كتب الكاتب الفاتح جبرا المتوفرة بمعرض الدوحة
|
|
 حكومة البشير تعتزم الحوار مع أعدائها التاريخيين.. الشيوعيين
|
حكومة البشير تعتزم الحوار مع أعدائها التاريخيين.. الشيوعيين
الخرطوم: اسماعيل ادم
كشف الرئيس السوداني عمر البشير ان حكومته تعتزم فتح حوار مع العدو التاريخي للاسلاميين الحزب الشيوعي السوداني المعارض بعد ظهور سكرتيره العام محمد ابراهيم نقد اخيرا بعد 14 عاما من التخفي، كما كشف ان الاتفاق مع التجمع السوداني المعارض سيوقع قريبا. واضاف الرئيس السوداني ان الحوار المباشر مع حزب المؤتمر الشعبي المعارض الذي يتزعمه الدكتور حسن الترابي مستمر «رغم خطه العدائي ومحاولاته لاسقاط النظام في الخرطوم». ووصف الرئيس البشير وهو يتحدث لاتحاد الصحافيين العرب في الخرطوم امس قرار مجلس الأمن 1593 والخاص بمحاكمة مجرمي دارفور بأنه معيب ويمثل سقوطا للمنظمة الدولية، وجدد رفض بلاده تسليم اي مواطن سوداني ليحاكم في الخارج، وقال ان لجان التحقيق القضائية السودانية باشرت مهامها في دارفور لاثبات العدالة وتقديم مرتكبي الجرائم الى المحاكمة في القضاء السوداني. كما وجه انتقادات مبطنة الى زعيم حزب الامة الصادق المهدي لدعمه قرار مجلس الأمن الدولي باحالة مجرمي دارفور الى المحكمة الدولية في لاهاي، وقال ان قرارات مجلس الأمن حول السودان وحدت القوى السياسية في البلاد.
وعزا البشير تأخر خطوات السلام في السودان الى ما اسماها «الاشارات السالبة التي ظلت ترسلها الدوائر المعادية لبلاده والتي تتضمن إيحاءات بأن حكومة الخرطوم ذاهبة لا محالة».
نقلآ عن صحيفة الشرق الأوسط
|
|
 
|
|
|
|
|
|
|
|
ابريل جاكم (Re: Rashid Elhag)
|
العزيز راشد الحاج
مساك الله بالخير
حكومة السجم والرماد الايام دي رايح ليها الدرب في الموية وما تستبعد عما قريب ستبدأ حوارا مع حمير السودان او تيوس السودان او كلابه لاشراكهم في موكب المؤازرين يعني جرسة حضارية وحي ووب لا حول ولا قوة الا بالله واهلنا قالوا( الصقر ان وقع كترت البتابت عيب)لكن الكوز كان وقع ما بنفعوا الجقليب هاك لاهاي دي.
هباني
| |
|
|
|
|
|
|
|
|
|
Re: ابريل جاكم (Re: هشام هباني)
|
بسم الله الرحمن الرحيم
الأخ العزيز هباني
والله لقد أضحكتني حتي برزت نواجزي...لم أضحك هكذا ضحك منذ أمد بعيد...
غايتوا جماعتك ديل بدوا في السكلي والولوله...خليهم يتحزموا ويتلزموا
ويرجوا الراجياهم ساااكت.
لك ودي ومحبتي
| |
|
|
|
|
|
|
|
|
|
Re: ابريل جاكم (Re: Rashid Elhag)
|
الاخ راشد
هل تعتقد ان يكون ساستنا بذات الغفلة التي اضاعوا بها ابريل ويمدوا يدهم لينقذوا هؤلاء الغرقي ؟
تعرف هم زاتهم محظوظين ، بدل ما يتسجنوا في كوبر او شالا او ودمدني او بورتسودان ، جاتهم السجنة في هولندا .
