|
|
 العلاقة بين المريسة ... والكديسة
|
العلاقة بين المريسة والكديسة
سئل قومى مرة: اى الاشياء تحبون؟
قالوا: ندورو( اى نحب) المريسة, وال......ولحم متل لحم الكديسة.
لم يقتنع السائل ببراءة الردود فحول وجهته نحو الكراهية فسألهم:
وأي الاشياء تكرهون؟
قالوا: نابو ( اى نكره) ابريق, وسبحة هجليج,......ونقنقة فى مسيد.
سررت جدا عندما قرأت تصريحا للمشير المجاهد عمر البشير رئيس جمهورية السودان الإسلامية ان الخرطوم لن تفتح حاناتها لبيع الخمور بعيد توقيع اتفاقية السلام مع الحركة الشعبية ( التصريح نشر في سودانا يل). مبعث سروري اننى فهمت ( وارجو الا اكون قد توهمت) أن المشير المجاهد قد انحاز أخيرا الى ثقافة الانداية الاصيلة واعلن رفضه جماهيريا لخمرة الترك الببيعوها فى الحانات الوافدة من بلد الكفرة. عشان كدة سولت لى نفسى ان انشر هذه الدعاية المجانية عن المريسة:
اولا هى شراب الملوك ..... البشربها لازم يلوك
انواعها حسب الوضع الاجتماعى والثقافى والاقتصادى , مثلا بتاعت الدخن, ودى قمة السلطنة, الفتريتة للمفلسين وغير الحريفة الجربانين زيى كدة, هناك برضو مريسة تامزين ودى مضرب المثل فى الفلس زى تمباك ود ابراهيم , ومريسة القضارف الحامضة كما قال احد هجاة المدينة.
قيل فيها انها العيش ... البودر الكرميش.
اعظم شاربيها ومحبيها على الاطلاق هو صديقى" ابو زمبة" , عتالى البرجة الغربية فى محلج ربك ايام زمان, كان يكرع من صباح الرحمان وحتى المغرب, حتى ان احد حساده تمنى ان يجىء موسم القطن سريعا حتى لا يغرق خور جهنم الناس من بوله.
للمريسة فوائد جمة منها, انها تقى الشعب السودانى شر الملاريا والتيفويد والانيميا وكل امراض سؤ التغذية , وتزيل عسر الهضم والفهم, خفيفة على البطون والجيوب, مما يعنى الرفاهية والصحة والعافية لبنى وطنى .
الانداية من وجهة نظرى انها احد اهم مراكز الانبعاج الثقافى والتواصل الاجتماعى بين مختلف فئات الشعب السودانى البطل, يلتقى فيها فقيرهم وغنيهم, مثقفهم وجاهلهم على قدم المساواة بدون اى فلهمة. وحياتكم وما طالبنى حليفة, فى احدى الاندايات , اشتريت ثلاثة روايات للاديب الكينى الرائع انقوقى واثنقومقابل عبار مريسة ( الروايات هسع معاى والعاوزهم ببيعن ليهو وهن:the River Between, weep not Child , petals of Blood
قبل ان اختم اعلانى المجانى اهتفوا معى:
فلتسقط الحانات ولتحبا الاندايات.
همسة لصديقى خضر حسين:
" قلت لى راجع السودان, عليك الله نزل كل بيارق امبدة راس الشيطان خصوصا الانداية الجنب الخور, غرب نقطة الشرطة الشعبية)
|
|
 
|
|
|
|
|
|
|
|
Re: العلاقة بين المريسة ... والكديسة (Re: محى الدين ابكر سليمان)
|
محي الدين ابكر
منذ مساء الامس وأنا غائب عن المنبر الحر لتفاصيل
تخص الخميس وتوابعه جئت هذا المساء لاري مافي الجديد
من اخبار الخ تربعت ووجدت هذا البوست . المريسه وماادراك
ماالمريسه اتمني ان تواصل بذات الشفافيه التي عرفتك بها
ولااعتقدبأن هناك من سيمنعك من هذه السياحه داخل الاندايات
ومراكز الاشعاع الثقافي كما عبرت انت .
لاذلت أحتفظ بخطابك المرسل لي من ربك تصف لي فيه الحال البطال
قلت لي فيه كتحديد أكثر بأن الحال اصبح (اسوأ من مريسة تامزين)
وهي أردأ ما صادفتنا من أنواع .
سأعمل بوصيتك غير أني محتار كثيراً حول الجغرافيه الجديدة التي اصبحت
تتميز بها خيران امدرمان وبالاحري خور مرزوق هل سمعت ياصديقي بأن مرزوق
أضيفت للثورات بمعني . ياسر وصرح التور اصبحو بقدرة قادر من سكان
الثورة الحارة ستين .
ساذهب وسأعبي مايكفيني شر القتال والتأمل للتأقلم مع الواقع الجديد او
السودان النصف جديد واصل ياود ابكر واحكي عن الاندايات والمرايس وعرج قليلا
علي المويات .
Quote: اشتريت ثلاثة روايات للاديب الكينى الرائع انقوقى واثنقومقابل عبار مريسة ( الروايات هسع معاى والعاوزهم ببيعن ليهو وهن:the River Between, weep not Child , petals of Blood
|
انا مصدقك جداً بدون حلايف
| |
|
|
|
|
|
|
|
|
|
Re: العلاقة بين المريسة ... والكديسة (Re: خضر حسين خليل)
|
العلاقة بين الكديسة والمريسة..دي ذكرتني حسن ود حلتنا..
صاحبك مشي ((عشش فلاتة)) ضرب المريسة وجي راجع البيت..
فا كان بالي ليهو شراب في الجردل..
قومي يالكديسة نتطي جنب الجردل واتكومي فيهو..
حـسن مشي علي الجردل عشان يغسل الشراب..
دخل ايدك يا حسن وطلع الكديسة..
وعلي حسب المرسيه الفي الراسه مسك الكديسة ومصرها..لحدي ما ماتت..
فالخلبر دقه في الحله.. الوقت داك نحن صغار..فكنا كل ما نشوفو نقوليهو..
جناووووووووو....
يالها من ايام..!
فكان مرات يضحك.. ومرات يزعل ويدقنا..
فمن التصرفات دي سميناهو حسن جننيتر((المجنون))
.
.
| |
|
|
|
|
|
|
|
|
|
Re: العلاقة بين المريسة ... والكديسة (Re: خضر حسين خليل)
|
شكرا عزيزى خدر
العسلية والعهدة لفدادية فى الغالب الاعم بيشربوها الجزارين عشان حلتهم باللسان والضنب والذى منو, اما الكنجومورو, شراب حناكيش ساكت والارجح الفتيات للسمنة وكدة, ايام الشباب كنا ينشرب الكنجومورو قبل التمرين والكوتش ولا كتر خيرو يضعك فى التشكيلة
( كان الميدان اشبه بقعدة)
انت نسيت الابيض ضميرك ولا شنو؟ ولا النمرتو؟ ولا انت زول دكاى ساكت؟
| |
|
|
|
|
|
|
|
|
|
Re: العلاقة بين المريسة ... والكديسة (Re: محى الدين ابكر سليمان)
|
Quote: العسلية والعهدة لفدادية فى الغالب الاعم بيشربوها الجزارين عشان حلتهم باللسان والضنب والذى منو, اما الكنجومورو, شراب حناكيش ساكت والارجح الفتيات للسمنة وكدة, ايام الشباب كنا ينشرب الكنجومورو قبل التمرين والكوتش ولا كتر خيرو يضعك فى التشكيلة
( كان الميدان اشبه بقعدة)
انت نسيت الابيض ضميرك ولا شنو؟ ولا النمرتو؟ ولا انت زول دكاى ساكت؟ |
لكن يا محي الدين جاييكم لا محالة، ومن حسع ربي ليك جدي. الجراد خلي بقبضوا وانا في طريقي ليكم. وبالمناسبة أستفيد من التقنية العنكبوتية وأطبع لينا كذا وصفة مما تيسر لكم.
المهم يا حبيب، أركز علي الجدي ولازم يكون جديا ربيب ومصارع،لك الود
| |
|
|
|
|
|
|
|
|
|
Re: العلاقة بين المريسة ... والكديسة (Re: Abdulgadir Dongos)
|
حبابك عشرة يا دنقس والعتودشامخ زى ابوالهول, وكان للمريسة, نزلنا البيرق من هسع بس انت ركز على الجراد شديد, والوصفةبتاعت الجراد كالاتى:
تشيل السكاكات والريش وتحمرو على طول زى السمك الصير, وحياتك فيهو جنس مزة.
زمان كان بحمروهو وتشيلو فى جيب البردلوبة( عراريق الشفع), وتقزقز زى التسالى(ارجو الا يتقزز احدالاخوة المتداخلين).
استعجل شوية عشان المريسة فارت!
| |
|
|
|
|
|
|
|
|
|
Re: العلاقة بين المريسة ... والكديسة (Re: sumah)
|
شكرا لمرورك اللطيف, لقد افصحت فاوجزت فابنت
والتيمة القلتها دى تعبير قوى لامتنان الناس للفداديةجالبة الفرح والعافية, الله يديهن طولت العمر وينصر امامنا على الويسكى والجن والمحن الجاية من وراء البحار
امين يا رب العالمين.
النا ان نعشم فى الاستزادة من علمكم؟
| |
|
|
|
|
|
|
|
|
|
Re: العلاقة بين المريسة ... والكديسة (Re: محى الدين ابكر سليمان)
|
أخي محي الدين أبكر سليمان
أحسب أن المريسة هي من المنكر وربما من عمل الشيطان أيضاً ومع ذلك أجد أن نفعها في بعض الأمصار أكبر من ضررها الأمر الذي أفتي معه علماء سلطاننا قائد ثورة الإنقاذ بجواز تعاطي المريسة ومعاقرتها ما بقيت تمثل جزء من التراث والثقافة الغذائية عند كثير من قبائل السودان بشرط أن تخلو من المواد الحافظة ، وهي من انواع الأغذية التي يتميز بها الشعب السوداني وله فيها حق المعرفة الفنية بل يحتفظ بأسرارها شأنها في ذلك شأن الآبري والشربوت.
من فوائد المريسة في زمان غابر أن بائعها يرتزق من ما يتقاضاه من دراهم وأنه بالضرورة يبيع المشك أو ما يتبقي من المريسة بعد تصفيتها إلى بتاعين اللبن الذين يقومون بعد أن يشربوا عبار إثر آخر بتغذية بهيمة الأنعام بالمشك ومن ثم نشرب بطريقة غير مباشرة المريسة من خلال لبن شاي الصباح ، كما أن العسس يقومون في صباح يوم الجمعة بعمليات دهم وهمية يقودها الرقيب شرطه عبد الله حسب الله ويقومون بالإستيلاء على براميل المريسة وتهديد أصحاب الإندايات بالسجن وما يلبثوا أن يساموا القوم فيطلق سراح النسوة وتعاد أوانيهم في ذات الكومر إلى أندياتهم. أجمل ما في قعدات المريسة أنها تكافح إلى حد ما الحمي المخية الشوكية فعادة ما يكون الناس في قيلولة المريسة ومن ثم يبتعدون عن حرارة شمس صيفنا الغائظة في الطرقات فتخلوا الشوارع حيث أن القعدة في تلك الأوكار قد تتجاوز الثمانية ساعات.
