|
|
 البيرة أم جمل
|
يبدو أنك من جيل بصات أبورجيلة الصفراء والطراحة من المحطة الوسطى ام درمان للخرطوم بخمسة قروش والطرادة تلكم الورقة العجيبة التى تفعل الأعاجيب وبيت الأزهرى الشاهق المزركش ومحطة مكى والشهداء وام درمان الثانوية بنات حيث الدلال والغنج والمسرح القومى شباك الدنيا فى ام درمان والانجيلية ودلع الملازمين وزقاقات ودنوباوى وأبروف وأصالة فول أحمد سعد والسوق الجديد وعجلات جامسكا وخيرات واستوديو الوادى والبيرة ام جمل وقمرنا وسمك الموردة وقعدات النيل فى الجندول والدور التانى فى سينما ام درمان والعدنى ولحمة عثمان كايرو وحفلات العرس ونحن نرتدى الشارلستون فى خنفسة مايكل جاكسون ونسمع بوب مارلى وبونى ام يا لذاك الجمال والبساطة والأريحية ، حتى طعم الطعام كان مختلفا ، لماذا ذهب كل ذلك؟؟؟؟؟
|
|
 
|
|
|
|
|
|
|
 Re: البيرة أم جمل (Re: عبد المنعم سليمان)
|
هل لك أن تتخيل يا منعم أن تجلس فى حديقة غناء وفى طاولة فاخرة مغطاة بفرش فاخر وأنت على كرسى مريح ، تخلف رجلك وتصفق يديك فيأتيك النادل ليسأل عن طلباتك ، فتأمره أن يحضر لك بيرة باردة (أم جمل) ، فيأتيك بها وتشربها هكذا علنا وسط هذه الجنة الغناء ، فتنتشى بالخضرة المفعمة برائحة الدعاش ، وتضع طرادة على الطاولة وتخرج بطوع إرادتك من هذه الجنة وقد تغذى بدنك وروحك وكل إحساسك دون أن يوقفك العسكرى أو تجلد فى ميدان عام
رغم (حرمة) شرب الخمر ، إلا أن ذلك كان ديدن السودانيين فى الماضى ، وهم يتنفسون حريات لا حد لها ولم يكن واعزهم غير الضمير والإيمان الثاقب فى قلوبهم ، كما لم يكن هنالك وكلاء للدين كحالنا اليوم
تحياتى
| |
|
|
|
|
|
|
|
|
|
Re: البيرة أم جمل (Re: يازولyazoalيازول)
|
| Quote: رغم (حرمة) شرب الخمر ، إلا أن ذلك كان ديدن السودانيين فى الماضى ، وهم يتنفسون حريات لا حد لها ولم يكن واعزهم غير الضمير والإيمان الثاقب فى قلوبهم ، كما لم يكن هنالك وكلاء للدين كحالنا اليوم |
نحيي اسلام عصــر النهضة
يا هشام والله الحجة عندك
متمني امشي الحج لكن خايف اجي اقول للبنات غطي راسك يا بنات
شكرا للتنوير واحجز لي معااك الحجة الجاية
____
والله يا جماعة هشام ده فعلا حجة
| |
|
|
|
|
|
|
|
|
|
Re: البيرة أم جمل (Re: عبد المنعم سليمان)
|
بس ياعمي هشام لمن كانت الطرادة بتعمل عمايل الله لا عادها.. كان صحن الفول بقرش أو قرشين وهسع صحن الفول بقى 1200 جنيه بس الغريب في المعادلة إنو عمل الطرادة الزمان أصبح مجانا وعلى قفا من يشيل ومعاه كمان فيروس مجاني.. يا سبحان الله..
