|
|
|
 Re: نزهة مع سارة (Re: هشام المجمر)
|
ود المجمر...
أححححححححححح...........
أريتني كنت معاكم وضربني الهمبريب الساااااقط دة...
يديك العافية، بس قبلها على النبي كان بوستي لي سارة ...
ست البنيـــــــــــات
| |
 
|
|
|
|
|
|
|
|
Re: نزهة مع سارة (Re: هشام المجمر)
|
حسين ملاسى
سلامات
عليك الله ما لقيت فى البوست ده إلا الغلطة البسيطة عشان تضحك. أها صلحناها ليك بس بالله أقرأ البوست مرة تانية امكن تتطلع بالغرض الذى من أجله كتبت البوست.
| |
|
|
|
|
|
|
|
|
|
Re: نزهة مع سارة (Re: هشام المجمر)
|
هاتفنى صديق بخصوص هذا البوست وقال لى انت بتأذن فى مالطة، السودانيون ما بشتغلوا كتير بالحاجات دى و خاصة الرجال.
أنا أعلم مشاكل البوح عند السودانيين و خاصة فيما يتعلق بعلاقتهم بأبنائهم أو زوجاتهم واغلب الرجال بما فيهم أنا يعانى من هذه المشكلة ولكننى أحاول حلها و بطلب من الزملاء والابناء المحاولة أيضا لأنو الحل يعنى التحسين من نوعية الحياة، ليس لك فقط بل للأبناء والزوجة. أرجو أن ارى مداخلاتكم حول هذا الموضوع
| |
|
|
|
|
|
|
|
|
|
Re: نزهة مع سارة (Re: هشام المجمر)
|
| Quote: خاصة السودانيين منهم و الذين لا يصحو أغلبهم يوم الجمعة إلا قبل |
عمنا هشام المجمر,,,,,,,,,,,,,,,,,,,,,,,,,,,,,,,,,,,,,,,
و إذا قلت لي واحد فيهم أرح البحر ولا الكورنيش في الوقت دا بيعتبروها زندقة 
و سلام مربع للمدام والبنات (و خصوصا سها )
(عدل بواسطة sari_alail on 11-21-2005, 12:55 PM)
| |
|
|
|
|
|
|
|
|
|
Re: نزهة مع سارة (Re: هشام المجمر)
|
سارى الليل يا ابن اخى
شكرا على المرور والتعليق اللمَاح.
الآباء سكتوا ورفضوا التعليق رغم انو الموضوع مهم لكن أنا ناوى افرد بوست لهذا الموضوع بعنوان واضح و نشوف بيدخلو ولا بخافو.
| |
|
|
|
|
|
|
|
|
|
Re: نزهة مع سارة (Re: هشام المجمر)
|
شكرا بكرى ابوبكر على استثناء هذا البوست و غيره من الارشفة دون طلب منى.
اخترت ان اورد الشكر فى هذا البوست لأنه من أحب ما كتبت إلى نفسى هو والبوست الآخر هدهدة سها والسبب أنهما يتحدثان عن علاقتى بأكثر من أحب فى هذه الحياة و يسبران غور المشاعر الابوية و يستخرجان منه ما يدعم الحب والحياة.
كنت قد سألت اعضاء البورد قبلا المشاركة و التحدث والبوح عن علاقاتهم بأبنائهم ولكن يبدو ان النداء لم يجد اذنا صاغية و ها أنذا اكرره مرة أخرى وفى بداية سنة جديدة علنا نبدا هذه السنة بشئ جميل يفتح نفوسنا للحياة.
| |
|
|
|
|
|
|
|
|
|
Re: نزهة مع سارة (Re: هشام المجمر)
|
هشام المجمر
سلامات وهذه العلاقة العافية
سلمت سيدي وانت تحاول ان تعدل الفهم المغلوط للأبوة الذي هو في أذهان البعض
يعني الصرامة خاصة مع البنات.