أما علاقة ذلكم المشروب المكنى بالمريسه مع الكديسة والتي هي قط ذو شنبات هو السجع في لغة العرب فالمريسه والكديسه والهريسه كلها تنتهي عند راية الكورنر – عفواً – بحروف متشابهة.
| |
|
|
|
|
|
|
|
|
|
Re: العلاقة بين المريسة ... والكديسة (Re: محى الدين ابكر سليمان)
|
ود ابكر
تعرف ياصديقي كنت انوي يالكتابه عن الدكاي ومشروب روحي
اخر نسميه في الشمال بال النبيت ولاادري العلاقه بينه وبين
النبيذ المهم الدكاي ده طبعا لديه نفس فوائد المريسه من
الناحيه الصحيه مقوي للجسم ميزته انو (مابتفك بسهوله)
اما النبيت فيكون دائما في الشتاء . قديما كانت النساء
تشارك في اعداد الدكاي مااستغرب له انو في النوبه لاذالت
هذه الطقوس تمارس عيانا بيانا رغم شعارات دوله المشروع
الحضاري والاغرب هو خلو المنطقه من بائعي الخمور البلديه
بمعني لكل حسب حاجته دي مطبقه عندينا بشكل جميل
سنواصل
| |
|
|
|
|
|
|
|
|
|
Re: العلاقة بين المريسة ... والكديسة (Re: محى الدين ابكر سليمان)
|
محى الدين
حديثك عن المريسة جعل العديد من الاشياء تقفذ الى مركز الصدارة فى ذهنى ولارابط بينها الا الزكريات والانبساطة
مرة ضبطت والدى ملتبساً بجرم الضحك وهو يقراء فى اوراق لدية , فعاينتةليهو قلتة ليهو فى شنو يابة ... قال لى والله دة زو ل غريب وكان يتكلم عن الطيب محمد الطيب الاذاعى اللامع والذى لة عدة برامج فى التلفزيون والاذاعة
ويواصل ابى الزول دة بيكتب حسب الجو , مع اشتداد الهوجة الاسلامية كتب كتاباً عن المسيد كفلكلور والاجواء داخل المسيد وكدة .. وقبل هذا بسنوات كتب كتاباً عن الانداية والطقوس داخل الانداية ومناخها الفلكلورى
امسك دى
قالو فى واحدة بنتها اتزوجت فيوم الصبحية رسلت ولد صغير مع الوصية التالية
أميى ( وليست أٌمى ) قال كى ( يعنى قالت كدة )
انتة كان مااكلتة برتل بتاع هنا جراد دة وشربتة دُلن ( أناء يُعباء بالمريسة ) هنامريسة دة , هو بغبن ( اى تزعل )
بى المناسبة توقفت كثيراً عند النقط الفارغة هكذا ..... والموضوعة فى اول الحكى
سئل قومى مرة: اى الاشياء تحبون؟
قالوا: ندورو( اى نحب) المريسة, وال......ولحم متل لحم الكديسة
حاولت ان اكمل النقاط الفارغة ,,,ضحكت من خباثة الاحتمال الذى وضعتة فى ذهنى ,,, لازم يكون هو
وجعل الله ايامكم افراحاً
| |
|
|
|
|
|
|
|
|
|
Re: العلاقة بين المريسة ... والكديسة (Re: راشد يحى مدلل)
|
العزيز راشد
ما وددت الاسترسال فى موضوع المريسة خوفا من ان يطالنى حد الخمر فى القاهرة, لكن هاك الاتنين ديل:
الاولى ايام كنت طالبا فى جامعة الجزيرة وكان صندوق دعم الطلاب قد دشن قراره بالغاء السكن والاعاشة ولم يدع لنا خيار سوى التشرد, سكنت فى راس الشيطان فى مارنجان ( قبل ما يكسرو عبدالوهاب حاكم الاقليم الاوسط), تصور كانت لنا جارة طيبة ترسل لينا اخر كل يوم دراسى دلنق مريسة وطبق من الجراد الطازج, وكفتنا بذلك جزاها الله خيرا شر الجوع والقريفة حتى قضى الله امرا كان مفعولا.( اهلنا بشبهو الاكلة الطاعمة براس الجرادة والما مقتنع يدوق)
الثانية :
عزمنى صديق لعرس اخوهووحاول استدراجى للحضور بان قال لى: انحنا من عاداتنا فى العرس نعمل البقو( اى المريسة) براميل براميل, قلت مالو اعزم الشلة معاى وليكن يومنا ممراسا, تصور , ولدواعى امنية تحول البقو لنشا, اى والله نشا, قال اية؟ ناس الشرطة الشعبية واقفين برة وممكن يبوظو الربة؟؟
الكلمة الناقصة ياها الفى بالك , لكن حافظ على القافية (بعربى الفاشر).
وحياتك لو عندك كتاب الطيب محمد الطيب سلفنى ليهوعشان نتكلم فى هذا الموضوع بمرجعية (حلوة دى؟)
| |
|
|
|
|
|
|
|
|
|
Re: العلاقة بين المريسة ... والكديسة (Re: محى الدين ابكر سليمان)
|
شكرا سيد محي الدين أبكر،
| Quote: العرس نعمل البقو( اى المريسة) براميل براميل, قلت مالو اعزم الشلة معاى وليكن يومنا ممراسا, تصور , ولدواعى امنية تحول البقو لنشا, اى والله نشا, قال اية؟ ناس الشرطة الشعبية واقفين برة وممكن يبوظو الربة؟؟ |
لكن ما شذوا ناس الأمن، ولدواعي أمنية كمان أتتهم أم أربعة وأربعين. أها وبعد النشا ما كان تدوها كم قزازة من الشديد القوي وتواصلوا المقيل؛
| |
|
|
|
|
|
|
|
|
|
Re: العلاقة بين المريسة ... والكديسة (Re: محى الدين ابكر سليمان)
|
الأخ/ ود أبكر
سياحة .. ثملة ومترعة .. بين خمائل الإندايات
وإيقاعات عباراتها الموزونة ...
ما أدهشني .. ولقلة إندهاشي ... هذا الالتصاق
الوفي بين الإندايات ومرتاديها ...
كثر من شعراء بلادي الفحول .. كتبوا أروع شعرهم
داخل الإنداية .. ما بين مزة وكرعة وغمزة .. وهمسة
| |
|
|
|
|
|
|
|
|
|
Re: العلاقة بين المريسة ... والكديسة (Re: محى الدين ابكر سليمان)
|
| Quote: وحياتكم وما طالبنى حليفة, فى احدى الاندايات , اشتريت ثلاثة روايات للاديب الكينى الرائع انقوقى واثنقومقابل عبار مريسة ( الروايات هسع معاى والعاوزهم ببيعن ليهو وهن:the River Between, weep not Child , petals of Blood |
شكرا لدعاية أستاذ محي الدين،
شايف تخصصكم مريسة بس، ما فييها عسلية ولا كنجومورو (تعبت عشان أكتبها ليك). أما بخصوص الروايات عندي ليك بربوزيشن، قزازة ريمي وسكس باك، رايك شنو؟
| |
|
|
|
|
|
|
|
|
|
Re: العلاقة بين المريسة ... والكديسة (Re: domdom)
|
الاخوة sumah,domdom
,وبقية الندامى والمتداخلين
ثمل حتى اخمص قدمى(بعد شوية حيشيلونى فىقفة من حكاويكم الحلوة دى)
فى البداية كنت اخشى ان ينط لى واحد من اياهم ويحل دمى, لكن بعد مداخلاتكم دى الموضوع جد جد عاوز اضاءة من كل انحاء السودان الغالى, يا ريت تواصلو حديثكم الزى الدقةدة(والدقة لمن لا يعلم زبدة المريسة) واتحفونا بحكاوى الانادى وطرائف عشاق العيش البودر الكرميش, وليكن شعارنا:
فلنجعل من الشبكة العنكبوتية اكبر اندايةفى التاريخ المعاصر (لو استاذ بكرى رضى)
واصلو من فضلكم
| |
|
|
|
|
|
|
|
|
 Re: العلاقة بين المريسة ... والكديسة (Re: محى الدين ابكر سليمان)
|
اعزائى
كنا انذاك تلامذة بمدرسة جنوب دارفور المتوسطة
وكان التعليم فى الزمان مجانا.. عديل كدة تصدقوا الكلام دة..
وكان اهلنا ناس الضهارى اكثر الناس اهتماما بارسال ابنائهم للدراسة لمواصلة تعليمهم بمدينة نيالا.. حاضرة المنطقة.. بالرغم من ضيق ذات اليد عند الكثيرين إلا ان التعليم واجب..
ذلك الزمان لم تكن هناك اغنية تقول.. انو العلم ممحوق.. وكتر الفهم مابحوق.. اخر الزمن ياناس ودوا الولد للسوق..
كما قلت كان التعليم فى الزمان مجانا عديل كدة تصدقوا..
ولم تكن هناك اى رسوم بل كانت هناك وجبات مجانية وهو ما يعرف في ذلك الزمان بالعون الغذائى.. جبنة رومى.. ساردين.. فاصوليا وبسلة خضرا..
كل ذلك مطبوخ بالسمن النباتى المعتبر ولا ننسى ان اللبن الحليب كان على قدر ما تستطيع اشرب ..
All You Can Drink
الا انة وبالرغم من كل ذلك الزخم الطعامى..
الذي كان يتفنن فى طبخة عمى البنى.. اشهر طباخ في المدينة.. ولدية مطعم شهير يعمل ليلا فقط..
ويشتهر بالنيفا..
فقد كان يعمل بالصباح في بوفية المدرسة الذى يقدم وجبة الافطار المجانية..
للعلم ذلك الزمان لم يعرف الافطار الجماعى.. كان..... نواصل غدا.
| |
|
|
|
|
|
|
|
|
|
Re: العلاقة بين المريسة ... والكديسة (Re: sumah)
|
ياســــــــلام يا شباب والله انتوا ناس حلوين هسع البورد ده لو خلوه
مريسه وعبار وكنجمورو وشربوت دكاي وعسليه سـاااااكت مالوا
ما ده السودان ودي ثقافتنا وكنا بنعيش في سلام ومحبه. كلامكم حلو عل
ناقصكم واحد نتمو ليكم ابو التاء فيصل عثمان الحسن. داك مصر الكديسه
هو عنده صاحبه كان بمصر الكلب ؟ دي حكايه حقيقيه .حلو الكلام في خشم
سيدو
وينك ابو التاء الناس ديل منتظرنك
سلام للحلوين
| |
|
|
|
|
|
|
|
|
|
Re: العلاقة بين المريسة ... والكديسة (Re: Abdulgadir Dongos)
|
الاحباء المتداخلين
ازعم ان الانداية هى افضل منتدى لمناقشة قضايا البلد الخلافية المستعصية ( انا جادى!) , لا تقولو لى مشاكوس ولا نيفاشا, طف اندايات السودان وستجد انو كل انداية تحمل سمات المكان وطبيعة ناسه, اتحدى من يقول انه دخل انداية فى اى مكان من المليون ميل وسلم على الحضور, ولم تتسابق الكؤوس والدعوات الطيبات حتى ولو كان غريبا ديار واهل ( هيبة واحترام الفدادية منقطعة النظير, ولا الجنرال سيمبويا ذاتو), لن تشهد عراكا ولا يصك اضانك سباب ( ولا مساومات!), تلقى كل السودانيين باشكالهم والوانهم, الطيبة وصفاء النفس رغم سؤ الحال والكشة المحتملة , الدوباى ما يديك الدرب, النم خلى ساكت, ثراء المخيلة الشعبية بالحكاوى والقصص النادرة, والله ما عندى شك انو انداية واحدة اخير من الف مركز ثقافى ودار حزب.
اندايات تصلح ما افسدته "المشاكسة والمنافشة الكينية" (لو وافقتو عليها كملتقيات جامعة, مانعة للخلاف فى الشاْن السودانى) :
ديم بكر –القضارف
كوستى- حى كادوقلى
خور جهنم-ربك
حى كريمة-الابيض
طيب الذكر راس الشيطان- مدنى( الله لا كسبك دنيا واخرة يا الكسرتو)
حى مانديلا-مايو الخرطوم
حى ابوجا-غرب امدرمان.
(ولوفى اقتراحات اخرى...يكون كويس)
| |
|
|
|
|
|
|
|
|
 Re: العلاقة بين المريسة ... والكديسة (Re: محى الدين ابكر سليمان)
|
الأحباب الأفاضل تحياتي واحترامي لكم جميعاً
لا أفقه كثيراً في هذه المسميات التي ورد ذكرها والتي تعتبر كما أشرتم لتراث لمناطق معينة في السودان .
