|
|
|
 Re: لمن قالو ( أتني ) كان وجهة للمثقفين .. تعالو� (Re: يحي قباني)
|
حبيبنا قباني تحياتي يا جميل
أجمل البوستات توثيق الحقيبة والأماكن زمان
نحن في تلك الايام في ضواحي الدنيا خلف التاريخ
كنا نسمع عن مصر لا نسمع عن السودان
اتذكر اغنية ما عارف كيف وصلت ضواحي الدنيا
وفي اتنيه يا البابور جاز
الحريق متنيه يا البابور جاز
كنت اسمعها في المناسبات ( غناء بنات )
نرددها ولا ندرك ما المقصود من ( اتنيه ، متينيه )
تحياتي الحبيب قباني ..
| |
 
|
|
|
|
|
|
|
|
مقتطفات من يحي قباني! (Re: يحي قباني)
|
البوست دا إضطراري.. أول مرة أكتب عن زميل منبر منذ طوال عضويتي هنا أو في أي مكان.
معناها في سبب.. السبب خارجي.
السبب كاتبني أناس في الخاص يظنون أن هجوم زميل المنبر المحترم: يحي قباني بسبب خلافات سياسية.. والساحة طبعاً مليانة أشكال وأنواع من العراكات السياسية الحقيقية والعدمية وخطابات الكراهية وما إليه.
لا أظن أن لي أو له معي خلافات سياسية.. لا يوجد خلافات من أي نوع ولا حتى أي نوع من أنواع المعرفة تقريباً "صفر".
وهو لم يتداخل معي أبداً إلا في بوستات الحقيبة ولا يناقش فقط يتهكم منذ أربع سنوات كدا بس بجملة واحدة ويكررها عدة مرات ويذهب وهكذا دواليك.. وهذا ما فعله أيضاً بإصرار في آخر بوست حول نتيجة بحث الحقيبة.
ودوماً أجد له العذر كوني أعتبره والكثير من أمثاله لديهم يقين مفرط أن فن الحقيبة ملك خاص وورثه حقة أهلهم (كدا بس) وهم حراسها والعارفين بها وبدروبها ويحفظون من القصص الفخيمة ما تنوء به الجبال وبالتالي فهم على يقين لا يداخله أدنى شك أنهم أصحاب العلم الحق بالبقرة المقدسة.. وكمان ام درمان والخرطوم وساحة إتني بتاعة اللا مثقفين وهلمجرا.
ملاحظة عابرة: في الحقيقة كلنا نعلم أن الخرطوم تأسست أول مرة عام 1826 القريب دي على يد الأتراك وقبلها كان عندها أهلها وكانت منطقة المقرن مرعى لغنم جدنا مردس وكانت إتني مكان زريبة غنم أهلنا قبل أن يأتي الأتراك وخدامهم ثم جاء الإنجليز وناسهم وهلمجرا.. يعني الخرطوم عندها تاريخ أقدم من الأتراك والإنجليز ولا نعني هنا توتي وبري بل مركز الخرطوم ذاته.. يعني دي كلها حكاوي جديدة لنج وتلات أرباعها وهمية.. حكاوي آخر زمن بس.
وأمدرمان تأسست عام 1885 وعندها أهلها قبل ذلك ومنذ آلاف السنين الذين يعرفونها جيداً قبل المهدي الإمام وعبد الله التعايشي والبشر الذين جاءوا معهم وبعدهم ولم يكن بها غناء ولا رقيص ولا سجاير ولا سعوط ولا مريسة إلا بالدس فكانت قرية كبيرة صحراوية ليست أفضل حالاً من كابول أيام عز طالبان.. والحقيبة تأسست عام 1921 بعد كرري ب 22 سنة وللشعب أشعاره منذ آلاف السنين.
ناخد مثال من عندي ونمشي للآخرين:
Quote: له في خلقه شؤون ..
