخدمت فيها نوع جديد من التكنولوجيا.. لسه جديد.. ومقاوم لكل أعمال الهاكرز.لأنو ما بيظهر الملتيميديا.. ولا اللنك ولا أي سيرفر.. ولا وصلة ولا معلومات عن موقع التحميل..
........
أصلى قبل يومين إتزريت في رافع تحميل ملفات صوتية.. ومشيت غصت لاجوة في الشبكة قلعتا الصوفت ويير دي وجيت...
كدي ورينا سامع ولا ما سامع.. شايف في كم واربعين واحد دخلوا.. بس اظن معظمهم من الزوار موش من الأعضاء.. لأنو الأعضاء معظمهم بيعلقوا كان سامعين والله ما سامعين.. كان ما سامع عشان نعيد التعديل أو نرجع للطريقة التقليدية..
| |
 
|
|
|
|
|
|
|
|
Re: أحمدعمرالرباطابي هذا الفنان الرائع (Re: منصوري)
|
سلامات يا منصوري
لا . لا أسمع الأغنية
لكن لا أستطيع الجزم هل الخطأ من عندك أم من عندي
فهناك أغنيات كثيرة ينزلها بعض الزملاء في بوستاتهم أسمع بعضها
والبعض الآخر تأتيني نافذة بأن هناك Error . أغنيتك من ضمن هذه .
تحياتي
| |
|
|
|
|
|
|
|
|
|
الجميل الأجمل (Re: منصوري)
|
استاذي الفاضل...
تشدني، بل يشدني، احاسك بكل كلمة، بكل بكل حرف، بل بكل نقطة سال منها الحرف، وكأنك تذهب هناك، بعيداً، حيث خلقت حواء اللغة، بل حواء اللحن، حيث لا لغة، ولا لحن، بل موسقى محيرة، محيرة، محيرة، ووجدك ضالا، فهدى، ضالا ضالا ، فهدى، .....
معلق كالحلق، على الديسك توب أغنية (وطن النجوم)، كي أرتلها، كالفاتحة، ليس عند كل صلاة، بل عند كل صلاة (للمقربين)، وصلاتهم السرمدية....
فالغناء سر الوجود...
| |
|
|
|
|
|
|
|
|
|
Re: أحمدعمرالرباطابي هذا الفنان الرائع (Re: منصوري)
|
تسلم يا عبد الغني. أخونا العزيز..ربنا يزيدك من فيوضاته.. ونسأل الله أن يجعلنا الله سبب لتنغيم دواخل الناس بأي شكل...
.........
بالله لايزال تسجيل وطن النجوم معك ماشاء الله.. سلامى لكل من معكم من الأحبة..
| |
|
|
|
|
|
|
|
|
|
Re: أحمدعمرالرباطابي هذا الفنان الرائع (Re: منصوري)
|
بادئ ذي بدء.تعرفنا عليه في برنامج ربوع السودان.ذلك البرنامج الرائع الذي كان يقدمه علي الحسن مالك.. زمن الرادي أبوبطارية..واريل هوائي وأريل ارضي.. ونحن لسه اطفال ثلاثة سنوات أربع سنوات.. الحلة بتاعتنا ما كان عندها رادي غيرنا ولا الحلة الجنبنا.. كانوا كلهم نساء ورجال يجوا يستمعوا للربوع في يتنا.علي الحسن مالك يقال أنه شايقي.. كان لايخيب ظننا. دائما يختم البرنامج بالنعام آدم ومرات يبداهو ويختموا بالنعام آدم.. كنا نتمني اسماء الذين يطلبون الأغنية تكون قليلة عشان مايضيع زمن الأغنية لأنو كل أغنية ليها زمن.. ويقع معاهو سرد.يهديها فلان لى فلان بمناسبة الخطوبة بمناسبة كذا.. كانت مشاعرنا بين المد والجزر اثناء سرد اسماء الطالبين الأغنية.. نفرح ونغضب حسب ذكر الأسماء ونحدد من خلالها الأغنية.. لما يقول يهديها فلان لفلانة باللاماب بحر ابيض. أو أم جر.. أو أم شانق.