ولكن حديثكم هذا ينصب في الترويج لهذه المسكرات اية كانت وهذه في حد ذاته نوع من التعدي الصريح على الديانة الإسلامية وأنا هنا لا أشك مطلقاً في حسن النوايا ولكن ان يفرد لها كل هذا الحيز والقفشات التي كان يمكن أن تكون من وراء ستار فهنا أعتبرها نوعاً من التعدي على حرمات المسلمين من ذكر اسم من اسماء الخمر وهو المريسة لانها مسكرة وتذهب بالعقل فكل ما يذهب بالعقل فهو مسكر وهو حرام شرعاً
أخي بكري هل هنالك أية مادة تنص على نشر المحرمات في البورد أرجو الإجابة ولا نقول حرية شخصية أو غيرها من المسميات العصرية ؟؟؟؟؟؟؟؟؟؟ واذا كانت هنالك مادة للحذف او لفت النظر فلتفعل هنا وباسرع ما يمكن
اتمنى للجميع الهداية والصلاح وان يجمعنا في جنات عدن
| |
|
|
|
|
|
|
|
|
|
Re: العلاقة بين المريسة ... والكديسة (Re: ebrahim_ali)
|
الاخ ابراهيم على
شكرا جزيلا على ملاحظاتك ولكن....دعنى اوضح بعض الامور
اولها:هذه المسكرات موجودة قبل ظهور الاديان نفسها, ولا يمكن لاحد الغائها لمجردانها تتنافى مع معتقده "الشخصى" لانه لم ارى اى استفتاء ( فى هذا المنبر على الاقل), نصب احدا كحامى لحمى الاسلام.
اننا ياسيدى لم ناْت امرا اْدا حتى نتوارى خجلا ونهمس به فى اذان بعضنا البعض, وعدم معرفتك ببعض المفردات الواردة فى البوست يعنى ان المشروع الحضارى التاصيلى قد بث سمومه فى جسد ثقافتنا الشعبيةوغيب منها كل جميل واصيل فيها.
استعداء امين المنبر لا يخيفنى طالما لم اخرج عن حدود اللياقة والذوق, وافهم حدود حريتى فى التعبير جيدا.
اشكرك مجددا "خصوصا على الدعوة بالهداي".
ولنا عودة
| |
|
|
|
|
|
|
|
|
|
Re: العلاقة بين المريسة ... والكديسة (Re: محى الدين ابكر سليمان)
|
| Quote: والله يامحسى يا خوى دايرين نواصل,لكن خايفين الكشة تفرتق"قعدتنا دى" اصلو حكامنا زى العربجية |
لكن يا محي الدين يا أخوي في داعي لأساءة العربجية؟ والله العظيم القدموه العربجية لبلدهم أنبل مما قدمه السياسيون كلهم ودون استثناء. ياخ أنا شفتهم في أمبدة أبلوا بلاء حسن في جلب المويه لكثير من البشر، ويتقاضوا ملاليم مقارنة بالجهد المبذول.
| |
|
|
|
|
|
|
|
|
|
Re: العلاقة بين المريسة ... والكديسة (Re: محى الدين ابكر سليمان)
|
Quote: ديم بكر –القضارف
كوستى- حى كادوقلى
خور جهنم-ربك
حى كريمة-الابيض
طيب الذكر راس الشيطان- مدنى( الله لا كسبك دنيا واخرة يا الكسرتو)
حى مانديلا-مايو الخرطوم
حى ابوجا-غرب امدرمان. |
خبير الاندايات الدولى
محى الدين
انت طفت كل البقاع والاقاليم دى لتفقد احوال مرتاديها و مقارنة جودة المنتجات و لا بالسمع بس؟؟
| Quote: طيب الذكر راس الشيطان- مدنى( الله لا كسبك دنيا واخرة يا الكسرتو) |
يا حليلو ياخى، تدخلوا فى راسك شياطين تمرق رايق و مستكين
لكن لاحظت لبعض التسميات :جهنم، راس الشيطان
زمن ما استمتعت بكتابه زى دى، واصلوا و معاكم جنابو فيصل ، رغم انو ما بشرب لكن سمعنا تحت تحت انو كان بحول كومر الكشه المحمل بالبراميل لبيوت الاخوان ويقسم عليهم.
واصلوا
| |
|
|
|
|
|
|
|
|
|
Re: العلاقة بين المريسة ... والكديسة (Re: esam gabralla)
|
عصام يا خوى طالمابقى عندنا ضهر(جنابو فيصل)
نقول ليك الحقيقةوبقلب قوى
طفتهن كلهن من ايام العبار بطرادة, ورطل السكر بخمسين قرش,الزمن داك الدنياكانت ديمقراطية, ماها...وكان ظهرت فلهمة جديدة, مريسة بالسكر.
هناك اتنين راس شيطان, واحدفى مدنى, ودة كسرو مجاهدحكم الاقليم الاوسط اسمو عبدالوهاب عبدالرؤوف" ناس مدنى عندهم ليهو لقب لو قلتو بفصلونى من المنبر". والتانى فى امبدة , ودة لى فيهو قصة لو وكتك بيسمح:الزمن كان امتحانات(احتفظ باسم الجامعة), اها مشيت مع واحدقال داير مريسة عشان يذاكر كويس,فى الشارع البطلعك من راس الشيطان للثورة ح22,مسكونا اتنين بتاعين شرطة شعبية, ويومها كان جمعة,والامة مجتمعة, جماعتك ادونا محاضرة عن فعلتنا الشنيعة وقالو ارحكم تنجلدو 80 سوط, بعد مسافة وصلنا لاتفاق ياخدو الف جنيه ويفكونا, بقينا فى اليفك لينا باغتنا, تخبل وصلت الرشوة لخمسة الف جنيه وقامو بتامينا لغاية البيت(واحد من الشلة متطرف شوية قال مريسةفى حمايةشرطة شعبية احسن منهايعيد السنة)
| |
|
|
|
|
|
|
|
|
|
Re: العلاقة بين المريسة ... والكديسة (Re: محى الدين ابكر سليمان)
|
العزيز محي الدين ، عامر يا أصيل.
لكن الليلة مالك بقيت لي زي أصحاب المشروع الماحضاري، أقول ليك جديا ربيب ومصارع، تقول لي عتود وكمان شامخ. ؟
حاولت أبلعها ليك، لكن اتدلدمت ووقفت لي في الحلق لامن خلتني أتذكر ليك صلاح دولار. أخبارو شنو ياخ الراجل ده، آخر مرة سمعت أنو طالب لجوء في بلاد الفرنجة ؟
أهل المشروع الماحضاري قالوا جوا ينقذوا السودان، ولو لا هم كان الدولار بقي بي عشرين لحلوح، لحلوح ينطح لحلوح، أها عليك الله دي ما زي قصة عتوتك الشامخ؟ لاكين بيني بينك عتوتك أشمخ.
لكن في وصفك للجراد وتوضيبه ما تقول لي، أوعي يكون عندك ليهو سكاكين سوخار؟
عندي ليك بعض الاستسفسارات، في كم دلن في الكنتوش؟
ودمت يا حبوبة.
| |
|
|
|
|
|
|
|
|
|
Re: العلاقة بين المريسة ... والكديسة (Re: Abdulgadir Dongos)
|
العزيز دنقس
حقيقة ما فهمت الجدى الربيب ومصارع, لكن قلت لنفسى الجدى دة ما ياهو العتود, وزولا باين عليهو مراسى زى حالاتنا لازم يمز جراد ويضرب العتود, لكن طلع المعنى ما ياهوويمكن المشروع برضو اثر فينا خلا فهمنا ميكانيكى, لا ديالكتيكى!اصلو المريسة الايام دى بقت take away
لكن بالدلنق والكنتوش انت جد لخبطنى,الكنتوش دة هو الزير الكبير البشيل المريسة بعد ما يصفوها ويطلعو المشك(زى مخزن), البرمة دى هى البعبرومنها( وبنجضو فيهاالمريسة) بواسطة التبساى ومنها طوالى للدلنق...ولحلقومى بالهنا والشفا!
انت بعد دة احسبهافى كم تبساى فى الدلنق, وكم دلنق فى البرمة, وكم برمة فى الكنتوش.
ناس صلاح دورار ديل ياخوى كابسين على نفسناوما بهاجرو, لكن بكون عاوز ينجما شوية ويشتغل فى الين, اصلو التايوانى غرق البلد.
ودمت
| |
|
|
|
|
|
|
|
|
|
Re: العلاقة بين المريسة ... والكديسة (Re: محى الدين ابكر سليمان)
|
ود ابكر
كتبت مداخله طويله بالامس
لظروف تتعلق بالجهاز الذي استخدمه أكتشفت بأن الماده
لم تنزل في واطات البوست .
أحزنني جدا وساءني مداخلة الاخ ابراهيم علي والذي يعتقد بأننا
هنا تاجرنا في الحرام واللاذي منو .
ومابين هذا وذاك استلف من بيت الصادق الرضي هذا المقطع
الذهاب الي الشراب أجمل من الشراب
يرددها الكثيرون من المراسه والمثقفين وبعد أن يشتعل الرأس خمراً
يرددون
سكرانين والسكره طينه
وعرقي العيش سواها فينا
لاقوني اتنين عساكر
قبضوني وماكنت فاهم
جا الشاويش وأنا ليهو شاكر
قال فكوه وجيبوهو باكر
الاغنينه طبعا قبل التحريفيه
المحسي هل تزكر بقيه المقاطع
عزيزي ابراهيم علي
لاأري اي غضاضه في ماده هذا البوست بل اعتبره من صميم ثقافتنا الشعبيه
الشعوب وثقافاتها لاتتلغي بجرة قلم او بتوقيف من منبر ودونك اسلحة المشروع
الحضاري كلها اثبتت فشلها يقيني أن المشروع الحضاري بث سمومه علي شعبنا
كله ويبقي المحك فيمن يصمدون وينظفون انفسهم من هذه اللوثه.
ود ابكر واصل يامراسي
| |
|
|
|
|
|
|
|
|
|
Re: العلاقة بين المريسة ... والكديسة (Re: خضر حسين خليل)
|
والله يا خدر بالاغنية المحرفة دى ذكرتنى ايام حبيبة للنفس مع البروف ود المبارك والنعمان وشمبول(شمبول دة مراسى من طراز فريد وطقوسى جدا, لامن يكتح ويمسح شنبو,ما تسمع منو الا شعر حميد والقدال).
بخصوص الاخ ابراهيم هو عبر عن وجهة نظروا ونحترمها جدا, لكن لو الخرطوم بقت عاصمة قومية, اقصد علمانية, بفتح لى انداية سياحى (يعنى حغير الutensils بتاعة المريسةواخليها معولمة) والوقت داك الماعاجبو يشوف ليهو غراب يجزو.
خالص الحب
| |
|
|
|
|
|
|
|
|
|
الكديسة (Re: محى الدين ابكر سليمان)
|
اولا اسجل اعتراضى لانحياز الكل لطرف واحد من ثنائية العنوان
وهو طرف المريسة اين موقع الكديسة ولماذ التهميش
في العلاقة بين الكديسة والمريسة
اهم واشج قرب وصله
انهم الاتنين من اصل نوبي
| |
|
|
|
|
|
|
|
|
|
Re: الكديسة (Re: mohmmed said ahmed)
|
شكرا لمرورك
واعتراضك مقبول بدون شك
لكن الجماعة ديل مادجنو كدايس الخلا وكديس الحلة ما بتاكل, اصلو قالو حرام,فى الكمب كان لو عندك كديس خلا , تمشى لامن تقدل, وطاعم جنس طعم, كان مشوى كان محمر.
وقصة الاصل النوبى دى انا كمان مقتنع انو كلو اصيل,نوبى!
| |
|
|
|
|
|
|
|
|
|
Re: العلاقة بين المريسة ... والكديسة (Re: خضر حسين خليل)
|
ياسلام الراجل ده مالو داير يعكر لينا المريسه دي ؟؟؟؟
ذكرتونا ايام زمان يا حليل ناس فك الجزر وابو تفه وابو كلنقه لمن
كانوا بجوا بالحمير جارين يرميل المريسه ااااااخ
من الناس ديل فاتوا البلد بقت ما ياها
امشي اهدي ناسك البقتلوا وبسرقوا باسم الدين يوماتي ... نحن خلينا
للعبار ده
| |
|
|
|
|
|
|
|
|
|
Re: العلاقة بين المريسة ... والكديسة (Re: محى الدين ابكر سليمان)
|
الأخ العزيز محي الدين وضيوفه..
