|
|
|
 Re: بشاشا مكسح، تنفسو الصعدا، يا جلابتي! (Re: Bashasha)
|
والله اول يوم يتعمق فيه اسفي وندمي بأنني من جيناتي انتمي لامة العرب
يا أمة ضحكت من جهلها الأمم
واسمعوها مني
سيتم ترحيل اهل غزة من ارضهم
وسيكون العرب جزء من تنفيذ هذا المشروع
وأقل شئ باموالهم
ومن سوء حظنا ان بيننا من يسمون انفسهم بعلماء
يجهر بالقول ;
بانه خير له بان يرى غزاوي تحت الأرض ( أي ميتا)
من ان يراه يفرح بدعم ايران
وسؤال لوان اهل غزة وجدوا الدعم والنصر من العرب
هل تراهم بحثوا عن من يدعمهم؟
والحمدلله أنني سوداني ذو لسان عربي
والحمدلله أنني لم ابتق غير السودانية جنسية أو انتماء رغم استحقاقي لها اكثر من مرة في البلدالذي بقيت فيه نحو أربعين عاما
ولم ابدل هويتي
والله اكبر والعزة للإسلام اولاً
وللسودان ثانيا
| |
 
|
|
|
|
|
|
|
|
Re: بشاشا مكسح، تنفسو الصعدا، يا جلابتي! (Re: Ali Alkanzi)
|
Quote:
نعم بنهاية الاسبوع حافحط من السياسة بقدر الامكان، ولو حيينا، لما نعود للمنبر ده، حنركز علي موضوع تاريخنا، وباذنه متوقع ما ساطرح حيزلزل كيان وعينا الحالي.
|
مكسح وين يا زول اركز لحد ما تقنعنا بانو المستهبل الجهادي الوهابي طورشين هو ابو الثورة المهدية، بعد داك الزلزال مقدور عليهو
| |
|
|
|
|
|
|
|
|
Re: بشاشا مكسح، تنفسو الصعدا، يا جلابتي! (Re: Bashasha)
|
Quote: | Quote: بنهاية الاسبوع حافحط من السياسة بقدر الامكان، ولو حيينا، لما نعود للمنبر ده، حنركز علي موضوع تاريخنا، |
|
التاريخ هو السياسة فسها، لا ينفصلان (عصب المجتمع).
أما إذا كان لك علم تقدمه لنا في الحاسوب او اللغات أو البرمجة والحرف، فيمكنك التفحيط عن السياسة.
| |
|
|
|
|
|
|
|
|
|
Re: بشاشا مكسح، تنفسو الصعدا، يا جلابتي! (Re: Hafiz Bashir)
|
سلام يالكنزي:
ياخي عيب ياخي، كسوداني، تقول انتمي للعرب، وكل جينات البشرية اصلها سوداني!
نعم العربية لايمكن تنجب سوداني، والسودانية ام البشرية اصل الحضارة، هي الانجبت كل اجناس عالم اليوم.
بناءا عليه، جينات العرب الجواك دي، هولتك انتا، نعم مشت منك للعربي "ابن السوداء" وليس العكس!
ان اوان الفرار من اي علاقة لنا بالعرب، والعرب خلاص، شمسم في ساعة المغيب، وشمسنا علي وشك الشروق في 2060م باذنه امون رع، وحينها كما ندعي الان اننا عرب ذورا، شغل كراهية ذات، كنتيجة لقرون استعباد العرب لينا عبر القرون، لانو ده كان اسلوب اكل العيش لدي "جنجويد" الثقافة العربية، العرب سيدعو انهم سودانيين، لما نصحي او نقوم من "الكومة" الماثلة دي، جاكين من اصلهم لمغيب شمسهم الجاري الان!
اجدادنا بعبقرية اختارو الشمس كرمز يعبر عن حضارتم، اللي حركة التاريخ عندهم، كحراك كوني، كوبي، روحي، لولبي، مش دائري، ارتبط بي حركة النجوم، عكس تخرصات عنقالة عالم اليوم من امثال "الحمبرة" الملحد، النازي ماركس، الامن بالفكة ك"اله" لي قومو، والصراع حول الفكة كمحرك لي ديزل حركة التاريخ في ثقافتو هو ك"قوقاذي"، وهذه هي حقيقة عقلية محيط ثقافتو هو المحلية، القوقاذية المادية، التجثيمية، النصوية، الذكورية، العنصرية، البدوية!