| |
|
|
|
|
|
|
|
|
|
Re: ابريل جاكم (Re: Esameldin Abdelrahman)
|
بسم الله الرحمن الرحيم
ألأخ العزيز عصام الدين
غايتو لو حصل زي الحصل في أبريل ديل يبقوا مش مغفلين وبس....ديل يبقوا بهايم عديييل....وبعدين السياسي لو مابيتعظ من التجارب يبقي شن الفايده
...ولكن دائمآ ماتجد بعض المتخازلين من أصحاب المنافع الخاصة....بيني وبينك أنا غايتو شايفا جايه قوية تب ...بس قول يالطيف والله يكضب الشينة
...لك ودي
| |
|
|
|
|
|
|
|
|
|
Re: حكومة البشير تعتزم الحوار مع أعدائها التاريخيين.. الشيوعيين (Re: Rashid Elhag)
|
الاعزاء راشد، هشام و عصام
كما سار المثل في عهد _الالغاز بشعوبييه و مستوطنيه_ نضحك مما نسمع،،،
هاكم دي من صنف الضحك المر
قابلت واحد راجع من اجازة في السودان و كالعادة سلخته ليك اسئلة عن الحال
و المآل في البلد،، اها وصلنا لشكل الشارع و المستجدات في الجوانب الاجتماعية
صاحبك رزعني ليك عادي كدا بكلام عن فصل الدين عن الدولة و انا بعرفه انه
مريح دماغه من حكاية السياسة خالص، اوقفته مستفسر عن الحكاية دي ضحك و قال
لي ما تتصور اني بقيت سياسي الكلام بعيدا جدا عن السياسة، يا سيدي فصل الدين
عن الدولة اسم لبسة بنات جديدة بتكون فيها الصرة مكشوفة!!! يعني بلوزة قصيرة
ما بتغي وسط البت!!! و اردف قائلا ياخي فصل الدين عن الدولة حاجة عـــاديـه
خــــــــــــــالـــــص. بس عاوز من نقادنا الجهابذ يفككوا لينا
مصطلح التوجه الحضاري عشان نعرف الحكاية دي محشية بشنو عشان توصل الحال للدرجة دي.
| |
|
|
|
|
|
|
|
|
|
Re: حكومة البشير تعتزم الحوار مع أعدائها التاريخيين.. الشيوعيين (Re: Rashid Elhag)
|
| Quote: حكومة البشير تعتزم الحوار مع أعدائها التاريخيين.. الشيوعيين |
العزيز/راشد
تحية طيبة و احترام
لقد اثبتت التجربة الانقاذية العملية للناس ان العدو التأريخي للمتأسلمين و اصحاب المشاريع الحضارية الانتحارية هو الغالبية العظمي من جماهير الشعب السوداني ... فقد فشل الانقاذيون في الوصول الي السلطة بالتي هي احسن و هذا يؤكد قلة حيلتهم مما دعاهم ذلك الي استخدام المدافع لكي يطبقوا شرع الله علي حد تعبيرهم ... و حكاية ان هذا عدو تأريخي و هذا عدو غير تأريخي بالمقابل المقصود بها فرزعة وحدة المعارضة المفرزعة اصلا ... لذا علينا بعدم مجاراة هذه الثعالب الانقاذية فبني ثعلب قوم مكارين و غدارين.
| |
|
|
|
|
|
|
|
|
|
Re: حكومة البشير تعتزم الحوار مع أعدائها التاريخيين.. الشيوعيين (Re: برير اسماعيل يوسف)
|
بسم الله الرحمن الرحيم
الأخ الفاضل برير
تحية عطرة
قلت
| Quote: و حكاية ان هذا عدو تأريخي و هذا عدو غير تأريخي بالمقابل المقصود بها فرزعة وحدة المعارضة المفرزعة اصلا ... لذا علينا بعدم مجاراة هذه الثعالب الانقاذية فبني ثعلب قوم مكارين و غدارين. |
لقد صدقت في هذا....طبعآ أنا نقلت الخبر من غير تغيير للعنوان...ولكني مقتنع تمامآ أن الإنقاذيين أعداء للإنسانية كلها وليس السودانيين فقط..
وأنهم مكارين...ولا يحيق المكر السيئ..إلآ بأهله.
لك الود ودمت
| |
|
|
|
|
|
|
| |
Rashid Elhag
salah elamin
هشام هباني
نصار
برير اسماعيل يوسف
lana mahdi
فيس بوك
تويتر
انستقرام
يوتيوب
بنتيريست