غالب البنات يعانين من مشكلة عدم وضوح العلاقة مع الوالد إذ يشوبها التوتر والخوف
الحب والاحترام المسكوت عنه حياء ً أو خوفاً.
ابي في بيتنا يحب البنات أكثر أو يجهر بذلك علنا ويكاوي به اخوتي الذكور
ونحن البنات نتآمر معه على اخوتنا الذكور كثيراً
وأذكر انه تقدم لخطية اختى احد الشباب وكان ممتازاً فرفضته, استغرب أبي وقال ليها
لماذا يا بنتي , تصور ماذا قالت لابي قالت له أريد رجلاً مثلك
وكان رد أبي تعبتي والله ما بتلقي
اعجاب بنت ولحظة غرور أب.
البوح في هذه العلاقة يجعلها صحية وممتعة.
تسلم لك السينات الثلاث
ذكرني كلام صديقك لهذا الموقف.
| |
|
|
|
|
|
|
|
|
|
Re: نزهة مع سارة (Re: هشام المجمر)
|
القلب النابض
كتر خيرك وهنيئا لك بوالدك الذى عرف أن يربى ويحبفى نفس الوقت.
لكن اقول ليك لو راجية تلقى واحد زى ابوك واطاتك اصبحت!!! حقو تتنازلى شوية لأنو الناس البفهمو الحياة زى ابوك قليلون وكمان نادر تلقيهم فى جيل الايام دى.
اها مثلا البوست ده انا فاتحو لى اكتر من شهر مافى راجل واحد مر بى عندو غير ابننا سارى الليل اللسة طالب فى اول طريقو. عموما الدعوة ما زالت مفتوحة للمشاركة للجنسين.
وشكرا مجددا يا ايها القلب النابض.
| |
|
|
|
|
|
|
|
|
|
Re: نزهة مع سارة (Re: هشام المجمر)
|
Quote:اها مثلا البوست ده انا فاتحو لى اكتر من شهر مافى راجل واحد مر بى عندو غير ابننا سارى الليل اللسة طالب فى اول طريقو. عموما الدعوة ما زالت مفتوحة للمشاركة للجنسين.Unquote
Sorry ya Azizi Hisham... it's the end of the year and barely you could find time to to read email...
Your message touched me in heart... it reminded me with the talks and walks I used to have it with my Sarra more than 20 years ago... Interestingly, during the vacation time where all the family arrived and met around the fireplace ... Sarra, my daughter, shared with me many things from her early ages when I used to take her with me to rallies and human rights meetings...
May God/Allah bless your Sarra and guard her steps thru life...
Mohamed Elgadi
| |
|
|
|
|
|
|
|
|
|
Re: نزهة مع سارة (Re: هشام المجمر)
|
الاخ هشام
لك تحياتي
حقيقي العلاقة بين الابناء (البنات والاولاد) لا تضاهيها علاقة .. كل المطلوب انو نحن كيف نبقى اصحابهم مش امهم ولا ابوهم فقط .. ذكرتني بعلاقتي ببناتي (ساره وسهى) ايضا
احيانا حين احس بالضجر والملل فيهم اقترح ان نذهب للكورنيش وحدنا لانه ابوهم بكون شغال المهم نطلع ونتنونس وسبحان الله في لحظة يتغير الموود بتاعهم وحقيقة جمال الكورنيش والطبيعة والبحر مريح للاعصاب .. وكثيرا ما اتآمر بان اخذهم للنزهة وذلك عندما انوي نقاش موضوع جاد معهم فشكل المكان والجو الحلو لهم تأثير على مزاجنا جميعا
ايضا ان اردت نقاش اي موضوع متشعب مع زوجي تجدني تآمرت عليه واخذته لمثل تلك الاجواء واكون انا الفائزة
هشام لك مودتي وساواصل في هذا البوست النير الممتليء وعيا
| |
|
|
|
|
|
|
|
|
|
Re: نزهة مع سارة (Re: أم سهى)
|
الأخ هشام
متّعك الله وأسرتك بالصحة والعافية والسعادة الصافية،
طيب الما عندهم كرنيش إمشو وين
هل يذهبوا لينظروا إلي الصحراء فاقري أفواههم
أفدنا
ولك التحية
أبو عزه
| |
|
|
|
|
|
|
|
|
|
Re: نزهة مع سارة (Re: هشام المجمر)
|
الاخ هشام المجمر.. كل سنة وانت طيب واولادك وبناتك طيبين..