وكنتيجة عالم اليوم بمثل قاع هرم البشرية، مقارنة باجدادنا البنو الهرم ده، وجلسو علي عرشو بطول وعرض عشرات الاف السنين، لاشريك لهم، لانو حينها ما كان هناك بشر غيرنا، الي ان غابت شمسهم كحراك كوبي كوني، دوري لامفر منه!!
| |
|
|
|
|
|
|
|
|
|
Re: بشاشا مكسح، تنفسو الصعدا، يا جلابتي! (Re: Bashasha)
|
| Quote: مكسح وين يا زول اركز لحد ما تقنعنا بانو المستهبل الجهادي الوهابي طورشين هو ابو الثورة المهدية، بعد داك الزلزال مقدور عليهو |
شلوم ياترهاقا،
مقدر كراهيتك للقائد الميداني لي ثورتنا، المسبقة، بغض النظر عن ماذا فعل، لاننا كجلابة دي نظرتنا ل"الغرابي"، ولهذا احنا كجلابة رفضنا رفض قاطع ترشيح الامام للقائد الميداني لي ثورتنا كخليفة ليهو رغم انف ما انجزو، كقائد ميداني لي اكبر ثورة علي نطاق الكون حينها، فقط لانو "غرابي"!
كونو التعايشي هو مشعل ثورتنا فهذه حقيقة، وهكذا ايمان بقرب ظهور المهدي كان متجذر قديم في اوساط اهلنا، كوشي غرب افريقيا، عكس الجلابة الما كانو عندهم وعي كهذا، لاننا وبحكم الموقع الجغرافي اكثر من استعبدو علي سطح هذا الكوكب!
نعم هكذا ايمان مطلق بقرب شروق نجمة الثريا، كمؤشر لظهو المهدي كان متجذر جوا اسرة التعايشي وقبل ميلادو، كما معظم اهلنا من غرب افريقيا العادو لارض اجدادم في انتظار ظهور نجمة الثريا هذه، طبقا لتبشير جدنا دافوديو اب ثورتنا في غرب افريقيا، وسر نجاح ثورتنا الاسطوري كان هنا.
عجيب جدا، كيف حتي الانجليز اعداءنا في الميدان، في بلدم طلعو مظاهرات اجلالا واعجاب، حد السعي للقدوم للسودان، والنزول في الميدان كمقاتلين دعما لثورتنا وضد ذات جيشم هم!!
سودانيين "افتراضا" الي اليوم محتفلين بي غزو جيش كتشنر، اللي اهل كتشنر كانو ضد، دعما لنا، للتعايشي!!
نحنو من اشعل نار الفتنة ديك، الجابت جيش الاحتلال، ونحنو من اشعل الفتنة الجارية الان، ولاجديد في السويناهو والبنسوي فيهو الان الان، كجلابة، بالوكالة، كادوات، سفرجية، بوابين، الاحتلال الثنائي، في ارضنا، في شعبنا!!
الوعي الجلابي هو الولع السودان عبر القرون، او مولعو الان الان، بالوكالة!!
| |
|
|
|
|
|
|
|
|
|
Re: بشاشا مكسح، تنفسو الصعدا، يا جلابتي! (Re: Bashasha)
|
ياقصي فاهم غلط!
لا معني لي حاسوب ولا اي مجال معرفة اخر، لي زول طاشي هوية، فاقد، مودر، رايح، في غيبوبة، في حالة كوما، لايدري من هو؟
اين هو؟
جا طاشي من وين؟
ماشي وين؟
وكنتيجة يا للعار، شوف من بعد الارناؤؤط، احفاد الهكسوس، نعم المصريين، السعوديين، او حتي قرية كالامارات مهيمنين علي مركز دائرة الوجود يوم من الايام كيف؟
شئ مقرف، مؤلم، حد البكا هكذا هيمنة مطلقة علي المليون ميل مربع من شفع شفعنا، بدو الاعراب، ولا الومم اطلاقا، لانو هذه مسؤوليتنا نحن!