الطرادة كانت عزيزة ومن الجيب لعمل العيب.. وهسع العيب أصبح مجاني.. دنيايا زول
| |
|
|
|
|
|
|
|
|
|
Re: البيرة أم جمل (Re: Kamal Karrar)
|
والله فعلا دنيا يا كمال كرار ، نسأل الله أن يغفر لنا خطايانا وأن يتقبل توبتنا وأن يهدينا وإياكم وجميع المسلمين
آمين
يا جماعة أنا هنا لا أتحدث من منظور دينى أو عن الحلال والحرام بقدر ما أتحدث عن حضارات سادت ثم بادت
تحياتى
| |
|
|
|
|
|
|
|
|
|
Re: البيرة أم جمل (Re: يازولyazoalيازول)
|
هاك القصة دي
واحد أخونا كان من مناصري البيرة أبو جمل والشراب سكوب.. أول ماجاء السعودية كان هامي من قصة الشراب.. أها قمنا أشترينا ليه (بيرة موسى) وقلنا ليه دي بيرة مهربة وصاحبنا من النشاف صدق.. وبعدين أكتشف المسألة.. وقال والله: (الشيء دي بيرة عديييل علا (إلا) ممسوخة ساكت!!!!
هسع صاحبنا ومن بدري ربنا تاب عليه وحج وأعتمر وأبو بنات ربنا يعرسهم ليه
| |
|
|
|
|
|
|
|
|
|
Re: البيرة أم جمل (Re: Kamal Karrar)
|
انا بختلف معاك في التسمية دي يا زوووووووووول انت تعرف ان البيرة كانت اسمها بيرة ابو جمل خوفا من كلمة الجمل دي .. وبعدين هات الاسماء بمسمياتها ولا خوف.. يعتي بيرة ابو جمل اعتقد تم تسميتها بابو جمل رغم انوثة البيرة ولكن عند دلقها في الجوف يشعرك بالرجولة... وخليك بعيد من الكلمة دي (ام جمل قال)... وانا متأكد ان انسان الزمن الجميل عملوا على تحريف الام جمل بالاب حمل تفاديا للاشكالات وخاصة ان البارات والفنادق والبنسيونات كانت تعمل فيها بنات. احتراااااام شديد ولكل اسم مسمى.
| Quote: عمل الطرادة الزمان أصبح مجانا وعلى قفا من يشيل ومعاه كمان فيروس مجاني |
فقري انتا يا كمال كرار يا ابو صليب...
| |
|
|
|
|
|
|
|
|
|
Re: البيرة أم جمل (Re: محمد زمراوي عبدالعزيز)
|
وين يا زمر...
يا أخي أبو صليب شنو وحديقة القرشي شنو.. الله يديك العافية.. الشيء بالشيء يذكر.. أخونا هشام فارع البوست ذكر الطرادة ونحن وقال كانت بتعمل عمايل.. ونحن ختينا النقاط على الحروف..
لكن والله كان ذلك زمانا جاهليا.. وعملة نميري في البروس من أبوصليب.. وشارع الاستبالية تحسب إيجابية ليهو رغما عن أنو عهده كلو ما فيه إجابية واحدة لكن نحسب ليهو دي.. بس البيرة كانت أكثر ما تباع كما قيل لنا في محلات أبو طرادة..
