|
|
 رشـا سـالم جميله..موش?
|
لطـيفه في غير تكلف..أختك التي تحبك من قلبها ويظهر ذلك في مشاركاتها..
إلتحقت بسـودانيز اون لاين قبل شـهور قليله.. لكنها خـلقت خلالها مكانا متميزا في
القلوب..إنسانه تشعر بالغير وتقفز قفزات ضخمة لمساعـدتهم..
سـودانيه في نبل تصرفاتها..فرغم عمرها الصغير الا انها تحتفظ بصفات جميله من أجـيال
سبقتها فتفعل الخير وتشارك في الأفراح دون تردد..
قلتو شـنو في كلامي ده?
أنا بحبك يارشا أخـتي الصغيرة خـالص..
مني
|
|
 
|
|
|
|
|
|
|
 Re: رشـا سـالم جميله..موش? (Re: Muna Khugali)
|
أكيد جميلة
لأنو جواها انسانة حنينة وذوق ولطيفة وذكية
وكمان بتدخل القلب سريييييييييع
وفيها صفات من الزمن الجميل
وانا يا منوية برضو بحبها
ربنا يخلي ليها كل البتحبهم ويخليها لكل البحبوها
| |
|
|
|
|
|
|
|
|
|
Re: رشـا سـالم جميله..موش? (Re: Muna Khugali)
|
مني خوجلي..
كان يوم عمل مرهق جدا(لسه ما اخدت اجازة!)..
من بدايته جايط ومليان قصص ثقيلة..
جيت وفتحت النت عشان اشوف اخباركم(اسرتي الكبيرة)...
ولقيت مصنع الثلج ...بردا وسلاما علي روحي المرهقة..
انا برضه بحبكم جدا وربنا شاهد ما عدا حميضة
اللذي حاول وبشتي الطرق انه يعكر الاجواء ..ولكن
صاحبي دكين(عفيت منه) كان له بالمرصاد...
....
انعام حسن عبدالحفيظ...
حب من اول نظرة..وسبحان الله لقينا اصحاب كتار مشتركين..
ربي يخفف عليك الاحزان..وترجعي لينا بروح جديدة..
| |
|
|
|
|
|
|
|
|
|
Re: رشـا سـالم جميله..موش? (Re: humida)
|
أهلين حميـده...
ياربي رشا بعـد ماتتزوج بترجع لينا بنفس الشخصيه الحلوه دي?
ولا بترجـع بشخصيه 'متنشيه' من نشا?
ما افتكر هاتتنشي..موش قبيل قلنا هي طـبيعية ومرحـه?
أعتقـد أنه - عز الدين - كذلك هـو مثلها
شـكرا للمشاركه الحـلوه
| |
|
|
|
|
|
|
|
|
|
Re: رشـا سـالم جميله..موش? (Re: Muna Khugali)
|
Quote: ياربي رشا بعـد ماتتزوج بترجع لينا بنفس الشخصيه الحلوه دي?
ولا بترجـع بشخصيه 'متنشيه' من نشا? |
تعرفي يا منوية..انما طول عمري بحاول اتقمص الشخصية الخرافية
البتكون منشية دي ولكن هيهات..فشلت فشل زريع..
زمان لما نمشي مناسبة مش بيكون في بنات كدا رايقات وغتيتات
اها انا امي كانت بتقول لي ابقي زي ديل..بس علي مين..مافي طريقة
انا لازم اشارك واتظارف واقسم العشاء واقول للعريس: ابشررر..
عشان كدا ما تخافي علي ...نشاء مافي
Quote: أعتقـد أنه - عز الدين - كذلك هـو مثلها
|
منوية عزالدين دا منو ؟ سجمنا..