ســـلام وتحية..
لي 3 يوم من ما شفتا البوست ده.. ولفت نظري العنوان ودخلت عشان اشوف العلاقة بين المريسة والكديسة شنو.. لقيتكم وديتونا في حكاوي حلوة بجد.. وعالم نسمع عنه ولا نراه.. وترددت كثيرا قبل كتابة تعليقي.. ليس خشية من راي البعض الذي قد يرى مجرد دخول فتاة في مثل هذا الكلام "مصيبة".. بل خوفا من ان تبدو كلماتي مسطحة بعيدة عن الرتم الماشي بيهو البوست..
ودي من اكتر ما لفتني:
الاحباء المتداخلين
ازعم ان الانداية هى افضل منتدى لمناقشة قضايا البلد الخلافية المستعصية (انا جادى!), لا تقولو لى مشاكوس ولا نيفاشا, طف اندايات السودان وستجد انو كل انداية تحمل سمات المكان وطبيعة ناسه, اتحدى من يقول انه دخل انداية فى اى مكان من المليون ميل وسلم على الحضور, ولم تتسابق الكؤوس والدعوات الطيبات حتى ولو كان غريبا ديار واهل (هيبة واحترام الفدادية منقطعة النظير, ولا الجنرال سيمبويا ذاتو), لن تشهد عراكا ولا يصك اضانك سباب ( ولا مساومات!), تلقى كل السودانيين باشكالهم والوانهم, الطيبة وصفاء النفس رغم سؤ الحال والكشة المحتملة, الدوباى ما يديك الدرب, النم خلى ساكت, ثراء المخيلة الشعبية بالحكاوى والقصص النادرة, والله ما عندى شك انو انداية واحدة اخير من الف مركز ثقافى ودار حزب.
اندايات تصلح ما افسدته "المشاكسة والمنافشة الكينية" (لو وافقتو عليها كملتقيات جامعة, مانعة للخلاف فى الشاْن السودانى) :
ولسة منتظرة أعرف العلاقة شنو بين المريسة والكديسة..
تحياتي
| |
|
|
|
|
|
|
|
|
|
Re: العلاقة بين المريسة ... والكديسة (Re: Raja)
|
الحبيبة الصدوقة رجاء،
نعم صدق الأخ خضر هكذا السودان بساطة وسلاسة في الحياة، فأسهل شئ في السودان الأنتماء للغير وبراك عارفه ان ركبتي القطر من الخرطوم لامن تصلي حلفا تبقوا زي القرايب. هكذا حدث لي في بداية ثمانينات القرن المنصرم. كانت لدينا رحلة الي القاهرة، فشاركنا رجل غرفة القطار حيث الموية سليقة بس. والله يا رجاء أتذكرت موية القطر داك لامن عطشت، المهم سمحنا للرجل الجلوس معنا. فهو من ناس أبو حمد ، والي أن نصل لأبوحمد مرت ثلاث ليالي ويمكن أربعة لأن القطر ركبته أتكسرت بعد شندي بقليل. فالركبة وما أدراك ما الركبة سرحت علينا ليلة كاملة الي أن رأينا العطشقية جايين بي عربيتهم ديك أتنين قدام وأتنين ورا، المهم صلحوا الركبة.
الراجل هادئ وكل زوق، اتشاركنا كل شئ، ولمن وصلنا أوحمد حلف الراجل بالتقطعوا الا ننزل. تعلق بنا وتعلقنا به، المهم يا ستي نزلنا معاه مجازفين بمواعيد القطر.أكرمنا الرجل بتلقائية تعكس النبيل من أنواع الحب للأنسان.المهم تلك كانت أولي تجاربي التي زادت من أنتمائي الي هذا الوطن القارة.
شكرا علي مرورك علي انداية محي الدين وزي ما شايفة ما في أية حاجة غريبة في الأنداية عن الحياة اليومية في أنحاء السودان لولا الوهم وسيئي الظن. ودمت عزيزتي.
| |
|
|
|
|
|
|
|
|
|
Re: العلاقة بين المريسة ... والكديسة (Re: sumah)
|
الاحبة الاعزاء
dongos
domdom
somah
raja
عماد شمت
خدورى
ودالشيخ
وبقية الاصدقاء
اعتذر عن الغياب القسرى من اندايتكم العامرة.
العزيز دنقس, العربجية ليهم فضل على شخصيا, بعد ان سقونا من ظماْ, يكفى انهم اتاحوا لنا من فضل ظهرهم مركبا, فى زمن كانت " ليلى علوى" مطية اللصوص وسماسرة الدين, المقارنة انو انحنا امة جلدها حكامها بداْب من مطلع الثمانينيات(سيبك من هامش ديمقراطية ابريل), ياخى بعض العربجية هسع بيعملو للحمير"لمؤاخذة ما قاصدالتشبيه لذاته"كشكوش بدل السوط, معاك حق المقارنة ظالمة!
domdom
ياخوى الحلوف دة فى بعض الجهات اسمو الكدروك, قالو فى واحد ركبتو حمى التاصيل مشى يوعظ بعض اهلنا الطيبين" هو عاوز يدخلهم الاسلام عديل كدة", قبل ما يقول بسم الله قال ليهم الرقيص رجال ونسوان حرام! الجماعة سكتو, قال ليهم المريسة دى زاتها رجس من عمل الشيطان فاحذروه,المساكين نقنقو تحت تحت, فرح الراجل وبدايعد الحسنات المنتظراهو, فجر اخر قنبلة وقال ليهم والله الكدروك دة اشد حرمة من الاتنين, جماعتك وقفو على حيلهم دايرين يمشو قبلما يحرم عليهم عيشتهم كلها, استدرك الخطا وقال ليهم لكن ممكن تاكلو الكدروك لو اضطررتم, فى واحد زعلان من البداية رد ليهو:
"انا كدروك دة من نشوفو, نضطر جنس اضطرار!!"
حاشية:
فى رحلة علمية جلب بعض الاصدقاء عدد اتنين كدروك صغير, ربيناهم فى بيت العزابة , بعد ما كبرو هديناهم لبعض الجيران فى مناسبة ما, ومن داك الحين ولغاية ما رحلنامن البيت,كانت المريسة تجرى فى المنزل انهارا.
الله يديم المحبة ويكتر العيش, كان قصابى كان فتريتة.
ودمتم
| |
|
|
|
|
|
|
|
|
|
Re: العلاقة بين المريسة ... والكديسة (Re: محى الدين ابكر سليمان)
|
قالوا اصلو علاق الكديسة بالمريسة إنو واحد كان مقيل
يومو في أنادي حمد النيل وهو راجع عتر ووقع وطرش أها
نام في حتتو ولمن جاتو صحية لقى كديسة ميته جنبو اها
قعد يفرز في الطراش ضنب النعجة ده اكلتو في الإنداية
والربيت من عشوشة لكن يا ربي الكديس ده اكلتو وين
| |
|
|
|
|
|
|
|
|
|
Re: العلاقة بين المريسة ... والكديسة (Re: محى الدين ابكر سليمان)
|
اعزائى
كنا انذاك تلامذة بمدرسة جنوب دارفور المتوسطة
وكان التعليم فى الزمان مجانا.. عديل كدة تصدقوا الكلام دة..
وكان اهلنا ناس الضهارى اكثر الناس اهتماما بارسال ابنائهم للدراسة لمواصلة تعليمهم بمدينة نيالا.. حاضرة المنطقة.. بالرغم من ضيق ذات اليد عند الكثيرين إلا ان التعليم واجب..
ذلك الزمان لم تكن هناك اغنية تقول.. انو العلم ممحوق.. وكتر الفهم مابحوق.. اخر الزمن ياناس ودوا الولد للسوق..
كما قلت كان التعليم فى الزمان مجانا عديل كدة تصدقوا..
ولم تكن هناك اى رسوم بل كانت هناك وجبات مجانية وهو ما يعرف في ذلك الزمان بالعون الغذائى.. جبنة رومى.. ساردين.. فاصوليا وبسلة خضرا..
كل ذلك مطبوخ بالسمن النباتى المعتبر ولا ننسى ان اللبن الحليب كان على قدر ما تستطيع اشرب ..
All You Can Drink
الا انة وبالرغم من كل ذلك الزخم الطعامى..
الذي كان يتفنن فى طبخة عمى البنى.. اشهر طباخ في المدينة.. ولدية مطعم شهير يعمل ليلا فقط..
ويشتهر بالنيفا..
فقد كان يعمل بالصباح في بوفية المدرسة الذى يقدم وجبة الافطار المجانية..
للعلم ذلك الزمان لم يعرف الافطار الجماعى.. كان.. كان.....كان ذلك يوما مختلف على غير العادة دخل لفصلنا في الحصة الاولى استاذ ابوبكر سلامة استاذ اللغة العربية ليفاجئنا بانة ولاسباب ترتبط بسفره لمدينة الفاشرذلك اليوم..
فقد تم ابدال لتحل محل حصة الرياضيات والتى كانت لاستاذ جديد عهد بالمدرسة.. وبالمنطقة.. وبيئتها الثقافية...
مرت حصتى العربى لنكون بعدها في فسحة الفطور.. والتى كالعادة يذهب عندها كل التلاميذ للبيوت لتناول وجبة الافطار.. ما عدا قلة تذهب لبوفية المدرسة لاكل شاندوتشات الساردين والجبنة الرومي الجميع يذهبون للحلة للفطور بالرغم من ان الاكل ببوفية المدرسة كان مجانا هل تصدقون ذلك اخوتى ان الفطور كان وجبة دسمة مجانية بالاضافة للبن..
| |
|
|
|
|
|
|
|
|
|
Re: العلاقة بين المريسة ... والكديسة (Re: sumah)
|
أنا خشيت البوست ده و سكرت بالريحة بس، شكلكم كلكم بتاعين شربة و قعدات و كده، بس أعملوا حسابكم ما إجيكم سعادة العميد إكشكم، و نبقى فى ولاهى يا جنابو أنا كنت بجامل و أخدت لى شريط بس و حاجات ذى دى
قالوا فى واحد ريحتوا تعمل قعدة ركب بص الثورة بالوادى من ميدان الشهداء ماشى الكبجاب، قام الظاهر نام فى البص، فجاهوا الكمسارى لكزوا و قال ليهو: يا أخونا إنت نازل الدومة? قام قاليهو لا يا معلم، نازل التومة
| |
|
|
|
|
|
|
|
|
|
Re: العلاقة بين المريسة ... والكديسة (Re: محى الدين ابكر سليمان)
|
من اظرف ما اتذكره عن ايام ممارستي للمريسة
و قد كنت اهوي الانادي
و اصاحب الشيخات
ست الانداية كان مركز و لفبها ( الشيخة )
انني ذهبت الي صديقي و زميلي (ق ) عندما كنا
بالجامعة و عندما {ايت الانداية أم بيرقو اعتقد انها
كانت تقع في الجهة الجنوبية الشرقي من رفاعة
و لم نجد بها بقو و لا كجو مورو و لا عسلية
وجدنا فقط دقة و مريسة
و لم اجد التبش و لا الموليتة و لا النيف
رتبت اناداية رفاعة من الدرجة التالتة
و تذكرت قصة العربي الذي اتي للعزاء في اب سن
و قد كان حزينا علي شيخ قبيلته اشد الحزن
و قد قيل ان العربي الشكري لما مر بالانداية
ووجدها عامرة بالرواد
كشح المريسة و قال قولته
ود اب اسن متحدر و انتو خاتين السكر
و قد قيل انه اي العربي قام بتفريق الجمع
أها العربي مشي بيت البكا
و هاك يا ردحي بالجمل و السيف
أخويا ابويا
اها العربي انتهي من الردحي مشي اخد ليهو نومه
قام من نومو قال يمشي اهلو
لقي الجماعة ضبحو جملو
اها العربي زعل بالحيل مشي عديل علي الانداية زهجان للطيش
الجماعة من وشوا عرفوه زول كبة
اهل الجماعة جابو ايهو المسحة ( كاس استقبال مجاني)
للضواقة العربي شفط المسحة اها العربي قام سأل اقرب واحد
قال ليهو اسمك منو العربي زول الانداية قال لييهو
اسمي عوض الكريم لكن الجماعة بيقولو لي الهامل
زول الجمل المضبوح
قال ليهو أحسن ليك هملتك دي يا ولدي
القصة دي في راسي قلت امش اكب لي عبار دقة
بالله دقيقة واحدة بس الكشة جات
بعدين الكشة دي جات مش لانو المريسة ممنوعة في بداية الثمانينان
لكن لانو الجماعة كانو قاعد يلعبو ( ملوص )
و د نوع من القمار الخاص بالانادي
المهم انا و صديقي علي الكومر
المهم كما ذكرت صديقي (ق) اسمو في المريسة او غيرها
شفتا من نظرة عيونو انني ورطتو
المهم الضابط طلع ولد جدع قال ليهو انتا يا ( ق )
ما بتسكر الجابك الانداية شنو
قام صديق قال ليهو انو عندنا بحث بتاع انثربولجي
و كان لازم نزور الانداية الضابط قال ليهو طيب صاحبك ده فيهو ريحة مريسة
انا قلت للضابط انو عندنا في علم الاجتماع اننا لازم نعمل Direct observation
و لازمتني تسمية الDirect observation لفترة في حياتي
ايضا يا ود الشيخ زولك الطرش ده يما يكون شارب مريسة بي عرقي يما عرقي
لانو المريسة ما بتطرش و خاصة الواحد لو اكل فيها
الا زولا ما عندو علاقة بيها
| |
|
|
|
|
|
|
|
|
|
Re: العلاقة بين المريسة ... والكديسة (Re: domdom)
|
الاعزاء
ٍSomah
Domdom
Unbomber
جيدا جيتو
الونسة فى البوست بقت حلوة بلحيل ومنتظرين المزيد.