(ربي أغفر لي ولوالدي يوم يقوم الحساب)
| |
|
|
|
|
|
|
|
|
|
Re: البيرة أم جمل (Re: يازولyazoalيازول)
|
يازول يازول انا لما قريت البيرة ام جمل قلت هشام ده الايام دي يزوغ من عيزومة القطعا معاهو من واحد قلع ليهو في المحطة الوسطس الي عريانة الايه كدا ما عارف ..... لكن لقيت موضوعك يعود بي الى السودان الذي كانت الحياة فيه سهلة وبسيطة ومطمئنة وكانت الدنيا ماشة تمام تعليم وصحة ومعيشة لا هوس ولا مهووسين للحياة دروبها وللأخرة دروبها مافي زول بيتعدى على حق زول العطالة قليلة حتى هؤلاء المتشدقون اليوم كانوا في اجحارهم يعيشون عقداتهم ومسخهم المشوه , كان حديقة البلدية في الخرطوم متنفس وروح وكانت الجنينة حقت الحيوانات وسان جيمس والسكرية والدنيا حلوة وخضراء وجميلة البصات بنظام والعلاج بنظام والسفر بنظام حتى السكة حديد دي كانت جمييييييييييلة والحجز فيه متعة يا حليل ايام زمان اليوم جاءنا اولاد الشر والشيطان وعاسوووا في الارض الفساد استثمروا حتى ميادين الكورة الليق بتاع مولد الرسول (ص) الي بيتشدقوا بي اتباعه ومحبته اليوم طمعوا فيهوا فبدل ما نحتفل بالمولد يحتفلوا هم بالمليار الملياري يا سبحان الله ... قال لي اخونا مجدالدين زمان كانوا مفتشيين في السكة حديد القطر في رحلته للغرب او الشرق او الشمال يحتوي ضمن طاقمه على وحدة علاجية متكاملة فيها قابلة (داية) ومستعد طبي وسلفة وبنسلين وضمادات جروح وتخيل برضو معاهم ادوية بيطرية وامصال للسعر والعقارب والحيات تخيل معاااااااااااااااااي انو كان من ضمن ركاب القطار تيوس (ايوة تيوس جمع تيس) ضحكت قايلوا بيمزح قال لي اغلب الناس في تلك النواحي والقرى عندها اغنام لكن ليست جميعها تملك تيوس فيسلفونهم التيس في رحلة الشتاء ويستردونه في رحلة الصيف(الذهاب والعودة) وياسبحان الله
| |
|
|
|
|
|
|
|
|
|
Re: البيرة أم جمل (Re: يازولyazoalيازول)
|
بالله السودان ده كان جميل كده
و الزول كان ممكن يمشي الريفيرا يشرب بيرة ساااااقطة و يركب تكسي يحضر فيلم لوج و يرجع بيتهم بدون ولا نقطة تفتيش?
وديتوا ده وين?
وين البلد دي وروني محلها
عاوز أمشيها هسي دي
| |
|
|
|
|
|
|
|
|
|
Re: البيرة أم جمل (Re: fadlabi)
|
الأستاذ الفاضلابى
البلد ده فعلا ضيعوه أولادو
وفعلا كان زمان ،، وكان وكان ، وفضلنا نقعد نتحسر على كل شىء
تحياتى يا أديب يا جميل (إنت والله يا فاضلابى من شدة جمالك مفروض يفصلو ليك بلد براك) (من التفصيل)
| |
|
|
|
|
|
|
|
|
|
Re: البيرة أم جمل (Re: يازولyazoalيازول)
|
تاريخ الميلاد: June 17, 19--
هشام الفوق ده تاريخ الميلاد من بروفايلك وغير واضح
والحاجات الفوق دي كلها ما غريبة علي بس أكد لينا ظننا
بخصوص تاربخ الميلاد ورقم الدفعة والعنبر والحاجات دي .