نعرف إنو دي اغنية( هي البتولة حلاتا يا زولا) ولما يقول يهديها آدم الي أم جمعة بالرهد بمناسبة الزواج نعرف إنو دي الفنانة مهلة العبادية.. ولما يقول يهديها سيد احمد الى خطيبته بالدبة أو قوز قرافي.. او يهديها حسن الى الوالدة بالقرير.. أو يهديها سليمان لسامية بالمناصير..طوالي نفرح ونعرف إنو دا طنبور.. وما كان شى بيطربنا غير الطنبور.. وكان واحد لما يحب يشكر واحدة يقول ليها إنت زي النعام آدم وسط الفنانين..والنعام نفسه ما كان بيخذلنا كل اسبوع أو شهر عندو اغنية جديدة في الربوع...الغرام ياناس الغرام جنني أنا ياسلام.. شتيلة قريرة الفجر نبحن بوابيره.. الفوسيب القايم دقاق توتيب جاهل ننو.. فاوضني بلا زعل.ياخي فاوضني بلا زعل.كانت أغنية امي المحببة هذه رحمها الله.. مليح اللون شوفتك تفرح المحزون.. ووب يا مليح اللون.. دهب شيبون القمر المضوي الكون وا ناري من دهب شيبون..فريع البانة مرحبتين حبابك واليوم السعيد الليلة جابك.. زهيرة النرجس الفتحتي دابك... ارضك طيبة من النيل شرابك.. الجمال معناهو ضارب في شعابك... إنت ختمتي أصلو زمان بدابك..بدا بك دي يعني بدا بيك ياناس الخرطوم..أو يغني إسحاق كرم الله..النار أم لهيب جذابة يازهرة جناين الغابة.. يومو اللبسوا الدبابة سجل في قليبى إصابة.. أو يغني إدريس إبراهيم... تومات سكونكن وين.. فاقد النوم أنا لى يومين.. النعام آدم بكل اسف تغول عليه الكثير بعد وفاته ولم يعطونه حقه.. ومن حقه انه رفع هامة غناء الطنبور لقمة فريدة بصوته القوي الجهوري لم يستطع بعده كل الفنانين أن يضيفوا لبنة واحدة.. ماعدا صديق أحمد الذي اضاف طوابق شاهقة على هذا الغناء بعد النعام. كل فنانين الطنبور بعد النعام يعتبرون مد افقي لأغنية الطنبور الشايقية ماعدا صديق أحمد الذي يعتبر مد راسي في فن الغناء الشايقي..
ما كنا بنطرب لأي غناء غير الطنبور بحسب تكوين المنطقة في طفولتنا.. ولكن بدا يسرقنا شوية شوية الفنان أحمد عمر الرباطابي بفنه. وهو كان شعار للبرنامج وختامة بنقرة طبلة مميزة تدل على الربوع.. يفتتحه ب..من أم در ياربوع سودانا حيك إنت كل آمالنا.. ويختتمه ب.. ودعناك خلاص ياربوع نعودلك تاني بعد اسبوع .ونلقاك فوق زحل مرفوع وخيراتك تفيض نوع نوع.. أحمد عمر الرباطابي كفنان موهوب. شعر بحسه الفني أن الشعبية مع هذا البرنامج هي لأغاني الشايقية.. فألف أحمد عمر رحمه الله من أغاني الدليب..الليل ليلنا.الله ليل الليل ليلنا ياجنا.. تلت إيدا وبارت الصف.. لى مسامير كرعي رجف.. واغنية ياحسود قول الله أحد...عودا كرباج ناظر العمد.. ويصعب جداً لي فنان ان يغني اغاني إيقاع الدليب لولا أن احمد عمر فنان متمكن.. وثانياً أحمد عمر نفسه لم يكن خالي الوفاق من أغاني الدليب.. فهاتان الأغنيتان أخذن من منطقة( اب طين..) وهي آخر مناطق الرباطاب مع المناصير.