ايام الريال السعودى كان مالى عقالو, الولد سافر السعودية وهاك يا تحويلات للوالد, وعمنا كان مراسى كريم ككل المراسة, الولد يحول القروش وبدورها تتحول لعزومات مريسة ونيفةوعتود, اصحاب الولد قالو ليهو يطريقة ابوك دى ما بتعرس, جيبو السعودية يحج بيت الله ويعقل ويبنى ليك البيت, الولد استحسن الفكرة وجاب الاب للحج واتم المناسك واقسم انو الله تاب عليهو ومافى شيطان يقدر يهزو, رجع السودان والراس تقيل واللمة الحلوة فرتقت,بعد معاناة سال امام الحلة: لو قعدت فى الانداية ساكت كدة فوقو ظنب(ذنب), قال ليهو لا,الصباح بدرى مشى للشلة ورحبو بيهو ايما ترحيب,قعد والجماعة خجلانين يدو الحاج دة كاس ولا شنو ما عارفين, والراجل الدمعة ترقرق من فراق الحبيبة, فى النهاية قالو ليهو كدة غمس اصبعك وضوقهاالله ما بحاسبك, فعلا غمس اصبعو وضاقها, لقاها يا ها زاته المابغباها: مسك الجردل باياديه الاتنين وخاطب المريسة: هع الغبيشة انتى لسة فى حلاتكى.
العزيز Domdom
المراسة هم ابعد الناس من الامراض الاجتماعية والنفسية ودى حقيقة ما بيعرفوها الا هم.
الله يديم المحبة ويجازى اللى كان السبب.
| |
|
|
|
|
|
|
|
|
|
Re: العلاقة بين المريسة ... والكديسة (Re: محى الدين ابكر سليمان)
|
تعرف قصة الرجل المشي الحج ده ذكرتني
قصة حصلت لي قبل فترة
طبعا اخوك و الحمد لله تاب توبة نصوحة
اها قبل فترة في عيد ضحية اخوك ضبط شية جمر
مرارة و بطني وقفت قربة
طبعا بعد الدقن الجماعة لمو فيني
طبعا انتا تبتا و حجيت نديك كاس
قلت ليهم لا
قالو لي شمها
قلت ليهم اكان شكبتها ما الرماد كال حماد
بيني بينك و الله كنتا عايز لي فيها شمة بت العفته
برضو كان عندي صاحبي شديد مهندس في مشروع قريب من الخرطوم
و كان المعسكر بتاعهم علي بعد حوالي 80 كيلو جنوب الخرطوم
يوم الخميس كنا نركب نمشي ليهو محملين بالحلة
و طبعا كالعادة تكون مخروقه عجالي
نظبط الحلة المندكلة من عصر بدري
نصلي العشاء و بعد العشاء مافي اختشاء
اها كان بيصلي بينا مهندس خريج مصر
المهندس الامام كان راجل ظريف و بالرغم من ما شاء الله
التي ظل يكررها دوما لكني لاحظت انو بركز علي الكاس لمن يريل
اها مرة مدينا ليهو المزة لم ليك فبنا ما شاء الله تبارك الله
اها قمت مديت ليك ليهو الكاس عليك امان الله الداهي كباهو
جرعة واحد رغم انو تماري ( تمر ) بنكهة القريب
اها اخونا المهندس سيد البيت قام ليك عليهو
ياخي وكت انتا بتشرب مالك فاقعنا
التانية حصلت عام 1985 بعد مقتل الاستاذ محمود محمد طه
لم فينا واحد جمهوري اسع شايفو اقرب للكيزان في عرس
في منطقة سنار و هاك يا نقاش
قلنا ليهو يا زول دي ما حقلة نقاش نحن عايزين
ندن بي العود
الحجل في الرجل يا الافندي سوقني معاك
الليل الليل ما بنومو
انا حارس نجومو
يا هواي هواي انا يا ضناي الليلة
مرت الايام كالخيال احلام
المهم زولك اصر علي النقاش واحد زهج منو مد ليك ليهو الكاس و الله زولك كتحو كلو
بعد داك قلنا ليهم ياما تغني معانا يما نقطم منك التموين
الهندي ابو جضوم ده جاني عندو شغل مع السلامة القاكم بكرة
| |
|
|
|
|
|
|
|
|
|
Re: العلاقة بين المريسة ... والكديسة (Re: domdom)
|
العزيز Domdom
تقبل الله توبتك وحجتك
لكن ياخوى بعد الشية والمرارة دى
كان غمست ايدك فيها ساكت مالو؟ انا والله زعلت وخايف من هذا المصير.
اما الجماعة البكتحو وداسنها عندى ليك واحدة:
رمضان 99 عزمنا واحد فطور اطراف امدرمان, الضرا ريحتو من البقو تجيب الرايح, صلينا المغرب " يصراحة ما متاكد انو القراهو الامام دة كان قران خالص ", بعد التحيات الزكيات والسلام, الامام التفت لمضيفى قائلا: فلانة ديك عندها بقنيةسمحة خلاص جيبو لصحبانك ديل قبال ما يمشو!!.
ولنا عودة
| |
|
|
|
|
|
|
|
|
|
Re: العلاقة بين المريسة ... والكديسة (Re: محى الدين ابكر سليمان)
|
صدقت والله يا محي الدين، شنب ترهاقا ده شنب مريسة بس.
يا ترهاقا مالك والدكاي المر المسكر، بي شنبك ده جرب ليك عبارين مريسة وأغمس شنبك لا من يروي وبعد داك خت الكورية أم قعر واطه وكفكف يدين الجلابية ومد أصبعك السبابه وأركز بوعك في الشنب وأنت مادي صباعك وشوية شوية أمسح الشنب لا من تصل السبابه. لمن تصل السبابه ، أمسك طرف الشنب وأبرم برمتين تلاته وبعد داك خلي ياخد وضعوا الطبيعي. برضو كرر نفس الحركة بالشمال، والله متعة ما بعدها متعة. تعرف في مره واحد صديق عزيز وهو مراسي، أها يوم حسب الفي راسو قال لي يا دنقس ياخ ما تسلفني شنبك ده أشرب بيهو كذا عبار. أها أنا أحترت مع الراجل وقمت سألته قام أداني ليك الوصفه العجيبه دي، وانا بدوري بهديها ليك. لكم الود
| |
|
|
|
|
|
|
|
|
|
Re: العلاقة بين المريسة ... والكديسة (Re: محى الدين ابكر سليمان)
|
اعزائى
كنا انذاك تلامذة بمدرسة جنوب دارفور المتوسطة
وكان التعليم فى الزمان مجانا.. عديل كدة تصدقوا الكلام دة..
وكان اهلنا ناس الضهارى اكثر الناس اهتماما بارسال ابنائهم للدراسة لمواصلة تعليمهم بمدينة نيالا.. حاضرة المنطقة.. بالرغم من ضيق ذات اليد عند الكثيرين إلا ان التعليم واجب..
ذلك الزمان لم تكن هناك اغنية تقول.. انو العلم ممحوق.. وكتر الفهم مابحوق.. اخر الزمن ياناس ودوا الولد للسوق..
كما قلت كان التعليم فى الزمان مجانا عديل كدة تصدقوا..
ولم تكن هناك اى رسوم بل كانت هناك وجبات مجانية وهو ما يعرف في ذلك الزمان بالعون الغذائى.. جبنة رومى.. ساردين.. فاصوليا وبسلة خضرا..
كل ذلك مطبوخ بالسمن النباتى المعتبر ولا ننسى ان اللبن الحليب كان على قدر ما تستطيع اشرب ..
All You Can Drink
الا انة وبالرغم من كل ذلك الزخم الطعامى..
الذي كان يتفنن فى طبخة عمى البنى.. اشهر طباخ في المدينة.. ولدية مطعم شهير يعمل ليلا فقط..
ويشتهر بالنيفا..
فقد كان يعمل بالصباح في بوفية المدرسة الذى يقدم وجبة الافطار المجانية..
للعلم ذلك الزمان لم يعرف الافطار الجماعى.. كان.. كان.....كان ذلك يوما مختلف على غير العادة دخل لفصلنا في الحصة الاولى استاذ ابوبكر سلامة استاذ اللغة العربية ليفاجئنا بانة ولاسباب ترتبط بسفره لمدينة الفاشرذلك اليوم..
فقد تم ابدال لتحل محل حصة الرياضيات والتى كانت لاستاذ جديد عهد بالمدرسة.. وبالمنطقة.. وبيئتها الثقافية...
مرت حصتى العربى لنكون بعدها في فسحة الفطور.. والتى كالعادة يذهب عندها كل التلاميذ للبيوت لتناول وجبة الافطار.. ما عدا قلة تذهب لبوفية المدرسة لاكل شاندوتشات الساردين والجبنة الرومي الجميع يذهبون للحلة للفطور بالرغم من ان الاكل ببوفية المدرسة كان مجانا هل تصدقون ذلك اخوتى ان الفطور كان وجبة دسمة مجانية بالاضافة للبن..وبدات الحصة الثالثة بعد الفطور.. ودخل علينا الاستاذ الجديد..
استاذ الرياضيات بانقا.. والفصل.. وكالعادة بعد الفطور رائحتة تلم النسور ...
يتلفت يمنة ويسرى.. يفتح خياشيمة.. ويشد صدرة للامام.. متنى.. ثلاث.. ورباع.. وبصوت عميق هادر صدر من اعماقة المندهشة.. الشارب خمرة في الفصل دة يطلع لي برة.. هنا.. يطلع لي برة .. هنا.. واشار صوب السبورة ..
وكررها متنى... ثلاث.. ورباع.. وبصوت هادر.. صرخ.. انتو.. يا بجم الشارب خمرة في الفصل دة يطلع لي برة.. هنا.. وللمرة الاخيرة..
والا سوف اجلد الفصل كلو.. احسن تطلواالشارب خمرة في الفصل دة... يطلع لي برة هنا..
ولكن لا حياة لمن تنادى.. وتقدم خطوة للامام صائحا.. انا اعرف كيف اكتشف الشارب خمرة في الفصل دة.. واطلعوا بره هنا.. واوريهو نجوم عز النهار ..
وخطى خطوة الى باب وهو يهمهم متوعدا.. وصرخ عم ادم.. عم ادم.. اقطع لى اربعين مطرق من النيمة الكبيرة... الليلة يا انا.. ياهم.. السكارى..الحيارى..
