|
Re: هاجمني فايروس كرونا اليوم ،فما هي نصائحكم (Re: علاء سيداحمد)
|
لا بأس عليكي يا اختنا انتي من زمن يقفلوكي في اوضة و يختوا ليك ما لذ وطاب قدام الباب؟ انتي بى جدك ؟ يا بت كرونا شنو ...دي بقت اعراض عادية ونزلة غعلا بتخوف لا بنقلل الاوكسجين... بندول وفيتامين سى . وتلاتة اربعة ايام بس وتشوفي شغلك هسي ليك كم مما سمعتي او شفتي زول عندو كرونا ودخلوهو الانعاش اصلن مافي سيبي الدلع وشوفي قرايتك.... بوظيتف قال
| |
|
|
|
|
|
|
Re: هاجمني فايروس كرونا اليوم ،فما هي نصائحكم (Re: علاء سيداحمد)
|
اللهم إنا نسألك بأسمائك الحسنى وبصفاتك العلا وبرحمتك التي وسعت كلّ شيء، أن تمنّ على اختنا الغاليه بسمات الشيخ بالشفاء العاجل، وألّا تدع لاسماء ألماً إلا سكنته، ولا مرضاً إلا شفيته، وألبسها ثوب الصحة والعافية عاجلاً غير آجلاً، واشفِها وعافِيها واعف عنها، واشملها بعطفك ومغفرتك، وتولها برحمتك يا أرحم الراحمين.
| |
|
|
|
|
|
|
Re: هاجمني فايروس كرونا اليوم ،فما هي نصائحكم (Re: بسمات الشيخ)
|
انا اخذت التطعيم ...الاول والثاني منذ مدة طويلة... ولكنه الاهمال في لبس الكمامات... Mask بعد ما شفنا كل الناس اتخلت عن لبسها .... واظن ان التطعيم لا يقي من الاصابة بهذا الداء...
الف سلامه وان شاء الله معافيه كرونا مرض خطير والله انا اصابتني الدلتا الهندية منوم 42 يوم مستشفي 16 يوم باخد كل 6 ساعات درب فيه حقنتين مضاد حيوي واحد فيروسي والتانيه بكتيري غير العناية المركزة كم طاشر يوم والاكسجين معاي 32 يوم مركبين لي انبوبات في مناخيري ولكن الحمد لله الان اتمتع بصحة جيدة جدا وزي ما قالو ليك الاخوان عليك بالتماسك وعدم الخوف وبتبقي كويسه باذن الله
| |
|
|
|
|
|
|
Re: هاجمني فايروس كرونا اليوم ،فما هي نصائحكم (Re: بسمات الشيخ)
|
اجر وعافية قبل ذي تلات اسابيع كانت معاي اليوم الاول وجع في الضهر وتقريبا الجسم كلو كان مكسر ياهو الباراسيت (painkiller paracetamol) والشراب الدافي الغرغرة بالملح العسل والجنزبيل والليمون ... تعملي حساب السكريات الكتيرة بقولو تشرب عصاير وعسل وفواكه الزول بكترها مع خلعة الكرونة بدخل الجسم في مشاكل تانية.