تعرف كتير من المشاكل النفسية فى حياة ناس كتار سببها ضعف وتشوه علاقتهم بابائهم وامهاتهم. تعرف الحب والمودة بين الاب والام والشفع هى ضمان حياة سعيدة وتوازن نفسى وعاطفى وسعادة لا حدود لها.. كما إن القرب الجسدى بين الوالدين والاطفال مهم جدآ.. اللمس والتربيت على الراس والضهر والتقبيل، والنشاط المشترك مثل السباحة والمشى.. وكافة اشكال التعبير عن الحب والتقدير Appreciation بالقول وبالفعل..
طفولة سعيدة = شعب منتج وسعيد = دولة مزدهرة ومتحضرة
| |
|
|
|
|
|
|
|
|
 Re: نزهة مع سارة (Re: Adil Osman)
|
| Quote: اها مثلا البوست ده انا فاتحو لى اكتر من شهر مافى راجل واحد مر بى عندو غير ابننا سارى الليل اللسة طالب فى اول طريقو. عموما الدعوة ما زالت مفتوحة للمشاركة للجنسين. |
شكرا ليك يا هشام المجمر
الاحظ هذا في علاقتي بالرجل احس انه لم يظلمني أبداً بسبب علاقة ابي بنا
ولي صديقة مجندرة شديد وحساسة تجاه الرجل تفسر اي سلوك منه بالظلم أكاويها اقول ليها دا كلام فاضي وتنظير فاضي الى أن عرفت بعض العلاقات المشوهة والتي تحتاج بعض الاحيان لتطرف النساء في تصويب العلاقة. ويبدأ العلاج من هنا في هذه السن الباكرة.
أكتشفت ليك حاجة ! في بوست تماضر هنالك العديد من آباء البنات " الآباء الشباب
ناس نزار حسين وعماد عبدالله وأبو ذر وابو ساندرا سادعوهم الى هذا البوست الرائع والذي لا يقل أهمية من بوست مؤامرة الجسد وانت بطريق آخر أدعوهم كما تعمل الرائعة تماضر .
| |
|
|
|
|
|
|
|
|
|
Re: نزهة مع سارة (Re: القلب النابض)
|
Dear Hisham
I guess I know what you are talking about. We Sudanese men think that trying to create smooth relationship between our kids and our wives is a waste of time. But they do not know that by establishing such a relationship, one would be solving half of the future problems that may crop up, because all the memebers of the family would be talking on the same wave-length and problems can be easily resolved as they arise.
Regards
| |
|
|
|
|
|
|
|
|
|
Re: نزهة مع سارة (Re: هشام المجمر)
|
الاخ محمد القاضى
شكرا على الكلمات المؤثرة و الذكريات الجميلة ويا لروعة ما جمعك بأبنتك سارة.
ربنا يحفظ الاسرة الكريمة وكل عام وانت بخير
ام سهى
من محاسن الصدف تطابق الاسمان الجميلان سارة وسهى ربنا يحفظهما لك.
شكرا على المساهمة القيمة و مزيد من الاثراء للبوست
فيصل ( ابو عزة)
شكرا على المساهمة.
الكورنيش هنا مكان فقط.
يمكنك اصطحاب ابناءك الى اى مكان فالمقصود هو التمتع بصحبة الاولاد والحديث اليهم و المكان هنا لا يعنى شيئا.