ملاحظة... ذلك الزمان الفصل يضم عشرين تلميذا فقط... عشرين ليس الا 20------
كان.....وبدات حملة الاستاذ التفتيشية لمعرفة من تفوح منه رائحة الخمر.
وبدا من الكنبه الاولي.. قول اه.. خليك واقف.. قول اه.. خليك واقف.. وقول اه ..انت اقعد..
حتى وصل الى صديقى دقومه..
وكان مليان دقه سمسم.. ولم يحتمل الاه.. وطلع كل المستخبى على قميص الاستاذ.. الذي جفل راجعا لكن للاسف بعد فوات الاوان .
وكانت فرصة اختلط فبها الحابل بالنابل وجري كمال للناظر بشير.. الذي تحرك بسرعة كبير ه ومعه كل طاقم الاستاذة الاجلاء لاحتواء الموقف .
وبدا الناظر في عمل تحقيق سريع عرف فيه من الاستاذ الجديد انه دخل الفصل ووجدة غرقان برائحة الخمر.. وانو دة ما مستوى طلبة دة..
بداء الناظر في تهديئة المعلم المهتاج وشرح لة ان التلاميذ في هذا الفصل من احسن التلاميذ بالمدرسة...
وان كل ما حدث ان هو الا سوء تفاهم.. فالطلبة لم يقصدوا شيئا بعدم اقرارهم بمن هو شارب الخمر.. لعدم معرفتهم لمعنى الكلمة.. وعدم استعمالهم لها..
واذا كان سوالة من منكم فطر اليوم بال بقو لرد عليه الجميع بالايجاب..
ولكنة سال عن الخمر.. وحاشا للة.. في كل هذة المدرسة ما فيش اى زول يتعاطى الخمر الا استاذ الزبير مدرس اللغة الانجليزية..
والذى يتشبة بالخواجات.. وقد شاهدة الكثيرين داخل او خارج من بار الخواجة مماكوس ومعةعمر مدرس التربية الاسلامية ولكن.. ولكن ارتبط اسم الخمر بالزبير ولم يرتبط بعمر للطيبة وحسن النية عند الجميع ولارتباط اسم عمر بمادة الدين وارتباط اسم الزبير بلانجليزى الذى يدرسة ولباسة للبنطلون والقميص على الدوام فعرف بالخواجة كارب صليبو ...ولكن عمر والذي دائما ما يرتدى الجلباب و العمامة ويساعدها بالشال خاصة عند زيارة البار لمذيدا من التخفي وانتحال الشخصية وياما تحت السواهى دواهى....... نواصل......
| |
|
|
|
|
|
|
|
|
|
Re: العلاقة بين المريسة ... والكديسة (Re: sumah)
|
العزيز ٍSumah
المريسة فى المدارس ليها نكهه تانى
فى المدرسةالمتوسطة كان عندنا فريق اسمو السوباط, ولانو دايما طيش الدورى,سموهوالso bad, المرحوم مرفعين كان جناح شمال, وانا كنت الباك الشمال للفريق, مرفعين قال لينا انو المسالة لياقة بس, قلنا اذن دقة صباحا وكنجومورو عصرا, وهاك يا انتصارات, ولدهشة الجميع , احتل الفريق المركز الثانى ( دة بعد ما كسرورجل المايسترو). " طبعا كنا حريفين, نمضغ ورق شجرة الليمون قبل ما نجى المدرسة"
| |
|
|
|
|
|
|
|
|
|
Re: العلاقة بين المريسة ... والكديسة (Re: محى الدين ابكر سليمان)
|
دمدوم
اذيك ياخي
نحن مش اتفقنا انو المساله دي غذاء وعلاج أنا انتظر مشورتك
حول (الرز) انشاء الله في البريد بتاعي لو خايف الريحه تطق
أنا ومعي اخوة خيرين طيبي السيره والسريره بدانا بالفعل
في التحضير وتقف الموارد الوطنيه عائقاً في عمليه التصنيع
تخيل رافعين شعار (العوده للجزور)
في أحدي القري النائيه بالمنطقه الشماليه ازكر جيدا أحد
شيوخ القريه وواحد من اهل الراي زي مابقولو اهلنا
في عمر جدي تقريباً كان يدعونا دائما بأنو نجيب ليهو
واحد (شبي) ودي معناها كبايه طويله بتاعت دكاي
اازكر انو في مرة من المرات حدث خلاف في قعدة من القعدات
انتهي الخلاف بانو في مجموعة قامت بحرق (الراكوبة) (الكري)
البجتمعو فيها الشباب بالنهارات .
المهم المشكلة بقت كبيرة وجابت ناس اللجنه الشعبية وبدأت اللجنه
عملها في تقصي الحقائق ابتداءً من البلح جابو من منو والناس
الشربو في الليله ديك منو . وهكذا الي ان جابو اسم هذا الجد
في القائمه .
واصدرت اللجنه قرارها بالاتي
جلد كل المتورطين وكل من زكر اسمه
حينها وقف هذا الجد علي عكازه وقال ياناس اللجنه هو كان دقيتوني
ولا خليتوني انا الدكاي ده ماحأخليهو لانو البتاع ده دواء بالنسبه لي
حينها ضحك افراد اللجنة وقامو بتنفيذ توصياتهم علي الشباب فقط .
لهذا الجد الوقور عبارين من قعدتكم الجميله دي
| |
|
|
|
|
|
|
|
|
|
Re: العلاقة بين المريسة ... والكديسة (Re: خضر حسين خليل)
|
ها خضوري
اقصد خضر حسين
اها ما قلت ليك تبتا جد جد
المهم الضرس بتاور
انا عديل كده ما بقولها ليك
لكن اللبيب بالاشاره يفهم
طيب كليو رز
جركانه متوسطة
يعني زي بتاعة موية زمزم البي عشرة ريال
كب الرز في الجركانه
سخن الموية كويس
ضيف المويه السخنة في الجركانه
كب فيها مقدار معلقة كبيرة (...........)
اها عرفتها و لا ما عرفتها
هوي انا خفت تكب ليك خميرة الشي ما ها خميرة
الخميرة توديك الاخرة
الشي حلاوة ..................
اكان عرفتها و بتعرفها شكيتك علي الله
ذنبنا لي الركب
ضيف المعلقة و طبعا ما تنسي النفس
ما تنساه يا البوم
بعد داك شوفعا بعد يومين
و تعال ويني الحاصل
| |
|
|
|
|
|
|
|
|
|
Re: العلاقة بين المريسة ... والكديسة (Re: محى الدين ابكر سليمان)
|
عزيزى محى الدين ابكر
تحياتى واشواقى الحارة
استمتعت بموضوع المريسة والكديسة وبجد هيجت الزكريات وبعد ماتنتهى من توصيف المنتجات عايزك تخش على الحياة الاجتماعية التى تسود عالم الانداية ورغم طرافة الطرح وروح العابة التى سادت المداخلات الا ان للموضوع اهمية وتاريخ الاناية هو تاريخ للعلاقات الاجتماعية السودانية الى حد ما وبحكم صغر السن فانت تكتب عن مرحلة مابعد العصر الزاهى للانداية كمؤسسة اجتماعية وصدق انه المجتمع السودانى كان يزدرى القهاوى اكثر من الانداية والكلمة تحمل معناها ( منتدى)
ولم ارى فى حياتى اكرم من اهل الجو وهو الاسم الحركى للانداية
وعن المنتج ماتشوف التعتيم الحاصل فى موضوع الانداية باما ارتادوها ناس ليهم وزنهم الاجتماعى والاقتصادى وصدق السياسى كمان وكان هنالك من يخشى التواجد فيها لكنة ينتسب بطريقة او اخرى لانه فيها خدمات توصيل للمنازل ويس خلينى يومين تلاته واوافيك ببعض التفاصيل ولحين داك اسمع دى
كان بعض الادباء فى خالة انس فى حى راقى بالخرطوم عندما كان القعاد مباح ودار الحديث عن طيبة الزكر المريسة فاصرت صبية كان ضمن الحضور وحلفت يراس ابوها لازم تضوق المريسة
فنبرى الجميع لتلبية طلب الكونتيسة وكانت بنت احد الكبار ونطلقت المرسيدسات لتلبية طلب الاميرة
ولان المعدة رهبفة لم تحتمل الصبية (جقمة ) فكان الدوار
صور احدهم الحالة فقال
فديتك ابنة الحاكم ادا امرت تشق الليل مرسيدس
وان ضحكت ترن الدنيا موسيقى
اما عن المواقع التاريخية فى كوستى فقد نسيت اهم المرابع
الكمبو
الرديف
وزندية
شكرا ومزيد من التفاصيل
| |
|
|
|
|
|
|
|
|
|
Re: العلاقة بين المريسة ... والكديسة (Re: حسن النور محمد)
|
العم حسن
تحياتى لك ولافراد الاسرة جميعا
حقيقة نحن محظوظين بوجودك معنا فى اندايتنا التى وبدون شك حتكون عامرة بوجودك, ولمعرفتى الجيدة بحسك التاريخى وقدرتك على التوثيق, نرجو الا تحرمنا من طرائف الاندايات فى العهدالذهبى خصوصا وكما قلت, ان سنى ربما لا تسمح لى بالاحاطة بذلك المجد الباهى.
ولك الود
| |
|
|
|
|
|
|
|
|
|
Re: العلاقة بين المريسة ... والكديسة (Re: حسن النور محمد)
|
اخي الكريم
عشت في منطقة التقت فيها ثلاثة مجموعات قبيلة وهي النفيدية والبساطاب والحلاوين , وجمع الثلاث يحب المريسة , ولكن كلمة اندايه غير موجودة عند اهلي البساطاب يطلقون علي هذا المكان الجو, ولهم مللوج جميل يتغنون به
يامنادي للمراسه الحاج القائد راسه
فلان اخونا الظابط وقت يلقي ام زبدا رابط رشرش عيونو يخابط
فلان يا صغير القمة وقت يلقي شراب بالتمة صقرا نزل في الرمة
فلان يا ابوجبهة نزازا وقت يلقي شراب بي لزازا نيلا قلعلو حرازا
الحلاوين لايعشون دون المريسة , وللمريسه قلاع كبيرة في منطقة غرب الجزيرة اهما الفرع والفاشر
حتي عندما قامت المدن الكبيرة بفعل مشروع امتداد المناقل , نمت دور المريسه معها ,فمثال مدينة العزازي كان اهل الهوي يغنون لها
عزازي ربك مريسة وتنبك ودلوكة مع العصير تتهبك
وليتني اعرف مصطلح الجو , ارجو منك ان تفيدي اذا قرات في اي مكان هذا الاسم الجو
| |
|
|
|
|
|
|
|
|
|
Re: العلاقة بين المريسة ... والكديسة (Re: محى الدين ابكر سليمان)
|
ودابكر ياجميل عبارك سمح وكبير وليهو ضل
تعرف انو الخليفة التعايشى مرة كان دعا الى مجلسة اعيان البلد للتفاكر حول كيفية مجابهة جيش الانجليز وعند ما بدا يطرح لهم عن كيف المساهمة والمشاركة لم يجد مساندة جيدة وبدا كل واحد يتملص لانهم اصلا كان عندهم راى فى الخليفة نفسة الخليفة لمن شاف انو النقاش معاهم لن ياتى بنتيجة قام ومسك ام كيكى وبدا ينشد قائلا
انا الخليفة
شراب المريسة
انا الكتلت الخواجة
العيونو زى الكديسة
والخليفة كان يقصد ان يقول لهم بان السودان هو الذى لابد ان تكون لة الاولوية خصوصا عند ما بدا الاعيان فى الاعتذار وبدا كل واحد منهم بى المفاخرة عن اصلة وفصلة
وعرف الخليفة بان الاعيان كانو يريدون ان يثارو منة لانة ليس لة الحق فى الحكم وهم موجودون لانهم هم الاشراف والاجدر بالحكم لجنسهم ولعرقهم الا ان الخليفة كان يعرف ما يدخرونة لة من حقد وشر وعدم تفهم الى ماهى الوطنية
هذا ما ورد عن المريسة والكديسة والعندو كدسة تانى بيعرفا يقولا عشان نقدر نربط بين المريسة والكديسة
ود ابكر كن دائما مراسى وقطس شنبك كلو فى العبار
شكرا لك
| |
|
|
|
|
|
|
|
|
|
Re: العلاقة بين المريسة ... والكديسة (Re: محى الدين ابكر سليمان)
|
علي جامع الغسال...والبغو....