| |
|
|
|
|
|
|
Re: هاجمني فايروس كرونا اليوم ،فما هي نصائحكم (Re: بسمات الشيخ)
|
سلامتك ……زى ما قال ليك الدكتور الراحة والتاينول كل اربعة ساعات كان لى صداع او حمى …..نحن فى السودان المضاد الحيوى عندنا ضرورى انا جاتنى قبل شهور صديق لى طبيب فى مركز للكرونا فى السعودية قال لى اخدى مضاد والبندول للحمى انا جاتنى بى حمى و وجع اضانى الشمال …… و وصانى بان اكل كويس وطبعا السوائل وكان طوالى بيردد لى ما تخافى او تشجعى……اهم حاجة برضو وصفا لى استعمال مكنة البخار او الفواحة واضافة حوالى 4 ملاعق من محلول درب ملح زايد انبوبة صغيرة فيها دواء اسمو pulmicort لماء الفواحة………ده زى طارد الى اى شى فى الصدر و موسع للشعب المهم اتغذى كويس ونومى وما تقلقى ……. الحمد لله على كل شى واجر وعافية
| |
|
|
|
|
|
|
Re: هاجمني فايروس كرونا اليوم ،فما هي نصائحكم (Re: زهير ابو الزهراء)
|
الف سلامة و كفارة إن شاء الله الكرونا اصبحت حاجة عادية زي النزله خاصة للإنسان المطعم ما تشيلي هم, ركزي علي الغرغرة بي موية ملح أو ليمون بالأضافة للنصائح السابقة و أكيد ح تستفيدي من وقت العزلة في القراية و الترجمة و أتوقع بوستات مفيدة من قلمك الرائع افحصي تاني بعد 4 او 5 أيام و أكيد النتيجة ح تكون كويسة طمنينا عليك
| |
|
|
|
|
|
|
Re: هاجمني فايروس كرونا اليوم ،فما هي نصائحكم (Re: ترهاقا)
|
سلامتك سلامتك سلامتك عشرة مرات عليك بالاتى : خلى الدكتور يكتب ليك دواء يسمى NAPROXEN دا فعال جدا للالم والحمى والصداع انا استعملتو للكرونا ريحنى جدا يعنى زى ما بقولوا الكمدة بالرمدة الحاجة التانية اضعى قطرات من الليمون على فتحتى الانف .. طبعا حار زى النار لكن بس الالم ثوانى وبمشى دا بدخل للحلق عن طريق الانف وفعال جدا بس مؤلم اصبرى عليهو الحاجة التالتة اكلى الليمون الاخضر بقشرو طبعا مر شديد لكن فعال وغنى بى فتمين سى ولو لقيتى جرجير برضو ممتاز وقوى اعملى الحجات دى وتعالى كلمينى بالنتيجة وان شاء الله اجر وعافية وترقية بأذن الله
| |
|
|
|
|
|
|
Re: هاجمني فايروس كرونا اليوم ،فما هي نصائحكم (Re: بسمات الشيخ)
|
كفارة واجر يا بسمات
ما تشتغلي بيها نهاىي
بقت شي عادي جدا
انا ما كنت شاعر بأي اعراض اطلاقا جيت مسافر وفحصت في المطار قالو لي عندك كورونا
رجعت البيت وكنت عادي زي الحصان وزي الحمار برضو
اجمل ما في الموضوع اني ما اخدت اي علاجات
عشان كدا ما تشيلي هم
استعملي فيتامينات واكلي فواكه كتير
دا كل المطلوب
| |
|
|
|
|
|
|
Re: هاجمني فايروس كرونا اليوم ،فما هي نصائحكم (Re: أبوذر بابكر)
|
اللهمّ اشفي بسمات الشيخ شفاءً ليس بعده سقمًا أبدًا، اللهمّ خذ بيدها، اللهمّ احرسها بعينيك التّي لا تنام، واكفها بركنك الّذي لا يرام، واحفظها بعزّك الّذي لا يُضام، واكلأها في الّليل وفي النّهار، وارحمها بقدرتك، أنت ثقتها ورجاؤها، يا كاشف الهم، يا مُفرج الكرب، يا مُجيب دعوة المُضطرين.
| |
|
|
|
|
|
|
Re: هاجمني فايروس كرونا اليوم ،فما هي نصائحكم (Re: نعمات عماد)
|
1000 بعد الشر عليك ،،،، وزي ما قالو أسأل من مجرب ولا تسأل طبياً ننصح بالمشروبات الساخنة مع تناول الأدول بكل مسمياته أو البروفين لغير أصحاب السمنة الزائدة.لكن سمح القول في خشيم سيدوشيع عروبنا الغائب الحاضر/ بريمة آدم بلل الذي عاجلني بوصفة كاملة الدسم و متكالمة الاضلاع شحنها طرداً بالDHL على الدوحة من موطنه في Baltimore, State of Maryland. يلا فتشو عن بريمتنا دا سما واطة ،يجينا مقلع .
