|
Re: لا موعود.. كلمات بروفسور معز.. والحانى (Re: معتز تروتسكى)
|
دكتورنا اللى بنتباها بيهو لمس الكلام الحساس وإنت أديت أداء رائع يا خوى إنت عرفت لعبة اداء اللحن وهذا يكفى ، فيما معناهو إنت عرفت كيف تترجم الكلام بلحن جميل وانا دايما إنسان متحفظ فى إبدا الرأى لكن اقول ليك وبالفم المليان إنت فى قلب الساحة الفنية وبى أداء متطور
وربنا يديك العافية ويكفيك شر المافيا
| |
|
|
|
|
|
|
Re: لا موعود.. كلمات بروفسور معز.. والحانى (Re: مبيوع)
|
عزيزى الاستاذ ساطور تحيه ومحبه طبعا شهادتك دى وسام باعتز بيهو ونزلت بردا وسلاما ياخ ناس المزيكا ديل بخوفو ومستنى برضو راى استاذى الموصلى وعزيز خطاب وخدر وضياء والزول الصعب داك عثمان عجبين وما انسى عاصم الطيب وناذر ياربى حايتاوقو بى جاى!?
| |
|
|
|
|
|
|
Re: لا موعود.. كلمات بروفسور معز.. والحانى (Re: معتز تروتسكى)
|
مبدعنا الجميل
مبيوع
متألق دايما وكالعاده
صوت رويان ولحن رخيم وكلمات مليانه
فالف اعجاب بخطواتك ثابته في شارع الابداع
ملحوظه:
يبدو انا هنالك مشكله في السماع
بسمع الصوت دبل فيا ريت تشلوا احد التسجيلين
الفي البوست اما اللنك او الريل بلير
محبتي
عاليه
| |
|
|
|
|
|
|
Re: لا موعود.. كلمات بروفسور معز.. والحانى (Re: مبيوع)
|
أنا بتاوق والله !!
لكن صدقني قاعد في جهاز مخستق فيهو مشكلة في كرت الصوت ولا حاجة تانية المعم انا ما سمعت اي حاجة !!!
صنفرة :
بجيك بي رواقة بعدين لمن أسمع الغنية وطبعا حا تكون اكتر من رائغة كعادة اغنياتك !! بالمناسبة أنا برضو بسأل من الزول الصعب عثمان عجبين !!
| |
|
|
|
|
|
|
Re: لا موعود.. كلمات بروفسور معز.. والحانى (Re: Elmosley)
|
Quote: لا موعود بالنيل في بيتنا ولا طاريك الضل في الشارع... بس يا ريتك استنيتنا بين الغيم والقمر الطالع.. كنا ملينا دروبك إلفة وكنا مسحنا هموم ومواجع.. وشلنا جراحك في أعماقنا واديناك من ريدنا منابع غطيناك بالشوق وهوانا عشان لا تعاني الخوف لا تصارع |
استطيع ان اترجم هذا المقطع الى هذه القطعه النثريه.. حيث اراها تتحدث عن الطين والنيل والمحل..بلون الحبيبة الطين ذلك الوعد الخريفى المسكون بهاجس بدايتنا القريبه من شاطى عينين تبدوان بكامل القهما وبكامل جنونهما ؛ حيث لانكون الا من الطين للطين بالطين حين يحترق المدى ملائكيا باصرار المكان على الاستعانة بطورية الاحلام فى صياغة طين الوطن... ومن هناك تتفتح للطوريه مدارج الصعود الى هاوية البحث عن اشياء تعيد بها مجد الارض ومعانى الانسانية المحترقه.. فلا هدا نفس الطورية ؛ولا انقطعت دموع الوجع العتيق حتى غازل الطوفان اهداب الوفاء المتعلق باجنحة وطن وجرف وحرف...
Quote: بس كان وعدك لينا قطيعة وكان احساسك لينا مخادع.. حتى الدرب الانت اخترتو تايه زيك هايم ودامع لا حب النيل بيغفر أوهامك لا بشفع ليك النجم الساطع لا جنح ملاك ح يجيبو هواك لا شتلة فل عنك بترافع.. لا الحلة الكانت راجياك برة ح تستناك في الوقت الضايع |
كان بامكان الرجل ان يستمتع بكل المتاح فى كل الاوقات ؛ ولكن حين احتفظ بها نقطة ضؤ فى ثوب اسود ؛ انه بالاحرى نظر اليها بعيون الوطن ؛سحب عليها غطاء الطين والطفوله ؛صهرها ببوتقة العشق الابدى ؛ونفس القرية والانتماء النفيس للتراب النفيس.. ثم قاوم فى عيونها انحســــــــار التوق من ومواقيت البشارة.. وضعها الى جانب الكلام اللائق لصناعة التاريخ والانغام والسنبلة... ومن هنــــاك راح يســــــــابق جنون الخيانة الى عقلانية الشـــروع فى الانتــصار!!!؟؟!!
Quote: يا مسجون في ورق التوت ويا محبوس في رسايل وخاضع بيني وبينك ضاعت نجمة وهلت عتمة وسور وموانع.. بيني وبينك كبري وزحمة وبيني وبينك سيل ومدافع.. وبيني وبينك ضاعت بسمة ومات الحب والحلم الرائع.. |
عندما دخلت المراءة فى الاقتصاد استعار ماركس بعض فحولة الشرق وحلق لحيته بقطعة من الزجاج المحطم!!! وعندما داهمت المراءة هتلر فى مواخير السياسة استاذن الرجل معشوقته ((إيقا بروان)) وابتلع كمية من المواقف المسمومه ودخل الموت الابيض المتوسط مشيا على الاقدام!!!!
عموما ما استطيع ان اقوله من مستمع ليس الا ان اللحن منسجم منسجم مع الكلمات هادى وخفيف فى تاغم مع الكلمات وفيهو تصوير تمثيى لحالة الكلمه.. * وننتظر الاساتذه المتخصصين..
وتشكر كتير عزيزى مبيوع على هذا الجمال.. وصلتنى الاغنية وكانت اكثر من روعه يديك العافية.. ولى قدام.. التحايا النواضر وفتك بعافية
| |
|
|
|
|
|
|
Re: لا موعود.. كلمات بروفسور معز.. والحانى (Re: مبيوع)
|
Quote: اما زلت تذكر ذلك الزمان الصافى آآهههه ليته يعود!! فرحتى بوجودك هنا لاتوصف |
صديقي العزيز وهل ينسى ذلك العهد الجميل !! صدقني انا افتقد الجميع هناك وكم تمنيت لو طال بنا المقام قليلا ولكنها الدنيا تجمع لتفرق وتفرق لتجمع اتمنى ان تسعدني بلقاك مرة اخري
| |
|
|
|
|
|
|
|