اشتهر علي جامع بانة صاحب اظب مكوة... وكان عساكر اشلاق البوليس القريب من موقع محلة بقولوا عليها مكوى سيف.. تلك التى تجعل بنطلون الاستاك بورت يقف شامخا .
وقد كان عساكر البوليس في ذلك الزمان.. حديثى عهد بالبنطلون فقد كانوا يلبسون الشورت ..وهو ما يعرف عندنا بالرداء.
وكان الرداء لية شنة ورنة وليس اقل من البنطلون باى حال من الاحوال وكان مغنى المدينة الشهير.. دولي سليمان.. الحلاق.. عندما تسخن الحفلة يجار باغنيتة الشهيرة.. والتى عندها يختلط الحابل بالنابل.. ويتساوى عندها لابس البنطلون مع لابس الشورت ولاتنتهى الاغنية الا بنهاية الحفل.. وتقطيع الاوتار... اوتار العود... وتقول كلمات الاغنية.. والتى ايقاعها من ايقاع الروك.. وتعرف ر قصتها في الزمان بالتوستى.. تقول كلمات الاغنية... بالبنطلون يازول... بالردى يازول... ايوبة ذوقو كدة.. ايوبة متيتى...مما يعنى الرفاهية والصحة والعافية لبنى وطنى .
ونواصل ....
| |
|
|
|
|
|
|
|
|
|
Re: العلاقة بين المريسة ... والكديسة (Re: sumah)
|
الاعزاء سيف
النسر
sumah
وكل الفوق
اعتذر بشدة لهذا الغياب القسرى واعدكم بالجديدمن حكاوى الانادى والمراسة
الاخ سيف
"الجو" وكما ذكر العم حسن يطلق فى بعض مناطق النيل الابيض احيانالانداية يقال نمشى الجو
والله اعلم
ولى عودة سريعا
| |
|
|
|
|
|
|
|
|
|
Re: العلاقة بين المريسة ... والكديسة (Re: محى الدين ابكر سليمان)
|
عزيزى محى الدين
تحياتى
ارى حماسك قد فتر
واصل الحكى عن عالم الانداية العجيب ومنهج السرد
مثلا حدثنا عم مادا ياكلون وكيف؟
ولنبتدى ( بعبد الجليل) وليكن فى كرتله
تعجبنى طريقتهم فى التوضيب فهى تتم فى لمحة البصر
او عن ديك وهم ينادونه (احمر عينه ) ما بين (الكاك) والحلة ثوانى غير معدودة
والغريبة هم لايحبون الصلص اهو وعى صحى اكسبتهم اياه التجربة؟
ومهم جدا الحديث عن الجليسات
احاول العثور على ورقة فى علم الاجتماع تناولت الانداية بطريقة علمية جادة وتطرقت لابدء الدعارة الرسمية فى السودان حيث كلف مفتش المركز الانجليزى سيدة اسمها( بت بيلا )
لتتهعد بتوريد البنات للجنود الانجليز وبدات نشاطها بجلب عدد من البنات الاثيوبيات بعد ان فشلت فى استقطاب جليسات الانداية وبعد شوية تسودنت المهنة كمل تسودنت الوظائف الحكومية
ثم حدثنا عن العداء التاريخى بين الانداية والبار والدايسيس التى صحبت المعركة الضارية التى نشبت بينهم
الموضوع غنى وان صحبته بعض الحساسيات
| |
|
|
|
|
|
|
|
|
|
Re: العلاقة بين المريسة ... والكديسة (Re: حسن النور محمد)
|
Quote: اما عن المواقع التاريخية فى كوستى فقد نسيت اهم المرابع
الكمبو
الرديف
وزندية |
الاعزاء محي الدين و حسن النور و الجميع لكم التحايا و السلام الكثير و تشكر يا محي الدين لانك أحييت فينا هذه العلاقات الاجتماعية العظيمة... فكما قال حسن النور ... ان موضوعك هذا فيه تأريخ أمه بحالها و ما المريسة الا واحدة من مكونات و مدلولات ذلكم الزمن الذي لما يمض بعد... و الف تحية مجددا لك يا محي الدين.
| |
|
|
|
|
|
|
|
|
|
Re: العلاقة بين المريسة ... والكديسة (Re: محى الدين ابكر سليمان)
|
يامرااحب بدري الياس
كنت علي يقين بأنك ستزور (اندايتناالاكترونية ) هذه
نرحب بك وبمن يشبهونك من طيبي السيرة والسريرة
مايحيرني هو ( زوغان) ود ابكر عموما ياصديقي
اتمني ان يكون المانع (سامي) حينها صدقني
سندلق ماتبقي في الجرادل في رؤوسناونأتي للتهاني ,
دمدوم مالك مسجل غياب
الباقين شايفكم صنيتو يعني
| |
|
|
|
|
|
|
|
|
|
Re: العلاقة بين المريسة ... والكديسة (Re: خضر حسين خليل)
|
الاصدقاء الاعزاء
العم حسن
ما تجود به بين الفينة والاخرى هو لعمرى ما عجزت عنه وانا اتناول موضوع المريسة( خليك من الكديسة, دى عاوزة بوست براهو), نعم للموضوع حساسيات, ولكن الا تتفق معى عم حسن اننا كسودانيين بقينا بنفتش للحساسيات دى فى خشم البقرة؟ "يعنى رايحة لينا عديل كدة"
واصل عم حسن ولنا الجراْة فى القول والفعل ولم تغلظ مشاعرنا بعد حتى نتعرض لايا كان باساءة او تجريح ودونك تاريخ الانداية العطر( احد الذين اغتالت عقولهم احداث الجزيرة ابا يدعى"حنديبو", بالمناسبة الزول دة مراسى عذب الهترشة, لاذع النقد, قيل انه ذهب لكوستى حى 27 وصلى الجمعة هناك, , قرا عليهم الامام بعض السور الخفيفة التى تصف الجنة ونعيمها, الجمعة التى تليها ذهب لجامع الكون فى الجزيرة ابا , هناك, امطرهم الامام بوابل من الوعيد: الحطمة وما ادراك ما الحطمة, سيصلى سعيرا...الخ, قطع حنديبو الصلاة وذهب لاندايات ربك فى خور جهنم محبطا وهو يبرطم: ناس كوستى قرانهم حلو وحياتهم حلوة, ناس ابا قسو الدين على الناس, الله قسى عليهم الدنيا ). عم حسن, حنديبو كان اكثر حكمة من جعفر نميرى الذى اغتال اعز ما يملك الشعب السودانى , فلنجاريه فى هذه الحكمة ونتناول تاريخنا بالطف ما يكون . ( عن جليسات الانداية دة زمن ما حضرناهو محتاجين فيهو لاضاءة). الصراع بين الانداية والبار دة لازم يكون عمل حرب داحس والغبراء, الرجاء امتاعنا بتفاصيله
اخ برير
نشكرك على المرور ونرجو منك المساهمة فى هذا الشان " لو كنت ما مراسى, اكيد عندك فكرة عن هذا العالم الرائع" . عن العلاقات الاجتماعية العظيمة فى السودان , هى حية واشك فى قدرة اى معتوه على اجتثاثها, وحتى وقت قريب، لم يكن يهمنا سؤال الى اى القبائل ننتمى , وان سالنا, فالداعى هو ان نتعرف اكثر, لا ان نتعالى ونتقوقع, كنا نذهب لخالتنا ست الجيل وهى الشايقية القحة , دينكا, نوبة, غرابة( ديل قالو بقو عرب وزرقة, كيف, ما عارف) , محس, شوايقة, جعليين, وعيييك, تطعمنا وتاوينا من شر العسس والمخبرين وتدينا حق المواصلات وتوصى ابنها علينا وليس العكس, كمن وهبته حبا لهذا الوطن القوس قزح , مشكلتنا ان بعضنا لم يكتف بتسييس بالدين, بل جعل للقبائل الوانا سياسية , ولكن هيهات.
بدرى الياس
مرحب بيك واقعد فى اول بنبر, عبار بس, انت جيت مع سماية الولد والمريسة براميل براميل, بس ما عارف بتحب الجراد ولا لا.
عزيزى خدر
لم تكف عن تنبيهى اننا واحد و انشطرنا نصفين, فعلا, اخوك بقى اب, الزميل سامى وصل يوم الخميس. الليا دى انساها كيف بس يا خدر, لكن فى حتة كسرتها الحكومة فى محطة الكجم وانت ماشى ابو شريف فى كوستى اسمها القش " انت قريت فى كوستى القوز واكيد عارفها", القش دى ياها الزندية؟ " انا المجننى الناس ديل من ما الله ابتلانا بيهم, قاعدين يكسرو, دى طفولة متاخرة ولا شنو؟
العزيز نزار عشر
الدقة دى هى ذاتها البتودر الملاريا, تصدق انو لغاية هسع ما طعنونى حقنة ملاريا! بيشربوها فى العادة الصباح, خصوصا البنايين وناس المنطقة الصناعية وكل الناس الشغلهم تقيل اسال منها الصحابى الصادق.
| |
|
|
|
|
|
|
|
|
|
Re: العلاقة بين المريسة ... والكديسة (Re: محى الدين ابكر سليمان)
|
ود ابكر او ابو سامي في مقولة أخري
Quote: عزيزى خدر
لم تكف عن تنبيهى اننا واحد و انشطرنا نصفين, فعلا, اخوك بقى اب, الزميل سامى وصل يوم الخميس. الليا دى انساها كيف بس يا خدر, لكن فى حتة كسرتها الحكومة فى محطة الكجم وانت ماشى ابو شريف فى كوستى اسمها القش " انت قريت فى كوستى القوز واكيد عارفها", القش دى ياها الزندية؟ " انا المجننى الناس ديل من ما الله ابتلانا بيهم, قاعدين يكسرو, دى طفولة متاخرة ولا شنو؟
|
لصديق احمد غناء جميل والكلام (لحميد) راعي حبنا وهمنا الاول تجاه هذا البلد
يقول في مطلعها
القلب يشوف قبال العين
قبل اقابلك شفت وين
ربما هذا مايجعلني اتنبأ بخباراتك رغم الجغرافيا الطويله عريضه التي تفصلنا خليج ونيل بيننا ومساحات لاتنتهي من الحب تهانينا ياصديقي الاول بسامي والامنيات بأن يشب
هذا الزميل (معافي) من كل سوء في ظل ذاك الحب الذي كنت شاهداً عليه ذات تلاتين فدان كنا نظنها محررة من أرض الوطن .
(سامي) الذي أتاك كالحميمين من الاصدقاء وفي ذات توقيتهم (الخميس) وهم يتسربون عبر دروب ذقلونا وعموم الكلاكلات وامبده وبيت الشيطان ليقضو معك ومع بعضهم جزؤ من الجو المفقود . هذا الولد من طينه اؤلئك الجميلين همولا فينست البروف لؤي علي حجر الطير السلمتين اؤلئك الجميلين من طلاب/ت الاهلية . وهو بالطبع بعض مني .