تحاذيها..منطة( العال) ( الشمخية)( أم سفاية) وهذه المناطق كلها مناطق مد منصوري شايقي..أفراحها كلها على إيقاع الدليب.. وأبوطين مرامي حجر من مدينة ابوحمد..للفنان أحمد عمر الرحمة وموالاة الدعاء له..
| |
|
|
|
|
|
|
|
|
|
Re: أحمدعمرالرباطابي هذا الفنان الرائع (Re: منصوري)
|
مرة قالوا في الإذاعة يعملوا برنامج على منوال برنامج الربوع الذي كان يقدم شعاره أحمد عمر الرباطابي.يعملوا برنامج يسموهو( مايطلبه المستمعون من المدائح) كنا مرة نستمع الي هذا البرنامج في العاصمة.. كان بجواري واحد شايقي من أبناء الغريبة..قال لى يا منصوري إنت ملاحظ حاجة في البرنامج دا؟ قلت ليهو لا في شنو؟ قال لى الناس البي يهدوا المدائح دي.كلهم بمناسبة شفاء أمه. بمناسبة نجاح العملية.يهديها الي جدته بمناسبة الشفاء يهديها الي خالته بمناسبة الصحة... أصلو مافي واحد هدى لى خطيبتو؟ يعني حايهدي ليها( الهبروا ملوا..جابوا دليب للناس من علو..شوف ناس ديل)..
| |
|
|
|
|
|
|
|
|
|
Re: أحمدعمرالرباطابي هذا الفنان الرائع (Re: منصوري)
|
سلام الي كل رباطاب العالم والشكر موصول لك يامنصوري علي هذا الموضوع
تربطني صلة قرابة بالمرحوم احمد عمر الرباطابي وهو رباطابي ياباني يعني اصلي ما تقليد وكان كثيرا ما ينزل معانا بحكم عمل الوالد في السكة حديد
وكنا نقعد الساعات الطوال لاستماع الي مالذ وطاب في نكت الرباطاب وهاك واحدة مرة كان قاعد بياكل وفي فار جري بي جنبو في واحد قال ليه الفار
احمد عمر قال ليه انا كديسة الراجل قال ليه انا قلت شوفه مش اكله
الاغنية جميلة نرجو التواصل في هذا الموضوع الشيق
متولي الطيب مالك - رباطابي ياباني
| |
|
|
|
|
|
|
|
|
|
Re: أحمدعمرالرباطابي هذا الفنان الرائع (Re: منصوري)
|
شكراً.. لكل المتداخلين..
الأخ متولي. ...وشكراً للمداخلة.أها الرباطاب اليابانيين ديل.رباطاب.. أبوحمد والله مقرات..والله كجي..والله كجيجى والله كجنقيلي.. والله مقل.. والله الفرسيب والله النباري.. والله نباري الفقرة.. والله السنجراب.. والله كلسيكل.. والله فلكول.. والله أبوهشيم والله ابوديس.. والله الكربة والله الباقير.. والله الكدق والله الشريك والله ندي.. والله دقش.. والله مبيريكة.. والله كرقس..
| |
|
|
|
|
|
|
|
|
|
Re: أحمدعمرالرباطابي هذا الفنان الرائع (Re: منصوري)
|
بعدين طبعاً.. برضو الموجهين يتاعينا ما ساهلين.. قلنا كمان نغتس اولاد الرباطاب في بيئة غير بيئتهم شوية.. المغسة المضوقننا ليها في الوسطي كمان نضوقا ليهم في الثانوي.. بدل ما يودوهم لى فوق على عطبرة الثانوية.. قمنا أخدناهم في الثانوي لكريمة الثانوية.. ومعظم دفعتنا بما فيهم اولاد الرباطاب دخلوا في لجة ومعقل الشوايقة كريمة.. وشافوا إيقاع الدليب الأصلي والطنبور.وحفلات البركل ومروي وكريمة وماجاورها.. وفن الرقيص الجد.. وكمان هم اكملوا تذوقهم لفن الطنبور.. وهم احسن منا حالاً عشان نحن بدأنا عندهم المشوار في ابوحمد الوسطي وذوقناهم فن الطنبور لما جوا الى كريمة اصبح عندهم قابيلة لإستيعاب فن الشايقية.. ولما تجي حفلة نهاية العام .ما يلقوا رباطابي واحد يشارك بي فاصل في كريمة.. كلها طنابير يطلع فاصل طنبور يدخل فاصل طنبور..وهذه الدفعة بالذات.من أولاد الرباطاب الآن مشربة بحب بلاد شايق.. طبعاً أنا مشيت عطبرة.. وباقي دفتي في كريمة.. بعضهم قالوا لنا..حرام عليكم يا مناصير. موجهينكم يجرونا على بلدهم لاتحت.. بدل ما يطلعونا لى فوق على الخرطوم.قلنا ليهم.عشان نرد ليكم الجميل.إنتو استضفتونا في ابوحمد.كمان نحنا نستضيفكم في كريمة..