السوداني لا يفقه خالص كيف السودان الواحد ده، بطول وعرض عشرات الاف السنين، مش بضع سنين كما بريطانيا او امريكا اليوم، كان هو مركز دائرة هذا الكون، من دون غزو، احتلال، استعمار، للاخرين في ديارم، لانو ما كان هناك اخرين، غيرنا، نحنو اول من خلق ربنا كبشر مشي علي قدمين، او ده كلام اجدادنا انفسم!!
سبب كل هذا هو وهم العروبة بالذات بينا احنا الجلابة، كارثة البشرية من حيث الوعي، النجم عن قرون استعبادنا، المقدم لنا ك"دين" و "اسلام" امضي الاسلحة علي الاطلاق لتركيع امثالنا "الاننجي" قوم اب الانبياء، اتقي البشر، او ده كلام اباء اوربا، خريجي خلاوينا!
| |
|
|
|
|
|
|
|
|
|
Re: بشاشا مكسح، تنفسو الصعدا، يا جلابتي! (Re: Bashasha)
|
| Quote: لكن للحول راجيك عشان اكشف عنصريتك وفساد افكارك |
قرقرقرقرقر!!
حافظ بشير، زعيم مستنفري مملكة احفاد الباشبوذغ، الفلولي، الانقلابي، او برضو "غانوني" مرحب!
عزيز بشاشا، تامل هذا:
حافظ ده، دفاعا عن النازي ماركس، طلع بشاشا "عنصري" فقط لانو بشاشا عري تاريخ مالك وعي، هذا المسكين، نعم حافظ، ولهذا، كحال/دور اي "هاوس نقا" راح فاتح نار في بشاشا، فقط لانو دافع عن روحو عن اهلو كافريقي!!
اليس هذا جنون؟
سوداني يكون ماركسي، كابلغ دليل انو لايفقه مثقال ذرة عن مرجعية ارثو الحضاري، الروحي، الصوفي، وكنتيجة الشيوعي حايم بي علم Set الاحمر في شوارع Ausar؟
نعم Set في ارثنا الحضاري، البرمز لي نموذج شخصيتو، اللون الاحمر لاحظو، الاباهو المهدي، كان بمثل "الشر" في ارثنا الحضاري، بينما اب الانبياء جدنا Ausar كاول انسان كامل في تاريخ البشرية، كان بمثل الخير!
هل الشيوعي يفقه ايا من هذا حايم باعلام "الشيطان" الحمراء في شوارع اب الانبياء؟
قطعا لا!
ماركس الالماني كان عنصري جدا، نازي، ابارثيدي من الطراز الاول، يكره امثال حافظ ده، من "ذنوجة" افريقيا حد الموت، كما كل رواد الماركسية حينها!!
شفتو الجلابة ديل الي الثانية بيحتفو بي جيش كتشنر كيف، واعادة احتلال السودان، علنا، ورغم انف الحصل الان، من فتنة اشعلتا، مخابرات ذات محمد علي باشا، اللي حافظ ده، من ابرذ مجندي مشعلي هذه الفتنة، بالوكالة، انابة عن مخابرات الترك، في هذا الفضاء، وهل ده صدفة؟
وقع ليكم كلامنا، عن كارثة، ايدز، الوعي الجلابي؟
| |
|
|
|
|
|
|
|
|
|
Re: بشاشا مكسح، تنفسو الصعدا، يا جلابتي! (Re: Bashasha)
|
نسالم الامور الكوشي قبل ما يمشي ويجي👇
جدل مع الذات .. يا جماعة سؤال: جدودنا الزمان ديل كانوا بيعملوا في شنو؟ بداية ب 500م!
من سنة 500 لحدي 1780 (زمن طبقات ود ضيف الله وبعدها وكل الوقت وحتى تاريخ اخر جد وحبوبة من زمنا دا) ما ورّثونا نور نهتدي بيهو، لا قاعدة نبني عليها، لا درب نسلكو.
ما خلّوا لينا أثر واضح، لا أسماء ولا ملامح، ولا حتى رسومات لهيئاتهم.
ما وصلنا منهم أي نظرية علمية معروفة، وما شاركوا مشاركة معلنة في الحضارة البشرية بشكل محسوس.
نحن واجبنا بقى تقيل شديد:
كورسات\ سمسترات التاريخ لا تسقط بالتقادم.. شايلنها معانا.. يعني لازم نشتغل شغلنا وشغلهم عشان نلحق الركب.