(عدل بواسطة دفع الله ود الأصيل on 03-28-2022, 12:48 PM)
| |
|
|
|
|
|
|
Re: هاجمني فايروس كرونا اليوم ،فما هي نصائحكم (Re: علي عبدالوهاب عثمان)
|
سلامات يا بسمات
أجر وعافية أن شاء الله
طبعا عدد من المتداخلين حكوا عن تجارب مختلفة في رحلة العلاج
أنا ما بختلف عنهم كثير ـ أصبت مرتين ـ وقبل الإصابة لم أتلقى اللقاح
المرة الأولى كانت خفيفة جدا وما شعرت لا بأعراض جانبية لا تذكر
المرة الثانية شوية تعبت لانو كنت مرهق قبل الإصابة
كلا الحالتين لم اتلقى سوى المسكنات والبلديات
بس الحاجة الكنت بحرص عليها وأعتقد ساهمت في الشفاء كنت بستنشق بخار
بعملوا في البيت ـ براد شاي عليه موية وملعقة جنزبيل بعد يغلى ـ أجيب ورقة مقوية وابرمها وأستنشق بيها البخار عدة مرات أكرر هذه العملية عدة مرات خلال اليوم
الحمد لله تعافيت ولم تحصل لي اي مضاعفات او فقدان حواس
ربنا يواليك بالعافية ـ كونك مطعمة جرعتين ـ المسالة حاتكون ليك ساهلة جدا
| |
|
|
|
|
|
|
Re: هاجمني فايروس كرونا اليوم ،فما هي نصائحكم (Re: Muhib)
|
بعد الشر عليك يا بيت الشيخ، وتحية للأحباب للذين تنادوا من كل صوب .. ود الأصيل وحبيبنا علي وأحمد يسين حمد الله شفناكم كلكم طيبين ..
هنا الوصفة .. 1. العسل في الصورة التالية .. معلقة شاي في الصباح والمساء .. وهذا العسل نيوزيلندي ومتوفر في محلات Whole Food في قسم العسل .. هناك أنواع عدة منه .. وعبوات مختلفة .. لكن أكثر وصفة فعالة هى التى في الصورة التالية .. وهى التى أستعملها فقط ..
2. فياتمين C .. وبالذات في العبوات التى تشبه العصير ويوجد في محلات CVS 3. فيتامين D3 .. ما يعادل 5000iu 4. عصير برتقال .. بكثرة
----------------------------- وأخيراً البلديات: القرض بخور في المنزل .. ووصفة خاصة هى مسحوق ورق النيم .. Neem Powder .. ودا شيئ يقطع أوردة الحلق من المرارة .. ومع أنه علاج بلدي معروف إلا أنني أضيفة لشيئ في نفس يعقوب .. وهو أن كثيرون مثلي لا يستسيغون العسل .. أنا أكره العسل .. لكن اليوم الذي أخد فيه جرعة قليلة من مسحول النيم مخلوط في ماء بارد .. فنجان واحد .. بعد داك ممكن أشرب علبة العسل كلها .
--------------------------- أيميلي هنا للجميع [email protected]
حبيبنا علي، والكوكلكس لو مر من هنا عايز منكم أيميل.
وتسلم بت الشيخ من كل شر يا رب .