الكتاب الاخضر ؟
يا زول خلي الحقيبة في حالها .. فانت غير مؤهل للحديث عنها .. |
ومرة دعوته لحوار حول الموضوع مع الآخرين من شلته لكنه لم يأتي
الأخوة الأعزاء
قباني ويس.. الليلة عندنا ندوة بخصوص الموضوع.. مع أنني أعرف أنكم لا تتحدثون عن الموضوع
إنما عن شخص صاحب الموضوع المتواضع.. لو تكرمتو تعالوا نبذو أخوكم شوية هناك .. سودانيز أونلان المسكينة دي كفاها
في الكلوبهاوس سعة أفضل للشتائم الدولية.. المهم نسعد بيكم.. وهذا هو العنوان:
اعلان عن ندوة حول اسرار وقواعد شعر حقيبة الفن (مراجعة الذات والتراث)
رابط الحلقة
https://www.clubhouse.com/join/%D9%85%D8%B1%D9%83%D8%B2-%D8%A7%D8%A8%D8%AD%D8%A7%D8%AB-%D8%A7%D9%84%D8%AF%D9%8A%D9%85%D9%82%D8%B1%D8%A7%D8%B...cYNlJVjsnlnJw-211237
وكمان عشان تبستفوا الزول الوهمي دا قدام خلق الله وتخلوه عبري لمن لا يعتبر.. اللهو أخوكم الضعيف طبعاً.. تواضعو و أقروا شوية عن الموضوع وهذه بعض روابطه:
وتلك مجرد أمثلة.
Quote: محمد جمال
تحياتي
القاصي و الداني عارف انه الموضوع هو (محمد جمال) .. لا حقيبة لا غيره
يا ناس شوفوني انا فكرت في شنو .. بغض النظر عن فهمك للموضوع ..
فعليك الله ارحمنا .. عندك مشكلة انك انت كرستوفر كولمبس الاشياء ..
بعد عباقره و ناس الحقيبة نفسهم المنهم عاش لغاية السبعينات و التمانينات و من جايلوهم
قالو و شرحو و فهموا الناس ..
تجي انت بي وحيك البنزل عليك فجأه و انت بتتمشى على ضفاف نهر الراين داير تقول (وجدتها و جدتها ) ..
في وهمة كبيرة .. انت عارفها و عامل رايح ..
تاني بقول ليك .. شوف ليك موضوع وهمي اخر .. سيبك من الحقيبة .. البقت بقدرة قادر شغلك الشغال و انت مكتشف كوامنها من الدرر ..
ارحمنا يرحمك الله .. |
https://sudaneseonline.com/board/510/msg/1653680122.html
| |
|
|
|
|
|
|
|
|
|
Re: مقتطفات من يحي قباني! (Re: محمد جمال الدين)
|
يا محمد جمال، ما لاقي البوست الذي تقول أتك أفترعته عن زميل المنبر!!
بعدين يا أخي، دراستك عن الحقيبة دي بتخلع ولا يستطيع أحد أن يرفضها بحجة قوية،
أنا ملاحظ أن بقيت تستمتع بوهن ردة فعل جماعة الرفض وردودهم المضحكة،
والموضوع عندك بقى مكاواة وضحك على ردودهم البسيطة من شاكلة؛
أمشي أمشي أنت غير مؤهل للحديث عن الحقيبة.
| |
|
|
|
|
|
|
|
|
|
Re: مقتطفات من يحي قباني! (Re: أبوبكر عباس)
|
أهلا أبو بكر وشكراً
Quote: يا محمد جمال، ما لاقي البوست الذي تقول أتك أفترعته عن زميل المنبر!!
بعدين يا أخي، دراستك عن الحقيبة دي بتخلع ولا يستطيع أحد أن يرفضها بحجة قوية،
أنا ملاحظ أن بقيت تستمتع بوهن ردة فعل جماعة الرفض وردودهم المضحكة،
والموضوع عندك بقى مكاواة وضحك على ردودهم البسيطة من شاكلة؛
أمشي أمشي أنت غير مؤهل للحديث عن الحقيبة. |
بس الموضوع إنتهى.. وبعتذر ليكم كلكم.. أظن عندنا كلنا الأهم وهم البلد.
تحية ليك وولدنا الجميل يحي قباني
| |
|
|
|
|
|
|
| |
يحي قباني
علي عبدالوهاب عثمان
محمد البشرى الخضر
محمد جمال الدين
أبوبكر عباس
فيس بوك
تويتر
انستقرام
يوتيوب
بنتيريست