العريس اسمه طارق..وهو زول هااااااااااادي جدا..بس عنده حبة فلسفة كدا
وهو من انصار الحرية والتعبير عن الذات
مابعرف دي حقيقته ولا حركات خطوبة.. غايتو الموية بتكضب الغطاس..
| |
|
|
|
|
|
|
|
|
 Re: عريسنا جا وجاب المال كتير (Re: ملكة سبأ)
|
وهي تستحق هذا الحب لأنها إبنة مهذبة ورقيقة
وجميييييييييييييييييلة يا يا منى ,,,,,,,,,,
| |
|
|
|
|
|
|
|
|
|
Re: رشـا سـالم جميله..موش? (Re: Muna Khugali)
|
اختي العزيزة منى
مسكاقمي
| Quote: رشـا سـالم جميله..موش? |
أكيد
وشرط كمان
ويا ارض احفظي ما عليكي
هو الانسان شنو
ما روح طيبة
واخلاق حميدة
وحب الكل ليه
واخوي دكين
شهيد على ما اقول
| |
|
|
|
|
|
|
|
|
|
Re: رشـا سـالم جميله..موش? (Re: حمزاوي)
|
أهلا كبيرة أحي العزيز حمزاوي..
روشا أحـلامها طـيبه كطيبة طـين بلدنا..انسانه بسيطه.. من جيل تمتلئ حياته بأحـلام
معقـده..
ولأنها بسيطـه ستكون قادرة دائما علي تحقيق أمانيها..
| |
|
|
|
|
|
|
|
|
|
Re: رشـا سـالم جميله..موش? (Re: Muna Khugali)
|
اثني
| Quote: إنسانه تشعر بالغير وتقفز قفزات ضخمة لمساعـدتهم.. |
رشا زولة تلاقيها طوالي تحس بانك بتعرفها من زمان ..
سهلة ومرحة وشااااطرة جدا في شغلها ودي شهادة زول حاضر عملية وكده..والبسمة ما بتفارقها..
وعليه ابصم بصمات واضحة علي انو
رشا سالم زولة جميلة بلا حدود..
| |
|
|
|
|
|
|
|
|
|
Re: رشـا سـالم جميله..موش? (Re: Dr. Moiz Bakhiet)
|
Quote: قمة الروعة والجمال
التحية لرشا وليك يا منى |
تسـلم دكتور معـز...
أعتقـد أن هناك كثيرين من أصـدقاء وزملاء روشا يتمنون أن يخبرونا بحبهم لها..
هذا البوست أيامه بحساب الزمن قليله....قصـدنا به التعبير عن حـبنا لأخت عزيزة بوجـه
خاص واعتزازنا بالقيم الجميله بوجـه عام..
ولأن لها في قلوبنا اعزاز كبير.. ولأن لها من القيم الجميله مايفيض.. كـان تقديرنا لها
في هذا البوست..
| |
|
|
|
|
|
|
|
|
|
Re: رشـا سـالم جميله..موش? (Re: DKEEN)
|
ماشاء الله عليها أخي دكين..
وشطـارتها دي فخـر تاني..
أهم صفة في الطـبيب المهارة والانسانية ..
الإتنين سـوا والا فإن علي المرضي السـلام!
شـكرا علي مشاركتك اللطيفه..
ورجـو أن تقرأ والدة رشـا هذا البوست..
إحتفالا بسيطا في شـكله معها وهي تجني ثمار تربيتها..
| |
|
|
|
|
|
|
|
|
|
Re: رشـا سـالم جميله..موش? (Re: Muna Khugali)
|
Quote: البوست دا طبعا بندرج تحت بند ( كسير التلج ) ..
|
إنت عارف يا حميد أخوي... ختفتو من لساني التعليق دا...
أنا أقرأ في الردود وماشي لا تِحِت وأرتب في الرد دا... سبحاااااااااانك يا ربي...
لكن برضها جميلة ومهذبة وذوق وإحساس ورقة...
الأوريك كسير التلج المكشَّن بلا بصل...
مودتي...
أبو الحســـــــــين...
| |
|
|
|
|
|
|
|
|
|
Re: رشـا سـالم جميله..موش? (Re: أبو الحسين)
|
| Quote: لكن برضها جميلة ومهذبة وذوق وإحساس ورقة... |
والواحد بدون احساس مايبقي انسان..
يبقي حاجه كـده ماقادرة تتفاعل وتشارك الآخـرين مشاعرهم?
