|
|
|
 Re: سهران يا نيل مع سودانيز اون لاين والنيل الازرق انطباعات عن الحلقة (Re: اساسي)
|
| Quote: يعني الموضوع كان مثل المقارنة بين سرعة القطار وسواد الليل |
بل مثل أساسي و(حُرَقي) !!
كان الفتي الأخير (حُرَقي) يساعد إبراهيم (لقوني) في جمع النقود من راكبي سيارته (البرينسة) ذات
المقاعد المتمددة تجاوزا ..
كمساري لم ينل من التعليم إلا قليلا !! لكنه يُفصحُ في غيرِ محلٍ، عن وجهاتِ نظرٍ لا تمتُ للواقع بصلة !!
كلام الطير في الباقير ..
| |
 
|
|
|
|
|
|
|
|
Re: سهران يا نيل مع سودانيز اون لاين والنيل الازرق انطباعات عن الحلقة (Re: اساسي)
|
كتب أساسي:
Quote: غلبت المدة السودانية الشهيرة في الحديث ( آ آآآآ كلمة آآ كلميتين آآآآآ نص كلمة آآآآ)
واجاد فيها بكري ابو بكر كما قام بدوزنتها الدكتور حيدر حيث اعطاها بعد موسيقي وزمن حتي فكرت انزلها نغمة لجوالي |
نحن والقلة القلية من المصريين، نستخدم حرف المد (آآآآآ) لنستدعي الذاكرة في حديثنا ..
وأخشى من (ردة الفعل) أن أقول لك إنني أقدم دروسا في فن الإلقاء والأداء الصوتي لطلبة الإعلام في
جامعة قطر ومركز الجزيرة للتدريب والتطوير الإعلامي، الذي يأتي إليه المتدربون من شتى تلفزيونات
دولنا العربية، حيث نتناول مثل هذه الأخطاء أمام الكاميرا وخلف المايكرفون ..
يجبُ علينا أنْ نُرَتّبَ أفكارَنا، ونستنفردَ مفرداتِنا لنُعَبِّرَ عن ماهيتِنا .. بصوتٍ ولغةٍ وتعبيرٍ يجعلُ
المتلقي المُستهدف في شوقٍ لمعانقةِ (سودانيز أون لاين) ..
أدرك أن الكاميرا لها رهبتها لأيٍ كان .. وهذا ما حدث للدكتور (حيدر) والذي هو أستاذ للاتصالات في
جامعة نيويورك، كنتُ أتوقعُ أن يكونَ أكثرَ الضيوف حضورا، من حيثُ الفكرُ واللغةُ والأداءُ الصوتيُّ
والجسدي ..
| |
|
|
|
|
|
|
|
|
|
Re: سهران يا نيل مع سودانيز اون لاين والنيل الازرق انطباعات عن الحلقة (Re: DKEEN)
|
ماحضرتا الحلقة بصراحة..
لانها على قناة مشفرة وانا زول يادوب على قد البث المتاح مجاني..
بس الحلقة دي لو ما ابو جهينة واب صلعة ما ازن عندها علاقة بي سودانيز اون لاين
الناس الفيها ديل كلهم انا لاقيتم في محافل اخرى
ومحفل سودانيز اون لاين بالنسبة ليهم شي ثانوي
حتى كتاباتهم فيالبورد من اجل هدف قاصد
الشغال صحفي
والشغال لي الفكرة
والشغال لي المعارضة..
زول كده كانت سودانيز سبب ظهوروا ماف غير الريس بكري والزعيم ابو جهينة..
بس المستغرب ليهو ليه ابو جهينة ماجاب سيرتي مع اني وصيتو..
كان نفسي اعرف تلفون البت الكانت بتقدم مزازيك ديك.
| |
|
|
|
|
|
|
|
|
|
Re: سهران يا نيل مع سودانيز اون لاين والنيل الازرق انطباعات عن الحلقة (Re: اساسي)
|
الفنان المشارك قالو ليهو علاقتك بي سودانيز اون لاين شنو؟
قال لي سعد : بسمع منو الاخبار..وبلقط منها الاغاني
واحد هدندوي في خريف 98 في شارع الجامعة جنب كلية الهندسة بالضبط قدام النصب التذكاري بتاع
عبدالفضيل الماظ سالو مذيع تلفزيوني- لايدري مايقول- قائلا:
ممكن تقول ليك كلمتين عن البطل عبد الفضيل الماظ؟
رد الهدندوي متكاً على عصاة على كتفه : والله الراجل ماقصر ربنا يديهو الصحة والافية ..اللجنة الشعبية توالي بكون حاضر فيها..
| |
|
|
|
|
|
|
|
|
|
Re: سهران يا نيل مع سودانيز اون لاين والنيل الازرق انطباعات عن الحلقة (Re: salah elamin)
|
تحياتي أساسي ..