راجيك يا مهجج
صلاح واسبه
| |
|
|
|
|
|
|
|
|
|
Re: البيرة أم جمل (Re: Salah Waspa)
|
صلاح واسبة
يعنى على كده إنت عايزنى أفتو كلو
ياخ لو عايزنى أفتو صح دى عايزة ليها كرتونة بيرة غير الشواءات
تسقينى بيرة؟؟؟؟ (بصوت حبشى حنون)
تحياتى
| |
|
|
|
|
|
|
|
|
|
Re: البيرة أم جمل (Re: nazar hussien)
|
| Quote: يبدو أنك من جيل بصات أبورجيلة الصفراء والطراحة من المحطة الوسطى ام درمان للخرطوم بخمسة قروش والطرادة تلكم الورقة العجيبة التى تفعل الأعاجيب وبيت الأزهرى الشاهق المزركش ومحطة مكى والشهداء وام درمان الثانوية بنات حيث الدلال والغنج والمسرح القومى شباك الدنيا فى ام درمان والانجيلية ودلع الملازمين وزقاقات ودنوباوى وأبروف وأصالة فول أحمد سعد والسوق الجديد وعجلات جامسكا وخيرات واستوديو الوادى والبيرة ام جمل وقمرنا وسمك الموردة وقعدات النيل فى الجندول والدور التانى فى سينما ام درمان والعدنى ولحمة عثمان كايرو وحفلات العرس ونحن نرتدى الشارلستون فى خنفسة مايكل جاكسون ونسمع بوب مارلى وبونى ام يا لذاك الجمال والبساطة والأريحية ، حتى طعم الطعام كان مختلفا ، لماذا ذهب كل ذلك؟؟؟؟؟ |
يا ود الاسناذ الكلام دا بتذكروا رهاب رهاب حاكم انحنا كنا شفع بنبرطع بين ازقة ودنوباوي دي ظاتها وبذكر حفلات اهلكم الشنادقة وكورة الشمش الحارة ودافوري العصر ومتاطشي ميدان الاهلية وميدان البحيرة في الملازمين وكورة دار الرياضة والحرووووب الكروية بين ابروف وبيت المال وحولية العارف بالله الشيخ قريب الله وحفلات بيت المال حيث الجمال الطبيعي وشارع سوق الشجرة والمولد في ميدان الخليفة وسوق الزلعة. ايام لاتنسي
| |
|
|
|
|
|
|
|
|
 Re: البيرة أم جمل (Re: wesamm)
|
شررررررررررري ابو كديس
وبيرة ابو جمل
وويسكي ام اضنين
وفندق اكسلسيور الدور التاسع
ومزرعة قرنفلي
ولا تنسوا غردون ميوزيك هول (GMH)
وسانت جيمس بعد ان تغير اسمه من Play boy
واتنيه
ومطعم على الطائر المغارة
وسينما كلزيوم الدور التاني
| |
|
|
|
|
|
|
|
|
|
Re: البيرة أم جمل (Re: الرفاعي عبدالعاطي حجر)
|
دفقت البيرة في الشوارع
يا حليل زمن الكوارع
بي جنيهنا وبي ريالنا
الشريعة قست علينا
قفلت باراتها فينا
وكلو منك يا نميري يا نميري ( مع الاعتذار للاغنية)
الجهود تتوظف للشراب الانضف
ابقي هدف امتنا كاس لكل موظف ( برضو مع الاعتذار للاغنية)
والله قومتها علينا الكاروشة
| |
|
|
|
|
|
|
|
|
|
Re: البيرة أم جمل (Re: بكري الصايغ)
|
كانت لنا أيام 00
لكن 00
أبو جمل أو أم جمل 00
ما هو الفرق ؟
وبعدين هو ياتو جمل يا زول 00؟!!!
أما عليك حكايات يازول 00
مع مودتي 000
| |
|
|
|
|
|
|
|
|
|
Re: البيرة أم جمل (Re: عمر عبد الخالق سعيد)
|
Quote: لكن 00
أبو جمل أو أم جمل 00
ما هو الفرق ؟
وبعدين هو ياتو جمل يا زول 00؟!!!
أما عليك حكايات يازول 00 |
ابو جمل وزي ما واضح في الصورة كان الخوف من تسمية ام جمل كي يتير حفيظة الستات.
| |
|
|
|
|
|
|
| |
يازولyazoalيازول
عبد المنعم سليمان
Kamal Karrar
محمد زمراوي عبدالعزيز
الرفاعي عبدالعاطي حجر
الفاتح ميرغني
Sidig Rahama Elnour
fadlabi
حبيب نورة
Salah Waspa
Moawia Mohammed
nazar hussien
wesamm
khaleel
عثمان سيد أحمد
ادريس خليفة علم الهدي
Adrob wad Elkhatib
الجيلى أحمد
عمر عبد الخالق سعيد
Fadl Karrar
فيس بوك
تويتر
انستقرام
يوتيوب
بنتيريست