عادل عثمان
شكرا على المساهمة القيمة والصورة الجميلة. فعلا بتشبه مشيتنا انا وسارة فى ذلك اليوم الجميل
| |
|
|
|
|
|
|
|
|
|
Re: نزهة مع سارة (Re: هشام المجمر)
|
الأخ هشام المجمر
إزيك..
| Quote: ممارسة رياضة المشي بكورنيش أبوظبى الجديد في مثل هذا الجو متعة لا تضاهيها متعة. حزنت بعض الشئ لأولئك المكومين في أسرتهم يمارسون النوم الطويل وقد حرموا أنفسهم من متعة هذا اليوم الجميل. |
عندي ملاحظة..
كل خلق الله تمارس رياضة المشي ماعدا السودانيين بيعتبروها نوع من الرفاهية أو قل عدم الموضوع مع انو المشي دا انا بعتبرو رياضة مش بس للجسم لكن برضو للعقل لأنك أكيد بتكون بتفكر وإنت ماشي في مواضيع غير الانت متعود تفكر فيها (أظن كدا) ورياضة للعيون لما تشوف الجمال والخضرة وتغير مناظر كل يوم...
و| Quote: خاصة فيما يتعلق بعلاقتهم بأبنائهم أو زوجاتهم واغلب الرجال بما فيهم أنا يعانى من هذه المشكلة ولكننى أحاول حلها و بطلب من الزملاء والابناء المحاولة أيضا لأنو الحل يعنى التحسين من نوعية الحياة، ليس لك فقط بل للأبناء والزوجة. |
لما الواحد يعامل زوجتو وابنائو كأصدقاء ويشركهم ويشاركهم في الحياة دا بيدي العلاقة بعد آخر وبيبعدهم عن شبح الروتين وبيعيد إحياء العلاقة ويجددها..
بعدين التجمعات العائلية عموما ايا كان مكانها ليها اثر ايجابي كبير على افراد العائلة..
بصراحة الموضوع متشعب ومغري والكلام فيه ما بيخلص
| |
|
|
|
|
|
|
|
|
|
Re: نزهة مع سارة (Re: هشام المجمر)
|
الفاضل هشام المجمر
مررت بهذا البوست منذ مدة طويلة ..
وشرعت في كتابة مداخلة فيه ...
ولكن مع الأسف لم استطع إكمالها
وهانذا اعود إليه
ابنتي البكر حنين ... هي فرحتي الاولى في الغربة البغيضة
عادة أخذها هي وامها يوم الخميس مساءً ـ الوقت الوحيد الذي اكون فيه فاضي ـ للنزهة
فاصبحت هذه عادة حتى اصدقائي يعلمون جيداً ان يوم الخميس خاص بحنين
ولا يكلمني فيه احد او يحاول ان يزورني فيه
اجبرت نفسي على ان لا ارتبط باي شي يوم الخميس من كل اسبوع
والسبب هو احساسي ان اطفالنا عامة في هذه الغربة المفروضة علينا وبالتالي عليهم
يفتقدون للكثير من الاشياء الخاصة والدفء الأسري على وجه الخصوص يفتقدون الاسرة الكبيرة
الحبوبة والجد والعم والعمة والخال والخالة حتى على مستوى الجيران
قلما يسعدك الحظ وتجد جار اصيل وود بلد
فابنتي ليس لديها سوى امها ووالدها الذي يأتي دائما وهو متعب ولا يجد فرصة للعب معها ؟؟؟!!!!!! هل ترى معي هذا المنظر !!!!!!!!
لعل هذا احد أهم الاسباب التي تجلعني لا اتنازل عن ان اخصص يوم الخميس لها
ولي عودة أخرى
ولك الود
| |
|
|
|
|
|
|
|
|
|
Re: نزهة مع سارة (Re: هشام المجمر)
|
القلب النابض
شكرا لك مرة اخرى
وارجو منك جمع الشباب حول هذا البوست لنعرف آرائهم
شارلز دينق
شكرا. ما قلته هو جوهر الموضوع ارجو مواصلة الكتابة اثراء البوست.
