|
|
|
 Re: اين اجد كتاب الجيش السوداني والسياسة لعصا (Re: امتثال عبدالله)
|
وقوقلت الكتاب عند عمنا قوقل ،فوجدت ان الكاتب عصام الدين مرغني طه ،ابو غسان،
عنده ايضا كتاب بعنوان :" قصة حرب اهلية" وعرفت انه عميد بالمعاش ،،،وله مؤلفات اخرى
ولكن للاسف لا يمكن تحميل اي من الكتابين الكترونيا في جهاز التابلت...ولا يوجد في امازون
لشرائه...
| |
 
|
|
|
|
|
|
|
|
Re: اين اجد كتاب الجيش السوداني والسياسة لعصا (Re: خضر الطيب)
|
عزيزي الفاضل
خضر الطيب
مداخلتك مهمة للغاية لانك الان وريتنا ان مؤلف الكتاب عضو في هذا المنبر العام ، وهذه علومة مهمة جدا
يا ترى اين هو الان، وهل يقيم في السودان!!؟؟؟
ولانك وريتنا ان الكتاب موجود في القاهرة،،،،وطرات لي فكرة لمن ارجع السودان ارجع عن طريق القاهرة بالخطوط
المصرية واقطع التذكرة للقاهرة فقط ، واقضي في القاهرة يومين ثلاثة افتش عن الكتاب، وبعد داك اقطع تذكرة جديدة
للخرطوم او اسافر بالبص ، لكن المسنوحة بنت عطبرة حذرتني من هذه الفكرة وذكرتني ما حصل لنا في السفرية التي كانت
عن طريق الامارات ، وخاصة وهي خاضت معنا تلك التجربة الصعبة في هذا الزمن القمئ، زمن الكرونا...كما انني تذكرت بانه
لا يمكن ان نفوت الخطوط القطرية ونسافر بالمصرية ،وخاصة ان مطار القاهرة سمعتها تخوف وقالوا بيسرقوا الكحل من العين،،،
،،،،واقترحت لي ان اكلف بنت خالتي التي تقيم في الخرطوم واقطع ليها تذكرة للقاهرة وتشتري الكتاب وتتفسح في قاهرة المعز
وترجع ،،،لكنني ايضا استبعدت الفكرة بسبب انتشار الكرونا في القاهرة ، وقالوا القاهرة قربت تلحق امريكا في عدد الوفيات،،،
وبعد نقاش بين الزميلات لقينا صديقة عزيزة عندعا قريبتها تقيم في القاهرة وتدرس في الجامعة هناك ، وقالت لينا انها من كثرة
اقامتها هناك ومعرفتها بشوارع القاهرة بقت لهجتها لهجة مصرية وما قادرين يجاروها في الكلام...واكدت لينا انها هي الوحيدة الممكن
تلقى الكتاب من تحت الارض في القاهرة...
وانا قرات اللنك بتاعك هنا ووجدته لنك مهم جدا جدا ، وفي واحد من الاعضاء عنده تعليق مهم وهو انه اقترح لي سيد الحوش انه يحمل
الكتاب وينزله في المنبر العام ،،،،لكن الامر لم يتم ربما لاسباب تقنية لا نعرفها...كما انني فشلت في تحميل الكتاب في التابلت بتاعي مع اني
اكثر من ٥٠ كتاب نزلته في الجهاز ....الا هذين الكتابين ما قدرت عليهم ...
ولكن المعلومة المهمة اننا اتصلنا بها في القاهرة وقالت انها حتتفرغ للبحث عن الكتاب ووصيناها تمشي لدار النشر الذي طبع الكتاب ليسهلوا لها المهمة،،،
والله يديك الصحة والعافية ،،،،
| |
|
|
|
|
|
|
|
|
|
Re: اين اجد كتاب الجيش السوداني والسياسة لعصا (Re: امتثال عبدالله)
|
سلام يا امتثال
- هنا بوست بعنوان : انقلاب 30يونيو رسالة لعصام ميرغنى طه لزميلة البورد منى خوجلى
فى البوست المذكور خمسة ردود لعصام ميرغنى على منى خوجلى فيها معلومات كثيفة البوست من صفحتين .
إنقـلاب 30 يونيو..رسـالة لعصام ميرغـني طـه..إنقـلاب 30 يونيو..رسـالة لعصام ميرغـني طـه..
- وهنا أيضاً بوست بعنوان : العميد أ.ح. عبدالرحمن خوجلى يواصل تعليقه حول كتاب الجيش السوداني والسياسة لزميل البورد ALTOM
اضغط هنا
الكتاب المذكور اصدار دار النشر : دار آفرو ونجي بالقاهرة
ابحثى فى قوقل عن عنوانهم قبل السفر الى القاهرة للسؤال عن الكتاب هناك .
| |
|
|
|
|
|
|
|
|
|
Re: اين اجد كتاب الجيش السوداني والسياسة لعصا (Re: علاء سيداحمد)
|
| Quote: لقينا صديقة عزيزة عندعا قريبتها تقيم في القاهرة وتدرس في الجامعة هناك |
دار آفرو انجي معروفة بالنسبة للسودانيين المتواجدين في مصر
لو كان صاحبي حبيب نورا هناك كان جابو ليكم
عموماً انا كتبتا لي صديقتنا الكاتبة سوزان و حبيب نورا بخصوص عنوان دار النشر
| |
|
|
|
|
|
|
|
|
|
Re: اين اجد كتاب الجيش السوداني والسياسة لعصا (Re: Ahmed Tuhami)
|
يا سلام عليكم يا زملائي اعضاء المنبر العام وكل يوم بيتأكد لي ان الناس السمحين
في المتبر العام كثيرين :
علاء الدين سيد احمد:
والله ما قصرت تب،،،معلومات في غاية الاهمية
مع وافر التحيات والتقدير
والله يديك الصحة والعافية،،،
الراكز خضر الطيب:
شكرا ليك ما قصرت فلقد سهلت لينا كثيرا كيفية الحصول على هذا الكتاب المهم
فقد وصينا قريبة صديقتنا ان تشوف لينا كمان كتاب قصة حرب اهلية ،وكاب الضابط
السوداني عصمت زلفو عن تاريخ السودان الحديث،،،
احمد التهامي:
ذكرتنا باصحاب الايادي البيضاء زي ود البوش،،،واكدت لينا ان المجتمع السوداني ما زال بخير
وعافية على الرغم مما نسمعه من اقاويل ان المجتمع تغير كثيرا وكل واحد بيقول نفسي..نفسي
وكاننا في يوم القيامة،،،وبمبادرتك.الكريمة السخية اكدت لينا ان هذه الاقاويل فيها مبالغات...
فشكرا ليك والله ،،،،
لكن تاكد اذا فشلنا في الحصول على الكتاب في قاهرة المعز،فسوف اتصل بيك ترسل لينا هذا
الكتاب المهم،،،مع اني دائما بان اي كتاب في الدنيا موجود في القاهرة، وكنا بنسمع ان القاهرة
تؤلف وبيروت تطبع وتنشر والخرطوم تقرأ..
والله يديك الصحة والعافية
| |
|
|
|
|
|
|
| |
Abureesh
خضر الطيب
علاء سيداحمد
Ahmed Tuhami
فيس بوك
تويتر
انستقرام
يوتيوب
بنتيريست