ولو ما عملنا كدا، حنكون قاعدين مكانك سر زيهم.
والأخطر من دا كلو:
إنهم ورّثونا العقلية ذاتها-
عقلية الاستكانة، التسليم الأعمى، الخوف من التغيير.. وفي الريف والمدينة وفي الأقاليم والمركز على حد سواء مع اختلافات مقدارية.
وعشان نبدأ، لازم نهزم العقلية دي قبل أي شي.. ظاهرة هسا في كل خطوة بنعملها وكلمة بنقولها!
توجد طبعاً أعذار/مبررات.. هذا هو جدل الذات ونظرة إلى المستقبل:
1. جدودنا ما كانوا قاعدين ساكت من 500م لحدي 1780 (مرحلة "طبقات ود ضيف الله:
كان في نشاطات حقيقية، لكن أغلبها ما كانت مكتوبة أو ما وصلنا بصيغة مؤسسات علمية زي ما حصل في أوروبا مثلًا. في الممالك النوبية (نوباتيا، مقرة، علوة) كان في حضارة عريقة جدًا، فنون وعمارة وديانات. بعد الإسلام، حصل تحول كبير، وأصبحت المعرفة مرتبطة بالفقه والدين (الخلاوي، حلقات العلم). جدودنا تركوا إرث شفاهي (حكاوي، أمثال، شعر، سِيَر) أكتر من إرث مكتوب. ودا سبب إنك ما تلقى "نظريات علمية" مدونة.
2. بدأوا يدخلون في نسق الحضارية العربية الاسلامية بعد ما انطفا نورها بغزو التتار
1258 م
وقبل ذلك حاربوها كل الوقت.. تناقض غريب!.
3. لماذا ما ورثنا "نظريات" زي غيرنا؟ الاستعمار + ضعف التدوين: كثير من الوثائق اندثرت، أو ما تم توثيقها أصلاً. الأولوية للحياة اليومية: الناس كانوا مشغولين بالزراعة، الصيد، الحروب الداخلية... أكتر من البحث العلمي المجرّد. النظرة الدينية: التفكير العقلي الحر تراجع لصالح التفسير الروحي/الديني.
4. العقلية الموروثة: المشكلة الحقيقية ما في عدم وجود كتب بس، بل في طريقة التفكير. الميل للتسليم للقدر. الخوف من الجديد. الاستكانة للوضع القائم. دي كلها سمات عقلية اتوارثناها. ودي فعلاً لازم نتجاوزها لو عايزين نلحق العالم.
5. واجب جيلنا زي ما قلت: نحن ما عندنا رفاهية إنو نقول الجدود ما عملوا.. بالعكس:
واجبنا نوثق، نكتب، نبتكر. نبحث في تاريخنا الحقيقي ونفكك الغباش. نكسر الدائرة العقلية البتحصرنا في خانة "مكانك سر".
ذلك هو جدلي مع ذاتي.. فما رأي البعض منكم؟. كمان برضو الرأي في النقاط الاخيرة 4 و5.. هل فيها
بريق حل .. وهل هناك إضافات أخرى؟.
رابط البوست (برضو) من فيسبوك أعني إضافة إلى هنا (منبر سودانيزأونلاين):
https://www.facebook.com/share/p/1BMu2YpwHu/
| |
|
|
|
|
|
|
|
|
|
Re: بشاشا مكسح، تنفسو الصعدا، يا جلابتي! (Re: Bashasha)
|
رسالة إلى السلفيين الجدد (الكوشيين الاجلاء وما اليهم من اهل الحضارات القديمة العظيمة).. حلقة "1-8"
السلفيون الجدد هم ببساطة الكوشيين. ناس كوش. القوم الذين يقولون بأن مرجعيتنا في كوش ووجب العودة إليها لأنها الأصل وأعظم نقطة مشرقة في تاريخنا وبل تاريخ البشرية قاطبة.
النقطة الأخيرة صحيحة. لكن الخطأ الجسيم أن تظن أن كوش هي المكان الذي عاشت فيه في زمانها والجين الذي في دمك. أي أن كوش ستعود. لن تعود. الحضارة أي حضارة عبارة عن فكرة (نظام إداري محكم وخطة إستراتيجية) ليست وجوه بشرية جامدة أو حجارة صامدة.
كوش لن تعود. لأن كوش ببساطة لم تمت!.
