|
|
 هذا زمانك يا مهازل فأمرحي ..
|
ما الفرق بين أحمد وحاج أحمد.. وقعنا اتفاقية السلام بين الحكومة والحركة الشعبية وصدقنا لعشرة آلاف من جنود الأمم المتحدة بالانتشار في جنوب السودان وجبال النوبة.. وأيضا وقعت الحكومة اتفاقية سلام مع حركات دارفور أو بعض منها فما المانع من دخول قوات الأمم المتحدة إلي دارفور.
لست من أنصار تدخل أي أجنبي في بلادنا ولكن التمني شيء والواقع شأ آخر والفأس وقع والرأس... كنا نتمنى أن لا ينكس رئسنا سابقا ويوافق علي دخول الأجنبي لديارنا.. موقف الرئيس الأخير (لايمكن للأمم المتحدة أن تدخل في دارفور بدلا من القوات الأفريقية حتى لو أدي ذلك إلي تنحيه من رئاسة الجمهورية - ليته يفعل- والذهاب لقيادة المقاومة في دارفور) كلام غير مسئول من رئيس دولة وهو كلام للاستهلاك الإعلامي.. ومن يقدم التنازل مرة يقدمه ألف مرة.. ومن تذوق نعيم السلطة والجاه والترف بعد.... حتما سوف يتنازل.
أما آن لهذه المهزلة أن تنتهي البشير مرة يحلف بالطلاق ومرة باليمين ومرة بالذهاب لقيادة المقاومة في دارفور.. حرمه المصون في الأردن بكامل حلتها وترفها الذي لايليق حنة من أخمص القدم إلي الكوع والذهب بس عروس في برش قطع الرحط وحجاب في الرأس (سمك لبن تمر هندي).
الله يبهدلكم زي ما بهدلتمونا لا سياسة لا دبلوماسية لا اتكيت .. الراجل يحلف في الطلاق والست بكل الكبرتة والبهرجة تحكي عن المرض والفقر في السودان..
امرض وافتقر وتشرد يا محمد احمد الله لا مرقك شيتا غربة وشيتا هجرة وشيتا ضياع .... حملة علم وشهادات عليا وكفاءات وخبرات .. لاهدف سوي سترة الحال ولقمة العيش الكريمة اصحي يا نايم وحد الدايم .. ماذا يحدث للسودان .. أين السودان.. وهل الموجود حاليا هو السودان الذي نعرفه؟... أشك في ذلك هذه دولة نكرة تكالب عليها الطامعون بسبب جهل حاكميها دولة لاشكل ولا لون ولا توجه معين ليس لها أيدلوجية أو خطة.. رزق اليوم باليوم في كل المجالات والرئيس يحلف ويحكم وأنت يا محمد احمد أتحسر.
اصحي يانايم دي دولة مش اتحاد طلبة .. بلد حقتي وحقتك.. تكاتفوا يا معارضي السودان واتحدوا.. فالقبة تحتا مافي فكي..قبة فارغة أفرغ من (.....).
|
|
 
|
|
|
|
|
|
|
|
Re: هذا زمانك يا مهازل فأمرحي .. (Re: ادريس خليفة علم الهدي)
|
الرائع ادريس علم الهدى الخليفه
Quote: .. بلد حقتي وحقتك.. تكاتفوا يا معارضي السودان واتحدوا.. فالقبة تحتا مافي فكي..
قبة فارغة أفرغ من (.....). |
يا ادريس يا اخوي البقنع الديك شنو؟؟؟؟؟؟؟؟؟؟
انه القبه فاضيه ومافي تحتها اي فكي...وافرغ من (....) زي ما قلته.
تراجي.
| |
|
|
|
|
|
|
|
|
|
Re: هذا زمانك يا مهازل فأمرحي .. (Re: ادريس خليفة علم الهدي)
|
| Quote: أما آن لهذه المهزلة أن تنتهي البشير مرة يحلف بالطلاق ومرة باليمين ومرة بالذهاب لقيادة المقاومة في دارفور.. |
الناظر ادريس ...
صباحك سعيد ...
الزول كضاااب .. و دى نفخة ( ورل !!! ) ساى  ...
كسره :
يا كافى البلا !!! الزول ده ناوى اتمهم كم ؟؟؟ فالشرع أجاز اربعه !!!!
عبدالماجد
| |
|
|
|
|
|
|
|
|
|
Re: هذا زمانك يا مهازل فأمرحي .. (Re: ABDELMAGID ABDELMAGID)
|
| Quote: الله يبهدلكم زي ما بهدلتمونا لا سياسة لا دبلوماسية لا اتكيت .. الراجل يحلف في الطلاق والست بكل الكبرتة والبهرجة تحكي عن المرض والفقر في السودان.. |
الناظر
سلامات وكلامك الفوف سمح بالحيل كلام في التنك كلام زولا وجيع بالحيل
الله اديك الصحة والعافية والجايات اكتر من الرايحات!!
خالك ود هباني
| |
|
|
|
|
|
|
|
|
|
Re: هذا زمانك يا مهازل فأمرحي .. (Re: هشام هباني)
|
| Quote: الله يبهدلكم زي ما بهدلتمونا لا سياسة لا دبلوماسية لا اتكيت .. الراجل يحلف في الطلاق والست بكل الكبرتة والبهرجة تحكي عن المرض والفقر في السودان.. |
تقول شنو يا اخوي !!!! وكت الجهل يحكمناياهو متل دا لا سياسه لا دبلوماسيه
| |
|
|
|
|
|
|
| |
ادريس خليفة علم الهدي
saif massad ali
Tragie Mustafa
هشام هباني
doma
ALGARADABI
فيس بوك
تويتر
انستقرام
يوتيوب
بنتيريست