لبني بلغها تحياتي وتهانيي الخالصة
ولسامي القلب كله وبعض من زكريات الايام الخوالي
الي جميع المراسه هنا
هنئو معي محي الدين ابكر بقدوم زميلنا سامي
خضر
| |
|
|
|
|
|
|
|
|
|
Re: العلاقة بين المريسة ... والكديسة (Re: محى الدين ابكر سليمان)
|
سلام عليكم
خدوري
الحكومة حقتي جات من السودان
لقو عندي وجع رقبة قالوا لي السبب
القعاد في الكمبيوتر
اصلو اخوك خواف شديد
يعني من النوع الما بخاف من شي الا الجماعة
اها قالوا لي لو لقيناك قاعد في الكمبيوتر ده
بنكسروا ليك
اها انا حق التذاكر علي التجهيزات كملت الفلوس
و بقي البستر الحال
لو قامت الحكومة بتاعتي كسرتو لي اشتري واحد من ويتن
اها اخوك قاعد يشتغل معاكم بالسرقة
دحين اعفوا لينا
حتي يتم وقف محاربة الكمبيوتر
يعني الشهر الجاي و غويشة سمينة
أخوك يطلقوا سراحة
خضر الرزية ( من الرز )
سويت فيع\ها شنو
| |
|
|
|
|
|
|
|
|
|
Re: العلاقة بين المريسة ... والكديسة (Re: محى الدين ابكر سليمان)
|
Quote: خضر الرزية ( من الرز )
سويت فيع\ها شنو |
والله يادمدوم أنا منتظرك تديني الوصفة لكن يبدو أنك (مذنوق)
وربنا يخدر ضراع المدام .
بالنسبة لمريستي تخيلو عملتها بس واجهتني مشكلة واحدة لا لقيت
بنابر ولا لقيت جرادل ولا لقيت (العبار) زاتو المهم شربتها بأعتبار
ماكان سابقا وبالهنا .
محي الدين السماية ياوغد
بالمناسبة القاهرة دي فيها سماية ؟
| |
|
|
|
|
|
|
|
|
|
Re: العلاقة بين المريسة ... والكديسة (Re: خضر حسين خليل)
|
الاعزاء
عدنا
الاخ دومدوم
كفانا الله شر الحكومات, العسكرية منها والديمقراطية, ياخى كلو تسلط, عندى حكومة ولسؤ حظى تقدمية جندرية, والله من مسح البلاط وغسيل العدة وغسيل الهدوم ضهرى امن زاتو!!!
الجاتك فى كمبيوترك سامحتك
خدورى
الولد جاء يوم الخميس
ما عارف قصدو شنو( رغم انى لست من ناس الخميس, زول جمعة ساااكت), يمكن جروهو اعمامو ناس خضر حسين وهمولة, وبقية الاصدقاء\ الاهل!
والجمعة دى قصتها معانا قصة
صلاح التور وانا
والناس فى بيت ال22 , منتظرين المدد, كم شريط لمصطفى, ( اذكر فيها حتى الان الاغنية المجننانى لمحمد ميرغنى, غريب, واغنية للعميرى, عاملة لى غرغرينة.....يا قمر!) مشينا مع صلاح للخالة سعدية فى مرزوق, بتسوى مريسة زى الشهد, ركبنا وانحنا راجعين, بكاسى الامتداد, صلاح قال مافى داعى للاوانى الما حضارية, الباغات, نشيلها فى حافظة الموية! لانى ريفى بسيط, قلت لنفسى اولاد المدينة دايما على حق, وشلناها.....
من قوة عينا, ختينا الحافظة فى نص البوكس, فجاة, وبعد محطتين, المريسة فارت, وكان معانا ناس ماشين يصلو فى ود نوباوى( اهلى وبعرفهم), تلبتا من البوكس, خليت صلاح يغالت احدهم , دى مريسة؟ لا دى بتاعه ساكت حتى تمكن من القفز... ووصل بالسلامة, لكن انا لازلت اعانى من شئ ما فى الضهر, تفتكر لو كان شلناها فى باغة زى ما قلت, كان جانى انزلاق غضروفى, ولا لو كان من اصلو لينا بصيص من الحرية فى ان نتغذى بمريسة او قرض, كان الواحد اضطر لان يتلب والبوكسى ماشى؟ لو كان فى واحد بس قال حرامى, كان مصيرنا حيكون شنو؟ا
| |
|
|
|
|
|
|
|
|
|
Re: العلاقة بين المريسة ... والكديسة (Re: محى الدين ابكر سليمان)
|
Quote: صلاح قال مافى داعى للاوانى الما حضارية, الباغات, نشيلها فى حافظة الموية! لانى ريفى بسيط, قلت لنفسى اولاد المدينة دايما على حق, وشلناها.....
|
اليسمعك كده ياصاحبي يقول صلاح من أولاد الخرطوم تلاتة لكن هل تصدق ياودأبكر ان مرزوق
بقت بقدرة محلية أمدرمان تابعة للثورات (الحارة ستين) شئ عجيب
بيت الاتنين وعشرين ياسلام ياود أبكر
بتزكر في مرة والممرات كثيرة أنو كنت مسافر للشمالية شهر (تسعة) المهم لقط قروش التزكرة من
جاي لي جاي وبدل ما امشي اركب البص مباشرة قلت ابيت في (22) وأمشي سوق ليبيا الصباح الحق البص
المشكلة أنو البيت ماكان بيخلو من الزوار قدر خلوه من المؤن والضروريات (امدادات ) زي ماقلت انت
المهم ياصاحبي بتزكر جينا داقشين البيت العجيب ده معاي (البروف) حوالي سبعه ونص مساء جايين من واجب علي ما أظن لقينا البيت كالعادة وكان في تحديدا اليوم داك حنفي كابو ومنعم وعلي مايبدو معتصم وعكرمة المصيبة انو قروش التزكرة تحولت بقدرة هؤلاء الي تفاصيل تلك الليلة وتاني يوم رجعنا للجامعة عاااادي ولكأن ماكنت ناوي السفر .
| |
|
|
|
|
|
|
|
|
|
Re: العلاقة بين المريسة ... والكديسة (Re: خضر حسين خليل)
|
صدقنى يا خدر
الخرتوم ياها الخرتوم
فيها بيت الرئيس, وحشم الرئيس, و......الرئيس( هو بطل رقيص مالو؟), يعنى زول ود ريف زيى كدة, وكتين يقول ليهو واحد بيخش قاعة الصداقة , بيحضر افلام هندية, و بيتمشى فى شارع النيل, وعندهم الموية ما بتقطع الا لماما, ا انو دة صاح, ودة ما بينفع, وما يصدقو! دة زول تصفوى , وابريق ساكت( التعبير دة شاع زمنا, وكنا نعتز ان لنا حلة فى النيل الابيض اسمها اباريق, يعنى ما ابريق واحد, " رغم انو اهلى فى الغرب كرهو الاباريق"), ياخى, ما عندنا مدينة ولا مدنية, عندنا الخرتوم, عاصمة علمانية, اسف, قومية, انت الحركة مالها ابت انو حلفائها, اسف, اقصد شركائها( معليش بقيت اغلط كتير) ما تتم محاكمتهم خارج السودان! فطايس عنبر جودة بقو بترول ولا لسة؟ قال محاسبة قال, ابقى سلم لى على الباتنجان!
حنديبو قال لينا مرة: تلاتة خافو منهم, نميرى, الله, والكهرباء ( الترتيب ليس من عندى), بقيت اخاف من تلاتة جدد: الرئيس, والنائب الاول للرئيس, و....الرئيس.
بيت الاتنين وعشرين
ياه ه ه
ايام لها .....
| |
|
|
|
|
|
|
|
|
|
Re: العلاقة بين المريسة ... والكديسة (Re: محى الدين ابكر سليمان)
|
أزيك ياصاحبي
المراسة ديل خلونا ننبش في الزكريات ( مشو وين ديل )
تعرفني جيداً بالأمس فقط أخرجت كل ذوادتي من (رسائل) الاصدقاء
أصحاب الغوايات والحالمين بالعدل وشروط الانسانية كلها .
كنت أرأ الرسائل واحد واحد اتيتم جميعا . من فينست
تخيل الرساله بتاعت فينست كانت وأنا معسكر في الحاج يوسف
للأمتحانات وكنا بنقدر نواصل بعضنا بشكل جيد وعلي الرغم من عدم
توفر ( البدائل الحديثة ) الان لا أستطيع أن أكتب له رسالة واحدة
قال لي فيها .
صديقي باخوس كيفك والقراية ( القراية ام دق ) وأشار الي حديث
( نقد ) والذي قال أن الكتابة أيضاً أم دق وقال في أخر الرسالة
بأنه يتمني ( أن لا يكون هناك ) الكثير من الخمر في المعسكر .
ضحكت لانني والمجموعة وعند أستلامي للرسالة كنا نلوك مع اللائكين
رسالة أخري نفضت غبار الجامعة عنها كانت منك .
ورد فيه مريسة تامزين كأردأ اتواع المريسة في وصف ساخر ولازع منك
للسياسة السودانية أنذاك المهتمة بالاحداث لا الافكار .
الغريبه أنو ( وصفك لاذال ساري المفعول ) .
مظفر النواب قال
المشرب ليس بعيداً
وأنت كما الاسفنج
تمتص جميع الحانات
ولا تسكر
دمدوم . . ياخي أنت وين المريسة ماشة في أتجاه سياسي (أنقذونا)
أعتزر للمفردة ( خارجونا ) من بيت البكا ده .
sumah ..
طولت يا والله
| |
|
|
|
|
|
|
|
|
|
Re: العلاقة بين المريسة ... والكديسة (Re: خضر حسين خليل)
|
ذكريات:
كان لاحد المدمنين لوجبة المريسة برنامج يومي ثابت يبدأ بالعمل
حتي آخر ساعات النهار ومن ثم يستلم الأجر اليومي متوجهاً للإنداية
لتناول وجبته الشهية وتبعاتها ويقفل عائداً مع أول الليل مترنحاً يشدو
يا عيش مدّفرني براي بَمش
شدوك (علي النار) طلعت الشمش
وصفّوك مغيبت الشمش
إلي أن يصل داره مع آخر الليل وتعود الكرة في الصباح الباكر
شكراً محي الدين
إسماعيل حميم
| |
|
|
|
|
|
|
|
|
|
Re: العلاقة بين المريسة ... والكديسة (Re: Ismaeil H. Mohamed)
|
خدورى
اسف لاننى انشغلت مع بعض الافاقين عن اندايتكم, جماعة العدل والمساواة( شوف ليك قوة عين فى التسمية! حركة ايه؟) ثورجية فوكوياما وقبائلى السودان الجديد؟ errrrrr.
خدورى
ان السياسة فى السودان ليست كما المغص الكلوى كما قال نقد, ولكن كمريسة تامزين وتمباك ود ابراهيم, تجمع بين العفونة, والحموضة....والرخص.
مالك خايف من تحول الانداية لمنتدى سياسى غير رخيص؟ جهزت كما اخبرتك موضوعا عن الانتهاكات منذ عنبر جودة, مرورا بمذبحة الخدير وحتى مذبحة بورتسودان, لقيت ان المسالة لا تساوى مريسة تامزين, فى العفونة, والحموضة....والرخص, لان النائب الاول " المرتقب" للرئيس, ملا ايدو من شركائه, مزقت المادة.
معانا حق اننا نخاف من مستقبلنا مع الرئيس, والنائب الاول"السابق... و المرتقب" للرئيس, و....الرئيس.
لسة محتار انو بطل رقيص مالو؟
"خراب كوستى", احد الذين جنوا بعد احداث ابا" حتحتار لو قلت ليك انو المنطقة دى فيها كم مجنون بسبب قصف نميرى للمساكين, دة بعد هرب الامام طبعا". خراب كوستى هذا شتمنا فى احدى الاندايات, فى الدرداقة بربك, وفى ذروة نوبة من الجنون, اننا الجزيراب, نبيع الجداد عشان نشترى الويكة, قلنا وما المشكلة, ويكة ودقيق فتريتة, بيشبعو البيت, لكن جدادة واحدة, ما بتتقسم لاكتر من اتنين, ضحك بهستيريا وقال لينا: هسع المجنون منو؟ انا ولا انتو؟
اسماعيل ياخوى
انت قاصدنى بكلامك دة ولا شنو.؟ دة انا ذاتى, مدمن المريسة, وشغال عامل بناء طول اليوم , وبرجع بنفس الحالة الوصفتها دى!
| |
|
|
|
|
|
|
| |
خضر حسين خليل
rani
الواثق تاج السر عبدالله
sumah
almulaomar
راشد يحى مدلل
عماد شمت
elmahasy
ebrahim_ali
mohmmed said ahmed
Raja
ترهاقا
حسن النور محمد
saif massad ali
Ismaeil H. Mohamed
فيس بوك
تويتر
انستقرام
يوتيوب
بنتيريست