الى منتصر بالإنجليزى -توضيح هام

(عدل بواسطة هدى ميرغنى on 02-21-2025, 01:41 AM)

Quote: بت اللذين يا الشعيرية

Quote: سلام هدى شكراً جزيلاً ، مفروض أسلم الجواز الشايقى صدقي أول مرة بعد كلامك ده أعرف كده ، شكلها دي زي بقولوا المثقفين بنية الوعي التناسلي ، بت اللذين يا الشعيرية الليلة لقيت لي فرصة أستخدم كلمة بنية الوعي دي كان في مكانها ولا لا ما مهم 😂

Quote: جواز شنو تسلموا الحليف عزت الماهري طلعكم جنجا ... أبناء محمود ود رزيق الجُنيدي - غايتو راسك الكبير ده فيهو حلاة دين كدمول سلام هدى

Quote: سلام يا هدى وكمان جا مجمد حيدر المشرف شكرو على الفهم. وليدات البندر ديل أنا عذرتهم في فهمهم الغلط، شن عرفهم بالنيل؟ ديل بعرفوا شارع النيل لكن ما بعرفوا النيل. لكن كمان قلت بعد خربوا المعنى كل الخراب دا، حقوا نطالب بالانفصال على الأقل في الغنا. تاني لا يسمعوا غنانا لا نسمع غناهم.

Quote: اسمه داموس اختصارا لمنتصرداموس

Quote: تحايا للاخوان جميع واختنا هدى راس القايدة منتصر وحيدر وحافظ هبشتونا في حاجاتنا البنعرف ليها الشاعر لو ما كان زي ما بقولو ابن بيئتو ما اظن يقدر يوصل المعاني العايز يقولها حتى لو استعمل لغة ومفردات غير مفردات البيئة القام وعاش فيها لانه اللغة هي ماعون الشعر الأساسي ولما تكون ذخيرة الشاعر هي كلام ومفردات بيئة النشأة بحصل هنا تكامل وتتام الماعون الحاوي والمحتوى الفيهو زي ما عند القدال ومحمد بادي وقبلهم عند اسماعيل حسن وزي ما عند حميد بالمناسبة دي، في قصيدة بغنيها النعام آدم لشاعر يمكن حتى الشايقية ما بعرفوه كويس، اسمه خضر محمود الأغنية اسمها "مقسوم لي مقدر" يمين بالله وبكل بساطة ممكن اي مهتم بديالوج البيئة والشعر دا، يعمل فيها رسالة دكتوراة وانا ناوي بإذن الكريم بعد تنتهي داحس وغبراء بلدنا، اكتب فيها كتير ما عايز انضم واشرح كتير الاغنية دي شنو وعن شنو يا ريت تسمعو الأغنية دي اول شي وبعد داك نشوف الحاصل شنو ياخ رجعتونا لي نضمي سودانيزاونلاين السمح الزمان ومواضيعها الطاعمة وزينة شكرا يا هدى وبالنسبة لصعوبة شعر شيكسبير بالمناسبة شعر شيكسبير ما صعب من ناحية المعاني والمواضيع، الصعب فيه هو انه معظمه مكتوب باللغة الإنجليزية الوسيطة لانه في تلاتة مراحل طبعا في اللغة الإنجليزية لكن عموما معانيه واضحة ويمكن تكون مباشرة كمان تقولو شنو لو قريتو شعر إليوت او جون ميلتون او جون دن ديل طبعا الشعراء الميتافيزكس نضمت كتير مش كدا معليش اعفو لينا وارقدو عافية

Quote: منتصر يجيب رابط البوست بتاع داموس هو من كتبه يا هدي