ولأن روشا كلها أحاسيس ..الناس حاباها وحتي لو ما جـو وقالو لينا هنا..
لم اقابل روشا في غير هـذا المكان..لم اتبادل معها مسنجرا أو مكالمات هاتفيه كما أفعل
مع العـديد هنا..
وأعلم اني أن فعلت لإكتشفت صفات أخـري جميله وأصيله كثيره فيها..
وحتي يحـدث ..أسمع منكم عنها ما يغرقنا في جمالها..
تسـلم أبو الحسين علي مشاركتك لنا حب وتقدير روشا
| |
|
|
|
|
|
|
|
|
|
Re: رشـا سـالم جميله..موش? (Re: yasir Abdelgadir)
|
ياسر أخـوي كيف حـالك.. نعلك طـيب..
إنت مالك ملومني اخـوي?
كـدي كلمني لأني ماعايزة اتلوم معاك خالص ولا مع أي زول..
ممكن ياسر?
أنا مبسوطـة انك شايف رشا حـلوه زي ماكلنا هنا شايفنها ..
تسلم ياسر عبـد القادر..
| |
|
|
|
|
|
|
|
|
|
Re: رشـا سـالم جميله..موش? (Re: Muna Khugali)
|
تحياتي يامني.....واهلنا زمان قالوا المادارك مالامك...عشان ماكلمتينا بي عرس اية علي الاقل نهنيها ونقوم بالواجب معاها......وانا والله بدخل النت دا فترة محدودة جدا في اليوم...فماعرفت بالعرس الا قريب ..
اماعن رشا فهي اخت وزميلة عزيزة وبيننا تواصل جميل .. وخبر زواجها دا عندي من اكتر من شهرين بس هي حبت تعمله مفاجأة جميلة لرواد المنبر...ربنا يسعدها ويهنيها..ولك الشكر...ومن تكن نفسه بغير جمال لايري في الوجود شيئا جميلا
.تحياتي كتيرة
| |
|
|
|
|
|
|
|
|
|
Re: رشـا سـالم جميله..موش? (Re: Ehab Eltayeb)
|
شـكرا ايهاب..
الشكر من أجل ترقيه قيم ومفاهيم فاضلة هي شـئ مطلوب في زمن يصعب
فيه انتشارها دعك من قدر وجـودها..
وانت بمشاركتك مع الآخرين هناتؤكد علي هذا المبدأ "سيادة الجمال"
شـكرا كتير أخي ايهاب علي كريم كلماتك..
أبادلك التقدير والود..
| |
|
|
|
|
|
|
|
|
|
Re: رشـا سـالم جميله..موش? (Re: Elmoiz Abunura)
|
الأستاذة مني عوض خوجلي:
لك التحية والتقدير.
أولا أبارك للدكتورة رشاسالم بمناسبة الزواج و أتمني لها حياة سعيدة.
أتفق معك تمامآ في أن الدكتورة رشا سالم هي أروع وأجمل و أميز قلم يكتب عن القضايا الإجتماعية في منبر سودانيز أون لاين وهي مكسب كبير للمنبر العام ومايميزها عن الآخرين هو بساطة أسلوبها وخفة دمها وجمال شخصيتها وإنسانيتها وعفويتها وعدم تكلفها كما أنها مثقفة من غير فلسفة وناضجة ومرحة وتدخل إلي القلوب بلا إستئذان وتذكرني بعفوية و إنسانية الشاعر محجوب شريف ولذلك تجد أن شعبية رشا سالم كاسحة في البورد لأنها إنسانة ذات روح نقية وجميلة
| |
|
|
|
|
|
|
|
|
|
Re: رشـا سـالم جميله..موش? (Re: مي أبوقصيصه)
|
شـكرا أختي مي أبوقصيصة علي مشاركتك في حب روشا هنا..
ربما كان اسم مني من اكثر الأسماء تداولا بيننا..أنا أحبه لأنه قصير وخفيف..