بريمة
| |
|
|
|
|
|
|
Re: هاجمني فايروس كرونا اليوم ،فما هي نصائحكم (Re: محمد مجيدو)
|
كفارة و م تشوفى شر ان شاءالله و ربنا يشفيك شفاءا لا يغادر سقما ...القرنفل يغلى و نشم بخاره القرض فتمين سى ..موجود بكثرة ف الجوافة علاج جربناه و نفع برحمة الله و امره .. و نسال الله ان يلبسك ثوب العافية حسع قوته خفت بكتير ..زى ذكر الاخوة بقت نزلة عادية و الدعاء و الصدقة بالتاكيد
| |
|
|
|
|
|
|
Re: هاجمني فايروس كرونا اليوم ،فما هي نصائحكم (Re: Maawya Hussein)
|
بتنا بسمات الف سلامة وربنا يشفيك ... جاتني الكرونا مرتين ... الأولى في ديسمبر ٢٠٢٠ قبل التطعيم وكانت قوية شديد والتانية في مطلع يناير ٢٠٢٢ بعد التطعيم وكانت من الخفه بحيث لم اتعطل ولا يوم ... ملاحظة مهمة وهي عدم استعمال أي نوع من الأدوية كعادة متبعها منذ أمد بعيد ... العلاج في الحالتين هو الأكل والأكل والأكل مع زيت السمسم شراب بالفم وعدة نقاط بالأنف أو المناخير بي لغة عزيزنا ود الأصيل ومسوح الصدر من الجانبين وبخور القرض ... الاكسرسايس دا تعمليهو عدة مرات في اليوم ... الأكل هو الوجبات الثلاث وبينها تتسلي بالاتي:- البصل الأخضر بي صفقوا ان شاء الله واحدة بس . الفجل الأخضر بي صفقوا برضو واحدة بين الوجبات معاهم الجرجير بي سيقانو... الليمون يقطع ارباع بي قشرو ويؤكل ونفس نظام الليمون مع البرتقال والقريب والرمان ... وكلو بي قشرو ... أهم حاجة أي اكل يختوهو برا الباب لازم تسليميهم الماعون فاضي ... وان شاء الله شفاء وأجر عافية ...
| |
|
|
|
|
|
|
Re: هاجمني فايروس كرونا اليوم ،فما هي نصائحكم (Re: بسمات الشيخ)
|
الأخت الفاضلة بسمات ألف لا بأس عليك، وأجر وعافية إن شاء الله.
قابلت منذ فترة طبيبا صينيا متخصصة في العلاج التقليدي، وأخبرني أن أفضل علاج للكرونا هو تناول البصل النيء وأكبر كمية ممكنة من الليمون بدون سكر، وإذا لم يكن الطعم مستساغا فيمكن تحليته بالعسل.
| |
|
|
|
|
|
|
Re: هاجمني فايروس كرونا اليوم ،فما هي نصائحكم (Re: Osman Musa)
|
كفارة والف سلامة ليك يا بتنا ، الكرونا لو ما عندك مشاكل سكري وحاجات تانية باذن الله ما بتجيك عوجة بقت زي الفلو بس حتى لو بقيتي كويسة قحقحي عشان الخدمات الفندقية من الروم ميت بتاعينك ودوري فيهم من نوع نفسي في المديدي الت الحلبي وكده اما النصيحة عليك بنتفلكس وامازون برايم وابل تي ڤي ولو دايرة ترشيحات قولي عوك ايواااا والزنك وفيتامين سي والسوائل والمشاوي ونيويورك ستريب ستيك
| |
|
|
|
|
|
|
Re: هاجمني فايروس كرونا اليوم ،فما هي نصائحكم (Re: Ali Abdalla)
|
Quote: بعد الشر عليك يا بيت الشيخ، وتحية للأحباب للذين تنادوا من كل صوب .. ود الأصيل وحبيبنا علي وأحمد يسين حمد الله شفناكم كلكم طيبين .. |
+ سلام مربع ليك يا برومتي، علا عاد حت إتا كمانما تسويهو أفرش و تخين لامن صفقوا عُراض..ياخي كل مرة نعاين بالطوالة لجيتك و لا بتظر ولابتبان يا متاوق يا متاوق من الشباك يااحلى زول شفناك...ارحم قلوبنا معاك .. وشاركنا نحن هواك يا كامل الأوصاف يا الكلك جمال ..... وعفاف عايزين نقول بنخاف تهرب..و تاني ما تنشاف؟! + يعني علا تاني كرونة اللعينة دي رضي الله عها وأرضاها نحشرا تاني تداهملها واحدة من المسنوحات حتين نقدر نشوفك بكرة فى الموعد..تصور روعة المشهد أنام الليل أنا لا يمكن أساهر و النجوم تشهد فا شنو يا السِّغيرون تعال راجع!