فيصل نوبى
كل سنة وانت طيب و منتظر تعليقك
خالد العطا
كل سنة وانت طيب
تحياتى لك والاسرة
تيسير عووضة
شمرا على المساهمة القيمة وكل سنة انت واسرتك بخير
اشرف
كل سنة وانت طيب
تحياتى لأسرتك
فى انتظار مساهماتك
| |
|
|
|
|
|
|
|
|
|
Re: نزهة مع سارة (Re: هشام المجمر)
|
العزيز هشام المجمر والأسرة الكريمة
من شابه أباه فما ظلم.. أمش السوق
اشتري الجبادة البت علاقتها بالجلب ذي الورد
وعليك الأيام دي بالغبش لأنو الجبل خزانو مقفول
كل سنة وانتم طيبين
ياسر
| |
|
|
|
|
|
|
|
|
|
Re: نزهة مع سارة (Re: هشام المجمر)
|
الزميل هشام
سلامات
أسمح لي أهنيك على البوست البسيط والعميق
وأهني بنياتك على احساسك بضرورة التواصل النفسي والروحي وخلق علاقة صداقة معاهن
فكرت قبل فترة وجيزةأكتب بوست بعنوان مستفزوهو "هل تقبل ابنتك؟"
لاني عارفة اننا عادة رسميين في علاقاتنا حتى مع أقرب الأقربين
لكن طرحك للموضوع يكفي ويزيد
في سيرة خير البشر رسولنا الكريم عليه وعلى آله أفضل الصلاة والسلام أنه
كان يكثر من تقبيل ابنته فاطمة عليها السلام،حتى استثار هذا غيرة السيدة عائشة فأجابها
بانه يجد في فاطمة رائحة الجنة.
الوالد الله يديهو العافية زول رسمي شوية،أو عاملني -وأنا كبرى البنات بالاضافة لولد واحد صغير لسه-باعتبار اني ولدو الكبير،علاقتي بيهو شبه رسمية،بغير مرات من انو اخواتي أقدر مني في الجلوس في حضنو او الكلام براحة أكتر،البكر بتظلم مرات مش كده؟
موضوع لذيذ شديد
الله يديك العافية ويخليك لبنياتك ويفرحك بيهن ان شاء الله
دمتم بخير
| |
|
|
|
|
|
|
|
|
|
Re: نزهة مع سارة (Re: هشام المجمر)
|
ياسر حامد
كل سنة وانت طيب وانشاء الله السنة الجاية نجلب انا وانت سارة مع بعض فى المواسير وانت تقعد تربيزة.
سوف ازور الدوحة قريبا ارجو ان اراك هناك
وداعة
شكرا على هذه المداخلة الثرة وواصل الكتابة فالموضوع حيوى وهام نحو حياة افضل للإنسان والاسرة.
| |
|
|
|
|
|
|
|
|
|
Re: نزهة مع سارة (Re: هشام المجمر)
|
Quote: فيصل نوبى
كل سنة وانت طيب و منتظر تعليقك |
هشام
تعرف الواحد ما بيعرف معني الطفل الا يتذوق حلاوة ضمه اليه او بعده عنو
نزهة مع سارة ...........الله علي المتعة و علي الاحساس الرائع
حقيقي بتكون اجمل و اعمق و ارق من نزهة مع حبيبة او عشيقة او زوجة
ليها متعة خاصة .. تعجز الحروف عن صياغتها 
احساس انو سارة مبسوطة ده براو بالدنيا
الابتسامة و علامات الرضا ... ياااااااااااااه قمة المتعة
و كأنك انجزت عمل تحسد عليه و لا تنتظر من احد اطراء عليه
الشعور بالامان و الاطمئنان و العشق و الفرحة و كل المعاني الجميلة في الدنيا
ربنا يخليها ليك و تمشي نزهة مع بناتها و بنات بناتها يا رب
| |
|
|
|
|
|
|
|
|
|
Re: نزهة مع سارة (Re: هشام المجمر)
|
الحبيب هشام لك كل الود وللبنيات وامهم
بوستك ( أقصد البوست بتاعك)... طبع عشان ما ينط لي واحد في حلقي...