| |
|
|
|
|
|
|
|
|
|
Re: أحمدعمرالرباطابي هذا الفنان الرائع (Re: منصوري)
|
مدرسة ابوحمد الوسطي كانت راسخة في ذهننا اكثر مرحلة دراسية.أكثر من المرحلة الثانوية والدراسة الجامعية.. وما بعدها.. لأن التعليم وقتها كان رائع وصعب وقاسى.. ومليان.. والأساتذة كانوا منارات هدي..ياتعليم حكومي يالا.. غيروا مافي ..
المدرسة كانت علم في رأسه نار.. كل مدينة ابوحمد تقع في جهة والمدرسة الوسطي تقع في جهة... تراها من بعيد كأنها قلعة التاج محل.. في الهند.. يفصل بينها وبين كل مدينة ابوحمد جسر فاصل كبير من الحجارة.. معمول سابقاً لدرء السيول عن المدينة.. والمدرسة في علو شاهق من هذا السور الحجري الذي اذا تجاوزته قيامتك ربطت من غير ما تستأذن ضابط الداخلية... مرة واحد مدرس جعلى إسمو( أستاذ البلك) قال خليك من السور الحجري.. في حاجة اسمها بيت البنزين معمول من الجالوص يحفظ فيه كل بنزين المدينة بتاع المجلس والمستشفي وغيرو..ما كان في طلمبة بترول.... قال أستاذ البلك ضابط الداخلية في طابور المغرب.. طابور تمام الداخلية قال( بصورة خاصة اولاد المناصير.. لو قامت القيامة جنب بيت البنزين مافي واحد يمشى يشوفا) عايز دا يكون قانون ثابت.. وإلا شجر اللبخ دا حا يتقطع فوق ضهر كل واحد فيكم؟
| |
|
|
|
|
|
|
|
|
|
Re: أحمدعمرالرباطابي هذا الفنان الرائع (Re: منصوري)
|
مدينة ابوحمد كلها ما كان فيها كهرباء..بس شوية كهرباء تنور مكاتب السكة حديد وانوار حول السكة حديد.. بالرغم من أن المدينة كبيرة ولها إمتدادات.. ابوحمد القديمة.القلعة.. حي السكة حديد.. السوق.. حي الإسبتالية.. المدارس.. العشش.. القوز.. العجيجة.. الكهرباء التي تطلع من الكريل.. يديرها واحد قاعد بالسنين.. يسمي محمد صديق.. مجموعة جنريترات صغيرة.. صوتها مزعج.. لكن المكاتب جميلة .زحولها حديقة جميلة من شجر العوير له ورود نفسجية.. حلوة.. ولكنه كان تقطع منه سيطان وبسطونات يجلد بها الطلبة الأشقياء في طابور الصباح بسطونة العوير كانت مطاوعة ولا تتكسر وجلدها حار بصورة مزعجة حرارته لاتنطفي بسهولة.. كان يوصى ناظر المدرسة عوض الكريم الفادني فراش المدرسة حسين بإحضار بسطونات من شجر العوير كل يوم يومين.. عمك بخيت ال فراش الأول في المدرسة كان رجل ذو مزاح ولكنه كان لايجب أن يحضر بسطونات شجر العوير.. وكان يملأ محابر الأدراج بالحبر ويتشاغل في ذلك حتي يرسل المدير الفراش الثاني حسين.. وحسين هذا له مهمه اخري هى توليع الرتاين.. للمذاكرة المسائية الإجبارية..
| |
|
|
|
|
|
|
| |
منصوري
عاطف عمر
عبدالغني كرم الله بشير
Mutwali Malik
فيس بوك
تويتر
انستقرام
يوتيوب
بنتيريست