| |
|
|
|
|
|
|
Re: هاجمني فايروس كرونا اليوم ،فما هي نصائحكم (Re: بسمات الشيخ)
|
بسمات بتي الف سلامة ليك أجر وعافية إن شاء الله انت اقوى من اي فايروس الشفاء العاجل إن شاء الله
Quote: هاجمني فايروس كوفيد ١٩ ( الكرونا) اليوم عندما شعرت بالام في الحلق وحمى ووجع راس شديد وذهبت لمركز فحص الكرونا وطلعت النتيجة ايجابية Positive ...وزميلاتي هربن مني وخصصوا لي غرفة كاملة لوحدي لا اخرج منها حتى افحص مرة اخرى بعد اسبوعين اذا عشت لذلك الوقت ...ووعدن بان تاتيني كل واحدة لما لذ وطاب من الوجبات وقهوة استاربكس وتضع كل ذلك امام الباب.... والسؤال : ما هي نصائحكم ، وخاصة الدكاترة ، كي اتغلب على هذه المصيبة،، وقد هاتفت الطبيب الذي نصحنى فقط بالراحة التامة وان احجز نفسي في غرفة منفصلة واشرب سوائل كثيرة واخد تايلنول لوجع الراس....واخبرني صراحة انه لا علاج لفايروس كرونا.. |
| |
|
|
|
|
|
|
Re: هاجمني فايروس كرونا اليوم ،فما هي نصائحكم (Re: Abureesh)
|
كفارة يا بسمة المنبر لاباس عليكى كفارة و اجر أن شاءالله الإخوة ماقصروا فى الوصف و الإرشادات .. و الاخوات ما قصرن بعد الحبس الانفرادى .. تخرجى أكثر قوة و نضارة و ايمان احنا ناس اعشاب ساكت .. المرض نعصروا عصر .. الحركة و المعنويات مهمة قولى لايصينا إلا ما كتب الله لنا اتوكلى على الله و اتحركى .. وصفاتنا بسيطة قطعة عرديب مع حلويات فتمين C أو النعناع فى الفم كل ساعة و اللبن الدافئ مع الصباح و تمسحى الفكس فى الحلق أما إذا شعرت بالحمى و الصداع تمسحى بزيت السمسم مع الشاى و قليل من الملح والقرض المسحون أن وجد .. لكن المعنويات اهم شئ
| |
|
|
|
|
|
|
Re: هاجمني فايروس كرونا اليوم ،فما هي نصائحكم (Re: أيمن نواى على)
|
تحياتي الابنة بسمات ودعواتنا بعاجل الشفاء أنا استغربت في هذا البوست من الاخوان في أمريكا أم الدنيا ومركز الاختراع والبحوث كل الوصايا أدوية بلدية ذكرتنا ضواحي الدينا قرض ، زيت سمسم ، غرغرة ملح ، بصل ... الخ معقول في أمريكا؟؟
تحياتي الابنة .. يا رب شفاء عاجل لا سقم بعده
| |
|
|
|
|
|
|
Re: هاجمني فايروس كرونا اليوم ،فما هي نصائحكم (Re: Omer Abdalla Omer)
|
شكرا جزيلا لكم جميعا .. وسوف أعود لكم جميعا فردا فردا ...فقد اثبتم انكم اهلي .. ..سوف أعود لاشكركم بعد زوال المرض واكتب عن هذه التجربة الصعبة اذا شفاني الله. .... الاستاذ عبد الرحمن كتبت لك العنوان في الخاص ... وفي البداية لم أستطع كتابة الاسم بطريقة صحيحة بسبب الهمزة المكسورة في ابراهيم لانه كلما اكتب الاسم اقرا: recipient unknown .. والله يديكم الصحة والعافية
| |
|
|
|
|
|
|
|