البوست لذيذ تحس معه بلطف الجو وأخذ منحني جميل وخليكم مستمرين ........
حا أجيكم......
تحياتي
| |
|
|
|
|
|
|
|
|
|
Re: نزهة مع سارة (Re: هشام المجمر)
|
العزيز هشام
متعك الله بالصحة و العافية
و كل عام و أنت و العائلة بخير
يا ريت كل الناس و خصوصا السودانيين منهم يحاولوا إدخال ثقافة الترابط الوثيق بين الأباء و الأبناء
مع خالص تحياتي
و مرينا للسلام
| |
|
|
|
|
|
|
|
|
|
Re: نزهة مع سارة (Re: هشام المجمر)
|
اصدقائى
عدت من القاهرة بعد رحلة عمل قصيرة.
هذه المرة دخلت الى المدينة التى أحب بنفس مسدودة فقد كانت اجساد من تم إغتيالهم ما تزال ساخنة.
بين الشعبين السودانى و المصرى وشائج و محبة لا ينكرهاإلا مشاتر. الكتابات المتطرفة لا إجد لها العذر رغم وحشية الجريمة التى يجب أن لا تذهب دون مسائلة.
حكومة الرئيس المصرى حسنى مبارك كان يجب ان تعترف بأن أجهزتها الأمنية استخدمت العنف المفرط مع لاجئين مسالمين وتعمل على تطبيب الجرح الذى انفتح فى دواخل كل السودانيين الشرفاء و خاصة الذين يحبون مصر وشعب مصر.
هذا النوع من الجراح لا يشفى إلا بوضع المبضع بمكان الألم وإعمال العقل وإعتماد الشفافية منهجا.
سوف أعود لمواصلة الرد على مداخلات الزملاء الذين كتبوا أثناء سفرى.
لكم الود.
| |
|
|
|
|
|
|
|
|
|
Re: نزهة مع سارة (Re: هشام المجمر)
|
| Quote: الكورنيش الجديد تحفة فنية صممت ونفذت بتعليمات من حكام يحترمون البلد وأهلها و يريدون لهم الرفاهية. صنع هذا الكورنيش و كل ناحية منه تعبر عن رؤية فنية بديعة. لم ينسى المصمم شيئا بدا بممرات للمشاة والجري و أخرى للعجلات و التزلج بالإضافة لمظلات صممت بطريقة غير تقليدية وحدائق تأخذ النظر بجما لها وروعتها. |
معليش
يا مجمر
عصبية المهنة
لا غير
مدخل أخر
المتعافى يبيع كورنيش النيل
والغابة
هذا هو الفرق ..
بين حاكم محترم وآخر ..
| |
|
|
|
|
|
|
|
|
|
Re: نزهة مع سارة (Re: معتصم الطاهر)
|
عزيزي الاخ هشام وابنته الغالية سارة
كل عام وانتم بالف خير
وربنا يجعل كل ايامكم سعاده
وكمان يخليها ليكم يا رب
مع اجمل الامنيات ليها بكل خير
| |
|
|
|
|
|
|
|
|
|
Re: نزهة مع سارة (Re: هشام المجمر)
|
Quote: حقيقي بتكون اجمل و اعمق و ارق من نزهة مع حبيبة او عشيقة او زوجة
ليها متعة خاصة .. تعجز الحروف عن صياغتها |
فيصل نوبى
كل سنة وانت طيب
مالك داير تقوم علينا الزوجات
لكن انا معاك حب الاولاد غير
بس الزوجات الحبيبات هم الاصل ولا شنو؟
عبد الرحمن سزركتى
كلامك حلو و منتظرك تمر تانى- كل سنة وانت طيب
د. عبد الله ضديق
كل سنة وانت والاسرة طيبين
انا بنت النيل
وين انتى يا بت حلتنا يا لطيفة
تحياتى لسعد و الاسرة
نزهة الكبرى حلوة داومى عليها وسوقى الراجل
| |
|
|
|
|
|
|
|
|
|
Re: نزهة مع سارة (Re: هشام المجمر)
|
الاخ هشام
السلام عليكم ورحمة الله تعالى وبركاته
وكل سنة وانت طيب
التحية للاميرة سارة كثير من اخوات سارة تحتاج لهذه
النزهه الصباحية .
