|
|
 صـغـنتوتـيــات حـــلاوى .. الكــــف
|
سوسن : والله يا سامية ما عارفة أقول ليك شنو
سامية : يابت إنتى مجنونة .. أعملى لى فى دلعك دا لحدى ما يطير منك
سوسن : لحدى أسع ما قادرة أحدد شعورى .. قلبى مرات يقول لى يا بت ما تفوتى الفرصة .. تقعدى تنقّى لحدى ما تلقى نفسك لحقتى عمتك نوال
سامية : يا بت ختى عقلك فوق راسك .. مش إنت بعضمة لسانك قلتى ما بتكرهيهو .. كمان أهلو ناس كويسين و مقرشين أكتر من كدا عايزة شنو
سوسن : فى الحقيقة أنا ما عندى إعتراض .. مرات كتيرة بحس أنى بحب عصام
عصام : كلامك صاح يا عادل البت بتحبنى لكن قصة الواحد يدخل ليهو فى إرتباط رسمى أصلو ما راكبة لى فى راسى .. خلينى الناكل راسها و بكرة أكان ما شفتها تتجلع فى القعدة أبقى أنا ما عصام
سوسن : البشوف عصيباتك يا سامية يفتكرك بت ما ناقشة حاجة .. كلامك طلع صاح .. الود عصام مكسر فوقى عديل دا .. شايفة جاب لى شنو .. شانيل مادموزيل .. لو ما خجلتا ساى أكنتا بستو
عصام : إنتا طلعتا واحد داقس .. تقول لى ما بتقبلو ياريتك يا عادل لو شفتا تنهيدتها و تسبيلة عيونها .. رموشها لمن نزلت قلبى قال تححح .. لو ما قلتا يا ود أتقل كنتا قطعتا فيها بوسة
سوسن : الليلة عصام قال عازمنى
سامية : عازمك وين ياسوسن .. أنحنا لينا الله
سوسن : الود المجنون دا قدر ما قلتا ليهو عازمنى وين .. قال لى خليها مفاجأة .. المفاجأة باقى لى إلا الهلتون
سامية : أنحنا لينا الله حبيبى الكحيان دا عشرة سنين و لى هسـع ما لمّ حق الشبكة
عصام : مش قلت ليك يا عادل بجيبها فى التنك .. بس إنتو الليلة ظبطوا القعدة و صاحبتك بتاعة الشـمارات ما عايز أشوفها
عادل : ما تقول لى يا جوك عملتها .. بتك الظاهر عليها تقيلة
عصام : تقيلة دى عليكم إنتو مش على عصام جبّادة
سامية : يابت سوسن بتبكى مالك ..
عادل : ما كنتا عامل لى فيها عنتر .. أظن الكف لى هسع حارقاك
|
|
 
|
|
|
|
سجيمان
فيس بوك
تويتر
انستقرام
يوتيوب
بنتيريست