نسيبتو قالت شوية وحرمان ما يدخلن عليَّا (دي نسيبة) ونشوف غيرها
النسيب خجل من نسابتو الغنيانين ومشى الجزارة زرد الكيس لمن طقطق وجابو ختاهو جنب باب المطبخ بعد خمسة يوم لقى كيسو مليان في محلو زول هبشو مافي بي بصلاتو المدلدلات ديلك وضبانو ينوني
النسيبة عندها إتنين متزوجين بناتها واحد مفلس بتريدو (حسن) وواحد غنيان بتكرهو (إسماعيل) أها يوم جاء عرس بتها التالتة إسماعيل الغنيان ضبح تور وحسن المفلس ضبح ديك في اليوم التاني النسيبة قالت والله كان ما ديك حسن تور إسماعيل دا ما كان بكفي الخلق الأمس دي
أها يا جماعة جبنا شوية قالوا حرمان زردنا الكيس خلوهوا لينا في محلو ضبحنا تور ما نفع السؤال إين أنت من هؤلاء وما السبيل لنيل رضا النسيبة؟؟؟ وبالنسبة للأخوات ممكن يقلبن الشريط أو الورقة ويجاوبن
05-19-2004, 10:28 AM
ابو جهينة ابو جهينة
تاريخ التسجيل: 05-20-2003
مجموع المشاركات: 22487
النسيبة ( أم الزوجة ) في وقتنا هذا تريد أن ترى في زوج إبنتها ذلك الرجل من عصر زوجها و جيله ، و هنا يحدث إما أن تحبه أو تكجنه. هناك أزواج يدخلون قلوب النسيبات من يوم فتح الخشم ( لله في لله ) و هناك أزواج مهما قدموا و فعلوا ( ما بينزلوا من زور النسيبة ) بتدور تدقو بلا غبينة ..
تسلم
05-19-2004, 10:34 AM
الزنجي الزنجي
تاريخ التسجيل: 09-05-2003
مجموع المشاركات: 4141
عليك الله ابدر الدين انت اماني لامي فيها خلي امها ، والله دا شوق ساي ، وانا قاصدة انو الشتات غير الاوضاع وبدل الاشواق والنسيبة دائما تحلم برؤية بنتها ولا ولدها في المهجر او الاغتراب واذا كان الحال متيسر اكيد كل ها زوق وشوق ، حسي يا بدر الدين انا ما شفت نسيبتي الا مرتين بس مرة سافرت ليها مخصوص ومرة واحدة وحسي انا مشتاقةليها لانها مرة طيبة وفي حالها مصاريفها كان اتاخرن ما بتسال منهن
05-19-2004, 01:41 PM
بدرالدين شنا بدرالدين شنا
تاريخ التسجيل: 07-30-2002
مجموع المشاركات: 3514
طيب يا البدري .. لمن تجي تقلب الصفحة .. كلمني .. عشان أنا في يومن من زات الليامي حا أكون نسيب . وسوف أقول شروطي على ابو النسب المرتقب .. أول حاجة في كليمات كدي ما يقولهن قدامي ، منهن : تعرف يا أبو الجقق .. الفردة دا كان معانا .. بعدين دقس واتلحس ..
فهمت حاجة؟ أنا زاتي
05-19-2004, 02:24 PM
بدرالدين شنا بدرالدين شنا
تاريخ التسجيل: 07-30-2002
مجموع المشاركات: 3514
الغالية حد الحب رجاء سلام طبعاً كان مفروض أنا أثبت ليك حقوق الطبع في سرقتي للعنوان لكن قلت على الأقل عشان اضمن دخولك وتعليقك (بكون ضمنت لي راكب) وأشحن على الطريق لكي حبي ونسبي
أهل العوض والرونق سلام
Quote: فهمت حاجة؟
خليني أستلف عبارتك الجميلة ديك البتقولها أءطع دراعي إذا فهت حاقة
Quote: لمن تجي تقلب الصفحة .. كلمني
إنا غايتو برقد على الصفحة دي عشان ضهري ما يووجعني
Quote: تعرف يا أبو الجقق .. الفردة دا كان معانا .. بعدين دقس واتلحس ..
شروط شنو ياخي القصة دي في النهاية قسمة ونسيب
05-22-2004, 12:40 PM
ابو جهينة ابو جهينة
تاريخ التسجيل: 05-20-2003
مجموع المشاركات: 22487
بدر السمح قالوا فى واحدة برضو عندها تسيبين واحد غنيان وواحد زى وزيك...الغنيان بجى محمل بالاكياس وبلز الباب بى قفاه ويجى داخل والزينا داك بجى مطلق ايديهو ساكت ويجى بى وشو..يوم هو داخل لاقتو فى الباب فالت ليه بس ..متمنيه يوم تجى دافر الباب ده بى ضهرك ..كل يوم جاينى بى وشك ده...
لكن يا حبيب انت عندك البنات دحين انا حاجز اتنين وبختك يعنى جايك نسيب بى قفاى
05-22-2004, 04:06 PM
Raja Raja
تاريخ التسجيل: 05-19-2002
مجموع المشاركات: 16054
النوع الأول: الشدييييد.. والبتعرف تعرس لي بناتها رجال حسب المقاس.. وده كتييييير ..
النوع التاني: اللئيم.. ودي برضو بتعرف تنقي العريس لي بتها زي نقيًة الرز.. تطلع ليك فيهو كل عقدها.. والغريبة برضو العرسان بتكيفو في الأول.. لأنو ارتبط عندنا انو الحاجة الصعبة "سمحة" .. لغاية ما تجي على دماغهم Later ..