بعد أن شاهدتُ الحلقة (الذكورية) من برنامج (سهران يا نيل) عبر النيل الأزرق، هممتُ بفتح بوست يحكي
انطباعاتي التي خرجت بها ..
لكنك أرحتنى من هذا العناء بسبقك؛ وهو عهدنا بك دوما ..
قبلا .. فتح بكري أبوبكر بوستا، نوّه من خلاله للحلقة المعتزمة وضيوفها .. إعترض المعترضون ولهم
أسبابهم .. دجل المدجلون ولهم أسبابهم .. صمت الصامتون ولهم أسبابهم أيضا ..
تمدد حبيبنا بكري (قولا) في البوست المشار إليه قبل الحلقة، وذكر ما مفاده (أنه وللمرة الأولى
سيُستَضافُ الموقعُ في قناةٍ محلية) !! تحفظتُ على مقولتِه، وظننتُ أنها خطأ عارض، باعتبار أن
الرجلَ مثلَه مثلَ أيِّ مديرٍ لوسيلةٍ إعلامية، يُدرك أبجديات الإعلام ..
لكنه وفي بداية حلقة (سهران يا نيل) كرر القول (هذه المرة الأولى التي نُستضافُ فيها في قناة محلية)
، مما حدا بالمذيع الأخ الصديق سعد الدين حسن أن يُصَوّبَه بقوله (قناة فضائية) ..
وردد معه (صاحب الحوش) قناة فضائية ..
لعل الجميع يُدرك أن قناة النيل الأزرق تابعةٌ لـ(باقة الأوائل ضمن قنوات الـ ART) مما
يُمكِّنها من المشاهدة في أصقاع مختلفة من العالم ..
ولا أدري من أين أتى إصرارُ الأخ بكري أن القناة محلية، وهو صاحب موقع بهذا الحجم !!
هل يجوز لنا القول، إن (قناة الجزيرة) محلية لأنها تنطلق من قطر .. أو إن قناة (البي بي
سي) محلية لأنها نطلق من بريطانيا !!
ينبغي أن نكون قدر المرحلة التي خلقها الآخرون، وأسهمتْ فيها الصدف بقدر مقدر !!
وأن نتركَ المنابرَ لمن يُجيدُ فنونَها ..
| |
|
|
|
|
|
|
|
|
|
Re: سهران يا نيل مع سودانيز اون لاين والنيل الازرق انطباعات عن الحلقة (Re: لقمان حسن همام)
|
الاستاذ لقمان همام
تحية وود
اتشرف جدا باضافاتك للبوست وزي ما بيقولوا ( البورداب ) او كما نحب ان نسمي انفسنا او كما قال دكتور حيدر
البوست بوستك ونحنا ضيوفك
انطباعاتك دائما ذكية ومنهجية ودا باب بيتكم طبعا فمافي اقدر منك علي مثل هذا الكلام
يعني بصراحة ما طلعنا بعيد
وكلامك دا خلاصة الخلاصة
Quote: ينبغي أن نكون قدر المرحلة التي خلقها الآخرون، وأسهمتْ فيها الصدف بقدر مقدر !!
