|
|
 الشاعر ود ضحويه
|
في احدي البوستات
لفتة انتباهي هذه الابيات::
يوم بنداور البكرة ونمصرو ثديها
ويوم بنشق عتاميراً بعيدة وتيها
يا نفس السواد المتعة كملتيها
أبقي لزومه وكت القرعة وقعت فيها
ياتري هل من مزيد من الاخوه والاخوات المطلعين والعارفين
وياربي هل هو نفس الشاعر القال
يوم كربتيت ويوما عشانا ربيت
الخ..............
ودمتم
|
|
 
|
|
|
|
|
|
|
|
Re: الشاعر ود ضحويه (Re: willeim andrea)
|
وليم أندرية
ياخي الزول دا جميل
والكلام الإنت ذكرتو دا في بوست كانت مداخلة حقتي انا
وأنا الزول دا بحبو جداً
وسوف أغدق عليك بوابل من عطاءه وحكمه النوادر والنواضر في تاريخ الفراسة والشجاعة والشعر السوداني الشعبي الجميل
مرحباً بك
| |
|
|
|
|
|
|
|
|
|
Re: الشاعر ود ضحويه (Re: willeim andrea)
|
ياسلام علي قولقل...
كقول احدهم
الناس في العروض ما تقيسه بي تيبانه
ما يغرك لباسن والعروض عريانه
ديل حراس رزق ذي التكنو امانه
ذي ابل الرحيل شائله السقى وعطشانه
وكقول الحاردلو في بشارات الخريف
الخبر الاكيد قالوا البطانه اترشت
وساريتن تبقبق للنهار ما اتفشت
وبت ام ساق علي طرف الفريق اتعشت
وللعبادي
كقول طه
انا المالح الكارب خريفي وصيفي
والمتلك تبيع ما اظن اقيف فوق قيفي
كان ما الليله فوق بيتي وبحسبك ضيفي
في الشي السمعتو برد عليك بي سيفي
وقال في الثبات والوقوف علي المبدا
من الفيها ما بزح وان تزحزح مره
وان حيين كنعود ان طال زمنا ومره
والزين ما بدوم والزول بموت فد مره
اكيد هولاء الافزاز تركوا لنا قيم ومبادي ومعاني جميله واصيله في الزول السوداني البسيط .أشعار الدوبيت والمسادير....نسيج فريد في المليون ميل مربع.. لوحات تعبيرية بأثواب بدوية...
تجمع الطارف والتليد من المفردة السودانية العربية....
تصور بطولات وشهامات كادت أن تندثر مع حياتنا المعاصره..... اكيد هي أولي تجاربنا المحلية الأدبية.....
قديمة بقدم تأريخنا...
بعشقها الكثير حتي الولــه...ونبحث في معاني كل كلمة....
| |
|
|
|
|
|
|
|
|
|
Re: الشاعر ود ضحويه (Re: willeim andrea)
|
انا الدابي الزرف سمو
وانا الماكل سماية امو
وانا الشاغل بنات عمور
( شاغل = تقرا بكسر الغين)
ما تستاهل الكمرة وسكون اليوى
شمة جارة الوهوه مع الدامبوى
جابو لى كتبها الاخرش أب هبوى
لسانو مع الحويلة بلهوج الداقوى
الحويلة الغباش العاول !
الداقوى ده صغير الأرنب
[ اشيل براق سحابك يالمرية يختف
مايع عفرتك جارى وصبيبو يهتف
ياالريك من الهباك ملوهو تقطف
نيلك زاق وتبرك يا المرية يكتف
طالبني الغرام رسل لي خمسة عساكر
وأنا عامل جنايات والعقل مو فاكر
بعد ودوني قابلتو القبيح الماكر
قال ختوه يرقد في السجن لا باكر
| |
|
|
|
|
|
|
|
|
|
Re: الشاعر ود ضحويه (Re: willeim andrea)
|
تنسب هذه الابيات للشاعر المعروف ود ضحويه الهنباتي
أكان لي يشيل كلامن حصل البادريه
وقا الحوري لي بحصة عريب بت ريه
أكان ما أسكت الباكيات و أخلف الكيه
قوله أبو فاطنه يا الصادق خساره عليا
سنابك حضر الطافه و جرايدك نوا
كورك سال و مزيقا و رطانه و عوا
الخلاني فوق نار أم لهيب أتلوي
النوم شفتو يا قرد القلوع شن سوا
خرير دوماتو يا أب عاجن رزم متلاقيه
يا الغول النقي سوي لو سوق الساقيه
بت معز الخلا الفوق الكجر متاقيه
عكرناها يا أمروبه النشوف الباقيه
| |
|
|
|
|
|
|
| |
willeim andrea
Nasr
مجاهد عبد الرحمن
فيس بوك
تويتر
انستقرام
يوتيوب
بنتيريست