النوع الثالت: المسكين أو الخيبان.. ودي لسة ما عارفة انو لقب "النسيبة" ده لقب "جبار".. وقاعدة بس تتفرج وترضى بأي حاجة..
بالمناسبة أوصاف "لئيم"، و"خيبان".. لا أقصد بيها التقليل أو الإهانة بالمرة..
وحأرجع تالت..
05-22-2004, 04:57 PM
nazar hussien nazar hussien
تاريخ التسجيل: 09-04-2002
مجموع المشاركات: 10408
فارس احلام النسابة...هو ذلك الطيب الذي تاكل عشاه العز...البيطلعوه فوق رأس البيت والمطر صابه...عشان يعدل الدروه...البيعرف ينسج السراير والعناقريب وعندو عدة نجارة...بيعرف يصلح البيبان والطبل والكوانين...بيعرف يجلط ويبني ويكسر ويجيب البرسيم لي نعاج النسيبه...
البيرسلوه السوق نصّة نهار والحر يقلي الحبه...يجيب الناقصة...
البيعرف يضبح الضحيه والسماية والكرامه...وعندو كنش لي النفخ...وحبال لي عليق البهيمه...الونّاس...وما عندو قروش كتيره بس مو عدمان...هن كتار بس انا هسي استعجلت..وبجيك عقب صاد
05-22-2004, 05:05 PM
مريم بنت الحسين مريم بنت الحسين
تاريخ التسجيل: 03-05-2003
مجموع المشاركات: 7727
هوي الزنجي العاصرنو بيناتكن دا ما عندو نسيبة نزلوهو والله هناك الكثير المثير في حكاية أمهات النسوان وياريت الناس تكتب ويظل الإحترام والتقدير موجود ويكفي الواحدة منهن أنها أنجبت من نحب يديك العافية
صديقي صديق الموج سلام
Quote: لكن يا حبيب انت عندك البنات دحين انا حاجز اتنين
عايزهن ضبيجة ولا حليب؟؟؟ إتنين يا مفتري؟؟؟ إنت بتجمع وتقصر؟؟؟ يخيل لي أنا ما (مناسب) ليك
المتميزة رجاء سلام والله صدقتي في كل ما ذكرتي وطبعاً زي النوع الأول (الشدييييد) دا بتكون النسيبة ناسبته قبل ما يتزوج بتها أما النوع التاني دا الله يكفينا شرو والنوع التالت دا حنني عديل كدا
الحبيب القريب نزار حسين سلام
Quote: هن كتار بس انا هسي استعجلت..وبجيك عقب صاد
حالتك دي إستعجلت؟؟؟ ياخي إنت وفيت وكفيت ورجعتني البلد وذكرتني أهلنا وكلمات قريبنا أمحمد ود أمحد اللمين بتكيف لمن يشوف ليهو نسيب زي دا ودائماً يطلق عليهم إسم (تلوماش) غايتو أنا فرحت بي طلتك دي شديد يا نزار
الغالية مريم بنت الحسين أنا طبعاً معجب بيك من زمان والليلة لقيتك في بيتي فخليني أحبك عبر صورة الطفلة الجميلة دي .. الله يديك العافية ويسترك مع نسيبتك تسلمي
05-23-2004, 07:44 AM
Ahlalawad Ahlalawad
تاريخ التسجيل: 02-05-2002
مجموع المشاركات: 2832
أبا جهينة .. صباحاتك .. ياخوي ما تلمنا علي بدر الدين دا .. أنا شخصيا لسة دفعتي فيها ناس ما اتزوجو والبدري البتشوفو عينك دا ... لمن كمل الابتدائية كتب ديوان شعر (اللي حب ما طالش) وهو في ريعان شبابه يعني خمسطاشر سنة .
05-23-2004, 08:53 AM
waleedi399 waleedi399
تاريخ التسجيل: 08-20-2003
مجموع المشاركات: 2767
Quote: والناس ما يبقوا زي ناس أبو ستة ولا شنو يا جماعة
غايتو ناس أبوستة ديل أنا ما بعرفهم يكون عندهم علاقة بي ابوستة بتاع الحواشات عندنا في الجزيرة ولا ناس حسن ابوستة ولا يكونوا يا ربي ديل أهل خط ستة تسلم حبيبي وليد399
05-25-2004, 02:43 PM
THE RAIN THE RAIN
تاريخ التسجيل: 06-20-2002
مجموع المشاركات: 2761
دايرين تحضِّروا يعني؟؟؟ أنا شخصيا أرحب بمصاهرتكم واسعد بأن تكون أم آمنة نسيبة لإبني أوَّاب لعلمي التام بأن المطر يمطر ذهباً أعتقد عندك فكرة إني بريدك يا أبوذر مش؟؟؟
Quote: يا ناس حوش النسابه سلام
وعليكم السلاااااااااااااام يا ندى أمين أنا لي زمن أشحد في ربي يزوروني ناس ندى أمين وندى علي ولنا مهدي ويحلني شوية من ناس أهل العوض والملاعمر .. أها ربي أجاب دعائي وجابك لي وفرحني بي طلتك يعني الأمريكين عندهم النسيبة وبن لادن حاجة واحدة؟؟؟ عجبني ليهم اولاد الهرمة
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
بدرالدين شنا
ابو جهينة
الزنجي
عشة بت فاطنة
Raja
Ahlalawad
صديق الموج
مريم بنت الحسين
waleedi399
THE RAIN
فيس بوك
تويتر
انستقرام
يوتيوب
بنتيريست