أحيي هذا الابن الوطني الصريح الشجاع!

Quote: والله يا اخونا نحن نستاهل الشى الحصل لينا نحن كغرابة والله العظيم نستاهل الشى الحصل لينا في دارفور القتل والدمار والحاجات الحصلت دي والله نستاهلها لانو يا جماعة نحن في المقام الاول نحن عنصريين بطبعنا نحن عنصرين ومنستعدي الشمال ومنستعدي الشمالين عير الايفات ومنتعنصر  عليم فحين انو اي الشمالين والناس النحن نتعضر عليم ونتسوي عليم ديل بفضلم والتضحيات القدموها اسع ابناءنا جو في دارفور ياهو ابناء الحركات ديل ما جو بالسلاح ما جو بقوة السلاح كضابين الناس ديل جو بالتضحيات وبفضل التضحيات القدموها ابناء الشمال ديل ولا ابناء الوسط عرفتا كلهم ديل بفضلهم نحن جينا وقعدنا في وزارة المالية ودخلنا المجلس السيادي وعرباتنا دخلت الخرطوم والكلام دا قبلها وين قبلها قعدين في وادي الهور وقعدين مرتزقين في ليبيا  الناس دي لمن كان بتهتف يا عنصر يا مغرور كل البلد دارفور نحن متلبدين في وادي الهور ومرتزقين في ليبيا جينا قعدنا وانضمينا مع الانقلابين قعدنا في المعسكر  بتاع الانقلابين ودعمنا برهان وقعدنا وايدنا حميدتي ومشينا وقعنا اتفافية الاستسلام الفي جوبا دي وجينا وقعدنا جوة وبقينا نحن ذاتنا نكتل وين نكتل في الناس الزمان كان بهتفو بيقولو يا عنصري يا مغرور كل البلد دارفور الحقيقة مرة لكن انحن عنصريين وانحن انفصاليين وانحن البنستعدي في الشماليين بالنسبة لاخوانا الفي اوربا الايفاتية ديل انتو قاعدين هناك ومتنعمين وما حاسين يالشى البحصل ما حاسين بالفوضة الحاصلة في السودان دي وقاعدين تبثو في السموم وتبثو في خطايات العنصرية انفصلو ما تنفصل كان انفصلت انت لو انفصلت قايل انت عندك مقومات بتاعت دولة كدي انظر ليما نحن في دارفور نحن كانسان دارفور نحن عملين ؟ نحن نسوانا شغالات طوب وشغالات في الجنانين نحن نايمين بنلعب في الكتشينة عدونا ياهو معروف الجنجويد ياهم الكتلونا بسلاح الحكومة الجنجويد ياهم التشاديين و النيجيرين والمالين ياهم الماهرية النوابية ياهم المحامييد ياهم ال جنيد الجايتم  الحكومة وسلحتم ضدنا يكتلو الزرقة في دارفور دي مشينا وقعنا معاهم الاتفاقية وجينا قعدنا معاهم وداعمين موقفهم دا عدونا المفروض نكاتلو انحن كاتلنا الجيش من ٢٠٠٢ كويس لحدي ٢٠١٣ ظهرت قوات الدعم السريع دي خلاص نشاطنا في دارفور قل الحركات كلها اتلبدت جزء منها جري وادي هور وجزء منها جري وين ؟ جري ارتزق في ليبيا ما تشبكونا قضية دارفور قضية دارفور دي فرقتو بيها الشعب السوداني فرتكتو بيها ياخ واحد صعلوق سكران يقول ليك انحن بو جينا بنغتصب الشماليات دخلهم معاك شنو يا مسكين هم ديل الكان بهتفن بيقولو يا عنصري ومغرور كل البلد دارفور. لي يا اخوانا نحن نستعدي الناس لي انحن انحن كغراية ما متضامنين الشمالين متضامنين شوفناهم في العمل متضمانين الواحد يكون علي راس وزارة ولا يكون في رتبة كبيرة غي الجيش بجيب اهلو بضمضم اهلو انحن مجرد ما الواحد لقي منصب بكره اهلو يكره اهلو ! عشان كدى ماف داعي للكلام الفارغ دا ماف داعي الناس تضلل الناس. الناس تقول الحقايق نحن بفضل الشهداء الماتو ديل الشهيد محجوب والشهيد هزاع وعبدالسلام بيشة وهاشم مطر  والناس الماتو وقدمو دمائهم فداء للوطن ديل نحن بفضلهم اسع عندنا واحد قاعد في وزارة المالية ياهو الكوز الني جبريل دا ياهو المتسلقين والانتهازين جبريل ومناوي مناوي الفضحنا لا بعرف يتكلم لا بعرف ينضم ولا بعرف في السياسة ولا بعرف كل شى بس سايطة لينا سكات بس شايت شمال ويمين شايت ضفاري ما عارف شايت وين هو .ياهم ايناءنا ياهم ايناء دارفور ياهم ديل ياهم الفضايح ديل ياهم مشو قعدو في معسكر الانقلابين يهم يرهان الكان بكتل في الناس من ٩٠ لحدي ٩٨ ومن ٢٠٠٢ ٠ لحدي ٢٠٠٩ ياهو دا هو الكان فاعل اذا كان البشير مسؤل من قضية دارفور باعتبار اصدر التعليمات الفاعل منو ؟ الفاعل برهان وحميدتي هم النحن اسع الان اولادنا قاعدين معام قعدين يتبجحو قاعدين يكتبو في الشعب الطلع اسع الان الشعب الطلع ضد الانقلاب دا دا ياهو الناس ياهو انحن بنكتلو قوقو الشعب الانحن وصلنا وقعدنا في الخرطوم  دي. الناس ياخ الناس تنبز مسألة العنصرية والخطابات يتاعت الكراهية و والعنصرسة دي. ياخ اتقوا الله يا ناس في الناس لي متين يا ؟ بعدين ما تخت في مخليتكم انو الحركات دي في الخرطوم ولا في الشمال ابتقدر تعمل حاجة. دي ما دارفور اقسم بالله العظيم تتضبحو تتسلخو تتجدعو في الشوارع.اتقوا الله يا اخوانا في الناس. اتقوا الله في الناس يا اخوانا. والدمار الحصل في دارفور والكلام الحصل في دارفور دا ما الجيش براو.  حتي الحركات ذاتا عندها نصيب انحنا فينا فينا من ايناءنا ذاتو في الاغتصب بناتنا وفي الاخد بهائم اهلو فيم . و عندك اقرب مثال ياهو شمال الفاشر دا الحركات دي كانت بتاخد من الناس ضرائب ويتاخد ويتقلع بهائهم ويتغتضب بناتم تحديدا منطقة بعيشيم دونكي بعيشيم امسك من السياح لحدي مثبت والوقايع ودونكي الحوش والمناطق دي كلها اقسم بالله الحركات دي الجرائم الارتكبتها هناك الجيش ما ارتكيها ذاتو!عشان كدى ياخ الناس ياخ تتقي الله ماف داعي للخطابات العنصرية وماف داعي للتحريض بالنسبة لللايفاتية اتقو الله ياخ

Quote: سلام ورمضان كريم كررت الفيديو مرات كتيرة عشان نشوف الوطني دا قال شنو الما انقال! حقيقي احترت ! حاولت اكتب كلامو. ما اتغير اي شئ ما طلعت باي مواطنية منو غير جوطة ذي كتيرين بمارسوها نظام سوشيال ميديا لخبطني يا ريت حد يشرح.