هي عائشة كل الوقت أمام أعيننا ولكن جلنا عنها غافلون. الفكرة رحلت إلى أماكن أخرى طقسها أنسب وأرضها أخصب بعد أن تصحر مركز الحضارة وإزدادت درجة الحرارة وما عاد المكان هو ذاته كرمة ونبتة كما كانتا بين الاعوام 5000 ق م و 1500 ق م.
فرحلت الحضارة (رحلت الفكرة في تجليات عديدة) إلى أرجاء أخرى جنوب وشمال مركزها الأول إلى الجيزة في الشمال حيث جفت مستنقعات الدلتا وأصبح المكان أرحب وظلت ترحل بشكل مستمر ناحية الجنوب الذي بدوره تجف مستنقعاته ويصبح المكان أرحب في البجراوية ثم سوبا ثم سنار.. ترحل في أقساط مستمرة إلى الجنوب من مركزها دوما.. ورحلت الفكرة في ذات الوقت وقبله وبعده إلى: العراق والأغريق/اليونان وإلى الروم والفرس وإلى الصين وإلى أكسوم وإلى أورشليم القدس وإلى مكة والأندلس ثم أخيراً إلى بريطانيا وأمريكا وسويسرا واليابان وهولندا “مثال”.
فأنت لن تعيد كوش لأن لونك أسمر مثل ألوان أهل الحضارة الأوائل.. هذا مجرد وهم كبير ومحاولة كسولة للتغطية على العجز والفشل الحضاري والهزيمة أمام الآخر.
لأن كوش ليست لون بشرة ولا مجرد شفرات جينية ولا إهرامات أو آمون أو الأله رأس الأسد بل فكرة ديناميكية متحركة ومتحررة. والفكرة رحلت.
عليك أن تستعيد الفكرة قبل أن تنظر إلى لونك. لان ألوان أخرى أخذت الفكرة وواصلت الحضارة.
إذن ماذا علينا أن نفعل لنحقق السلام والأمن والعيش الرغد والتكنولوجيا لنغزو ونستكشف الفضاء؟.
علينا بالفكرة. ببساطة الخطة الإستراتيجية العلمية. القول بأننا كوشيون أو لون واحد أو تاريخ واحد لن يمنعنا من ذبح بعضنا البعض كما هو حادث في كل أرجاء أفريقيا ليست ارض السودان فحسب (مذابح مستمرة في لايبيريا والكنغو ورواندا والصومال وانقولا وجنوب السودان بعد إنفصاله وإلخ) ولن يحقق لنا ذلك وحدة وطنية. لم يحدث. وفي غياب الفكرة يحدث التخلف أيضاً بفظاظة في أرجاء أخرى من حولنا في الشرق. العرب لم تمنعهم عروبتهم ولا دينهم الأعم الواحد من قتل بعضهم البعض والحروب المستمرة في غياب الفكرة.
بعد نستطيع أن نستخدم الآثار الحضارية في الثقافي والمتعة بها وفي السياحة وترقية المناشط الإقتصادية.. ليس إلا.. وذلك من الاهمية بمكان.
لا توجد حضارة منقرضة أعادت نسخ نفسها من جديد في زمكان جديد.. مستحيل.. هو مثله وخيال السفر في الماضي او المستقبل.. مستحيل.. أتعس الشعوب الآن وأفقرها هي الشعوب التي أحتضنت أولى الحضارات البشرية: السودان ومصر والعراق وسوريا واليمن والصومال "حضارة بونت" والمكسيك "الأنكا" واليونان "أرسطو" وإيطاليا "بقراط" أمثلة. لسببين ضياع الفكرة وتغير الأحوال المناخية. وهذا بالزبط ما حدث لحضارة السودان الكوشية: ضاعت الفكرة من جراء تصحر البيئة أي رحلت إلى عوالم أخرى أرحب.. وتلاقحت الفكرة مع طقسها الجديد في كل مكان ذهبت إليه.
وهي ترحل بشكل مستمر. ترحل ولا تموت. ترحل ولا تعود هي ذاتها إن عادت بل تعود وفق شروط الزمكان.
قوموا أيها السلفيون الجدد إلى أداء الواجب ودعوا الأماني اللذيذة المخدرة "الترامادول" فأنتم لستم أهل الفكرة. أهل الفكرة أولى العزم ماتوا منذ الأزل والفكرة رحلت.