وأن نتركَ المنابرَ لمن يُجيدُ فنونَها .. |
| |
|
|
|
|
|
|
|
|
|
Re: سهران يا نيل مع سودانيز اون لاين والنيل الازرق انطباعات عن الحلقة (Re: اساسي)
|
بصراحة كده :
سعدالدين : اسوأ مذيع ونصيحتى ليك شوف ليك شغلة تانية
بكرى : اظن عملوا ليك مساج فى يديك بعد الحلفة
دكتور حيدر : غلب على حديثك الحرية التامة
محمدحامدجمعة : عكس المتوقع
أبوجهينة : اطال الله فى عمرك وبس
احمد طه : والله اول مره اعرف انو الناس بتخرم لريحة الجريدة
اخونا الفنان : شكرا .. وزى ماسبقونى اختياراتك غير موفقة
| |
|
|
|
|
|
|
|
|
|
Re: سهران يا نيل مع سودانيز اون لاين والنيل الازرق انطباعات عن الحلقة (Re: celecon)
|
Quote: يعني زول الظرافة دي مافايتاهو
وقلة الادب مافايتاهو
والعوارة مافايتاهو
والكورة مافايتاهو
والحكومة برضو مافايتاهو.. |
يادكين انت بتكتب شعر
عمر الفاروق سافر ابيدجان عشان يحضر الكرة
سبب انطباعات الحلقة الاعلان المسبق
ثم اقلام المستضافين التى تفوق حنكهم
ياجماعة للحنك ناس وللقلم ناس والسرفر كمان ناس
اساسى ما بتنجح فى اللقاء القادم معدل كلماتك فى الدقيقة قليلة
لذا ساعدنا بعمل كورس تسريع مع البنية وعلبها كثير
دكين انت لبق لكن صوتك مش على وميكرفونات الصوت لا تسمح اكثر من كدا
الحلقة دى عاوزة ناس بتتكلم فى الدقيقة 120 كلمة
اذا اردتم نجاح حلقة قادمة ارشح على حسب ما سمعت من اصوات
شخصى : الضعيف واسالو ناس الهند وممكن اجضم عالم السرفرات بحكم المهنة
تمبس : شباكة ولباقة وحلاقات هاى تناسب عالم النت اضف لبرعاته فى عالم I.T
معتصم :دفع الله شياكة ولباقة وحنك منمق
حليمة عبد الرحمن دى صحفية وكفى
هشام يازول : صوتو فى التلفون جميل وهندام وزول حكاى
طيب كل بورداب بلد ترشح ما تراه مناسب فى للحلقة القادمة..
الشغلة دى كلام مش قلم ولا فهم ولا هندام...
| |
|
|
|
|
|
|
|
|
|
Re: سهران يا نيل مع سودانيز اون لاين والنيل الازرق انطباعات عن الحلقة (Re: اساسي)
|
تحياتي للإعلامي الأستاذ/ لقمان
Quote: ولا أدري من أين أتى إصرارُ الأخ بكري أن القناة محلية، وهو صاحب موقع بهذا الحجم !!
|
أغلب الظن أن بكري أبوبكر كان يقصد بكلمة (محلية) أن القناة تبث من السودان ولم يقصد (محلية) بمعناها الذي يدل على محدودية بثها في منطقة جغرافية معينة، أي أنه أراد بكلمة (محلية) السودان الوطن وليس قناة النيل الأزرق التي يعلم الجميع أنها قناة فضائية.
خالص التحية لصاحب البوست الأخ/ أساسي.
| |
|
|
|
|
|
|
|
|
|
Re: سهران يا نيل مع سودانيز اون لاين والنيل الازرق انطباعات عن الحلقة (Re: اساسي)
|
عندما تحدث الدكتور/ حيدر عن الأستاذ محمود محمد طه تجنب سعد الدين اي تعليق وحاور ولف وزاغ من الموضوع ....
طلال حلفا استاثر بكل زمن الحلقة ( ماعارف ليه بنحشر الغناء في كل حاجه)
حركة اليدين فعلا ظااااهرة شديد وملاحظة ذكية جدا من صديقنا المختفي معاذ
كان الاهتمام مركزا علي الضيوف يمين سعد اكتر ..
عندما حاول سعد أن يذكر ان احد بورداب الامارات إتصل قاطعه احدهم ولم يكمل الحديث في هذه النقطة مع اهميتها..
إفتقدت الحلقة لاحصائيات دقيقة عن الموقع مع إستثناء معلومة اثنين قالهم بكري في الحوار وحاول أبوجهينة ان يتكلم في هذا الموضوع ولكن يبدو انه لم يكن جاهزا له أو ان بكري احق بالكلام في هذه النقطة.
بتاع الكاميرا يبدو ان له علاقة قوية مع واحد من عازفي الكمان: مركز عليه تركيز شديييد
| |
|
|
|
|
|
|
| |
اساسي
معاذ حسن
ALGARADABI
فيصل نوبي
salah elamin
abuguta
essam&amal
الطاهر عثمان
tmbis
Abdelmuhsin Said
جدو
فيس بوك
تويتر
انستقرام
يوتيوب
بنتيريست