كان مقياسي في إختيار اسم ابنتي ان يكون أيضا قصرا وخفيفا..وعلي هذا وأكثر يكون اسم مي
الأجمل هو ورشا الغزال>>
ربنا يخلي ليك أختك ويخليكي انتي برضه ليها ولينا....
| |
|
|
|
|
|
|
|
|
|
Re: رشـا سـالم جميله..موش? (Re: Kamel mohamad)
|
ولك مني التحايا الجميله أخي كامل..
تسافر غـدا وكما فهمت من حـديث روشـا انها مسافرة بكرة الخميس الخرطـوم..
عمليا لا يمكنها مشاركتنا الإحـتفال بها... ولكن قطعا وبإذن الله ستقرأ روشامع أسرتها
الكلمات الجميلة التي سطرتها انت مع الآخرين وتفرح بها..
أي انسان يستحق أن يشكر بصفاته الجميلة حتي يزدهر جماله أكثر وينعكس عليه وعلي الآخـرين..
شـكرا علي مشاركتك اللطـيفة..
| |
|
|
|
|
|
|
|
|
|
Re: رشـا سـالم جميله..موش? (Re: Elmoiz Abunura)
|
| Quote: وهي تستحق هذا الحب لأنها إبنة مهذبة ورقيقة |
فعلا أخي المعز ابو نورة..
التهذيب لا يخفي ولا ادعاءه يسـتمر..روشا رضعت التهذيب وعجـنت به..
ثم كبرت وهي أيضا تهذب نفسها..
اسعـدها الله في حـياتها الخـاصة والعامة..
وشكرا لمشارتنا الفرح بها..
مني
| |
|
|
|
|
|
|
|
|
|
Re: رشـا سـالم جميله..موش? (Re: Muna Khugali)
|
Quote: ياربي رشا بعـد ماتتزوج بترجع لينا بنفس الشخصيه الحلوه دي?
ولا بترجـع بشخصيه 'متنشيه' من نشا? |
لا يا منى ، ياروح البورد الجميلة
رشا دي أصلية
ووارثة { الشخصية الحلوة دي } من بيت أهلها
وكمان وارثة النضال والوقفة المشرفة من والدها الراحل سالم سعيد
ف
مش بعد ماتتزوج ، وبعد مايتزوجو اولادها حاتلقوها رشوية ذاتها
بحلاتها وصفاتها
وفي الصف الأول في أي وقت يتداعى فيهو الناس
برأيها وقرشها وتضمنها
ياخ دي بتنا
| |
|
|
|
|
|
|
|
|
|
Re: رشـا سـالم جميله..موش? (Re: أبو ساندرا)
|
ياخ دي بتنا
والبيئة مهمه أبو سـاندرا..الطـينه الحـلوة مهمة للبـذور..
والحمـد لله روشا ثمرة وسط نظيف وصـالح..
وميزة الطـينة الحـلوة ان ماينتج عنها لا يرضي لنفسه الا الجمال.. ويحب أن يعطـي
ماعنـده للغير.. ويفرح لسعادتهم..
روشا فاتت مرحـلة التعلم من الأهل..فهذبت أيضا نفسها والتزمت بإحترامها لنفسها
ومكانتها وأسـرتها..
التحية لروح والـدها في جنته ولوالدتها الفاضلة ولها هي مصـدرفرح أصـدقاءها..
شـكرا ابو سـاندرا كلماتك جميلة كأسـرتك...
| |
|
|
|
|
|
|
|
|
|
Re: رشـا سـالم جميله..موش? (Re: Muna Khugali)
|
والله يا جماعة ما فهمنا أي حاجة.. غايتو غير إنو رشا دي دكتورة ومهذبة وما إلى ذلك..
يعني دي برضها حاجات جميلة.. لكن ما عارف نشارك كيف معاكم.. غايتو ما بقدر أقول غير يا رشا بختك..