ان كثير من الاباء يفرطون فى هذه اللحظة الملائكية
التى تغسل القلوب من هموم الحياة التحية لك ولسارة
ولتكن رسالة لكل الاباء
انتصار
| |
|
|
|
|
|
|
|
|
|
Re: نزهة مع سارة (Re: هشام المجمر)
|
معتصم الطاهر
تحياتى وكل عام وانت بخير
الفرق واضح يا معتصم بس قارن بين كارثة التخطيط الحضرى فى مدن السودان وبين التخطيط الحضرى لدى اى دولة بتحترم نفسها و شعبها.
حسام يوسف
كل سنة انت واسرتك بخير وصحة وعافية
انتصار الشيخ
كلامك يسر البال و كل سنة وانت طيبة
| |
|
|
|
|
|
|
|
|
|
Re: نزهة مع سارة (Re: هشام المجمر)
|
سارة السنة دى عيدت فى السودان هى و اختها سهى وامهمز بصراحة البيت ما بتقعد و الاولاد ما فيهو و بخيل ليك الوقت القصير الكنا بنقضيهو فى البيت بعد الرجوع من المكتب وقت طويل جدا تتمنى متين ينتهى عشان ترجع المكتب تانى وتفارق وحشة البيت الفاضى.
سارة فرحة بالسودان و بالاطفال حولها من ابناء عماتها و اعمامها و بعدين سمعت كده انها بتلعب الكورة مع الاولاد وفاتحة للبنات فتح شديد. اخواتى قالوا لى بتك محمد ولد قلت ليهم محمد ولد محود ولد خلوها تعمل الحاجة البتحبها.
| |
|
|
|
|
|
|
|
|
|
Re: نزهة مع سارة (Re: هشام المجمر)
|
الاخت سكوتية
كل سنة انت و حنين وابو حنين بخير ومتعكم الله بالصحة والعافية
ادعو الله ان تجدوا الفرصة لزيارة ابوظبى مرة اخرى و تعملوا بريك من ارميكا الصعبة دى
وسارة و سهى وامهما وابوهما سوف يكونون فى الاستقبال
تحياتى للأسرة
| |
|
|
|
|
|
|
|
|
|
Re: نزهة مع سارة (Re: هشام المجمر)
|
التحيه لك ايها المجمر الجميل
ولساره الجميله
وربنا يجعل حياتنا كلها مشي
يعني ما تقيف بينا يوم
وبالمناسبه رايكم شنو تعلموني المشي
تحياتي لكم والفكره جميله واتمنى لكم المواصله
نيابه عن الشعب السوداني
ودي واحترامي
| |
|
|
|
|
|
|
|
|
|
Re: نزهة مع سارة (Re: هشام المجمر)
|
الاخ هشام
سلامات
ربنا يخلي ليكم سارة ، قول لاديبنا عثمان حامد ياهو حال البنيات ، تعرف امس انا وتماضر في المسنجر كنا بنحكي عن الجوابات الكنا بنكتبها لابواتنا ، وبعدين تسأءلت يا ربي انا وتماضر بس الكنا بنعمل كدا ولا معظم البنات بكتبن جوابات حب لابواتهن ، واتفقنا نعمل بوست بالخصوص دا .