قوموا أصنعوا فكرتكم الحضارية الجديدة التي تقوم على الخطة الإستراتيجية في الزمكان والعيش السلمي المشترك الذي يقوم على الوعي العلمي والعملي بالمصلحة المشتركة والإحترام المشترك ووفق حقوق وواجبات متساوية للمواطن "الفرد" ووفق الإعلان العالمي لحقوق الإنسان والإعلانات المعضدة له.
محمد جمال الدين.. سلفي سابق
| |
|
|
|
|
|
|
|
|
|
Re: بشاشا مكسح، تنفسو الصعدا، يا جلابتي! (Re: محمد جمال الدين)
|
محمد جمال مرحب بيك،
يا ريت لو كان في وكت لندير حوار ممكن يكون نافع جدا، لانو طرحنا او طرحك، خطان متوازيان لايلتقيان ابدا!
واحيانا حوار بين الذي او زيك، رغم انف غياب الارضية المشتركة، بكون مفيد جدا طول ماهناك ارضية مشتركة من جهة العلاقة بين الطرفين وهذا مستوفي بينا.
كمدخل لي مشروع الحوار، لما نعود كان حيينا، فاليك الاتي:
بي فهم اجدادنا، زي ما قنا، اللي اختارو بعبقرية الشمس كرمز يجسد/يلخص طرحهم/فهمم ، فكل حي في الدنيا دي، لو بشر، بقر، شجر بجي الدنيا دي في يوم محدد، يوم شروق شمسو، او برحل لما خلاص ساعة المغيب جات، عشان يستلمو الراية صغارو، اللي مفترض تعلمو بما يكفي من والديهم، ثم المجتمع النشاو فيهو، وشرط النجاح هنا هو التاقلم معا البيئة المحيطة، اللي بدورها كمان في حالة "صيرورة"!
باختصار احنا الان شمسنا غائبة منذ اكثر من 2,000 سنة، او قريب شمسنا حتشرق تاني، لانو مغيب الشمس مابكون للابد وانما لي ساعات محددة!!
كل ماهناك، نحنو الان بحكم مغيب شمسنا، عايشين في الظلام، نعم في حالة غيبوبة، نعم نايمين من حيث الوعي، بنشخر، ولهذا بنكتل بعض لاندري من نحنو، بحكم الكوما العايشين فيها!
بذات الطريقة المعسكر الاخر، "الاري" البشمل غير الافارقة، نعم الاوربيين، الاسيويين، والساميين، لما ظهرو في التاريخ، شمسهم كانت في المغيب، وشمسنا في منتصف السماء، او لما غربت شمسنا عندنا، شرقت عندهم، كما امريكا والسودان!!
النهار في امريكا ليل في السودان!
الان شمسهم ماشة باتجاه المغيب، وهذا يعني شمسنا جاي باتجاه الشروق!
نعم تغيب عندهم، لتشرق عندنا، وهكذا!
هو حراك كوني، كوكبي، لولبي، ما دائري!
اذن ارثنا الحضاري هو الهواء البنتفسو، معا فارق بسيط:
في اللاشعور!
في اللاوعي!
وهذا بمثل 90% من مكونات الفرد!
اما الوعي، البمثل 10% من مكونات شخصية الفرد، فللاسف وعينا محتل!
مستعمر!
مستعبد!
ليه؟
لاننا نايمين زي ماقنا، لانو الدنيا ليل عندنا، نعم شمسنا غابت!!
لما تشرق، سنستعيد وعينا او بي كده اللاشعور والشعور، الوعي واللاوعي بكونو في خط واحد مستقيم، او بي كده نرجع لي اصلنا، او نواصل مشوار صبح جديد في حياتنا، معا شروق شمسنا، كما هو حال اي مخلوق في الكون ده، البقوم "دغشن" صباح او برجع ينوم نهاية اليوم، معا غروب الشمس!!
وقع ليك؟
سلامي.
| |
|
|
|
|
|
|
| |
Bashasha
Ali Alkanzi
ترهاقا
قصي محمد عبدالله
صديق مهدى على
Hafiz Bashir
محمد جمال الدين
فيس بوك
تويتر
انستقرام
يوتيوب
بنتيريست