ده شهادة من ناس بحبوك.. ويودوك... ويعني برضو حصل لينا الشرف رغم إنو ما بنعرف.. ونضم صوتنا للمادحين.. عشان ما تكون شكارتها دلاكتها.. ولا شنو؟
| |
|
|
|
|
|
|
|
|
|
Re: رشـا سـالم جميله..موش? (Re: Aymen Tabir)
|
عزيزتي منـى
تحية عطرة لشخصك الحبيب ، ، ،،
رشا سالم نسمه تدخل الرئة فتنعش الجسم ، رقيقة ونبيلة وجميلة وهادئة وهي تدخل القلب دون إستئذان فهنيئاً لطارق بها . وربنا يكمل ليهم على خير . تحية لك ولها ولكل المشاركين هنا . وســلام .
| |
|
|
|
|
|
|
|
|
|
Re: رشـا سـالم جميله..موش? (Re: عماد محمود علي)
|
عندما حضر الفنان عثمان حسين والمذيع ذو النون بشرى إلى الرياض بدعوة من رابطة أبناء مدينة الصحافة ، اتصلت بي الدكتورة رشا بصفتها من بنات الصحافة وعرضت المساعدة في حالة حاجة الضيوف الكرام لأي خدمات علاجية 000
هذه هي الأنسانة رشا ،،، نسأل الله تبارك وتعالى أن يتمم لها بخير ويرزقها الذرية الصالحة 00
| |
|
|
|
|
|
|
|
|
|
Re: Re: رشـا سـالم جميله..موش? (Re: Muna Khugali) (Re: عبد المنعم سيد احمد)
|
| Quote: ياربي رشا بعـد ماتتزوج بترجع لينا بنفس الشخصيه الحلوه دي? |
منى خوجلي
ازيك ..
رشــا بروحه الحلــوة ومحبتة للناس قادره في كل ثانية تصنع فرح .. يطغي على الجميع
بالرغم قصر فترة المعرفة البينا ..
لكن
رشــا زادتنا الكتير
والحاجة الغريبة .. أنو في ناس كتيرين هنا بيكتبو بالاحساس الجميل ده عن رشا سالم ولسه ما لاقوهــا
طيب لو لاقوهــا ح يقولوا شنو؟؟
بس عندها مشكلة واحدة .. قاعدة تعمل ( الأوفالتين ) بالمايكروييف
وعندي شهود علي كلامي ده .. شان ما تجي تنكر اصلها جنها ( غــلاط )
المشكلة أنو الوجيه ( طارق ) سافر كنت عايز انبهو للنقطة دي ...
ح توحشينا يا رشــا
| |
|
|
|
|
|
|
|
|
|
Re: رشـا سـالم جميله..موش? (Re: Muna Khugali)
|
اليوم تغادرنا الاخت الدكتورة رشا سالم,
لم ألتقيها حتى الان
لكني أود أن أودعها من على البعد بالعديل والزين والأمنيات العراض بالسعد والهناء,
Quote: Quote: شـــديـييييييييـــد
ثم رفع يده عاليا .. بحركة استفزازية ..
تأكيدا لحديثه ..!! |
استفزازية ايه يا حميدة , دي نظرة اعجابية شديييييييد برضـو,
الناس الظراف الاعجاب بيهم شئ طبيعي,
على العموم الدعوات بحياة زوجية سعيدة للدكتورة رشا سالم ,
ونشكر العزيزة منى عوض خوجلي على اتاحة الفرصة للاحتفاء بالخبر السعيد,
أحمـد الشايقي
| |
|
|
|
|
|
|
| |
Muna Khugali
انعام عبد الحفيظ
رشا سالم
humida
ملكة سبأ
فاروق حامد محمد
انعام حيمورة
عبد المنعم سليمان
أحمد الشايقي
Dr. Moiz Bakhiet
أبو الحسين
Ehab Eltayeb
Elmoiz Abunura
أبو ساندرا
صلاح الدين عبدالله محمد
Kamal Karrar
احمد العربي
بهاء بكري
Aymen Tabir
alsngaq
خالدة البدوي
عبدالله شمس الدين مصطفى
عبد المنعم سيد احمد
tmbis
Haytham Abdulaziz
فيس بوك
تويتر
انستقرام
يوتيوب
بنتيريست