استغربت في احوال الكرة الارضية وطقسها العامل زي مزاج شاعر ، عارف نحن هنا صيفنا دخل ولينا يوميين مطر تقيل كمان .
تحياتي لسهام وقول ليها مفتقدنها جداً
| |
|
|
|
|
|
|
|
|
|
Re: نزهة مع سارة (Re: هشام المجمر)
|
الجندرية
مرحب بيك
كنت متوقع مرورك انت تماضر مبكرا فى هذا البوست. اهو الحمد الله على ظهورك و مشاركتك اللطيفة.
سوف ابلغ سلامك لسهام.
تقبلى تحيات سارة و الاسرة.
| |
|
|
|
|
|
|
|
|
|
Re: نزهة مع سارة (Re: هشام المجمر)
|
وسط زحام الحياة وايقاعها المتلاحق ومشاكلها الكثيرة، من دواعي السعادة قراءة هذا البوست الملئ بكل المعاني الانسانية النبيلة،
والي سارة التحية والدعوات بالعمر المديد والتفوق.
وكل عام وأنتم بخير.
| |
|
|
|
|
|
|
|
|
|
Re: نزهة مع سارة (Re: هشام المجمر)
|
| Quote: أنا أعلم مشاكل البوح عند السودانيين و خاصة فيما يتعلق بعلاقتهم بأبنائهم أو زوجاتهم واغلب الرجال بما فيهم أنا يعانى من هذه المشكلة |
هشام ود عمى حاج طه
طبعا دى مشكلة مزمنة يعانى منها السودانيين بصفة عامةولا يبذلون أدنى جهد لحلها لاننا شعب خجول يرى غن التعبير عن الحب يكون بالفعل لا بالقول وذلك بالتفانى فى إرضاء الزوجة والبعض يرى الكلام فى مثل هذه الأمور ضعفا يندرج فى دائرة العيب الذى لا يليق بالرجل وغنها حكى مسلسلات ونفاق!
يعنى عواطف وحنان وداد ورود الرجل السودانى ما بجيبها فوق خشمو الا إذا كانت أسامى بناتو!
تحياتى لإمبراطورية سين وشكرا لمواضيع الوخز بالابر دى لتنبيهنا قبل أن يمضى قطار العمر وتكون تحصيل حاصل
جنى
| |
|
|
|
|
|
|
|
|
|
Re: نزهة مع سارة (Re: هشام المجمر)
|
فيصل نوبى
شكرا على هذه الهدية الجميلة. انا برضو مشتاق ليهاجدا. انشاء الله حتصل الاسبوع الجاى بعد قضاء شهرين فى السودان.
شكرا مرة اخرى
| |
|
|
|
|
|
|
|
|
|
Re: نزهة مع سارة (Re: هشام المجمر)
|
سارة وصلت من السودان هذه الأيام وهى فى دهشة وإدهاش مستمر.
ما زالت حتى الآن تردد اسماء الاطفالالذين عرفتهم و لعبت معهم فى السودان وخاصة اقربائها.
بقت تقول : بابا ازيك عمدما تفتح الباب وكمان تمام
انشودتها المفضلة : يا عبد الله شيل الحلة..
قلت لوالدتها البت نشت من هنا بتغنى خلينى بالجو تجيبيها لى بى يا عبد الله شيل الحلة وانا طبعا مبسوط من التغيير و الانطلاق فى الكلام.
لذلك اقول: سلام لناس السودان وأطفال السودان
| |
|
|
|
|
|
|
| |
هشام المجمر
Mayada
Hussein Mallasi
sari_alail
القلب النابض
أم سهى
Adil Osman
فيصل نوبي
تيسير عووضة
ASHRAF ABUELHASSAN
wadda7a
Abd-Elrhman sorkati
معتصم الطاهر
حسام يوسف
Sakotaweya
garjah
احمد العربي
الجندرية
ahmad almalik
jini
فيس بوك
تويتر
انستقرام
يوتيوب
بنتيريست